Oneindia Explainer: ಹೊಸ ರಾಷ್ಟ್ರಪತಿ ಆಯ್ಕೆ ಹೇಗೆ? ಏನಿದು electoral-college?
ಭಾರತದ ಹಾಲಿ ರಾಷ್ಟ್ರಪತಿ ರಾಮನಾಥ್ ಕೋವಿಂದ್ ಅವರ ಅಧಿಕಾರ ಅವಧಿ ಮುಕ್ತಾಯ ಹಂತಕ್ಕೆ ತಲುಪಿದ್ದು, ನೂತನ ರಾಷ್ಟ್ರಪತಿ ಆಯ್ಕೆಗೆ ದಿನಾಂಕವನ್ನು ಜೂನ್ 9ರಂದು ಘೋಷಣೆ ಮಾಡಲಾಗಿದೆ.
ದೆಹಲಿಯಲ್ಲಿ ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್ ಸುದ್ದಿಗೋಷ್ಠಿ ನಡೆಸಿ, ಜುಲೈ 18ರಂದು ರಾಷ್ಟ್ರಪತಿ ಆಯ್ಕೆಗೆ ಚುನಾವಣೆ ನಡೆಯಲಿದ್ದು, ಜುಲೈ 21ರಂದು ಮತ ಎಣಿಕೆ ನಡೆಯಲಿದೆ ಎಂದು ಪ್ರಕಟಿಸಿದರು.
Oneindia Expaliner: ರಾಜ್ಯಸಭೆಗೆ ಚುನಾವಣೆ ಹೇಗೆ ನಡೆಯಲಿದೆ?
ಈ ಬಾರಿ ಸಂಸದರ ಮತದ ಮೌಲ್ಯ 700 ಆಗಿದೆ. ಬಂಧನದಲ್ಲಿರುವ ಜನಪ್ರತಿನಿಧಿಗಳಿಗೂ ಮತ ಚಲಾಯಿಸಲು ಅವಕಾಶ ನೀಡಲಾಗಿದೆ. ಜೈಲಿನಲ್ಲಿರುವವರು ಪೆರೋಲ್ಗೆ ಅರ್ಜಿ ಸಲ್ಲಿಸಬೇಕು ಮತ್ತು ಪೆರೋಲ್ ಪಡೆದರೆ ಅವರು ಮತ ಚಲಾಯಿಸಬಹುದು ಎಂದು ಮುಖ್ಯ ಚುನಾವಣಾ ಆಯುಕ್ತ ರಾಜೀವ್ ಕುಮಾರ್ ಹೇಳಿದ್ದಾರೆ.
ಸಂಖ್ಯೆ. | ರಾಜ್ಯ/ಕೇಂದ್ರಾಡಳಿತ ಪ್ರದೇಶ | ಶಾಸಕರು | ಜನಸಂಖ್ಯೆ | ಮತದ ಮೌಲ್ಯ | ಒಟ್ಟು ಮತದ ಮೌಲ್ಯ |
---|---|---|---|---|---|
1 | ಆಂಧ್ರಪ್ರದೇಶ | 175 | 43,502,708 | 248 | 43400 |
2 | ಅರುಣಾಚಾಲ ಪ್ರದೇಶ | 60 | 467,511 | 8 | 480 |
3 | ಅಸ್ಸಾಂ | 126 | 14,625,152 | 116 | 14,616 |
4 | ಬಿಹಾರ | 243 | 42,126,236 | 173 | 42,039 |
5 | ಛತ್ತೀಸ್ ಗಢ | 90 | 11,637,494 | 129 | 11,610 |
6 | ದೆಹಲಿ | 70 | 4,065,698 | 58 | 4,060 |
7 | ಗೋವಾ | 40 | 795,120 | 20 | 800 |
8 | ಗುಜರಾತ್ | 182 | 26,697,475 | 147 | 26,754 |
9 | ಹರ್ಯಾಣ | 90 | 10,036,808 | 112 | 10,080 |
10 | ಹಿಮಾಚಲ ಪ್ರದೇಶ | 68 | 3,460,434 | 51 | 3468 |
11 | ಜಮ್ಮು ಮತ್ತು ಕಾಶ್ಮೀರ | -- | -- | --- | --- |
12 | ಜಾರ್ಖಂಡ್ | 81 | 14,227,133 | 176 | 14,256 |
13 | ಕರ್ನಾಟಕ | 224 | 29,299,014 | 131 | 29,344 |
14 | ಕೇರಳ | 140 | 21,347,375 | 152 | 21,280 |
15 | ಮಧ್ಯ ಪ್ರದೇಶ | 230 | 30,016,625 | 131 | 30,130 |
16 | ಮಹಾರಾಷ್ಟ್ರ | 288 | 50,412,235 | 175 | 50,400 |
17 | ಮಣಿಪುರ | 60 | 1,072,753 | 18 | 1,080 |
18 | ಮೇಘಾಲಯ | 60 | 1,011,699 | 17 | 1,020 |
19 | ಮಿಜೋರಾಂ | 40 | 332,390 | 8 | 320 |
20 | ನಾಗಾಲ್ಯಾಂಡ್ | 60 | 516,499 | 9 | 540 |
21 | ಒಡಿಶಾ | 147 | 21,944,615 | 149 | 21,903 |
22 | ಪುದುಚೇರಿ | 30 | 471,707 | 16 | 480 |
23 | ಪಂಜಾಬ್ | 117 | 13,551,060 | 116 | 13,572 |
24 | ರಾಜಸ್ಥಾನ | 200 | 25,765,806 | 129 | 25,800 |
25 | ಸಿಕ್ಕಿಂ | 32 | 209,843 | 7 | 224 |
26 | ತಮಿಳುನಾಡು | 234 | 41,199,168 | 176 | 41,184 |
27 | ತೆಲಂಗಾಣ | 119 | 43,502,708 | 148 | 17612 |
28 | ತ್ರಿಪುರಾ | 60 | 1,556,342 | 26 | 1,560 |
29 | ಉತ್ತರಪ್ರದೇಶ | 403 | 83,849,905 | 208 | 83,824 |
30 | ಉತ್ತರಾಖಂಡ | 70 | 4,491,239 | 64 | 4,480 |
31 | ಪಶ್ಚಿಮ ಬಂಗಾಳ | 294 | 44,312,011 | 151 | 44,394 |
Total | 4,120 | 549,302,055 | 549,474 |
(ಒನ್ಇಂಡಿಯಾ ಸುದ್ದಿ)
ಈ ಬಾರಿಯ ರಾಷ್ಟ್ರಪತಿ ಚುನಾವಣೆಯಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಶಾಸಕರಿಲ್ಲದ ಕಾರಣ ಸಂಸದರ ಮತ ಮೌಲ್ಯ ಕುಸಿಯಲಿದೆ.
ಹೊಸ ರಾಷ್ಟ್ರಪತಿಯನ್ನು ಭಾರತದ ಜನಪ್ರತಿನಿಧಿಗಳು ಆಯ್ಕೆ ಮಾಡಲಿದ್ದಾರೆ? ಭಾರತದ ರಾಷ್ಟಪತಿ ಅಯ್ಕೆಗೆ ಮತದಾನ ಮಾಡುವ ಜನಪ್ರತಿನಿಧಿಗಳ ಸಂಖ್ಯೆ ಎಷ್ಟು electrol college ಹೇಗಿದೆ? ಮುಂದೆ ಓದಿ...
ವ್ಯಕ್ತಿ ಚಿತ್ರ: ದಲಿತ ನಾಯಕ, ವಕೀಲ ರಾಮನಾಥ್ ಕೋವಿಂದ್
ಎಷ್ಟು ಮತಗಳು ಬೇಕು?
ಜುಲೈ 24ರಂದು ರಾಮನಾಥ್ ಕೋವಿಂದ್ ಅಧಿಕಾರಾವಧಿ ಅಂತ್ಯಗೊಳ್ಳಲಿದೆ. ಸಾಮಾನ್ಯವಾಗಿ ಅಧಿಕಾರಾವಧಿಗಿಂತ ಮುನ್ನವೇ ಚುನಾವಣೆ ನಡೆಯುತ್ತದೆ ಮತ್ತು ಮುಂದಿನ ರಾಷ್ಟ್ರಪತಿಗಳನ್ನು ಹಾಲಿ ರಾಷ್ಟ್ರಪತಿ ಸ್ವಾಗತಿಸಿ ನಂತರ ನಿರ್ಗಮಿಸುತ್ತಾರೆ. 2017ರ ಜುಲೈ 17ರಂದು ರಾಮನಾಥ್ ಕೋವಿಂದ್ ರಾಷ್ಟ್ರಪತಿಯಾಗಿ ಆಯ್ಕೆಯಾಗಿದ್ದರು. ಲೋಕಸಭೆಯಲ್ಲಿ 543 ಮತ್ತು ರಾಜ್ಯಸಭೆಯಲ್ಲಿ 233 ಸಂಸದರು ಸೇರಿ ಒಟ್ಟಾರೆ 776 ಸಂಸದರಿರುತ್ತಾರೆ. 4,809 ಶಾಸಕರು ಮತ ಚಲಾವಣೆ ಮಾಡುವ ಮೂಲಕ ರಾಷ್ಟ್ರಪತಿಯನ್ನು ಆಯ್ಕೆ ಮಾಡುತ್ತಾರೆ.
ಎಷ್ಟು ಮತಗಳು ಬೇಕು?; 776 ಸಂಸದರು, 4,120 ಶಾಸಕರು ಸೇರಿ 10,98,903 ಮತದಾರರು ಸೇರಿ ರಾಷ್ಟ್ರಪತಿಗಳನ್ನು ಆಯ್ಕೆ ಮಾಡುತ್ತಾರೆ. ಬಿಜೆಪಿ ಇದರಲ್ಲಿ ಶೇ 50ಕ್ಕಿಂತ ಹೆಚ್ಚಿನ ಮತಗಳನ್ನು ಹೊಂದಿದೆ. ಸದ್ಯ ರಾಷ್ಟ್ರಪತಿಯಾಗಿರುವ ರಾಮನಾಥ್ ಕೋವಿಂದ್ ಅವರನ್ನು ಮತ್ತೊಂದು ಅವಧಿಗೆ ಮುಂದುವರೆಸು ಕುರಿತು ಚರ್ಚೆಗಳು ನಡೆದಿದೆ. ಆದರೆ ಇದುವರೆಗೂ ರಾಜೇಂದ್ರ ಪ್ರಸಾದ್ ಹೊರತುಪಡಿಸಿದರೆ ಬೇರೆ ಯಾರೂ ಸಹ ಎರಡನೇ ಅವಧಿಗೆ ರಾಷ್ಟ್ರಪತಿಯಾಗಿ ಆಯ್ಕೆಯಾಗಿಲ್ಲ.
ಏಲೆಕ್ಟ್ರೋಲ್ ಕಾಲೇಜ್
ಏಲೆಕ್ಟ್ರೋಲ್ ಕಾಲೇಜ್ ಎಂದರೆ ಯಾವುದೇ ಸ್ಥಳವಲ್ಲ. ಬದಲಿಗೆ ರಾಷ್ಟ್ರಪತಿ/ಉಪ ರಾಷ್ಟ್ರಪತಿ ಆಯ್ಕೆಗೆ ಜನಪ್ರತಿನಿಧಿಗಳ ಒಟ್ಟಾರೆ ಸಮೂಹ ಒಕ್ಕೂಟ ವ್ಯವಸ್ಥೆಯಲ್ಲಿ ಆಯ್ಕೆ ಮಾಡುವ ವಿಧಾನ.
ಈ ಎಲೆಕ್ಟ್ರೋಲ್ ಕಾಲೇಜ್ ಲೋಕಸಭಾ, ರಾಜ್ಯಸಭಾ, ವಿಧಾನಸಭಾ ಸದಸ್ಯರನ್ನು ಒಳಗೊಂಡಿರುತ್ತದೆ. ಎಲ್ಲಾ ರಾಜ್ಯಗಳಲ್ಲದೆ, ಕೇಂದ್ರಾಡಳಿತ ಪ್ರದೇಶಗಳಾದ ದೆಹಲಿ ಮತ್ತು ಪಾಂಡಿಚೇರಿಯ ಶಾಸಕರೂ ಈ ಚುನಾವಣೆಯಲ್ಲಿ ಭಾಗವಹಿಸುತ್ತಾರೆ.
ಎಲೆಕ್ಟ್ರೋಲ್ ಮತಗಳು: ಎಲೆಕ್ಟ್ರೋಲ್ ಕಾಲೇಜಿನ ಒಟ್ಟು ಮತಗಳು 10.98 ಲಕ್ಷ. ರಾಷ್ಟ್ರಪತಿ ಆಯ್ಕೆಗೆ ಬೇಕಾಗಿರುವ ಸರಳ ಬಹುಮತ 5.49 ಲಕ್ಷ ಎಲೆಕ್ಟ್ರೋಲ್ ಮತಗಳು. ಲೋಕಸಭೆ ಮತ್ತು ರಾಜ್ಯಸಭೆಯ ಒಬ್ಬ ಸದಸ್ಯರ ಮತದ ಮೌಲ್ಯ 708 ಎಲೆಕ್ಟ್ರೋಲ್ ಮತಗಳು. ಶಾಸಕರ ಎಲೆಕ್ಟ್ರೋಲ್ ಮತಗಳ ಮೌಲ್ಯ ಆಯಾ ರಾಜ್ಯದ ಜನಸಂಖ್ಯೆಗೆ ಮತ್ತು ಶಾಸಕರ ಸಂಖ್ಯೆಗೆ ತಕ್ಕಂತೆ ಭಿನ್ನವಾಗಿರುತ್ತದೆ. ಆಯಾ ರಾಜ್ಯದ ಒಟ್ಟು ಜನಸಂಖ್ಯೆಯನ್ನು ರಾಜ್ಯದ ಒಟ್ಟು ಶಾಸಕರ ಸಂಖ್ಯೆಯಿಂದ ಭಾಗಿಸಿದಾಗ ಬರುವ ಶೇಷವನ್ನು ಪುನಃ 1000 ದಿಂದ ಭಾಗಿಸಿದಾಗ ಬರುವ ಉತ್ತರವೇ ಆ ರಾಜ್ಯದ ಒಬ್ಬ ಶಾಸಕನ ಎಲೆಕ್ಟ್ರೋಲ್ ವೋಟಿನ ಮೌಲ್ಯವಾಗಿರುತ್ತದೆ.
ಮತ ಮೌಲ್ಯ 5,49,442 ಸಾಕು
ಎಲೆಕ್ಟ್ರೋಲ್ ಕಾಲೇಜಿನಲ್ಲಿ ರಾಷ್ಟ್ರಪತಿಗಳನ್ನು ಆಯ್ಕೆ ಮಾಡಲು ಮತ ಮೌಲ್ಯ 5,49,442 ಸಾಕು. ಎಲೆಕ್ಟ್ರೋಲ್ ಕಾಲೇಜು 4,896 ಶಾಸಕರನ್ನು ಒಳಗೊಂಡಿದೆ. ಇದರಲ್ಲಿ 776 ಲೋಕಸಭೆ ಮತ್ತು ರಾಜ್ಯಸಭಾ ಸದಸ್ಯರು ಮತ್ತು 4,120 ಶಾಸಕರು ಸೇರಿದ್ದಾರೆ. 87 ಶಾಸಕರನ್ನು ಹೊಂದಿದ್ದ ಜಮ್ಮು ಮತ್ತು ಕಾಶ್ಮೀರದಲ್ಲಿ ವಿಧಾನಸಭೆ ಇಲ್ಲದ ಕಾರಣ ಈ ಬಾರಿ ಸಂಖ್ಯೆ 4,809 ಆಗಲಿದೆ. ನಾಮಾಂಕಿತ ಸದಸ್ಯರು ಹಾಗೂ ಎಂಎಲ್ಸಿ ಗಳಿಗೆ ಮತದಾನದ ಅವಕಾಶ ಇರುವುದಿಲ್ಲ.
ಬಿಜೆಪಿಗೆ ಮಿತ್ರಪಕ್ಷಗಳ ನೆರವು ಅಗತ್ಯ
ಬಿಜೆಪಿಗೆ ರಾಷ್ಟ್ರಪತಿ ಆಯ್ಕೆಗೆ ಅಗತ್ಯವಿರುವ 17,500 ಮತಗಳ ಕೊರತೆ ಉಂಟಾಗುತ್ತಿದೆ. ಬಿಜೆಪಿ ಬಳಿ ಇರುವ ಎಲೆಕ್ಟ್ರೋಲ್ ಮತಗಳು 5.32 ಲಕ್ಷ. ಎಐಎಡಿ ಎಂಕೆ ಮತ್ತು ಬಿಜೆಡಿ ಪಕ್ಷಗಳು ಬೆಂಬಲ ನೀಡಿದರೆ ಬಿಜೆಪಿ 6.28 ಎಲೆಕ್ಟ್ರೋಲ್ ವೋಟುಗಳನ್ನು ಪಡೆಯುತ್ತದೆ. ಸದ್ಯ ಬಿಜೆಪಿ ಎಲ್ಲ ಶಾಸಕರು ಮತ್ತು ಸಂಸದರ ಮತಗಳ ಪೈಕಿ ಬಿಜೆಪಿ ಶೇ.48.9ರಷ್ಟು ಮತಗಳನ್ನು ಹೊಂದಿದೆ. ಪ್ರತಿಪಕ್ಷಗಳು ಮತ್ತು ಇತರ ಪಕ್ಷಗಳು ಶೇ. 51.1 ರಷ್ಟಿವೆ. ತನ್ನ ಅಭ್ಯರ್ಥಿಯನ್ನು ಆಯ್ಕೆ ಮಾಡಲು ಬಿಜೆಪಿಗೆ ಬಿಜೆಡಿ ಅಥವಾ ವೈಎಸ್ಆರ್ ಕಾಂಗ್ರೆಸ್ನ ಮತಗಳ ನೆರವು ಬೇಕಾಗುತ್ತದೆ.
2017 ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಸುಮಾರು ಶೇ.50 ರಷ್ಟು ಮತಗಳು ಎನ್ಡಿಎ ಪರವಾಗಿ ಇದ್ದವು. ಒಟ್ಟು 4,880 ಮತದಾರರಲ್ಲಿ 4,109 ಶಾಸಕರು ಮತ್ತು 771 ಸಂಸದರು ಮತ ಚಲಾಯಿಸಿದ್ದರು. ಅಧ್ಯಕ್ಷರ ಚುನಾವಣೆಯಲ್ಲಿ ಸಾಮಾನ್ಯ ಜನರಿಗೆ ಭಾಗವಹಿಸಲು ಅವಕಾಶವಿಲ್ಲ. ಚುನಾಯಿತ ಜನಪ್ರತಿನಿಧಿಗಳು ಮತ ಚಲಾಯಿಸಿದ್ದರು.
Recommended Video
ಇಲ್ಲಿ ತನಕ ನಡೆದ ಚುನಾವಣೆ
ಜಮ್ಮು ಮತ್ತು ಕಾಶ್ಮೀರ ಮರುಸಂಘಟನೆ ಕಾಯಿದೆಯ ಪ್ರಕಾರ, J&K ಕೇಂದ್ರಾಡಳಿತ ಪ್ರದೇಶವು ಶಾಸಕಾಂಗ ಸಭೆಯನ್ನು ಹೊಂದಿರುತ್ತದೆ, ಆದರೆ ಲಡಾಖ್ ನೇರವಾಗಿ ಕೇಂದ್ರದಿಂದ ಆಡಳಿತ ನಡೆಸುತ್ತದೆ. 87 ಶಾಸಕರನ್ನು ಹೊಂದಿದ್ದ ಜಮ್ಮು ಮತ್ತು ಕಾಶ್ಮೀರ 72 ಮತ ಮೌಲ್ಯ ಹೊಂದಿತ್ತು ಹಾಗೂ ಒಟ್ಟು 6,264 ಮತ ಮೌಲ್ಯ ಈಗ ಕಡಿಮೆಯಾಗಲಿದೆ.
ಮೊದಲ ಎರಡು ಚುನಾವಣೆಗಳಲ್ಲಿ ಡಾ ರಾಜೇಂದ್ರ ಪ್ರಸಾದ್ ಸತತ ಗೆಲುವು ಸಾಧಿಸಿದ್ದರು. ಇಲ್ಲಿ ತನಕ 14 ಪ್ರಥಮ ಪ್ರಜೆಗಳನ್ನು ಭಾರತ ತಂಡಿದೆ. 2022 ರಲ್ಲಿ ನಡೆಯಲಿರುವ ರಾಷ್ಟ್ರಪತಿ ಚುನಾವಣೆಯು16ನೇ ರಾಷ್ಟ್ರಪತಿಗಳನ್ನು ಆಯ್ಕೆ ಮಾಡಲಿದೆ. ಭಾರತದ ಅತ್ಯುನ್ನತ ಸಾಂವಿಧಾನಿಕ ಹುದ್ದೆಗಾಗಿ ಕ್ರಮವಾಗಿ 1952, 1957, 1962, 1967, 1969, 1974, 1977, 1982, 1987, 1992, 1997, 2002, 2007, 2012 ರಲ್ಲಿ ನಡೆದಿವೆ.