ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಡಾ.ಡಿಬ್ಬಿಗೆ ಸವಾಲು ಹಾಕಿದ ಹೈಬಿಪಿ ಸುಬ್ಬು

By Prasad
|
Google Oneindia Kannada News

ಸುಬ್ಬು ವಿಪರೀತ ರಕ್ತದೊತ್ತಡದಿಂದ ಬಳಲುತ್ತಿದ್ದ. ಏನೇ ಆಗಲಿ ಒಂದು ಬಾರಿ ಚೆಕಪ್ ಮಾಡಿಸಿಕೊಳ್ಳೋಣ ಎಂದು ಡಾ. ಡಿಬ್ಬಿ ಬಳಿಗೆ ಬಂದ. ಎಡಗೈಗೆ ರಕ್ತದೊತ್ತಡ ಪರೀಕ್ಷಿಸುವ ಪಟ್ಟಿ ಬಿಗಿದು ಡಾ.ಡಿಬ್ಬಿ ಚೆಕಪ್ ಮಾಡಿದ. ಬಿಪಿ ಸ್ವಲ್ಪ ಹೈ ಇದೆ ಎಂದು ಮನವರಿಕೆ ಮಾಡಿಕೊಂಡ ನಂತರ ಸುಬ್ಬುವನ್ನು ತನ್ನ ಮುಂದೆ ಕೂಡಿಸಿಕೊಂಡು ವಿಚಾರಿಸಲು ಶುರು ಮಾಡಿದ.

"ಮಿಸ್ಟರ್ ಸುಬ್ಬು ನಿಮಗೆ ಬಿಪಿ ಸ್ವಲ್ಪ ಹೈ ಇದೆ. ಕೋಪ ಮಾಡ್ಕೊಳ್ಲೋದು ಕಡಿಮೆ ಮಾಡಿ, ವ್ಯಾಯಾಮ ಮಾಡಿ, ಧ್ಯಾನ ಮಾಡಿ. ಯಾಕೆ, ಉಪ್ಪು ಜಾಸ್ತಿ ತಿಂತೀರಾ?" ಎಂದು ತನ್ನ ಎಂದಿನ ವಿಚಾರಣೆ ಶುರುಹಚ್ಚಿಕೊಂಡ.

"ಹಾಗೇನಿಲ್ಲ ಡಾಕ್ಟರ್. ನಾನು ಜಾಸ್ತಿ ಉಪ್ಪು ತಿನ್ನೋದೇ ಇಲ್ಲ" ಎಂದು ಸುಬ್ಬು ಉತ್ತರಿಸಿದ.

"ಐ ಸೀ. ನಿಮ್ಮ ಮನೆಯಲ್ಲಿ ರಕ್ತದೊತ್ತಡ ಯಾರಿಗಾದ್ರೂ ಇದೆಯಾ? ಯು ನೋ, ಬಿಪಿ ಈಸ್ ಹೆರೆಡಿಟರಿ. ನಿಮ್ಮ ಅಪ್ಪನಿಂದಲೋ, ಅಮ್ಮನಿಂದಲೋ ನಿಮಗೆ ರಕ್ತದೊತ್ತಡ ಬಂದಿರಬಹುದು" ಎಂದು ಡಾ. ಡಿಬ್ಬಿ ನುಡಿದ.

"ಅದೂ ಸರಿಯಲ್ಲ ಡಾ. ಡಿಬ್ಬಿ. ತಂದೆ ತಾಯಿಯರಿಬ್ಬರಿಗೂ ಆರೋಗ್ಯದಿಂದಿದ್ದಾರೆ. ಬಿಪಿ ಅಂದ್ರೇನೇ ಅವರಿಗೆ ಗೊತ್ತಿಲ್ಲ. ಆದ್ರೆ ನನಗೆ ಬಿಪಿ ಬಂದಿರುವುದು ಮಾತ್ರ ನನ್ನ ಹೆಂಡತಿ ತವರಿನ ಕಡೆಯಿಂದ" ಎಂದು ಸುಬ್ಬು ಖಚಿತವಾಗಿ ಹೇಳಿದ.

"ಕಮಾನ್ ಮಿ.ಸುಬ್ಬು. ನಿಮ್ಮ ಹೆಂಡತಿಯ ಕಡೆಯಿಂದ ರಕ್ತದೊತ್ತಡ ಬರಲು ಅದ್ಹೇಗೆ ಸಾಧ್ಯ?" ಎಂದು ವೈದ್ಯಕೀಯ ದೃಷ್ಟಿಯಿಂದಲೇ ವಿಚಾರ ಮಾಡುತ್ತ ಬ್ಯಾಚಲರ್ ಡಿಬ್ಬಿ ಕೇಳಿದ.

"ನಿಮಗೆ ಗೊತ್ತಿಲ್ಲ ಡಾಕ್ಟರ್. ಒಂದು ಬಾರಿ ನನ್ನ ಹೆಂಡತಿ ಮತ್ತು ಅವರ ತಂದೆತಾಯಿಯನ್ನು ಭೇಟಿ ಮಾಡಿ ನೋಡಿ" ಎಂದು ಡಾಕ್ಟರಿಗೇ ಸುಬ್ಬು ಸವಾಲು ಹಾಕಿದ. [ಸುಬ್ಬು ಜೋಕ್ಸ್]

English summary
Hilarious Kannada jokes. Subbu with high BP challenges Doctor Dibbi to meet his wife and his in-laws to examine how he got high blood pressure.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X