ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ನಾಗರಪಂಚಮಿಗೆ ಸಿಕ್ಕಾಪಟ್ಟೆ ಜಾಸ್ತಿಯಾಗಿದೆ ಎಳನೀರು, ಬಾಳೆಹಣ್ಣು ಬೆಲೆ

By ಐಸಾಕ್ ರಿಚರ್ಡ್
|
Google Oneindia Kannada News

ಮಂಗಳೂರು, ಜುಲೈ 27: ನಾಗರಪಂಚಮಿ ಹಬ್ಬದ ಪ್ರಯಕ್ತ ಬಾಳೆಹಣ್ಣು, ಎಳನೀರು ದರದಲ್ಲಿ ಭಾರೀ ಏರಿಕೆಯಾಗಿದ್ದು, ಹಬ್ಬಕ್ಕೆ ಬೆಲೆಯೇರಿಕೆ ಬಿಸಿ ತಟ್ಟಿದೆ.

ನಾಗರ ಪಂಚಮಿ ವೈಶಿಷ್ಟ್ಯ: ತಿಳಿಯಬೇಕಾದ 6 ಸಂಗತಿನಾಗರ ಪಂಚಮಿ ವೈಶಿಷ್ಟ್ಯ: ತಿಳಿಯಬೇಕಾದ 6 ಸಂಗತಿ

ನಾಗರಪಂಚಮಿ ಹಬ್ಬಕ್ಕೆ ಪ್ರಮುಖವಾಗಿ ತನು ಎರೆಯಲು ಎಳನೀರು ಹಾಗೂ ಬಾಳೆಹಣ್ಣನ್ನು ಬಳಸಲಾಗುತ್ತದೆ. ನಾಗ ದೇವರಿಗೆ ಪ್ರಿಯವಾದ ಪುಟ್ಟಬಾಳೆಹಣ್ಣಿಗೆ ಭಾರೀ ಬೇಡಿಕೆಯಿರುವ ಹಿನ್ನೆಲೆಯಲ್ಲಿ ಇದರ ಬೆಲೆ ದುಪ್ಪಟ್ಟಾಗಿದೆ.

Nagara Panchami in Dakshina Kannada, rate of Bannana and Tender coconut go high

ಪುಟ್ಟಬಾಳೆಹಣ್ಣಿನ ಬೆಲೆ ಎರಡು ದಿನಗಳ ಹಿಂದೆ ಕೇಜಿ 40 ರುಪಾಯಿ ಇದ್ದರೆ, ಪ್ರಸ್ತುತ 80 ರುಪಾಯಿಗೆ ಏರಿಕೆಯಾಗಿದೆ. 30 ರುಪಾಯಿ ಇದ್ದ ಎಳನೀರಿನ ಬೆಲೆ 40ರಿಂದ 50 ರುಪಾಯಿಗೆ ಏರಿಕೆಯಾಗಿದ್ದು, ಭಕ್ತರ ಪಾಲಿಗೆ ನಾಗರಪಂಚಮಿ ದುಬಾರಿಯಾಗಿ ಪರಿಣಮಿಸಿದೆ.

ಮಳೆಗಾಲವಾದ್ದರಿಂದ ಎಳನೀರು ತೆಗೆಯಲು ಕೂಲಿಯಾಳುಗಳ ಸಮಸ್ಯೆಯಿದೆ. ಮಾರುಕಟ್ಟೆಯಲ್ಲಿ ಎಳನೀರಿನ ಕೊರತೆಯೇ ದರ ಏರಿಕೆಗೆ ಕಾರಣವಾಗಿದೆ. ಆದರೆ ಬಾಳೆಹಣ್ಣಿನ ವ್ಯಾಪಾರಸ್ಥರು ನಾಗರಪಂಚಮಿ ಎರಡು ದಿನಗಳ ಮುಂಚಿತವಾಗಿಯೇ ಕೊರತೆ ಸೃಷ್ಟಿಸುವುದರಿಂದ ಸಹಜವಾಗಿಯೇ ಬೆಲೆಯೇರಿಕೆ ಬಿಸಿ ಗ್ರಾಹಕರಿಗೆ ತಟ್ಟುತ್ತದೆ.

ಅಲ್ಲದೇ ನಾಗನಿಗೆ ಪ್ರಿಯವಾದ ಕೇದಿಗೆ ಹೂವಿಗೂ ಭಾರೀ ಬೇಡಿಕೆಯಿದ್ದು, ಮಾರುಕಟ್ಟೆಯಲ್ಲಿ ಕೇದಿಗೆ ಹೂವಿನ ಲಭ್ಯತೆ ಹೆಚ್ಚಿನ ಪ್ರಮಾಣದಲ್ಲಿಲ್ಲದ ಕಾರಣ ಭಾರೀ ದರ ಏರಿಕೆಯಾಗಿದೆ. ಒಟ್ಟಿನಲ್ಲಿ ಬೆಲೆ ಏರಿಕೆಯಾದರೂ ಕರಾವಳಿಯ ದೊಡ್ಡ ಹಬ್ಬವಾಗಿರುವ ನಾಗರಪಂಚಮಿಯನ್ನು ಆಚರಿಸಿ ನಾಗದೇವನ ಅನುಗ್ರಹ ಪಡೆಯುವುದು ಇಲ್ಲಿನ ಸಂಪ್ರದಾಯವಾಗಿದೆ.

English summary
As a result of Nagara Panchami rates of Bannana and Tender coconut have gone high due to huge demand in Mangaluru. Bannana has become Rs 80 per kilo and Tender coconut to Rs 50.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X