• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವಿನಾಯಕನಿಗೆ ವಿಶೇಷ ಅಲಂಕಾರ ಹೀಗಿರಲಿ

|

ಗುರುವಾರ ವಿನಾಯಕ ಚತುರ್ಥಿ. ಗಣಪನ ಸ್ವಾಗತಕ್ಕೆ ಎಲ್ಲೆಡೆಯೂ ಸಂಭ್ರಮದ ತಯಾರಿ ನಡೀತಿದೆ. ಇಡೀ ಭಾರತದಾದ್ಯಂತ ಆಚರಿಸಲ್ಪಡುವ ಗಣೇಶನ ಹಬ್ಬ ಈ ಬಾರಿ ನಿಮ್ಮ ಮನೆಯಲ್ಲೂ ವಿಶೇಷವಾಗಿ ನಡೆಯಲಿ. ಮನೆಯಲ್ಲಿ ಗಣೇಶನನ್ನು ಕೂರಿಸುವುದಕ್ಕೆ ಮತ್ತು ಅಲಂಕಾರ ಮಾಡುವುದಕ್ಕೆ ಕೆಲವೊಂದು ಟಿಪ್ಸ್ ಗಳು ಇಲ್ಲಿವೆ. ಅವುಗಳನ್ನು ಪಾಲಿಸಿ ಗಣೇಶನ ಹಬ್ಬವನ್ನು ಇನ್ನಷ್ಟು ಸಂಭ್ರಮದಿಂದ ಆಚರಿಸಬಹುದು.

ಗಣೇಶನ ಹಬ್ಬಕ್ಕೆ ಅಲಂಕಾರ ಹೀಗಿರಲಿ:

1. ಈಶಾನ್ಯ ದಿಕ್ಕು: ಮನೆಯ ಈಶಾನ್ಯ ದಿಕ್ಕು ಏಳಿಗೆ ಮತ್ತು ಸಂತಸದ ಸಂಕೇತ. ಆದ್ದರಿಂದ ಈಶಾನ್ಯದ ಜಾಗದಲ್ಲಿ ಗಣೇಶನನ್ನು ಇಡಲು ಸಿದ್ಧತೆ ಮಾಡಿಕೊಳ್ಳಿ.

2. ಮಂಟಪ: ಮಂಟಪವಿದ್ದರೆ ಅದರಲ್ಲಿ ಕೂರಿಸಬಹುದು, ಇಲ್ಲವೆಂದರೆ ಸ್ಟೂಲ್ ಮೇಲೆ ಕೆಂಪು ಬಟ್ಟೆ ಹೊದಿಸಿ ಕೂಡ ಗಣೇಶನನ್ನು ಕೂರಿಸಬಹುದು.

3. ಬಣ್ಣದ ಪೇಪರ್: ಗಣೇಶನ ಹಿಂಭಾಗದ ಗೋಡೆಯನ್ನು ಬಿಳಿ ಕರ್ಟೇನ್ ಅಥವಾ ಬಟ್ಟೆಯಿಂದ ಮುಚ್ಚಿ ಅದಕ್ಕೆ ಹಸಿರು, ಕೆಂಪು, ಹಳದಿ ಬಣ್ಣದ ಅಲಂಕೃತ ಪೇಪರ್ ಗಳನ್ನು ಅಲಂಕಾರಕ್ಕೆ ಬಳಸಬಹುದು. ಇಲ್ಲವೆಂದರೆ ವಿವಿಧ ರೀತಿಯ ಹೂವುಗಳನ್ನು ತೂಗುಹಾಕಬಹುದು.

4. ಹಸಿರು ತೋರಣ: ಗಣೇಶನ ಅಲಂಕಾರಕ್ಕೆ ಹಸಿರು ಪೂರಕ. ಆದ್ದರಿಂದ ಪೂಜಾ ಕೋಣೆಗೆ, ಮನೆ ಬಾಗಿಲಿಗೆ ಹಸಿರು ತೋರಣ ಹಾಕುವುದನ್ನು ಯಾವುದೇ ಕಾರಣಕ್ಕೂ ಮರೆಯಬೇಡಿ.

5. ಹೂವಿನ ಅಲಂಕಾರ: ಗಣೇಶನ ಮುಂದೆ ರಂಗವಲ್ಲಿ ಬಿಡಿಸಿ ಹೂವಿನ ದಳಗಳಿಂದ ಅಲಂಕಾರ ಮಾಡಿ ಮಧ್ಯೆ ಪುಟ್ಟ ಹಣತೆಯನ್ನು ಇಡಬಹುದು.

6. ದೀಪಗಳು: ಪುಟ್ಟ ಪುಟ್ಟ ದೀಪಗಳನ್ನು ಗಣೇಶನ ಮುಂದೆ ವಿನ್ಯಾಸವಾಗಿ ಇಟ್ಟರೆ ನೋಡಲು ತುಂಬಾ ಚೆನ್ನಾಗಿರುತ್ತದೆ.

7. ಹಣ್ಣು ಮತ್ತು ಸಿಹಿ ತಿಂಡಿ: ಐದು ಬಗೆಯ ಹಣ್ಣುಗಳು, ತಯಾರಾಗಿರುವ ವಿವಿಧ ತಿಂಡಿಗಳನ್ನು ಪ್ರತ್ಯೇಕ ತಟ್ಟೆಗಳಲ್ಲಿ ಗಣೇಶನ ಮುಂದೆ ಇಡಬಹುದು.

8. ಅಕ್ಷತೆ ಮತ್ತು ನೈವೇದ್ಯ: ಗಣೇಶನ ಎರಡೂ ಬದಿಗಳಲ್ಲಿ ದೊಡ್ಡ ದೀಪಗಳನ್ನು ಇಟ್ಟು, ಅರಿಶಿನ ಕುಂಕುಮ, ಅಕ್ಷತೆ, ಹೂವು, ನೈವೇದ್ಯಕ್ಕೆ ಕಡಲೆ ಉಸುಳಿ ಮತ್ತು ಮೋದಕವನ್ನು ಇಡಬೇಕು.

9. ಐದು ಅಥವಾ ಒಂಭತ್ತು ಬಗೆ ಹೂವು ಮತ್ತು ಗರಿಕೆ, ಎಕ್ಕದ ಹೂವು: ಗಣೇಶನ ಅಲಂಕಾರಕ್ಕೆ ಐದು ಅಥವಾ ಒಂಭತ್ತು ಬಗೆಯ ಹೂವನ್ನು ಬಳಸಬಹುದು. ಗಣೇಶನ ಪೂಜೆಗೆ ಅತಿ ಅವಶ್ಯಕವಾದ ಗರಿಕೆ, ಜನಿವಾರ, ಎಕ್ಕದ ಹೂವಿನ ಹಾರ, ಅಕ್ಷತೆಯನ್ನು ಮರೆಯಬೇಡಿ.

ಈ ಎಲ್ಲ ಸಿದ್ಧತೆಗಳೂ ಪೂರ್ಣಗೊಂಡ ಮೇಲೆ ಗಣಪನನ್ನು ಭಕ್ತಿಯಿಂದ ನಿರ್ಮಲ ಮನಸ್ಸಿನಿಂದ ಪೂಜಿಸಿ ಒಲಿಸಿಕೊಳ್ಳಿ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Ganesh Chaturthi marks the birth of Lord Ganesha and is a grand celebration in the country. For this Ganesh Chaturthi decorate your pooja room or puja ghar with these decoration ideas. Take a look.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more