ರಾಜಸ್ಥಾನದ ಬರ್ಮೇರ್ ನಲ್ಲಿ ಈ ಬಾರಿ ಗೆಲ್ಲುವವರು ಯಾರು?
ರಾಜಸ್ಥಾನ ವಿಧಾನಸಭೆ ಚುನಾವಣೆಯಲ್ಲಿ ಅತ್ಯಂತ ಮಹತ್ವದ ಕ್ಷೇತ್ರಗಳಲ್ಲಿ ಬರ್ಮೇರ್ ಸಹ ಒಂದು. ಕಾಂಗ್ರೆಸ್ ನ ಭದ್ರಕೋಟೆ ಎಂಬ ಕಾರಣಕ್ಕೆ ಈ ಕ್ಷೇತ್ರ ತನ್ನದೇ ಆದ ಮಹತ್ವ ಪಡೆದುಕೊಂಡಿದೆ.
ಇಲ್ಲಿ ಇದುವರೆಗೆ ನಡೆದ 13 ವಿಧಾನಸಭೆ ಚುನಾವಣೆಗಳಲ್ಲಿ 7 ರಲ್ಲಿ ಕಾಂಗ್ರೆಸ್, 1 ರಲ್ಲಿ ಬಿಜೆಪಿ ಮತ್ತು 5 ಬಾರಿ ಪಕ್ಷೇತರರು ಗೆಲುವು ಸಾಧಿಸಿದ್ದಾರೆ.
ಈ ಕ್ಷೇತ್ರದಲ್ಲಿ ಒಟ್ಟು 370721 ಜನಸಂಖ್ಯೆ ಇದ್ದು, ಶೇ.88 ರಷ್ಟು ಹಿಂದುಗಳಿದ್ದರೆ, ಶೇ.7 ರಷ್ಟು ಮುಸ್ಲಿಮರಿದ್ದಾರೆ.
ರಾಜಸ್ಥಾನದ ವಿರಾಟನಗರಕ್ಕೆ ಚಕ್ರವರ್ತಿ ಯಾರು?
ಒಟ್ಟು 53.13 ಪ್ರತಿಶತ ಪುರುಷ ಮತ್ತು ಶೇ.46.87 ರಷ್ಟು ಮಹಿಳಾ ಮತದಾರರು ಈ ಕ್ಷೇತ್ರದಲ್ಲಿದ್ದಾರೆ.
2013 ರ ಚುನಾವಣೆಯಲ್ಲಿ ಕಾಂಗ್ರೆಸ್ಸಿನ ಮೆವರಾಮ್ ಜೈನ್ ಅವರು 63,955 ಮತಗಳನ್ನು ಪಡೆದು, ಬಿಜೆಪಿಯ ಡಾ.ಪ್ರಿಯಾಂಕಾ ಸಿಎಚ್ ಅವರನ್ನು ಸೋಲಿಸಿದ್ದರು. ಡಾ.ಪ್ರಿಯಾಂಕಾ ಅವರು 58,042 ಮತಗಳನ್ನು ಗಳಿಸಿದ್ದರು.
ರಾಜಸ್ಥಾನದ ಟೋಂಕ್ ಗೆ 'ಪೈಲಟ್' ಆಗ್ತಾರಾ ಸಚಿನ್!
ಈ ವರ್ಷ ಈ ಕ್ಷೇತ್ರದಲ್ಲಿ ಕಾಂಗ್ರೆಸ್ಸಿನಿಂದ ಮತ್ತೆ ಮೆವರಾಮ್ ಜೈನ್ ಸ್ಪರ್ಧಿಸಿದ್ದರೆ, ಬಿಜೆಪಿಯಿಂದ ಕರ್ನಲ್ ಸೊನಾರಾಮ್ ಚೌಧರಿ ಕಣಕ್ಕಿಳಿದಿದ್ದಾರೆ. ಚುನಾವಣೆ ಡಿ.7 ರಂದು ನಡೆಯಲಿದ್ದು, ಫಲಿತಾಂಶ ಡಿ.11 ರಂದು ಹೊರಬೀಳಲಿದೆ.