• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ದಸರಾ : ಸ್ತಬ್ಧಚಿತ್ರಗಳೆಡೆ ಚಿತ್ರವಿಚಿತ್ರ ನಡೆ!

By Prasad
|

ಪ್ರಿಯ ವೀಕ್ಷಕರೇ, ಅಲ್ಲ, ಪ್ರಿಯ ಓದುಗರೇ, ಇದು ಈ ಸಲದ ಮೈಸೂರು ದಸರಾ ಜಂಬೂಸವಾರಿಯ ಸ್ತಬ್ಧಚಿತ್ರಗಳ ಎಡೆ(ಯಲ್ಲಿ) ನಾನು ಗಮನಿಸಿದ ಚಿತ್ರ ವಿಚಿತ್ರ ನಡೆ.

* ಎಚ್. ಆನಂದರಾಮ ಶಾಸ್ತ್ರೀ

* "ವೀಕ್ಷಕರೇ, ನಿಮಗೆಲ್ಲ ಸ್ವಾಗತ, ಸುಸ್ವಾಗತ."

* "......ಆದಂಥ ಡಾ......ಅವರು ಜನರತ್ತ ಕೈಬೀಸ್ತಾ ಇದ್ದಾರೆ. ನಿಜಕ್ಕೂ ಒಂದು ಆನಂದದ ಕ್ಷಣ."

* "ಡಾ.....ಅವರು ಪ್ರೇಕ್ಷಕರತ್ತ ಕೈಬೀಸಿ ಅವರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಪ್ರೇಕ್ಷಕರು ಅತೀ ಆನಂದದಿಂದ ಇದನ್ನು ನೋಡ್ತಾ ಇದ್ದಾರೆ."

- ಹೀಗೆ ದೂರದರ್ಶನದ 'ಚಂದನ' ವಾಹಿನಿಯ ನಿರೂಪಕರಿಂದ ಪರಾಕು ಹೇಳಿಸಿಕೊಳ್ಳುತ್ತ, ಸುಮ್ಮಸುಮ್ಮನೇ ಜನರ ಕೈಲುಕುತ್ತ, ಕಲಾವಿದರ ಬೆನ್ನು ತಟ್ಟುತ್ತ, ಈ ಸಲದ ಮೈಸೂರು ದಸರಾ ಜಂಬೂ ಸವಾರಿಯ ನೇರ ಪ್ರಸಾರದಲ್ಲಿ (ಪ್ರತಿ ವರ್ಷದಂತೆ ಈ ವರ್ಷವೂ) ಅತಿ ಹೆಚ್ಚು ಚೌಕಟ್ಟುಗಳಲ್ಲಿ ವೀಕ್ಷಕರಿಗೆ ದರ್ಶನ ಕೊಟ್ಟ ಅತಿ ಗಣ್ಯ ವ್ಯಕ್ತಿ ಅದೇ 'ಚಂದನ' ವಾಹಿನಿಯ ಮುಖ್ಯಸ್ಥ ಡಾ. ಮಹೇಶ ಜೋಶಿ!

***

* "ವೀಕ್ಷಕರೇ, ಈಗ ಒಂದು ವಾಣಿಜ್ಯ ಬ್ರೇಕ್."

* "ನಮ್ಮ ಕ್ಯಾಮರಾದವರು ಅಡ್ವಾಂಟೇಜಿಯಸ್ ಪೊಜಿಷನ್‌ನಲ್ಲಿ ಕ್ಯಾಮರಾ ಇಟ್ಟು ನಮಗೆ ಈ ದೃಶ್ಯ ತೋರಿಸ್ತಾ ಇದ್ದಾರೆ."

* "ವಿ ಆರ್ ಗೋಯಿಂಗ್ ಟು ಟೇಕ್ ಎ ಷಾರ್ಟ್ ಬ್ರೇಕ್ ನೌ."

* "ಲೆಟ್ ಅಸ್ ಟೇಕ್ ಎ ಕಮರ್ಷಿಯಲ್ ಬ್ರೇಕ್."

* "ಹೋಸ್ಟ್ ಟ್ಯಾಬುಲೋ ಲಾಸ್ಟ್ ಬರುತ್ತೆ."

* "ನೀವೆಲ್ಲ ನೇರಪ್ರಸಾರ ಎಂಜಾಯ್ ಮಾಡಿದೀರಿ ಅನ್ಸುತ್ತೆ. ನಮಸ್ಕಾರ."

- ಹೀಗೆ ಕನ್ನಡನಾಡಿನ ಹಬ್ಬದಲ್ಲಿ ಆಂಗ್ಲ ಆಣಿಮುತ್ತುಗಳನ್ನು ಉದುರಿಸುತ್ತಿದ್ದುದು ಶಂಕರ್ ಪ್ರಕಾಶ್, ನಾಗಣ್ಣ, ಜಗದೀಶ್ ಈ ನಿರೂಪಕ ತ್ರಿಮೂರ್ತಿ ತಂಡ. ಕನ್ನಡಕ್ಕಾಗಿ ಕೈಯೆತ್ತುವುದು ದಂಡ!

***

* "ಆನೆ ಬಲರಾಮ ತನ್ನ ಸಹಪಾಠಿ(!)ಗಳೊಂದಿಗೆ ಬರ್‍ತಾ ಇದ್ದಾನೆ."

* "ದಸರಾ ವೈಭವ ಆಹೋ(!)ರಾತ್ರಿ ಇರುವಂಥದು."

* "ದಸರಾ ಸಂದರ್ಭದ ಸಂದರ್ಭದಲ್ಲಿ..."

* "ಈಗ ಒಂದು ಷಿಪ್ ನೋಡ್ತಾ ಇದೀವಿ. ದೋಣಿಯನ್ನ ನೋಡ್ತಾ ಇದೀವಿ."

* "ಅಣ್ಣಿಗೇರಿಯ ದೇವಸ್ಥಾನದಲ್ಲಿ ಪಂಪಕವಿಯ ಪ್ರೌಢಿಮೆಯನ್ನು(?)(!) ನೋಡಿದಿವಿ."

- ಇವು ವಿರೂಪಕ, ಕ್ಷಮಿಸಿ, ನಿರೂಪಕ ಶಂಕರ್ ಪ್ರಕಾಶರ ಪ್ರಕಾಶಮಾನ ನುಡಿಗಳು. ಅರ್ಥಶುದ್ಧಿ, ಭಾಷಾಶುದ್ಧಿ, ವ್ಯಾಕರಣ? ಲೇಕರ್ ಕ್ಯಾ ಕರ್‌ನಾ?

***

* "ಜಿಲ್ಲಾ ಪಂಚಾಯತ್ ಉಡುಪಿಯನ್ನು ನೋಡುತ್ತಿದ್ದೇವೆ. ಜಿಲ್ಲಾ ಪಂಚಾಯತ್ ಕೊಪ್ಪಳವನ್ನು ನೋಡುತ್ತಿದ್ದೇವೆ..."

- ಇದು ಶಂಕರ ಉವಾಚ. ಆದರೆ ನಾವು ಅಲ್ಲಿ ನೋಡುತ್ತಿದ್ದುದು ಸ್ತಬ್ಧಚಿತ್ರರೂಪಿ ದೇವಸ್ಥಾನ, ಕೋಟೆ...! ಶಂಭೋ ಶಂಕರ!

***

* 'ಚಂದನ' ನಿರೂಪಕನ ಅಳತೆಗೋಲಿನ ಪ್ರಕಾರ ಜಂಬೂ ಸವಾರಿ ಮೆರವಣಿಗೆಯ ಉದ್ದ ನಾಲ್ಕು ಕಿಲೋಮೀಟರ್.

- 'ಟಿವಿ 9' ನಿರೂಪಕನ ಅಳತೆಗೋಲಿನ ಪ್ರಕಾರ ಮೆರವಣಿಗೆಯ ಉದ್ದ ಎರಡು ಕಿಲೋಮೀಟರ್!

***

* ಶಂಕರ್ ಪ್ರಕಾಶ್ ಅವರು ವೀಕ್ಷಕ ವಿವರಣೆಯುದ್ದಕ್ಕೂ "ಬಹುಶಃ, ಬಹುಶಃ" ಎನ್ನುತ್ತಿದ್ದರು.

- ಬಹುಶಃ ಅವರಿಗೆ ತಮ್ಮ ಮಾತಿನಮೇಲೇ ನಂಬಿಕೆಯಿರಲಿಲ್ಲ! ಇಂತಹವರನ್ನು ಹೊಂದಿರುವ ಭಾರತ ನಿಜಕ್ಕೂ ಪ್ರಕಾಶಿಸುತ್ತಿದೆ.

***

* ಅಂಬಾರಿಯಲ್ಲಿನ ಚಾಮುಂಡೇಶ್ವರಿಗೆ ಪುಷ್ಪಾರ್ಚನೆಗೈದು ವೇದಿಕೆಯಿಂದ ಕೆಳಗಿಳಿದು ಹೋದ ಮುಖ್ಯಮಂತ್ರಿಗಳು ಮಾಧ್ಯಮದವರ ಕೋರಿಕೆಯಂತೆ ಅವರ ಕ್ಯಾಮೆರಾಗಳಿಗಾಗಿ ಮತ್ತೊಮ್ಮೆ ವೇದಿಕೆ ಹತ್ತಿ ಮತ್ತೊಮ್ಮೆ ಪುಷ್ಪಾರ್ಚನೆ ಮಾಡಿದರು!

- ಮಾಧ್ಯಮವು ನಿಜಕ್ಕೂ ಶಕ್ತಿಶಾಲಿ.

***

* 'ನವಭಾರತ ರಥ' ಎಂಬ ಹೆಸರು ಹೊತ್ತ, ಲೋಕಸಭೆ ಕಟ್ಟಡದ ಸ್ತಬ್ಧಚಿತ್ರವನ್ನು ಯಂತ್ರದೋಷದಿಂದಾಗಿ ಒಂದಷ್ಟು ದೂರದವರೆಗೆ ಜನರು ತಳ್ಳಬೇಕಾಯಿತು!

- ಎಷ್ಟು ಅರ್ಥಪೂರ್ಣ!

- ಪ್ರಿಯ ವೀಕ್ಷಕರೇ, ಅಲ್ಲ, ಪ್ರಿಯ ಓದುಗರೇ, ಇದು ಈ ಸಲದ ಮೈಸೂರು ದಸರಾ ಜಂಬೂಸವಾರಿಯ ಸ್ತಬ್ಧಚಿತ್ರಗಳ ಎಡೆ(ಯಲ್ಲಿ) ನಾನು ಗಮನಿಸಿದ ಚಿತ್ರ ವಿಚಿತ್ರ ನಡೆ.

ಇಂಗ್ಲಿಷ್ ಲಿಪಿಯಲ್ಲಿ ಕನ್ನಡ ಎಸ್ಎಮ್ಎಸ್ | ದಟ್ಸ್ ಕನ್ನಡ ಫ್ಯಾನ್ ಕ್ಲಬ್ ಸೇರಿರಿ | ಮೊಬೈಲಲ್ಲಿ ಕನ್ನಡ ಸುದ್ದಿ ಓದಿರಿ | ಹೂವಿನಂಗಡಿ 24/7

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more