• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಆರು ದಳದ ನಗೆಹೂವು : ಹಾಸ್ಯೋಲ್ಲಾಸವಾದ ‘ಚೈತ್ರೋಲ್ಲಾಸ’!

By Staff
|

Petel1 : Nagalakshmi Harihareshwaraಚೈತ್ರೋಲ್ಲಾಸ !
ಚಿತ್ರಭಾನು ಸ್ವಾಗತಕ್ಕೆ ಉತ್ತರ ಕ್ಯಾಲಿಫೋರ್ನಿಯಾ ಕನ್ನಡ ಕೂಟ ಮೇ 4 ರ ಸಂಜೆ ಹಮ್ಮಿಕೊಂಡಿದ್ದ ಕಾರ್ಯಕ್ರಮ ವಿಶೇಷವೇ‘ಚೈತ್ರೋಲ್ಲಾಸ’. 500 ಕ್ಕೂ ಹೆಚ್ಚು ಕನ್ನಡಿಗರು ಭಾಗವಹಿಸಿದ್ದ ಈ ಕಾರ್ಯಕ್ರಮದ ಹೈಲೈಟ್‌ ‘ಕವಯತ್ರಿಯರ ಹಾಸ್ಯ ಕವಿಗೋಷ್ಠಿ ’. ಶ್ರೀಮತಿಯರಾದ ನಾಗಲಕ್ಷ್ಮಿ ಹರಿಹರೇಶ್ವರ, ಮಂಗಳಾ ಕುಮಾರ್‌, ಜ್ಯೋತಿ ಮಹಾದೇವ, ಆಶಾ ಬಾಲಕೃಷ್ಣ ಭಟ್‌, ಸಂಧ್ಯಾ ರವೀಂದ್ರನಾಥ್‌ ಹಾಗೂ ಅಲಮೇಲು ಅಯ್ಯಂಗಾರ್‌ ಯುಗಾದಿ ಸಂಜೆಗೆ ಹಾಸ್ಯದ ಘಮಲೇರಿಸಿದರು. ಅಲಮೇಲು ಅವರ ಅಧ್ಯಕ್ಷತೆಯಲ್ಲಿ ನಡೆದ ಈ ಗೋಷ್ಠಿಯನ್ನು ನಾಗಲಕ್ಷ್ಮಿ ಅವರು ಕವಿತೆ ಓದುವುದರೊಂದಿಗೆ ಉದ್ಘಾಟಿಸಿದರು.

ಚೈತ್ರೋಲ್ಲಾಸ ಸಂಜೆಯ ಆರು ಹಾಸ್ಯ ಕವಿತೆಗಳನ್ನು ದಿನಕ್ಕೊಂದರಂತೆ ನಿಮ್ಮ ಓದಿಗೆ ನೀಡುತ್ತಿದ್ದೇವೆ. ಮೊದಲಿಗೆ ನಾಗಲಕ್ಷ್ಮಿ ಅವರ ‘ತಿರುಪತಿಯ ತಿಮ್ಮಪ್ಪ ಏಕೆ ನಕ್ಕ ?’ ನೀವೂ ನಕ್ಕುಬಿಡಿ!

ತಿರುಪತಿಯ ತಿಮ್ಮಪ್ಪ ಏಕೆ ನಕ್ಕ ?*ನಾಗಲಕ್ಷ್ಮಿ ಹರಿಹರೇಶ್ವರ, ಸ್ಟಾಕ್‌ಟನ್‌, ಕ್ಯಾಲಿಫೋರ್ನಿಯಾ

ನಮ್ಮ ಅಯ್ಯಂಗಾರರ ಮನೆಯಲ್ಲಿ ಅವತ್ತು
ಗಡಿಬಿಡಿಯೋ, ಗಡಿಬಿಡಿ!
ಹೊಸದಾಗಿ ಹಾಕಿಸುತ್ತಿದ್ದಾರೆ,
ಹುಷಾರ್‌, ಎಚ್ಚರಿಕೆ, ಇನ್‌ಸ್ಟಾಲ್‌ ಮಾಡುತ್ತಿದ್ದಾರೆ-
ಸೆಕ್ಯುರಿಟಿ ಅಲಾರಮ್‌!



ಕಳ್ಳ ಕನ್ನ ಹಾಕುವುದಿರಲಿ,
ಬೀಗ ಮುರಿಯುವುದಿರಲಿ,
ಕಿಟಕಿ ಗಾಜನು ಒಡೆದು
ಒಳಗೆ ನುಸುಳುವುದಿರಲಿ-


ರೀ,
ಬರೀ ಮುಟ್ಟಿದರೆ ಸಾಕು
ಸ್ವಲ್ಪ ಹೀಗೆ-

ಹೊಡೆದುಕೊಂಡೀತು ‘ಲಬೋ ಲಬೋ’ ;
ಅಲ್ಲ , ‘ಕುಯ್ಯೋ ಮರ್ರೋ’, ‘ಬನ್ರೋ ಬನ್ರೋ’ ;
ಅಲ್ಲ , ಕಿಟಾರನೆ ಕಿರಿಚಿಕೊಳ್ಳುವ ಆ ಕರ್ಕಶದ ಕೂಗು ;
ಬೆಚ್ಚಿ , ಚುಚ್ಚಿ , ಚಚ್ಚಿ. ಕೊಚ್ಚಿ ,
ಕಿವಿ ಮುಚ್ಚಿಕೊಳ್ಳುವ ಹಾಗೆ
ಮಾಡುವ ತಾರಕ ಸ್ಥಾಯಿಯ ಸೈರನ್‌!




ಪರೀಕ್ಷಿಸಿದ್ದಾಯ್ತು ,
ಅದೇ, ಟೆಸ್ಟು ಮಾಡಿದ್ದೂ ಆಯ್ತು ;
ಕೊಂಚವೂ ರೆಸ್ಟಿಗೆ ಟೈಮು ವೇಸ್ಟುಉ ಮಾಡದೆ,
ಏನು ಬೆಸ್ಟ್‌ಉ, ಆಹಾ ಎಂಥ ಲೇಟೆಸ್ಟ್‌ಉ?-
ಅಂತೆಲ್ಲ ತುಂಬ ಹೊಗಳಿ,
ಕೈಪಿಡಿ ಪುಟ ಪುಟ ತಿರುವಿ, ಅಲ್ಲಲ್ಲಿ
‘ಯಾರೋ ಬರೆದ ಅಧ್ವಾನದಿಂಗ್ಷೀಷು’-
ಅಂತ ಸ್ವಲ್ಪ ಬೈದಿದ್ದೂ ಆಯ್ತು !






ಈಗ ‘ಪಾಸ್‌ ವರ್ಡ್‌’ ಥರಾನೇ
ಯಾವುದಾದರೂ ಸಂಖ್ಯೆ, ಅದನ್ನ
ಇದರ ಮೆದುಳಿಗೆ ತುರುಕಿ,
ಅದ ನೆನಪಿಟ್ಟುಕೊಳ್ಳಲು ಅಲಾರಮ್‌ಗೆ ಹೇಳಿ,
ರಾತ್ರೆ ಮಲಗುವ ಮುನ್ನ
ಆ ಸಂಖ್ಯೆಯನ್ನೊಮ್ಮೆ ಒತ್ತಬೇಕಂತೆ-
‘ಅ್ಯಕ್ಟಿವೇಟ್‌ ಮಾಡಬೇಕಂತೆ!’





‘ಸರಿ, ಮೂರು ಅಂಕೆಯ ಒಂದು ನಂಬರು ತಾನೆ?
ಅದೇನು ಮಹಾ!’- ಎಂದಿರಾ, ಸುಮ್ಮನಿರಿ!
ಆಗ ಆದ ಗಲಾಟೆ, ಈಗ ಹೇಳುವೆ ಕೇಳಿ!

‘ಪಾಸ್‌ ವರ್ಡ್‌ನ ನಂಬರ್‌ ಯಾವುದಾದರೊಂದು ಹೇಳಿ’
- ಎಂದು ಕೇಳಿದಳು ಮುದ್ದಣನ ಮನದನ್ನೆ .
‘ಜುಲೈ ಇಪ್ಪತ್ತು’- ಎಂದನಾ ಗಂಡ ಧಡಧಡನೆ, ಒಡನೆ.

‘ಅದೇಕೆ ಏಳೂ ಇಪ್ಪತ್ತು ?’- ಬಂತವಳ ಪ್ರಶ್ನೆಯ ಬಾಣ ;
‘ನಮ್ಮ ಮದುವೆಯಾದದವತ್ತೆ !’ - ಉತ್ತರಿಸಿದಾ ಜಾಣ.
‘ತಲೆ ಕೆಟ್ಟು ಹೋಗಿರಬೇಕು, ನಿಮಗದೂ ಸರಿ ನೆನಪಿಲ್ಲ !’

‘ಇರಲಿ ಬಿಡು, ನಿನ್ನ ಹುಟ್ಟಿದ ಹಬ್ಬ ಮಾರ್ಚ್‌ ಹತ್ತು ?’
‘ನನ್ನ ಹಣೇ ಭಾರ! ನಿಮಗದೂ ಜ್ಞಾಪಕವಿಲ್ಲ ;
‘ಫೆಬ್ರವರಿ ಮೂವತ್ತು’ ಅಂತ ಪೆದ್ದು ಪೆದ್ದಾಗಿಯೇ ನೀವು
ಹೇಳಲಿಲ್ಲವಲ್ಲ , ಅದೆ ನನ್ನ ಪುಣ್ಯ!’ ಮುನಿಸಿಕೊಂಡಳು,
ಮಡದಿ.



‘ಮಗಳು ಹುಟ್ಟಿದ ದಿನಾಂಕ? ಅದು ಸುಲಭ, ಅದು ಸುಲಭ’
- ಎಂದು ತಲೆ ಕೆರೆದರು;
‘ಅವತ್ತು ಭಾರಿ ಮಳೆ ಬಂದಿತ್ತು ಅಲ್ವೆ, ಅಲ್ವೆ’
‘ಬಿಡಿ, ಬಿಡಿ, ಮಾತ ಮರೆಸಲು ಬೇಡಿ; ನಿಮಗೆ ಅದೂ
ಜ್ಞಾಪಕವಿಲ್ಲ ! ’



‘ಹೋಗಲಿ ಬಿಡಿ, ನಿಮಗೆ ಸರಿಯಾಗಿ ನೆನಪಲ್ಲಿರುವ,
ಏನೂ ಯೋಚಿಸದೆ, ಥಟ್ಟನೆ ಹೊಳೆವ
ಒಂದು ದಿನಾಂಕವ ಹೇಳಿ;
ಅದೆ ಸಾಕು, ಅದೇ ಸಾಕು’- ಎನಲು ಆ ಮನೋರಮೆ,
‘ಕನ್ನಡ ರಾಜ್ಯೋತ್ಸವದ ದಿನಾಂಕ
‘ನವಂಬರ್‌ ಒಂದು’ ಆದರೆ ಹೇಗೆ?’
- ಎಂದನಾ ಪತಿರಾಯ.





ತಿರುಪತಿಯ ತಿಮ್ಮಪ್ಪ ನಕ್ಕುಬಿಟ್ಟ !!!

ವಾರ್ತಾ ಸಂಚಯ

ಮುಖಪುಟ / ಸಾಹಿತ್ಯ ಸೊಗಡು

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more