ಕ್ಯಾಲಿಫೋರ್ನಿಯಾ- ಸಿಲಿಕಾನ್‌ ಕಣಿವೆಯ ವೇಗದ ಬದುಕಿನ ನಡುವೆಯೂ ಮೊದಲ ಪ್ರೇಮದ ನೆನಪುಗಳನ್ನು ಉಳಿಸಿಕೊಂಡಿರುವುದು ಲಕ್ಷ್ಮೀಕಾಂತ್‌ರ ಕಾವ್ಯದ ವಿಶೇಷ. ಉತ್ಸಾಹಿ ಕವಿಯ ಕಾವ್ಯದ ಮೂರು ಸೆಳಕುಗಳು ನಿಮ್ಮ ಓದಿಗೆ.

ಕ್ಯಾಲಿಫೋರ್ನಿಯ ಕಾಗೆ

• ವಿ. ಲಕ್ಷ್ಮೀಕಾಂತ್‌

ಕ್ಯಾಲಿಫೋರ್ನಿಯ ಕಾಗೆ

ಕೂಡ ಕಪ್ಪೇ ಸ್ವಾಮಿ, ಆದರೆ

ದೂರದಿಂದ ನೋಡುವವರಿಗೆ

ಮಾತ್ರ ಇದು ಭ್ರಮೆಯ ಭೂಮಿ

ಇಲ್ಲಿ ಗಗನಚುಂಬಿ ಕಟ್ಟಡಗಳಿಲ್ಲ
ಆದರೆ ಕಟ್ಟಡಗಳ ಬೆಲೆ ಮಾತ್ರ
ಗಗನದಲ್ಲೇ ಇದೆ. ಇಲ್ಲಿರುವ ಸುಮಾರು
ಜನ ಕಾಗದದ ಕೋಟ್ಯಾಧಿಪತಿಗಳೇ
(paper millionaires)

ಈ ರಾಜ್ಯ ಅಂದೊಮ್ಮೆ ಚಿನ್ನದ ಕಣಿವೆ
ಇಂದು ಕಂಪ್ಯೂಟರ್‌ ಸಿಲಿಕಾನ್‌ ಕಣಿವೆ
ತಂತ್ರಜ್ಞಾನಕ್ಕೆ, ತಾರೆಗಳಿಗೆ ತವರೂರು
ಸ್ಥಳೀಯರಿಗಿಂತ ಹೆಚ್ಚು ಹೊರಗಿನವರು.

ಭೂತಾಯಿಗಿಲ್ಲ ಸ್ವಲ್ಪವೂ ಅನುಕಂಪನ
ಏಕೆಂದರೆ ಇಲ್ಲಿ ಆಗಾಗ ಭೂಕಂಪನ
ಆದರೂ ಕ್ಯಾಲಿಫೋರ್ನಿಯಾದ ಹೆಸರು
ಕೇಳಿದರೇನೇ ಒಂದು ರೀತಿಯ ರೋಮಾಂಚನಮುಖಪುಟ / ಸಾಹಿತ್ಯ ಸೊಗಡು