ಮೊದಲು ಓದಿ: ವಯಾಗ್ರ ಮಾತ್ರೆ ತೆಗೆದುಕೊಳ್ಳುವ ಮುನ್ನ ಎಚ್ಚರಿಕೆ ವಹಿಸಬೇಕು ಏಕೆ?
ಜಗತ್ತಿನಲ್ಲಿ ಪ್ರೀತಿ, ಪ್ರೇಮ, ಪ್ರಣಯ, ಈ ಮೂರರ ಪೈಕಿ ಯಾವುದೇ ಅತಿಯಾದರೂ ಅದು ಅತಿರೇಕವೇ ಆಗುತ್ತದೆ. ದೊಡ್ಡವರು ಅದಕ್ಕಾಗಿಯೇ "ಅತಿಯಾದ್ರೆ ಅಮೃತವೂ ವಿಷವಾಗುತ್ತೆ" ಎನ್ನುವ ಗಾದೆಮಾತನ್ನು ಶತಮಾನಗಳ ಹಿಂದೆಯೇ ಬರೆದಿಟ್ಟಿದ್ದಾರೆ.
ಕುಟುಂಬದೊಂದಿಗೆ ಭವ್ಯ ಕನಸುಗಳನ್ನು ಕಟ್ಟುವುದು ತಪ್ಪಲ್ಲ. ವಯೋಸಹಜ ಕೌಟುಂಬಿಕ ಸುಖ ಬಯಸುವುದರಲ್ಲೂ ಅಪರಾಧವಿಲ್ಲ. ಆದರೆ ಅವಸರಕ್ಕೆ ಬಿದ್ದು ಮಾಡಿಕೊಳ್ಳುವ ಎಡವಟ್ಟುಗಳು ಕೆಲವೊಮ್ಮೆ ಜೀವಕ್ಕೆ ಕುತ್ತು ತಂದೊಡ್ಡಬಹುದು. ವೈದ್ಯರ ಸಲಹೆ-ಸೂಚನೆಗಳಿಲ್ಲದೇ ಜನರು ಬಳಸುವ ಔಷಧಿಗಳು ಎಷ್ಟರ ಮಟ್ಟಿದೆ ಜೀವನಕ್ಕೆ ಉರುಳಾಗುತ್ತದೆ ಎಂಬುದನ್ನು ಸಾಮಾನ್ಯರೂ ಸಹ ತಿಳಿದುಕೊಳ್ಳಬೇಕು.
ದೈಹಿಕ ಕ್ರಿಯೆಗಳ ಮೂಲಕ ಸುಖವನ್ನು ಬಯಸುವ ಕೆಲವೊಬ್ಬರು ವಯಾಗ್ರ ಮಾತ್ರೆಗಳ ಮೊರೆ ಹೋಗುತ್ತಾರೆ. ಇಂಥ ವಯಾಗ್ರ ಮಾತ್ರೆಯನ್ನೇ ಸೇವಿಸಿದ ವ್ಯಕ್ತಿಯೊಬ್ಬ ಈಗ ಸಾವಿನ ಮನೆ ಸೇರಿರುವ ಘಟನೆ ವರದಿಯಾಗಿದೆ. ಇಂಥ ಸಂದರ್ಭದಲ್ಲಿ ವಯಾಗ್ರ ಮಾತ್ರೆಗಳ ಬಳಕೆಯು ಎಷ್ಟರ ಮಟ್ಟಿಗೆ ಸೂಕ್ತ ಎಂಬುದರ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವುದು ಮಾಧ್ಯಮವಾಗಿರುವ ನಮ್ಮ ಜವಾಬ್ದಾರಿ ಆಗಿರುತ್ತದೆ.
ವೈದ್ಯರ ಸಲಹೆಗಳಿಲ್ಲದೇ ವಯಾಗ್ರ ಮಾತ್ರೆಗಳನ್ನು ತೆಗೆದುಕೊಳ್ಳುವುದು ಎಷ್ಟು ಅಪಾಯಕಾರಿ?, ಯಾರ ರೀತಿ ಸಮಸ್ಯೆ ಉಳ್ಳವರು ಈ ವಯಾಗ್ರ ಮಾತ್ರೆ ತೆಗೆದುಕೊಳ್ಳಬಹುದು?, ವಯಾಗ್ರ ಮಾತ್ರೆಗಳನ್ನು ತೆಗೆದುಕೊಳ್ಳುವ ಮೊದಲು ಯಾವ ನಿಯಮಗಳನ್ನು ಪಾಲಿಸಬೇಕು?, ಈ ಮಾತ್ರೆಗಳನ್ನು ಎಷ್ಟು ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕು?, ವಯಾಗ್ರ ಮಾತ್ರೆಗಳ ಅತಿಯಾದ ಸೇವನೆಯು ಹೇಗೆ ಜೀವಕ್ಕೆ ಅಪಾಯ ತಂದೊಡ್ಡಬಹುದು ಎಂಬುದನ್ನು ಈ ವರದಿಯಲ್ಲಿ ತಿಳಿದುಕೊಳ್ಳೋಣ.
ಮಿತಿ ಮೀರಿದ ಔಷಧಿ, ಜೀವಕ್ಕೆ ಅಪಾಯಕಾರಿ
ವೈದ್ಯರ ಸಲಹೆ, ಸೂಚನೆ ಮತ್ತು ಮಾರ್ಗದರ್ಶನಗಳಿಲ್ಲದೇ ಯಾವುದೇ ಔಷಧಿ ಮತ್ತು ಮಾತ್ರೆಗಳನ್ನು ತೆಗೆದುಕೊಳ್ಳಬಾರದು. ನೀವು ತೆಗೆದುಕೊಳ್ಳುವ ಔಷಧಿ ಓವರ್ ಡೋಸ್ ಆದರೆ ಏನೆಲ್ಲ ಪರಿಣಾಮವಾಗಬಹುದು ಎನ್ನುವುದಕ್ಕೆ ಉತ್ತರ ಪ್ರದೇಶದ ಪ್ರಯಾಗ್ ರಾಜ್ ಜಿಲ್ಲೆಯಲ್ಲಿ ನಡೆದಿರುವ ಘಟನೆಯೇ ಸಾಕ್ಷಿಯಾಗುತ್ತದೆ.
ಅತಿಯಾದ ವಯಾಗ್ರಾ ಸೇವನೆ: ಆಸ್ಪತ್ರೆಗೆ ದಾಖಲಾದ ನವವಿವಾಹಿತ
ವಯಾಗ್ರ ಮಾತ್ರೆ ಮತ್ತು ನವವಿವಾಹಿತನ ಕಥೆಯ ಹಿನ್ನೆಲೆ
ಹೊಸದಾಗಿ ವೈವಾಹಿಕ ಬದುಕಿಗೆ ಕಾಲಿಟ್ಟ 28 ವರ್ಷದ ಯುವಕನೊಬ್ಬ ತಮ್ಮ ಸ್ನೇಹಿತರ ಮಾತು ಕೇಳಿಕೊಂಡು ಈ ವಯಾಗ್ರ ಮಾತ್ರೆಗಳನ್ನು ತೆಗೆದುಕೊಳ್ಳುವುದಕ್ಕೆ ಶುರು ಮಾಡಿದ್ದಾನೆ. ತನ್ನ ಲೈಂಗಿಕ ಕ್ಷಮತೆಯನ್ನು ಹೆಚ್ಚಿಸಿಕೊಳ್ಳುವ ಉದ್ದೇಶದಿಂದ ಎಷ್ಟು ಪ್ರಮಾಣದಲ್ಲಿ ಈ ಮಾತ್ರೆಗಳನ್ನು ತೆಗೆದುಕೊಳ್ಳಬೇಕು ಎನ್ನುವುದರ ಅರಿವೇ ಇಲ್ಲದಂತೆ ಅದನ್ನು ಬಳಸಿದ್ದಾನೆ. ವೈದ್ಯರು ಸಲಹೆ ನೀಡುವುದಕ್ಕೂ ನಾಲ್ಕು ಪಟ್ಟು ಹೆಚ್ಚು ವಯಾಗ್ರ ಮಾತ್ರೆಗಳನ್ನು ಬಳಸಿದ್ದಾನೆ. ಒಂದು ದಿನಕ್ಕೆ 200 ಎಂಜಿ ಮಾತ್ರೆಗಳನ್ನು ತೆಗೆದುಕೊಂಡಿದ್ದಾನೆ. ಇದರ ಪರಿಣಾಮವಾಗಿ 20 ದಿನಗಳವರೆಗೆ ಕಡಿಮೆಯಾಗದ ನಿಮಿರುವಿಕೆಯಿಂದ ಬಳಲುತ್ತಿದ್ದಾನೆ ಎಂದು ವರದಿಯಾಗಿದೆ.
ಪ್ರಿಯಾಪಿಸಮ್ ಸಮಸ್ಯೆಗೆ ಕಾರಣವಾಗುವ ವಯಾಗ್ರ ಮಾತ್ರೆ
ವಯಾಗ್ರ ಮಾತ್ರೆಗಳ ಮಿತಿ ಮೀರಿದ ಬಳಕೆಯಿಂದ ಪ್ರಿಯಾಪಿಸಮ್ ಎಂಬ ಆರೋಗ್ಯ ಸಮಸ್ಯೆಯು ಕಾಣಿಸಿಕೊಳ್ಳುತ್ತದೆ. ಅದರ ಪರಿಣಾಮವಾಗಿ ಶಿಶ್ನವು ದೀರ್ಘಕಾಲದವರೆಗಿನ ನಿಮಿರುವಿಕೆ ಸ್ಥಿತಿಯಲ್ಲಿ ಇರುತ್ತದೆ. ಪೂರ್ಣ ಅಥವಾ ಭಾಗಶಃ ನಿಮಿರುವಿಕೆಯು ಲೈಂಗಿಕ ಪ್ರಚೋದನೆಯಿಂದ ಗಂಟೆಗಳವರೆಗೆ ಮುಂದುವರಿಯುತ್ತದೆ. ಈ ಸ್ಥಿತಿಯ ಕಾರಣದಿಂದ ಲೈಂಗಿಕವಾಗಿ ಪ್ರಚೋದಿಸದಿದ್ದರೂ, ಮನುಷ್ಯನಲ್ಲಿ ನಿಮಿರುವಿಕೆ ಕಡಿಮೆ ಆಗುವುದಿಲ್ಲ.
ತದನಂತರ ಆ ವ್ಯಕ್ತಿಯನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆತನನ್ನು ಶಿಶ್ನ ಕೃತಕ ಶಸ್ತ್ರಚಿಕಿತ್ಸೆಗೆ ಒಳಪಡಿಸಲಾಯಿತು. ವೈದ್ಯರು ನೀಡಿದ ಚಿಕಿತ್ಸೆ ಕೊಂಚ ಯಶಸ್ವಿಯಾಗಿದ್ದರೂ ಸಹಿತ ಕೆಲವು ಸಮಸ್ಯೆಗಳು ಬೆನ್ನಿಗೆ ಅಂಟಿಕೊಂಡಿರುತ್ತದೆ ಎಂದು ಸ್ವತಃ ವೈದ್ಯರೇ ಎಚ್ಚರಿಕೆ ನೀಡಿದ್ದಾರೆ. ಈ ಶಸ್ತ್ರಚಿಕಿತ್ಸೆಗೆ ಒಳಗಾದ ವ್ಯಕ್ತಿಯು ಸಾಮಾನ್ಯರಂತೆ ಬದುಕು ಸಾಗಿಸಬಹುದು, ಮಕ್ಕಳನ್ನು ಪಡೆದುಕೊಳ್ಳಬಹುದು, ಆದರೆ ಖಾಸಗಿ ಅಂಗಗಳಲ್ಲಿನ ಒತ್ತಡವು ಎಂದಿಗೂ ಕಡಿಮೆ ಆಗುವುದಿಲ್ಲ. ಈ ಖಾಸಗಿ ಅಂಗಗಳ ಉಬ್ಬುವಿಕೆಯನ್ನು ಮರೆ ಮಾಚುವುದಕ್ಕೆ ಶಾಶ್ವತವಾಗಿ ಬಿಗಿಯಾದ ಬಟ್ಟೆಗಳನ್ನು ಧರಿಸುವಂತೆ ವೈದ್ಯರು ಸಲಹೆ ನೀಡಿದ್ದಾರೆ.
ಮನುಷ್ಯನ ದೇಹದಲ್ಲಿ ವಯಾಗ್ರ ಮಾತ್ರೆಗಳ ಕೆಲಸ ಹೇಗಿರುತ್ತೆ?
ಕಳೆದ ಮೂರು ದಶಕಗಳಲ್ಲಿ ವಯಾಗ್ರ ಅತ್ಯಂತ ಜನಪ್ರಿಯ ಔಷಧಿಗಳಲ್ಲಿ ಒಂದಾಗಿ ಹೊರಹೊಮ್ಮಿದೆ. ಇದು ಪುರುಷರಲ್ಲಿ ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಯ ಚಿಕಿತ್ಸೆಗಾಗಿ ಕಂಡುಹಿಡಿದ ಮೊದಲ ಮೌಖಿಕ ಚಿಕಿತ್ಸೆಯಾಗಿತ್ತು. ಆದಾಗ್ಯೂ, ಅದರ ಮೂಲ ಕೆಲಸವು ಅಧಿಕ ರಕ್ತದೊತ್ತಡ ಮತ್ತು ಆಂಜಿನ ಚಿಕಿತ್ಸೆಗೆ ಸಹಾಯ ಮಾಡುವುದು. ಆದರೆ ಅದರ ಪ್ರತಿಕೂಲ ಪರಿಣಾಮಗಳು ನಿಮಿರುವಿಕೆಯ ಸಮಸ್ಯೆಗಳ ಚಿಕಿತ್ಸೆಯಲ್ಲಿ ಉಪಯುಕ್ತವಾದ ಔಷಧದ ಆವಿಷ್ಕಾರಕ್ಕೆ ಕಾರಣವಾಯಿತು. ಇದು ಔಷಧ ತಯಾರಕರಿಗೆ ಹೊಸ ಮಾರುಕಟ್ಟೆಯನ್ನೇ ತೆರೆಯಿತು. ಕಡಿಮೆ ಅವಧಿಯಲ್ಲಿ ಇದು ಪ್ರಪಂಚದಾದ್ಯಂತ ಬಹಳ ಜನಪ್ರಿಯವಾಯಿತು.
ಯುಕೆಯಲ್ಲಿ ನಿಮ್ಮ ಅಗತ್ಯತೆಗಳ ಬಗ್ಗೆ ವೈದ್ಯರೊಂದಿಗೆ ಚರ್ಚಿಸಿದ ನಂತರದಲ್ಲಿ ವೈದ್ಯರ ಶಿಫಾರಸ್ಸಿನ ಮೇರೆಗೆ ಈ ವಯಾಗ್ರ ಔಷಧಿಗಳನ್ನು ಪಡೆಯಬಹುದಾಗಿದೆ. ವಯಾಗ್ರ ಮಾತ್ರೆ ಕಿಣ್ವದ ಕ್ರಿಯೆಯನ್ನು ನಿರ್ಬಂಧಿಸುತ್ತದೆ, ಇದು ಸಾಮಾನ್ಯವಾಗಿ ರಕ್ತನಾಳಗಳನ್ನು ಕಿರಿದಾಗುವಂತೆ ಮಾಡುತ್ತದೆ. ಈ ಕಿಣ್ವವನ್ನು ತಡೆಯುವ ಮೂಲಕ, ರಕ್ತನಾಳಗಳನ್ನು ವಿಸ್ತರಿಸಲಾಗುತ್ತದೆ, ಇದು ಶಿಶ್ನಕ್ಕೆ ರಕ್ತ ಪೂರೈಕೆಯನ್ನು ಹೆಚ್ಚಿಸುತ್ತದೆ, ಆದ್ದರಿಂದ, ನಿಮಿರುವಿಕೆಗೆ ಸಹಾಯವಾಗುತ್ತದೆ.
ಎಷ್ಟು ಪ್ರಮಾಣದಲ್ಲಿ ವಯಾಗ್ರ ಮಾತ್ರೆ ತೆಗೆದುಕೊಳ್ಳುವುದು ಸೂಕ್ತ?
ಸಾಮಾನ್ಯವಾಗಿ ಇಲ್ಲಿ ಜನರು ಮುಖ್ಯವಾಗಿ ಗಮನಿಸಬೇಕಾದ ಅಂಶವೆಂದರೆ ಲೈಂಗಿಕ ಪ್ರಚೋದನೆಯು ಇಲ್ಲಿ ಇರಲೇಬೇಕು, ಅದು ಇಲ್ಲದೆ ವಯಾಗ್ರ ಮಾತ್ರೆ ತೆಗೆದುಕೊಂಡರೂ ನಿಮಿರುವಿಕೆ ಆಗುವುದಿಲ್ಲ. ವಯಾಗ್ರ ಮಾತ್ರೆಯು 25 ಮಿಲಿ ಗ್ರಾಂ, 50 ಮಿಲಿ ಗ್ರಾಂ ಮತ್ತು 100 ಮಿಲಿ ಗ್ರಾಂ ರೂಪದಲ್ಲಿ ಲಭ್ಯವಿರುತ್ತವೆ. ಈ ಮಾತ್ರೆಯನ್ನು ಸಾಮಾನ್ಯವಾಗಿ ಖಾಲಿ ಹೊಟ್ಟೆಯಲ್ಲಿ ಒಂದು ಲೋಟ ನೀರಿನಲ್ಲಿ ತೆಗೆದುಕೊಳ್ಳಬಹುದು. ಆದರೆ 24 ಗಂಟೆಗಳಲ್ಲಿ ಕೇವಲ ಒಂದು ಮಾತ್ರೆಯನ್ನು ಮಾತ್ರ ತೆಗೆದುಕೊಳ್ಳಬಹುದು. ಈ ಮಾತ್ರೆಯ ಪರಿಣಾಮ ಸಾಮಾನ್ಯವಾಗಿ 5 ಗಂಟೆಗಳವರೆಗೂ ಇರುತ್ತದೆ. ಹೆಚ್ಚಿನ ಪುರುಷರಲ್ಲಿ ಇದರ ಪರಿಣಾಮವು 2 ರಿಂದ 3 ಗಂಟೆಗಳಲ್ಲಿ ಮುಗಿಯುತ್ತದೆ.
ವಯಾಗ್ರ ಓವರ್ ಡೋಸ್ ಆಗುವುದು ಯಾವಾಗ?
ವೈದ್ಯರ ಶಿಫಾರಸ್ಸಿನಂತೆ ವಯಾಗ್ರವನ್ನು ತೆಗೆದುಕೊಂಡರೆ ಅದು ಸುರಕ್ಷಿತ ಔಷಧಿವೇ ಎಂದು ಪರಿಗಣಿಸಲಾಗುತ್ತದೆ. ಆದರೆ, ಒಬ್ಬ ವ್ಯಕ್ತಿಯು ವಯಾಗ್ರವನ್ನು ಹೆಚ್ಚು ಸೇವಿಸಿದರೆ, ಅವನಲ್ಲಿ ಹಲವಾರು ಅಡ್ಡ ಪರಿಣಾಮಗಳು ಗೋಚರಿಸುತ್ತವೆ. ಸಾಮಾನ್ಯ ಡೋಸೇಜ್ಗಳಲ್ಲಿ ವಯಾಗ್ರವನ್ನು ತೆಗೆದುಕೊಳ್ಳುವಾಗ ಅಪರೂಪದ ಒಂದು ನಿರ್ದಿಷ್ಟ ಅಡ್ಡ ಪರಿಣಾಮ ಎಂದರೆ ಅದು ಪ್ರಿಯಾಪಿಸಮ್ ಎಂಬ ಸ್ಥಿತಿ.
ವಯಾಗ್ರ ಮಾತ್ರೆಯು ಶಿಶ್ನವಷ್ಟೇ ಅಲ್ಲದೇ ದೇಹದ ಇತರ ಭಾಗಗಳ ಮೇಲೆ ಪರಿಣಾಮ ಬೀರುತ್ತದೆ. ತುಂಬಾ ಹೆಚ್ಚು ಪ್ರಿಯಾಪಿಸಮ್, ಅನಾನುಕೂಲ ಮತ್ತು ಅಸಮಾನವಾಗಿ ದೊಡ್ಡ ನಿಮಿರುವಿಕೆಗೆ ಕಾರಣವಾಗಬಹುದು, ಅದು ನಾಲ್ಕು ಗಂಟೆಗಳಿಗೂ ಹೆಚ್ಚು ಕಾಲ ಇರುತ್ತದೆ. ದೀರ್ಘಕಾಲದ ನಿಮಿರುವಿಕೆ ಶಿಶ್ನ ಅಂಗಾಂಶಗಳ ಶಾಶ್ವತ ಹಾನಿಗೆ ಕಾರಣವಾಗಬಹುದು. ತಕ್ಷಣ ಚಿಕಿತ್ಸೆ ಪಡೆದುಕೊಳ್ಳದಿದ್ದರೆ, ಶಿಶ್ನಕ್ಕೆ ಶಾಶ್ವತ ಹಾನಿಯಾಗಬಹುದು.
ವಯಾಗ್ರವನ್ನು ನಿಗದಿತ ಡೋಸ್ಗಿಂತ ಹೆಚ್ಚು ತೆಗೆದುಕೊಂಡರೆ ನಿಮ್ಮ ರಕ್ತದೊತ್ತಡವು ಗಣನೀಯವಾಗಿ ಕಡಿಮೆ ಆಗಬಹುದು. ಇದು ಅನಿಯಮಿತ ಹೃದಯ ಬಡಿತದಂತಹ ಹೃದಯ ಸಂಬಂಧಿ ಸಮಸ್ಯೆಗಳಿಗೆ ಕಾರಣವಾಗಬಹುದು, ಮಿತಿ ಮೀರಿದರೆ ಕೆಲವೊಂದು ಪ್ರಕರಣಗಳಲ್ಲಿ ಹೃದಯಾಘಾತಕ್ಕೂ ಎಡೆಮಾಡಿ ಕೊಡಬಹುದು. ಆದ್ದರಿಂದ ನಿಮ್ಮ ವೈದ್ಯರು ಸೂಚಿಸಿದಲ್ಲಿ ಮಾತ್ರ ನೀವು ಈ ವಯಾಗ್ರವನ್ನು ತೆಗೆದುಕೊಳ್ಳಬಹುದು. ಅನಗತ್ಯವಾಗಿ ವೈದ್ಯರ ಶಿಫಾರಸು ಇಲ್ಲದೇ ಈ ಮಾತ್ರೆಗಳನ್ನು ತೆಗೆದುಕೊಳ್ಳುವುದು ಸೂಕ್ತವಲ್ಲ.
ವಯಾಗ್ರ ತೆಗೆದುಕೊಂಡವರು ದ್ರಾಕ್ಷಿ ರಸವನ್ನು ಸೇವಿಸುವಂತಿಲ್ಲ
ವಯಾಗ್ರ ಔಷಧವನ್ನು ಸೇವಿಸುವಾಗ ತೆಗೆದುಕೊಳ್ಳಬೇಕಾದ ಇನ್ನೊಂದು ಮುನ್ನೆಚ್ಚರಿಕೆ ಏನೆಂದರೆ, ಯಾವುದೇ ಕಾರಣಕ್ಕೂ ದ್ರಾಕ್ಷಿಹಣ್ಣಿನ ರಸವನ್ನು ಕುಡಿಯುವಂತಿಲ್ಲ. ಒಂದು ಲೋಟ ದ್ರಾಕ್ಷಿಹಣ್ಣಿನ ರಸವು ಅಡ್ಡ ಪರಿಣಾಮಗಳ ಅಪಾಯವನ್ನು ಗಮನಾರ್ಹ ಪ್ರಮಾಣದಲ್ಲಿ ಹೆಚ್ಚಿಸುತ್ತದೆ. ಹೆಚ್ಚಿನ ಆರೋಗ್ಯ ಪೂರೈಕೆದಾರರು ದ್ರಾಕ್ಷಿಹಣ್ಣಿನ ಉತ್ಪನ್ನಗಳನ್ನು ತಪ್ಪಿಸಲು ಶಿಫಾರಸು ಮಾಡುತ್ತಾರೆ. ದ್ರಾಕ್ಷಿಹಣ್ಣು ದೇಹದಲ್ಲಿ ರಕ್ತದ ಮಟ್ಟವನ್ನು ಹೆಚ್ಚಿಸಬಹುದು, ಇದು ಈಗಾಗಲೇ ವಯಾಗ್ರ ಬಳಕೆಯಿಂದ ಹೆಚ್ಚಾಗಿರುತ್ತದೆ.
ವಯಾಗ್ರದಿಂದ ಆಗುವ ಅಡ್ಡಪರಿಣಾಮಗಳೇನು?
ವಯಾಗ್ರ ಮಾತ್ರೆಯನ್ನು ತೆಗೆದುಕೊಳ್ಳುವುದರಿಂದ ಕೆಲವು ಅಡ್ಡಪರಿಣಾಮಗಳೂ ಇವೆ. ಆದಾಗ್ಯೂ, ಈ ಅಡ್ಡ ಪರಿಣಾಮಗಳಲ್ಲಿ ಹೆಚ್ಚಿನವು ಸೌಮ್ಯವಾಗಿರುತ್ತವೆ. ಮೂಗು ಕಟ್ಟುವುದು, ಮುಖ ಬಾಡುವುದು, ಅನೇಕ ಪುರುಷರಲ್ಲಿ ತಲೆನೋವು ಕಾಣಿಸಿಕೊಳ್ಳುತ್ತದೆ. ಈ ಅಡ್ಡಪರಿಣಾಮಗಳನ್ನು ಸಾಮಾನ್ಯವಾಗಿ ಸಹಿಸಿಕೊಳ್ಳಲು ಸಾಧ್ಯವಾಗುತ್ತದೆ. ಏಕೆಂದರೆ ಕಾಲಾಂತರದಲ್ಲಿ ಈ ಸಮಸ್ಯೆಗಳನ್ನು ಸುಧಾರಿಸಬಹುದು. ತಲೆಹೊಟ್ಟು ಅನುಭವಿಸುವುದು ಸಾಮಾನ್ಯವಲ್ಲ, ಏಕೆಂದರೆ ಅದು ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡಬಹುದು, ಆದರೆ ಇದು ಕಾಲಾನಂತರದಲ್ಲಿ ಸುಧಾರಿಸುತ್ತದೆ ಎಂದು ಹೇಳಲಾಗುತ್ತದೆ.