ಈ ಬಾರಿಯೂ ಝಲ್ರಾಪಠಾಣ್ ನಲ್ಲಿ ವಸುಂಧರಾ ರಾಜೆ ಹವಾ?!
ರಾಜಸ್ಥಾನ ವಿಧಾನಸಭೆ ಚುನಾವಣೆಯಲ್ಲಿ ಅತ್ಯಂತ ಮಹತ್ವದ ಕ್ಷೇತ್ರಗಳಲ್ಲಿ ಝಲ್ರಾಪಠಾಣ್ ಸಹ ಒಂದು. ಹಾಲಿ ಮುಖ್ಯಮಂತ್ರಿ ಬಿಜೆಪಿಯ ವಸುಂಧರಾ ರಾಜೆ ಅವರು ಪ್ರತಿನಿಧಿಸುತ್ತಿರುವ ಈ ಕ್ಷೇತ್ರದಲ್ಲಿ 1957 ರಿಂದ ತಲಾ 6 ಬಾರಿ ಕಾಂಗ್ರೆಸ್ ಮತ್ತು ಬಿಜೆಪಿ ಗೆದ್ದಿದ್ದರೆ, ಎರಡು ಬಾರಿ ಪಕ್ಷೇತರ ಅಭ್ಯರ್ಥಿ ಜಯಗಳಿಸಿದ್ದಾರೆ.
ಈ ಕ್ಷೇತ್ರದಲ್ಲಿ ಒಟ್ಟು 391746 ಜನಸಂಖ್ಯೆ ಇದ್ದು, ಶೇ.89 ರಷ್ಟು ಹಿಂದುಗಳಿದ್ದರೆ, ಶೇ.10 ರಷ್ಟು ಮುಸ್ಲಿಮರಿದ್ದಾರೆ.
ಕ್ಷೇತ್ರ ಪರಿಚಯ : ಶಿವರಾಜ್ ಸ್ಪರ್ಧಿಸಿರುವ ಬುಧ್ನಿಯಲ್ಲೇನು ವಿಶೇಷ?
ಒಟ್ಟು 51.23 ಪ್ರತಿಶತ ಪುರುಷ ಮತ್ತು ಶೇ.48.77 ರಷ್ಟು ಮಹಿಳಾ ಮತದಾರರು ಈ ಕ್ಷೇತ್ರದಲ್ಲಿದ್ದಾರೆ.
2013 ರ ಚುನಾವಣೆಯಲ್ಲಿ ಬಿಜೆಪಿಯ ವಸುಂಧರಾ ರಾಜೆ ಅವರು 114384 ಮತಗಳನ್ನು ಪಡೆದು, ಕಾಂಗ್ರೆಸ್ಸಿನ ಮೀನಾಕ್ಷಿ ಸಿ ರಾವತ್ ಅವರನ್ನು ಸೋಲಿಸಿದ್ದರು. ಮೀನಾಕ್ಷಿ ಅವರು 53488 ಮತಗಳನ್ನು ಗಳಿಸಿದ್ದರು.
ದೇಶದ ಗಮನ ಸೆಳೆದಿರುವ ರಾಜಸ್ಥಾನದ 10 ಕ್ಷೇತ್ರಗಳ ಕದನ
ಈ ವರ್ಷ ಈ ಕ್ಷೇತ್ರದಲ್ಲಿ ವಸುಂಧರಾ ರಾಜೆ ಅವರ ವಿರುದ್ಧ ಇತ್ತೀಚೆಗಷ್ಟೇ ಬಿಜೆಪಿ ತೊರೆದು ಕಾಂಗ್ರೆಸ್ ಸೇರಿರುವ ಮನ್ವೇಂದ್ರ ಸಿಂಗ್ ಅವರು ಸ್ಪರ್ಧಿಸಿದ್ದು, ಫಲಿತಾಂಶ ಕುತೂಹಲ ಕೆರಳಿಸಲಿದೆ. ಚುನಾವಣೆ ಡಿ.7 ರಂದು ನಡೆಯಲಿದ್ದು, ಫಲಿತಾಂಶ ಡಿ.11 ರಂದು ಹೊರಬೀಳಲಿದೆ.