ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮಕ್ಕಳು ಅನುಕರಣೆ ಮಾಡುವುದೇಕೆ, ಈ ವಿಡಿಯೋದ ಬಗ್ಗೆ ವೈದ್ಯರು ಏನಂತಾರೆ?

|
Google Oneindia Kannada News

ಬೆಂಗಳೂರು, ಡಿಸೆಂಬರ್ 22: ಮಕ್ಕಳು ಹಿರಿಯರ ಮಾತನ್ನು ಅನುಕರಣೆ ಮಾಡುವುದು, ಹಿರಿಯರೆದುರು ಸಂಕೋಚವಿಲ್ಲದೆ ನೃತ್ಯ ಮಾಡುವುದು ಅಥವಾ ಪರಿಚಯವಿಲ್ಲದೇ ಇರುವವರ ಬಳಿಯೂ ಆತ್ಮೀಯವಾಗಿ ಮಾತನಾಡುವುದನ್ನು ನೀವು ನೋಡಿಯೇ ಇರುತ್ತೀರಿ.

ವಯಸ್ಕರು ಕೆಲ ಸಂದರ್ಭದಲ್ಲಿ ಸಂಕೋಚ ಪಡುವುದುಂಟು ಆದರೆ ಮಕ್ಕಳಲ್ಲಿ ಯಾವುದೇ ಹಿಂಜರಿಕೆ ಇರುವುದಿಲ್ಲ ಏಕೆ ಎಂದು ಎಂದಾದರೂ ಆಲೋಚಿಸಿದ್ದೀರಾ.. ಸಂಶೋಧನೆ ಪ್ರಕಾರ ಮಕ್ಕಳ ಮೆದುಳು, ವಯಸ್ಕರ ಮೆದುಳಿಗಿಂತ ಹೆಚ್ಚು ಚಟುವಟಿಕೆಗಳಿಂದ ಕೂಡಿರುತ್ತದೆ. ಹೀಗಾಗಿ ಮಕ್ಕಳು ಹೊಸ ವಿಷಯಗಳನ್ನು ಬಹುಬೇಗ ಕಲಿಯುತ್ತಾರೆ.

ಮೆದುಳು ಬೆಳವಣಿಗೆಯಾಗುತ್ತಿದ್ದಂತೆ, ಮೆದುಳಿನ ನರಮಂಡಲಗಳು ಬೆಳವಣಿಗೆಯಾಗುತ್ತವೆ. ಮಗುವಿನ ಆರನೇ ವಯಸ್ಸಿನಲ್ಲಿ ಮೆದುಳಿನ ಗ್ರಹಿಸುವ ಶಕ್ತಿ ಅಧಿಕವಾಗುತ್ತದೆ. ಆ ಬಳಿಕ ಮೆದುಳಿನ ಬೆಳವಣಿಗೆ ದರ ವರ್ಷದಿಂದ ವರ್ಷಕ್ಕೆ ಕಡಿಮೆಯಾಗುತ್ತಾ ಬರುತ್ತದೆ. ಶೇ.90ರಷ್ಟು ಮೆದುಳಿನ ಬೆಳವಣಿಗೆ ಮಗುವಿನ ಆರನೇ ವಯಸ್ಸಿಗೆ ಆಗುತ್ತದೆ ಎಂದು ವೈದ್ಯರು ಹೇಳುತ್ತಾರೆ.

 Toddler Brings Down TV While Dancing To Tamil Song Morrakka Video Goes Viral

ಮಕ್ಕಳು ಅನುಕರಣೆ ಮಾಡುವುದೇಕೆ?: ಇತ್ತೀಚೆಗೆ ಮಗುವಿನ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ಸಕತ್ ವೈರಲ್ ಆಗಿತ್ತು. ಮಗುವೊಂದು ಟಿವಿಯಲ್ಲಿ ಬರುವ ನೃತ್ಯವನ್ನೇ ಅನುಕರಣೆ ಮಾಡುತ್ತಾ ಟಿವಿಯನ್ನು ಒಡೆದು ಹಾಕಿದ ವಿಡಿಯೋ ಅದಾಗಿತ್ತು.

ಕಾವೇರಿ ಎಂಬುವವರು ಇದನ್ನು ಟ್ವೀಟ್ ಮಾಡಿದ್ದರು. ಮಕ್ಕಳು ಎಂದಿಗೂ ಬೇರೆಯವರ ಗಮನವನ್ನು ತನ್ನತ್ತ ಸೆಳೆಯಲು ಪ್ರಯತ್ನಿಸಿರುತ್ತಾರೆ. ನೃತ್ಯ ಮಾಡುವುದು, ಹಾಡು ಹೇಳುವುದು, ಅನುಕರಣೆ ಮಾಡುವುದು, ಅಥವಾ ಪೋಷಕರು ಮಾತನಾಡುತ್ತಿರುವಾಗ ಮಧ್ಯ ಹೋಗಿ ತಾವೂ ಕೂಡ ಮಾತನಾಡುವುದು ಇವೆಲ್ಲವೂ ಬೇರೆಯವರ ಗಮನವನ್ನು ತನ್ನತ್ತ ಸೆಳೆಯುವ ಪ್ರಯತ್ನವಾಗಿರುತ್ತದೆ.

ಹಾಗೆಯೇ ಮಗುವೊಂದು ತಮಿಳು ಹಾಡು, ನೃತ್ಯವೊಂದನ್ನು ನೋಡುತ್ತಾ ಅದರ ಹಾಗೆ ಅನುಕರಣೆ ಮಾಡಲು ಹೋಗಿ ಟಿವಿಯನ್ನೇ ಒಡೆದುಹಾಕಿತ್ತು. ಕೆಲವರು ಆಕೆ ಕ್ಯೂಟ್ ಹಾಗೂ ಇನೋಸೆಂಟ್ ಎಂದು ಟ್ವೀಟ್ ಮಾಡಿದರೆ, ಮಗುವಿಗೆ ಏನು ಆಗಿಲ್ಲ ಎಂದು ಭಾವಿಸುತ್ತೇನೆ ಎಂದು ಇನ್ನೊಬ್ಬರು, ಮಕ್ಕಳ ಕೈಗೆಟುಕುವ ಹಾಗೆ ಟಿವಿ ಹಾಗೂ ಇನ್ನಿತರೆ ಭಾರದ ವಸ್ತುಗಳನ್ನು ಇಡುವುದು ಒಳ್ಳೆಯದಲ್ಲ ಎಂದು ಕೆಲವರು ಸಲಹೆ ನೀಡಿದ್ದಾರೆ.

English summary
The video of a toddler dancing on social media is becoming increasingly viral. Tamil song was playing on TV. On hearing this, the girl started dancing. Only the family member was sitting back and recording. This video has been shared on Twitter by a user named Kaveri, after which this video has become viral on social media.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X