ಮಧ್ಯಪ್ರದೇಶ: ಬೆಟುಲ್ ಕ್ಷೇತ್ರ ಶೇ94ರಷ್ಟು ಹಿಂದುಗಳ ದರ್ಬಾರ್
ಭೋಪಾಲ್, ನವೆಂಬರ್ 30: ಮಧ್ಯಪ್ರದೇಶ ವಿಧಾನಸಭೆ ಚುನಾವಣೆಯಲ್ಲಿ ಪ್ರಮುಖ ಕ್ಷೇತ್ರಗಳಲ್ಲಿ ಒಂದೆನಿಸಿರುವ ಬೆಟುಲ್ ಕ್ಷೇತ್ರದ ಪರಿಚಯ ಇಲ್ಲಿದೆ.
ಎಲ್ಲರ ಕಣ್ಣು ಈಗ ಬೆಟುಲ್ ವಿಧಾನಸಭಾ ಕ್ಷೇತ್ರದ ಮೇಲೆ ಬಿದ್ದಿದೆ. 1956ರಿಂದ ಬೆಟುಲ್ ಕ್ಷೇತ್ರದಲ್ಲಿ ಗೆದ್ದವರು ರಾಜ್ಯವನ್ನು ಆಳುತ್ತಾರೆ ಎಂಬ ಪ್ರತೀತಿಯಿದೆ. 1980ರಲ್ಲಿ ಮಾತ್ರ ಈ ಕ್ಷೇತ್ರವನ್ನು ಗೆದ್ದ ಅಭ್ಯರ್ಥಿಯು ವಿರೋಧ ಪಕ್ಷದಲ್ಲಿ ಕೂರಬೇಕಾಯಿತು.
14 ಬಾರಿ ವಿಧಾನಸಭೆ ಚುನಾವಣೆ ನಡೆದಿದ್ದು, ಕಾಂಗ್ರೆಸ್ 7, ಬಿಜೆಪಿ 5 ಹಾಗೂ ಇತರೆ 2 ಬಾರಿ ಗೆಲುವು ಸಾಧಿಸಿದ್ದಾರೆ. ಶೇ94ರಷ್ಟು ಹಿಂದುಗಳನ್ನು ಹೊಂದಿರುವ ಈ ಕ್ಷೇತ್ರದ ಸಾಕ್ಷರತಾ ಪ್ರಮಾಣ ಶೇ 77ರಷ್ಟಿದೆ.
35 ರಿಂದ 60 ವಯೋಮಿತಿ ಅವರು ಶೇ 41.71ರಷ್ಟಿದ್ದಾರೆ. 2,31,266 ಮತದಾರರು ನೀಡುವ ಫಲಿತಾಂಶ ಡಿಸೆಂಬರ್ 11ರಂದು ತಿಳಿಯಲಿದೆ. ಬಿಜೆಪಿಯ ವಿಜಯ್ ಖಾನ್ಡೆಲ್ವಾಲ್ ಅವರು ಹಾಲಿ ಶಾಸಕರಾಗಿದ್ದಾರೆ.
ಮಧ್ಯಪ್ರದೇಶದಲ್ಲಿ ಬೆಟುಲ್ ಕ್ಷೇತ್ರ ಗೆದ್ದವರು ರಾಜ್ಯ ಆಳ್ತಾರೆ!
2003ರಲ್ಲಿ ಈ ಕ್ಷೇತ್ರದಲ್ಲಿ ಬಿಜೆಪಿ ಗೆಲುವು ಸಾಧಿಸಿತು. ಶಿವರಾಜ್ ಸಿಂಗ್ ಚೌಹಾಣ್ ಅವರು ಅಧಿಕಾರಕ್ಕೆ ಬಂದರು. ಇದಾದ ಬಳಿಕ ಬಂದ ಚುನಾವಣೆಗಳಲ್ಲಿ ಪ್ರತಿ ಬಾರಿ ಹೊಸ ಅಭ್ಯರ್ಥಿಗಳನ್ನು ನಿಲ್ಲಿಸಿ ಬಿಜೆಪಿ ಗೆಲುವು ಕಂಡಿದೆ.
ಈ ಬಾರಿ ಬೆಟುಲ್ ನಿಂದ ಹಾಲಿ ಶಾಸಕ ಹೇಮಂತ್ ಖಾಂಡೆಲ್ವಾಲ್ ಅವರನ್ನು ಕಣಕ್ಕಿಳಿಸಿದೆ. ಕಾಂಗ್ರೆಸ್ಸಿನ ನಿಲಾಯ್ ಡಾಗಾ ಅವರು ಪ್ರತಿಸ್ಪರ್ಧಿಯಾಗಿದ್ದಾರೆ. ಬೆಟುಲ್ ಕ್ಷೇತ್ರದ ಬಗ್ಗೆ ಇನ್ನಷ್ಟು ಮಾಹಿತಿ ಚಿತ್ರದಲ್ಲಿ ನೋಡಿ