ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ದೀಪಾವಳಿಗೆ ನಿಮ್ಮ ಮನೆಯಲ್ಲಿ ಏನು ಸ್ಪೆಷಲ್?

By * ಪ್ರಸಾದ ನಾಯಿಕ
|
Google Oneindia Kannada News

Deepavali Festival Special Recipes
ಹಬ್ಬಹರಿದಿನ, ಮುಂಜಿ, ಮದುವೆ, ಗೃಹಪ್ರವೇಶ, ನಾಮಕರಣ, ಹೊಸ ಕಾರು... ಯಾವುದೇ ಶುಭ ಸಮಾರಂಭವಿರಲಿ, ಅದರ ಯಶಸ್ಸು ಅಂದು ಹಾಕುವ ಪುಷ್ಕಳ ಭೋಜನದಲ್ಲಿ ಅಡಗಿರುತ್ತದೆ. ಅದುವೇ ಎಲ್ಲ ಶುಭ ಸಮಾರಂಭಗಳ ಮಾನದಂಡ. ಈ ಮಾತನ್ನು ಯಾರೂ ಅಲ್ಲಗಳೆಯಲು ಸಾಧ್ಯವಿಲ್ಲ.

ಯಾವುದೇ ಸಮಾರಂಭವನ್ನು ನೆನಪಿಸಿಕೊಳ್ಳುವುದು ಅಂದು ಹೊಟ್ಟೆಸೇರಿದ ರುಚಿಯಾದ ಭೋಜನದಿಂದ. 'ಹೋಳಿಗೆ ಯಾವಾಗ ಹಾಕಿಸ್ತಿಯಾ'ದಿಂದ ಹಿಡಿದು 'ಅವತ್ತು ನಿಮ್ಮ ಅಮ್ಮ ಮಾಡಿದ ಹೋಳಿಗೆ, ಕಟ್ಟಿನ ಸಾರು ಸಖತ್ತಾಗಿತ್ತಮ್ಮ' ಎಂಬವರೆಗೆ ಮಾತುಗಳಲ್ಲೇ ಸಮಾರಂಭಗಳನ್ನು ಅಳೆದುತೂಗುವರು ಜಾಸ್ತಿ.

ಇನ್ನು ದೀಪಾವಳಿಯ ಸಂದರ್ಭದಲ್ಲಿ ನರಕ ಚತುರ್ದಶಿ, ಮಹಾಲಯ ಅಮವಾಸ್ಯೆ ಮತ್ತು ಬಲಿ ಪಾಡ್ಯಮಿ ಮೂರು ದಿನಗಳ ಕಾಲ, ಮನೆಯಲ್ಲಿ, ನೆಂಟರಿಷ್ಟರಲ್ಲಿ ಭೋಜನಗಳದ್ದೇ ಕಾರುಬಾರು. ಚಟಪಟ ಪಟಾಕಿಗಳು ಹೊರಗಡೆ ಸಿಡಿಯುತ್ತಿರುವಾಗ, ಒಳಗಡೆ ಮಾತಿನ ಚಟಾಕಿ ಹಾರಿಸಿಕೊಂಡು ಚುರುಗುಟ್ಟುವ ಹೊಟ್ಟೆಗೆ ಹೋಳಿಗೆ ಊಟ ಇಳಿಸುತ್ತಿದ್ದರೆ ಆ ಆನಂದವೇ ಬೇರೆ.

ದೀಪಾವಳಿಯ ಮೊದಲ ದಿನ ಸೂರ್ಯ ತನ್ನ ಕಿರಣಗಳನ್ನು ಭೂಮಿಯ ಮೇಲೆ ಬೀಳಿಸುವ ಮುನ್ನವೇ ಹಿಂದೂ ಧರ್ಮೀಯರ ಮನೆಯಲ್ಲಿ ಹೊಸಬಟ್ಟೆ ತೊಟ್ಟ ಕುಟುಂಬದವರಿಗೆಲ್ಲ ಆರತಿ ಮಾಡುವ ಪದ್ಧತಿಯಿದೆ. ನಂತರ ಅಭ್ಯಂಜನ ಮಾಡಿದ ಮೇಲೆ ನೆಂಟರಿಷ್ಟರನ್ನು ಮನೆಗೆ ಕರೆದು ವೈವಿಧ್ಯಮಯ ತಿಂಡಿತಿನಿಸುಗಳನ್ನು ಮಾಡಿ ಸಂತುಷ್ಟಗೊಳಿಸುವ ಪರಿಪಾಠವೂ ಬೆಳೆದುಕೊಂಡು ಬಂದಿದೆ.

ಬೇಸನ್ ಉಂಡೆ, ಕೋಡುಬಳೆ, ಚಕ್ಕುಲಿ, ಕರ್ಚಿಕಾಯಿ, ಉಪ್ಪಿಟ್ಟು, ಸಿರಾ, ಅವಲಕ್ಕಿ, ಚಟ್ನಿಪುಡಿ, ಜೊತೆಗೊಂದಿಷ್ಟು ಮೊಸರು ಎಲ್ಲ ತಯಾರಿಸಿ ಬಾಳೆಎಲೆಯ ಮೇಲೆ ಕುಳಿತು ಪಟ್ಟಾಗಿ ತಿಂಡಿ ಬಡಿಸುತ್ತಾರೆ. ಬೆಳಕಿನ ಜೊತೆ ಬಾಂಧವ್ಯವನ್ನು ಬೆಳೆಸಿಕೊಳ್ಳುವುದು, ಹೊಟ್ಟೆತುಂಬ ಉಂಡು ಬಂಧುಬಳಗದೊಂದಿಗೆ ಹರ್ಷದ ಕ್ಷಣಗಳನ್ನು ಕಳೆಯುವುದು ಈ ಸಮಾವೇಶಗಳ ಮೂಲ ಉದ್ದೇಶ.

ವರುಷಕ್ಕೊಮ್ಮೆ ಬೆಳಕನ್ನೀಯುವ ದೀಪಾವಳಿ ಎಂದ ಮೇಲೆ ವಿಶೇಷ ತಿಂಡಿ ತಿನಿಸು ಇರಲೇಬೇಕು. ಆದರೆ ಈ ಬಾರಿ ದೀಪಾವಳಿಗೆ ವಿಶೇಷವಾಗಿ, ವಿಭಿನ್ನವಾಗಿ ಏನನ್ನು ತಯಾರಿಸಬಹುದು ಎಂದು ನೀವು ಯೋಚಿಸುತ್ತಿದ್ದರೆ ನಿಮಗೆ ಅನುವು ಮಾಡಿಕೊಡಲೆಂದು ನಾಲ್ಕು ಬಗೆಯ ಅಡುಗೆಗಳು ಕಾದಿವೆ. ಅವೇನೆಂದು ಕಾದುನೋಡಿ.

English summary
Diwali, the Festival of Lights, is celebrated with fervor and gaiety all over India. Every state celebrates it in its own special way. In every house, there will be a special delicious foods prepared for this festival. Here are some tips to make delicious food items to make festival more enjoyable.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X