ಯುಪಿ 2ನೇ ಹಂತದ 25% ಅಭ್ಯರ್ಥಿಗಳ ಮೇಲೆ ಕ್ರಿಮಿನಲ್ ಕೇಸ್: ಎಡಿಆರ್

ಲಕ್ನೋ ಫೆಬ್ರವರಿ 9: ಯುಪಿ ಚುನಾವಣೆಯ ಎರಡನೇ ಹಂತದ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಸುಮಾರು 25 ಪ್ರತಿಶತ ಅಭ್ಯರ್ಥಿಗಳು ಕ್ರಿಮಿನಲ್ ಹಿನ್ನೆಲೆ ಹೊಂದಿದ್ದಾರೆ. ಅಸೋಸಿಯೇಷನ್ ​​ಫಾರ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ADR) ಬಿಡುಗಡೆ ಮಾಡಿದ ವಿಶ್ಲೇಷಣೆಯ ಪ್ರಕಾರ 586 ಅಭ್ಯರ್ಥಿಗಳಲ್ಲಿ 584 ಅಭ್ಯರ್ಥಿಗಳ ಅಫಿಡವಿಟ್‌ಗಳನ್ನು ವಿಶ್ಲೇಷಿಸಿದೆ. ಇದರಲ್ಲಿ ಸುಮಾರು 147 ಅಭ್ಯರ್ಥಿಗಳು ಕ್ರಿಮಿನಲ್ ದಾಖಲೆಗಳನ್ನು ಹೊಂದಿದ್ದಾರೆ. ಪ್ರಮುಖ ಪಕ್ಷಗಳ ಪೈಕಿ, ಎಸ್‌ಪಿಯಿಂದ 52 ಅಭ್ಯರ್ಥಿಗಳಲ್ಲಿ 35, ಕಾಂಗ್ರೆಸ್‌ನಿಂದ 54 ಅಭ್ಯರ್ಥಿಗಳಲ್ಲಿ 23, ಬಿಎಸ್‌ಪಿಯಿಂದ 55 ಅಭ್ಯರ್ಥಿಗಳಲ್ಲಿ 20, ಬಿಜೆಪಿಯಿಂದ 53 ಅಭ್ಯರ್ಥಿಗಳಲ್ಲಿ 18, ಆರ್‌ಎಲ್‌ಡಿಯಿಂದ 3 ರಲ್ಲಿ 1 ಅಭ್ಯರ್ಥಿಗಳು ಕ್ರಿಮಿನಲ್ ದಾಖಲೆಗಳನ್ನು ಹೊಂದಿದ್ದಾರೆ. ಇನ್ನೂ ಎಎಪಿಯಿಂದ ವಿಶ್ಲೇಷಿಸಲಾದ 49 ಅಭ್ಯರ್ಥಿಗಳಲ್ಲಿ 7 ಅಭ್ಯರ್ಥಿಗಳು ತಮ್ಮ ಅಫಿಡವಿಟ್‌ಗಳಲ್ಲಿ ತಮ್ಮ ವಿರುದ್ಧ ಕ್ರಿಮಿನಲ್ ಪ್ರಕರಣಗಳನ್ನು ಘೋಷಿಸಿದ್ದಾರೆ.

ಗಂಭೀರ ಅಪರಾಧ ಪ್ರಕರಣಗಳಿರುವ ಅಭ್ಯರ್ಥಿಗಳ

ಗಂಭೀರ ಅಪರಾಧ ಪ್ರಕರಣಗಳಿರುವ ಅಭ್ಯರ್ಥಿಗಳ ಪೈಕಿ ಎಸ್‌ಪಿಯ 52 ಅಭ್ಯರ್ಥಿಗಳಲ್ಲಿ 25, ಕಾಂಗ್ರೆಸ್‌ನ 54 ಅಭ್ಯರ್ಥಿಗಳಲ್ಲಿ 16, ಬಿಎಸ್‌ಪಿಯ 55 ಅಭ್ಯರ್ಥಿಗಳಲ್ಲಿ 15, ಬಿಜೆಪಿಯ 53 ಅಭ್ಯರ್ಥಿಗಳಲ್ಲಿ 11, ಆರ್‌ಎಲ್‌ಡಿಯ 3 ಅಭ್ಯರ್ಥಿಗಳಲ್ಲಿ 1 ಮತ್ತು 6 ಅಭ್ಯರ್ಥಿಗಳು ಸೇರಿದ್ದಾರೆ. ಎಎಪಿಯಿಂದ ವಿಶ್ಲೇಷಿಸಲಾದ 49 ಅಭ್ಯರ್ಥಿಗಳಲ್ಲಿ ಆರು ಅಭ್ಯರ್ಥಿಗಳು ಮಹಿಳೆಯರ ವಿರುದ್ಧದ ಅಪರಾಧಕ್ಕೆ ಸಂಬಂಧಿಸಿದ ಪ್ರಕರಣಗಳನ್ನು ಘೋಷಿಸಿದ್ದಾರೆ ಮತ್ತು ಒಬ್ಬ ಅಭ್ಯರ್ಥಿಯು ಕೊಲೆಗೆ ಸಂಬಂಧಿಸಿದ ಪ್ರಕರಣವನ್ನು ಹೊಂದಿದ್ದಾರೆ. ಎರಡನೇ ಹಂತದಲ್ಲಿ ಮತದಾನ ನಡೆಯಲಿರುವ 55 ಕ್ಷೇತ್ರಗಳ ಪೈಕಿ ಸುಮಾರು 29 ಕ್ಷೇತ್ರಗಳು ಕ್ರಿಮಿನಲ್‌ಗಳ ಉಪಸ್ಥಿತಿಯಿಂದಾಗಿ ರೆಡ್ ಅಲರ್ಟ್' ಕ್ಷೇತ್ರಗಳಾಗಿವೆ.

ಬಹುತೇಕ ಶ್ರೀಮಂತ ಅಭ್ಯರ್ಥಿಗಳಿಗೆ ಟಿಕೆಟ್

584 ಅಭ್ಯರ್ಥಿಗಳಲ್ಲಿ 260 (45%) ಅಭ್ಯರ್ಥಿಗಳು ಕೋಟ್ಯಾಧಿಪತಿಗಳಾಗಿದ್ದಾರೆ. ಎಲ್ಲಾ ಪ್ರಮುಖ ರಾಜಕೀಯ ಪಕ್ಷಗಳು ಶ್ರೀಮಂತ ಅಭ್ಯರ್ಥಿಗಳಿಗೆ ಟಿಕೆಟ್ ನೀಡುವುದರಿಂದ ಚುನಾವಣೆಯಲ್ಲಿ ಹಣಬಲದ ಪಾತ್ರ ಸ್ಪಷ್ಟವಾಗಿದೆ. ಪ್ರಮುಖ ಪಕ್ಷಗಳ ಪೈಕಿ ಬಿಜೆಪಿಯಿಂದ 53 ಅಭ್ಯರ್ಥಿಗಳಲ್ಲಿ 52 (98%), ಎಸ್‌ಪಿಯಿಂದ 52 ಅಭ್ಯರ್ಥಿಗಳಲ್ಲಿ 48 (92%), ಬಿಎಸ್‌ಪಿಯಿಂದ ವಿಶ್ಲೇಷಿಸಲಾದ 55 ಅಭ್ಯರ್ಥಿಗಳಲ್ಲಿ 46 (84%), RLD ಯಿಂದ 3 ಅಭ್ಯರ್ಥಿಗಳಲ್ಲಿ 2 (67%), INC ಯಿಂದ ವಿಶ್ಲೇಷಿಸಿದ 54 ಅಭ್ಯರ್ಥಿಗಳಲ್ಲಿ 31 (57%) ಮತ್ತು AAP ಯಿಂದ ವಿಶ್ಲೇಷಿಸಿದ 49 ಅಭ್ಯರ್ಥಿಗಳಲ್ಲಿ 16 (33%) 1 ಕೋಟಿಗಿಂತ ಹೆಚ್ಚು ಮೌಲ್ಯದ ಆಸ್ತಿಯನ್ನು ಘೋಷಿಸಿದ್ದಾರೆ. ಉತ್ತರ ಪ್ರದೇಶ ವಿಧಾನಸಭೆ ಚುನಾವಣೆ 2022 ಹಂತ II ರಲ್ಲಿ ಸ್ಪರ್ಧಿಸುವ ಪ್ರತಿ ಅಭ್ಯರ್ಥಿಯು 4.11 ಕೋಟಿ ರೂಪಾಯಿ ಮೌಲ್ಯದ ಆಸ್ತಿಯನ್ನು ಹೊಂದಿದ್ದಾರೆ.

ಕೋಟಿ ಒಡೆಯರಿಗೆ ಟಿಕೆಟ್

ಪ್ರಮುಖ ಪಕ್ಷಗಳಲ್ಲಿ, ಎಸ್‌ಪಿಯ ಪ್ರತಿ (52) ಅಭ್ಯರ್ಥಿಯ ಸರಾಸರಿ ಆಸ್ತಿಯನ್ನು 11.26 ಕೋಟಿ ರೂ. ಎಂದು ವಿಶ್ಲೇಷಿಸಲಾಗಿದೆ. ಇನ್ನೂ 53 ಬಿಜೆಪಿ ಅಭ್ಯರ್ಥಿಗಳು 9.95 ಕೋಟಿ ರೂ., 54 INC ಅಭ್ಯರ್ಥಿಗಳು 8.20 ಕೋಟಿ ರೂ., 3 RLD ಅಭ್ಯರ್ಥಿಗಳ ಸರಾಸರಿ ಆಸ್ತಿ ರೂ. 6.20 ಕೋಟಿ, 55 BSP ಅಭ್ಯರ್ಥಿಗಳು 5.74 ಕೋಟಿ ರೂ. ಮತ್ತು 49 AAP ಅಭ್ಯರ್ಥಿಗಳು ಸರಾಸರಿ 1.60 ಕೋಟಿ ಮೌಲ್ಯದ ಆಸ್ತಿ ಹೊಂದಿದ್ದಾರೆ ಎಂದು ವಿಶ್ಲೇಷಿಸಲಾಗಿದೆ.

ಇತರೆ ವಿವರಗಳು

ಉತ್ತರಪ್ರದೇಶ ವಿಧಾನಸಭೆ ಚುನಾವಣೆಯಲ್ಲಿ ಸ್ಪರ್ಧಿಸುವ 206 (35%) ಅಭ್ಯರ್ಥಿಗಳು ತಮ್ಮ ವಯಸ್ಸು 25 ರಿಂದ 40 ವರ್ಷಗಳು ಎಂದು ಘೋಷಿಸಿದ್ದಾರೆ ಮತ್ತು 309 (53%) ಅಭ್ಯರ್ಥಿಗಳು ತಮ್ಮ ವಯಸ್ಸು 41 ರಿಂದ 60 ವರ್ಷಗಳು ಎಂದು ಘೋಷಿಸಿದ್ದಾರೆ. 68 (12%) ಅಭ್ಯರ್ಥಿಗಳು ತಮ್ಮ ವಯಸ್ಸು 61 ರಿಂದ 80 ವರ್ಷ ಎಂದು ಘೋಷಿಸಿದ್ದಾರೆ ಮತ್ತು 1 ಅಭ್ಯರ್ಥಿಯು ತಮ್ಮ ವಯಸ್ಸು 83 ವರ್ಷ ಎಂದು ಘೋಷಿಸಿದ್ದಾರೆ. ಉತ್ತರ ಪ್ರದೇಶ ವಿಧಾನಸಭೆ ಚುನಾವಣೆ 2022 ಹಂತ II ರಲ್ಲಿ 69(12%) ಮಹಿಳಾ ಅಭ್ಯರ್ಥಿಗಳು ಸ್ಪರ್ಧಿಸುತ್ತಿದ್ದಾರೆ.

English summary

Nearly 25 per cent candidates contesting the second phase of UP elections have a criminal background. According to an analysis released by the Association for Democratic Reforms (ADR) which has analysed affidavits of 584 out of 586 candidates, nearly 147 have criminal cases.