• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಮಕ್ಕಳಾದ ಮೇಲೆ ಗಂಡನ ಗೋಳು ಬರೀ ಓಳು

By * ವಿವೇಕ ಬೆಟ್ಕುಳಿ, ಉತ್ತರ ಕನ್ನಡ
|

ಮಗುವಾದ ನಂತರ ಸಂಸಾರವೆಂಬ ಮಹಾಭಾರತದ ಇನ್ನೊಂದು ಪರ್ವ ಪ್ರಾರಂಭವಾಗುತ್ತದೆ. ಹುಟ್ಟಿದ್ದು ಹೆಣ್ಣೋ ಗಂಡೋ ಎಂಬುದರಿಂದ ಬದುಕಿನ ಪ್ರಿಯಾರಿಟಿಗಳು ಬದಲಾಗುತ್ತ ಸಾಗುತ್ತವೆ. ಮೊದಲನೇಯದು ಹೆಣ್ಣಾದರೆ, ಕೀರ್ತಿಗೊಂದು ಗಂಡಿದ್ದರೆ ಚೆನ್ನ ಎಂಬ ಆಸೆ ಮೊಳಕೆಯೊಡುತ್ತದೆ. ಮೊದಲು ಹುಟ್ಟಿದ್ದು ಗಂಡಾದರೆ, ಮನೆಯಲ್ಲೊಂದು ಲಕ್ಷ್ಮಿಯಾದರೂ ಬೇಡವಾ ಎಂಬ ವರಾತ ಶುರುವಾಗಿರುತ್ತದೆ.

ಮಕ್ಕಳು ದೊಡ್ಡವರಾಗುತ್ತಿದ್ದಂತೆ ಮನೆ ಸಾಲಲ್ಲ ಅಂತ ಗಂಡನ ಸೊಂಟ ತಿವಿಯಲು ಪ್ರಾರಂಭಿಸುತ್ತಾಳೆ ಹೆಂಡತಿ. ಹೆಂಡತಿ ಬಂದ ಮೇಲೆ ಅವಳ ಮಾತನ್ನೇ ಕೇಳುತ್ತ, ನಮ್ಮನ್ನೇ ಮರೆಯುತ್ತಿದ್ದಾನೆ ಎಂದು ಅಳಲು ತೋಡಿಕೊಳ್ಳುವ ಹೆತ್ತವರು. ಚಿಂತೆಯ ಚಿತೆ ಏರಿ ಕುಳಿತವನ ತಲೆಯಲ್ಲಿ ಬಿಳಿ ಕೂದಲು ಕಾಣಿಸಿಕೊಳ್ಳಲು ಪ್ರಾರಂಭಿಸಿರುತ್ತದೆ. ಸ್ವರ್ಗದ ಬಾಗಿಲಲ್ಲೇ ನರಕವೂ ಇದೆ ಎಂಬುದು ತಿಳಿದಿರಲಿ.

ಮನೆ ಕೊಳ್ಳಲೊಂದು ಲೋನು, ಮಗಳು ಮದುವೆ ವಯಸ್ಸಿಗೆ ಬಂದಾಗ ಕೈಗೊಂದಿಷ್ಟಿರಲೆಂದು ಒಂದು ಇನ್ಶೂರನ್ಸು, ಮಗ ಕಾಲೇಜು ಮೆಟ್ಟಿಲೇರುತ್ತಿದ್ದಂತೆ ಬೈಕಿಗೆ ಡಿಮ್ಯಾಂಡು, ಮದುವೆಯ ಇಪ್ಪತ್ತೈದನೇ ವರ್ಷಕ್ಕೆ ಹೆಂಡತಿಯಿಂದ ದುಬಾರಿ ನೆಕ್ಲೇಸಿನ ಆಗ್ರಹ. ಪೇಪರಿನಲ್ಲಿನ ಸಣ್ಣ ಅಕ್ಷರಗಳನ್ನು ಓದಲು ಕಷ್ಟಪಡುವ ಹಂತ ತಲುಪಿದಾಗ, ತಲೆ ಬೊಕ್ಕಾಗಿರುತ್ತದೆ, ಹಲ್ಲು ಸಣ್ಣಗೆ ಅಲ್ಲಾಡಲು ಆರಂಭಿಸಿರುತ್ತದೆ.

ಇದು ಯಾರೊಬ್ಬರ ಕಥೆಯೂ ಅಲ್ಲ. ಹೆಂಡತಿ ಮನೆ ಮಕ್ಕಳಾದ ಮೇಲೆ ಪ್ರತಿ ಗಂಡ ಎದುರಿಸಬೇಕಾದ ಸಂಕಷ್ಟಗಳಿವು ಎಂಬ ವ್ಯಥೆಯೂ ಅಲ್ಲ. ಈ ಜೀವನದ ಪರೀಕ್ಷೆಯಲ್ಲಿ ಕೆಲವರು ಶೇ.65ರಷ್ಟು ಅಂಕ ಪಡೆದು ಪಾಸಾಗುತ್ತಾರೆ, ಕೆಲವರು 35 ಅಂಕ ಪಡೆಯುವಲ್ಲಿ ಏದುಸಿರು ಬಿಡುತ್ತಿರುತ್ತಾರೆ. ಕಾಪಿ ಹೊಡೆದರೂ ಪಾಸ್ ಮತ್ತು ಫೇಲ್ ಒಟ್ಟೊಟ್ಟಿಗೆ ಆಗುವ ಪರೀಕ್ಷೆ ಇದೊಂದೇ ಇರಬೇಕು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Past, present and future of married man. A system called marriage opens up pandora's box once a man ends his bachelorhood. It crosses through various phases. There is heaven and hell as well. An essay by Vivek Betkuli, Uttara Kannada.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more