ಬಾಲದ ಅನುಕೂಲ

• ಕಪ್ಪಿನಿಯ
  Email : [email protected]

ಇಲಿಗಳಿಗೇತಕ್ಕಿರುವುದು ಬಾಲ ?

ಬೆಕ್ಕನು ಕಂಡು ಬಿಲದೊಳಗೋಡುವ
ಇಲಿಗಳ ಹಿಡಿಯುವುದಕ್ಕನುಕೂಲ.

ಬೆಕ್ಕಿಗೆ ಏತಕ್ಕಿರುವುದು ಬಾಲ ?

ಬೆಕ್ಕನು ರೇಗಿಸಿ ಮಕ್ಕಳ ಹಾಲಿನ
ಬಾಟಲು ತೊಳೆಯುವುದಕ್ಕನುಕೂಲ.

ನಾಯಿಗೆ ಏತಕ್ಕಿರುವುದು ಬಾಲ ?

ನಾಯಿಯ ಹಿಗ್ಗಿಸಿ ಮಳೆಯಲಿ ಕಾರಿನ
ಗಾಜನ್ನೊರಸುವುದಕ್ಕನುಕೂಲ.

ಮೀನಿಗೆ ಏತಕ್ಕಿರುವುದು ಬಾಲ ?

ಬೇಸಿಗೆ ಧಗೆಯಲಿ ಬೆವರುತ್ತಿರಲು
ಗಾಳಿಯ ಬೀಸುವುದಕ್ಕನುಕೂಲ.

ನನಗೂ ನಿನಗೂ ಏತಕೆ ಬಾಲ ?

ನಮ್ಮಯ ಬಾಲಗಳಂದವ ನೋಡುತ

ಕಣ್ಗಳ ತಣಿಸುವುದಕ್ಕನುಕೂಲ.

*ಕಪಿನಯ್ಯ ಅಲ್ಲ

ಈ ಕವಿತೆಯ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ