• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅಕ್ಕತಂಗಿ ಮಾತು ಕೇಳಿ ಯುವಕ ಕಕ್ಕಾಬಿಕ್ಕಿ

|

ಗೋಟಿ ಗಡ್ಡ, ಕೆದರಿದ ಕೂದಲು, ವಿಚಿತ್ರ ಟೀಶರ್ಟು, ಸೊಂಟದಿಂದ ಕೆಳಗೆ ಇಳಿದ ಜೀನ್ಸ್ ತೊಟ್ಟಿದ್ದ ಕಡ್ಡಿ ಮೈಕಟ್ಟಿನ ಯುವಕನೊಬ್ಬ ಔಷಧಿ ಅಂಗಡಿಗೆ ಬರುತ್ತಾನೆ. ಅಲ್ಲಿ ಇಬ್ಬರು ಹದಿಹರೆಯದ ಯುವತಿಯರು ಗ್ರಾಹಕರಿಗಾಗಿ ಕಾಯುತ್ತಿರುತ್ತಾರೆ. ಆದರೆ, ಈತ ಮಾತ್ರ ಏನನ್ನೂ ಕೇಳದೆ ಅತ್ತಿಂದಿತ್ತ ಅನುಮಾನಾಸ್ಪದವಾಗಿ ನೋಡಲು ಆರಂಭಿಸುತ್ತಾನೆ.

ಸುಂದರ ಯುವತಿಯರಿಬ್ಬರು ಅಕ್ಕತಂಗಿಯರು. ಇಬ್ಬರೂ ಒಬ್ಬರಿಗೊಬ್ಬರು ಮುಖಮುಖ ನೋಡ್ಕೊಂಡು ಕಿಸಕ್ಕನೆ ನಕ್ಕು, ಏನು ಬೇಕೆಂದು ಯುವಕನನ್ನು ಕೇಳಿದರು. ವಿಪರೀತ ಮುಜುಗರದಿಂದ ಮುದುಡಿದಂತಾಗಿದ್ದ ಗೋಟಿ ಗಡ್ಡದ ಯುವಕ ಇನ್ನಷ್ಟು ಕೆಂಪೇರಿ, "ಇಲ್ಲಿ ಯಾರೂ ಗಂಡಸರಿಲ್ವಾ?" ಎಂದು ಕೇಳಿದ. ಅಷ್ಟು ಕೇಳುವ ಹೊತ್ತಿಗೆ ಬೆವರೊಡೆದಿದ್ದ.

"ಇಲ್ಲಿ ಗಂಡಸರಾರೂ ಇಲ್ಲ. ಈ ಫಾರ್ಮಸಿ ನಡೆಸುತ್ತಿರುವವರು ನಾವಿಬ್ಬರೇ ಅಕ್ಕತಂಗಿಯರು. ಏನು ಬೇಕೋ ನಿಸ್ಸಂಕೋಚವಾಗಿ ಕೇಳಿ, ಪರವಾಗಿಲ್ಲ, ಖಂಡಿತ ಹೆಲ್ಪ್ ಮಾಡ್ತೀವಿ" ಎಂದು ತಂಗಿ ಉತ್ತರಿಸಿದಳು.

ಕಡೆಗೂ ಧೈರ್ಯ ತಂದುಕೊಂಡ ಯುವಕ, "ಹೇಳೋದಕ್ಕೆ ಸಿಕ್ಕಾಪಟ್ಟೆ ಮುಜುಗರ. ನಾನು... ನಾನು ನಿಮಿರು ಸಾಫಲ್ಯತೆಯಿಂದ ಬಳಲ್ತಿದ್ದೇನೆ. ಇದರಿಂದ ತುಂಬಾ ತೊಂದರೆ ಮತ್ತು ಮುಜುಗರ ಅನುಭವಿಸುತ್ತಿದ್ದೇನೆ. ಡಾಕ್ಟ್ರು ಬಳಿ ಹೋಗೋಕೆ ಕಾಸಿಲ್ಲ. ಪ್ರಿಸ್ಕ್ರಿಪ್ಶನ್ ನನ್ನ ಬಳಿ ಇಲ್ಲ. ನೀವೇ ಏನಾದರೂ ಇದಕ್ಕೆ ಔಷಧಿ ಕೊಡೋಕೆ ಆಗತ್ತಾ?" ಎಂದು ಕಷ್ಟಪಟ್ಟು ತನ್ನ ತೊಂದರೆ ನಿವೇದಿಸಿಕೊಂಡ.

ಸಣಕಲ ಕಡ್ಡಿಯಾದರೂ ಪರವಾಗಿಲ್ವೆ ಅಂತ ಮನದಲ್ಲೇ ಅಂದುಕೊಂಡ ಇಬ್ಬರೂ ಅಕ್ಕತಂಗಿಯರು, "ಒಂದ್ನಿಮಿಷ ಇಲ್ಲೇ ಇರು" ಎಂದವರೇ ಪುಸಕ್ಕನೆ ಒಳಹೋಗಿಬಿಟ್ಟರು. ಇವನಿಗೋ ಅಚ್ಚರಿ. ಅದೇನೋ ಟುಸುಪುಸು ಮಾತಾಡಿಕೊಂಡು ಬಂದರು.

ಅವರಿಬ್ಬರಲ್ಲಿ ಹೆಚ್ಚು ಸುಂದರವಾಗಿದ್ದ ಮತ್ತು ಬಲುಮಸ್ತಾಗಿದ್ದ ಅಕ್ಕ, "ನಮ್ಮ ಅಂಗಡಿಯ ಮೂರನೇ ಒಂದು ಭಾಗದ ಮಾಲಿಕತ್ವ ನಿನಗೇ ಬಿಟ್ಟುಕೊಡುತ್ತೇವೆ. ಅಲ್ಲದೆ, ಒಂದು ತಿಂಗಳಿಗೆ 10 ಸಾವಿರ ರು. ಕೊಡುತ್ತೇವೆ" ಎಂದಾಗ ಅವರು ಏನು ಹೇಳುತ್ತಿದ್ದಾರೋ ಎಂಬುದು ಒಂಚೂರು ತಿಳಿಯದೆ ಕಕ್ಕಾಬಿಕ್ಕಿಯಾಗಿದ್ದ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Young man goes to a medical shop to buy some medicine for his unusual problem. He encounters two sisters at the shop, but too embarrassed to tell his problem. Ultimately he gets wonderful solution to his problem.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more