Omicron vs Delta: ಎರಡು ಕೊರೊನಾ ರೂಪಾಂತರಗಳು ಹೇಗೆ ಭಿನ್ನ?
ನವದೆಹಲಿ, ನವೆಂಬರ್ 30: ಪ್ರಪಂಚದಾದ್ಯಂತದ ವಿಜ್ಞಾನಿಗಳು ಕೋವಿಡ್ -19 ರ ಓಮಿಕ್ರಾನ್ ರೂಪಾಂತರವನ್ನು ಅರ್ಥಮಾಡಿಕೊಳ್ಳಲು ಪ್ರಯತ್ನಿಸುತ್ತಿದ್ದಾರೆ. ಇನ್ನೂ ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ಒ) ಇದನ್ನು ಅಪಾಯಕಾರಿ ರೂಪಾಂತರವೆಂದು ಘೋಷಿಸಿರುವುದರಿಂದ ಆತಂಕ ಹೆಚ್ಚಾಗಿದೆ. ಈಗಾಗಲೇ ಕೊರೊನಾ ರೂಪಾಂತರಗಳ ಹೊಡೆತದಿಂದ ಚೇತರಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಅದಾಗಲೇ ಓಮಿಕ್ರಾನ್ ರೂಪಾಂತರವು ಇತರರಿಗಿಂತ ಹೆಚ್ಚು ಅಪಾಯಕಾರಿ ಎಂದು ಊಹಿಸಲಾಗಿದೆ. ಈ ವರ್ಷದ ಆರಂಭದಲ್ಲಿ ಭಾರತ ಸೇರಿದಂತೆ ಪ್ರಪಂಚದ ಹಲವಾರು ಭಾಗಗಳಲ್ಲಿ ಡೆಲ್ಟಾ ಕೂಡ ವಿನಾಶವನ್ನು ಉಂಟುಮಾಡಿತು.
ಹೊಸ ರೂಪಾಂತರವು ಕೋವಿಡ್ -19 ಸಾಂಕ್ರಾಮಿಕ ರೋಗದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಚೆನ್ನಾಗಿ ಅರ್ಥಮಾಡಿಕೊಳ್ಳಲು ವಿಶ್ವಾದ್ಯಂತ ಹಲವಾರು ಸಂಶೋಧಕರು ಪ್ರಯತ್ನಿಸುತ್ತಿದ್ದಾರೆಂದು WHO ಹೇಳಿದೆ. ಮುಂದಿನ ಕೆಲ ದಿನಗಳಲ್ಲಿ ಅಥವಾ ವಾರಗಳಲ್ಲಿ ಹೊಸ ಸಂಶೋಧನೆಗಳನ್ನು ನಿರೀಕ್ಷಿಸಲಾಗಿದೆ. ಸಾರ್ವಜನಿಕ ಡೇಟಾಬೇಸ್ಗಳಲ್ಲಿ ವರದಿಯಾದ ಓಮಿಕ್ರಾನ್ ರೂಪಾಂತರದಿಂದ ಉಂಟಾಗುವ ಪ್ರಕರಣಗಳು ಡೆಲ್ಟಾದಿಂದ ಉಂಟಾದ ಪ್ರಕರಣಗಳನ್ನು ಭಿನ್ನವಾಗಿವೆಯೇ ಎಂದು ವಿಜ್ಞಾನಿಗಳು ಮೇಲ್ವಿಚಾರಣೆ ಮಾಡುತ್ತಿದ್ದಾರೆ. ಆದರೆ ಡೆಲ್ಟಾ ರೂಪಾಂತರಕ್ಕೆ ಹೋಲಿಸಿದರೆ ಓಮಿಕ್ರಾನ್ ರೂಪಾಂತರವು ಎಷ್ಟು ಭಿನ್ನವಾಗಿದೆ? ಎರಡು ರೂಪಾಂತರಗಳನ್ನು ಹೋಲಿಸಿದಾಗ ಕಂಡುಬರುವುದೇನು?
ಡೆಲ್ಟಾ VS ಓಮಿಕ್ರಾನ್: ರೂಪಾಂತರದ ಮೂಲ
ಓಮಿಕ್ರಾನ್ ರೂಪಾಂತರವನ್ನು ಮೊದಲು ಬೋಟ್ಸ್ವಾನಾದಲ್ಲಿ (ನವೆಂಬರ್ 11 ರಂದು) ಮತ್ತು ಮೂರು ದಿನಗಳ ನಂತರ ದಕ್ಷಿಣ ಆಫ್ರಿಕಾದಲ್ಲಿ ಕಂಡುಹಿಡಿಯಲಾಯಿತು. ಇದಕ್ಕೂ ಮೊದಲು ಹೊಸ ಕೋವಿಡ್ -19 ರೂಪಾಂತರದಿಂದ ಉಂಟಾಗುವ ಹೆಚ್ಚಿನ ಸಂಖ್ಯೆಯ ಪ್ರಕರಣಗಳನ್ನು ವರದಿ ಮಾಡಲಾಗಿದೆ. ಏತನ್ಮಧ್ಯೆ, ಡೆಲ್ಟಾ ರೂಪಾಂತರವನ್ನು ಡಿಸೆಂಬರ್ 2020 ರಲ್ಲಿ ಭಾರತದಲ್ಲಿ ಮೊದಲ ಬಾರಿಗೆ ಗುರುತಿಸಲಾಯಿತು. ಇದು ಯುನೈಟೆಡ್ ಕಿಂಗ್ಡಮ್ ಮತ್ತು ಯುನೈಟೆಡ್ ಸ್ಟೇಟ್ಸ್ಗೆ ತಲುಪಿ ವೇಗವಾಗಿ ವ್ಯಾಪಿಸಿತು. ಯೇಲ್ ಮೆಡಿಸಿನ್ ಪ್ರಕಾರ, ಡೆಲ್ಟಾ ರೂಪಾಂತರವು ಪ್ರಸ್ತುತ SARS CoV-2 ರೂಪಾಂತರವಾಗಿದೆ, ಇದು ಕೋವಿಡ್ -19 ಪ್ರಕರಣಗಳಲ್ಲಿ 99 ಪ್ರತಿಶತಕ್ಕಿಂತ ಹೆಚ್ಚಿನ ಅಪಾಯವನ್ನು ಹೊಂದಿದೆ.
ಡೆಲ್ಟಾ VS ಓಮಿಕ್ರಾನ್: ರೂಪಾಂತರಗಳಲ್ಲಿನ ವ್ಯತ್ಯಾಸ
ರೂಪಾಂತರ ಓಮಿಕ್ರಾನ್ ವೈರಸ್ ಕೋವಿಡ್ -19 ನ ಡೆಲ್ಟಾ ರೂಪಾಂತರಕ್ಕಿಂತ ಹೆಚ್ಚು ರೂಪಾಂತರ ವೈರಸ್ಗಳನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ. ಡೆಲ್ಟಾದಲ್ಲಿ 18 ರೂಪಾಂತರ ವೈರಸ್ ಇದ್ದು ಓಮಿಕ್ರಾನ್ ನಲ್ಲಿ 43 ರೂಪಾಂತರ ವೈರಸ್ಗಳಿವೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ. ಮಿಲನ್ ಸ್ಟೇಟ್ ಯೂನಿವರ್ಸಿಟಿಯ ಕ್ಲಿನಿಕಲ್ ಮೈಕ್ರೋಬಯಾಲಜಿ ಪ್ರಾಧ್ಯಾಪಕ ಕ್ಲೌಡಿಯಾ ಅಲ್ಟೆರಿ ಅವರ ಪ್ರಕಾರ, ಹೆಚ್ಚಿನ ಸಂಖ್ಯೆಯ ರೂಪಾಂತರಗಳನ್ನು ಹೊಂದಿರುವ ವೈರಸ್ ಹೆಚ್ಚು ಅಪಾಯಕಾರಿ ಎಂದು ಅರ್ಥವಲ್ಲ. ಆದರೆ ವೈರಸ್ ಉತ್ಪಾದಿಸುವ ಮೂಲಕ ಇತರ ವೈರಸ್ ಜಾತಿಗಳಿಗೆ ಮತ್ತಷ್ಟು ಹೊಂದಿಕೊಳ್ಳುತ್ತದೆ ಎಂದಿದ್ದಾರೆ.
ಡೆಲ್ಟಾ VS ಓಮಿಕ್ರಾನ್: ಲಸಿಕೆ ಪರಿಣಾಮಕಾರಿತ್ವ
ಇಂದು ಬಿಡುಗಡೆಯಾದ ಲ್ಯಾನ್ಸೆಟ್ ಅಧ್ಯಯನವು ಕೋವಿಶೀಲ್ಡ್ ಲಸಿಕೆಯು ಭಾರತದಲ್ಲಿ ಕೊರೊನಾ ಉಲ್ಬಣಗೊಳ್ಳುವಿಕೆಯ ಸಮಯದಲ್ಲಿ ಮಾರಣಾಂತಿಕ ಡೆಲ್ಟಾ ರೂಪಾಂತರದ ವಿರುದ್ಧ ಹೋರಾಡುವಲ್ಲಿ ಪರಿಣಾಮಕಾರಿಯಾಗಿದೆ ಮತ್ತು ಪ್ರತಿಕಾಯಗಳ ಬೆಳವಣಿಗೆಗೆ ಕಾರಣವಾಯಿತು ಎಂದು ತೋರಿಸಿದೆ. ಜಾಗತಿಕವಾಗಿ, ಲಸಿಕೆಗಳು ಡೆಲ್ಟಾವನ್ನು ಎದುರಿಸಲು ಸಮರ್ಥವಾಗಿವೆ. ಆದರೆ ಓಮಿಕ್ರಾನ್ ರೂಪಾಂತರ ಮೇಲೆ ಇದು ಪರಿಣಾಮಕಾರಿಯಾಗಿ ಕೆಲಸ ಮಾಡುತ್ತದೆಯೇ ಎಂಬ ಬಗ್ಗೆ ಇನ್ನೂ ಹೇಳಲಾಗುವುದಿಲ್ಲ. ವಿಜ್ಞಾನಿಗಳು ಓಮಿಕ್ರಾನ್ ಮೇಲೆ ಲಸಿಕೆಗಳು ಕಡಿಮೆ ಪರಿಣಾಮಕಾರಿ ಎಂದು ಊಹಿಸುತ್ತಾರೆ ಏಕೆಂದರೆ ಇದು ಎರಡು ಹಿಂದಿನ ರೂಪಾಂತರಗಳಾದ ಬೀಟಾ ಮತ್ತು ಗಾಮಾದೊಂದಿಗೆ ಹಲವಾರು ಪ್ರಮುಖ ರೂಪಾಂತರಗಳನ್ನು ಹೊಂದಿದೆ. ಇವು ಲಸಿಕೆಗಳ ಪರಿಣಾಮ ನಾಶ ಮಾಡುತ್ತವೆ. ಆದರೂ ಇದನ್ನು ಇನ್ನೂ ಸಂಶೋಧನೆ ಮಾಡಲಾಗುತ್ತಿದೆ.
ಓಮಿಕ್ರಾನ್ 26 ವಿಶಿಷ್ಟ ರೂಪಾಂತರಗಳನ್ನು ಹೊಂದಿದೆ. ಅವುಗಳಲ್ಲಿ ಹಲವು ಲಸಿಕೆ ಪ್ರತಿಕಾಯಗಳಿಂದ ಉಳಿದುಕೊಳ್ಳುತ್ತವೆ. "ಆದ್ದರಿಂದ ಓಮಿಕ್ರಾನ್ ಹೇಗೆ ಹರಡುತ್ತದೆ ಎಂಬುದು ಪ್ರಶ್ನೆಯಾಗಿದೆ. ಅದು ನಾವು ತಿಳಿದುಕೊಳ್ಳಬೇಕಾದ ಪ್ರಮುಖ ವಿಷಯವಾಗಿದೆ" ಎಂದು ನ್ಯೂಯಾರ್ಕ್ನ ವೇಲ್ ಕಾರ್ನೆಲ್ ವೈದ್ಯಕೀಯ ಕಾಲೇಜಿನ ಸೂಕ್ಷ್ಮ ಜೀವವಿಜ್ಞಾನ ಮತ್ತು ರೋಗನಿರೋಧಕ ಶಾಸ್ತ್ರದ ಪ್ರಾಧ್ಯಾಪಕ ಜಾನ್ ಮೂರ್ ರಾಯಿಟರ್ಸ್ಗೆ ತಿಳಿಸಿದ್ದಾರೆ.
Recommended Video
ಓಮಿಕ್ರಾನ್ VS ಡೆಲ್ಟಾ: ಜಾಗತಿಕ ಪ್ರತಿಕ್ರಿಯೆ
ಇಲ್ಲಿಯವರೆಗೆ ಓಮಿಕ್ರಾನ್ ರೂಪಾಂತರದಿಂದ ಯಾವುದೇ ಸಾವುನೋವುಗಳು ವರದಿಯಾಗಿಲ್ಲ. ವಿಜ್ಞಾನಿಗಳು ಸಂಶೋಧನೆಯ ವೇಗವನ್ನು ಹೆಚ್ಚಿಸುವುದರೊಂದಿಗೆ ಎಚ್ಚರಿಸುತ್ತಿದ್ದಾರೆ. ಹಠಾತ್ ರೂಪಾಂತರದ ವಿರುದ್ಧ ಹೋರಾಡುವಲ್ಲಿ ಸನ್ನದ್ಧತೆಯ ಕೊರತೆಯಿಂದಾಗಿ ಡೆಲ್ಟಾ ರೂಪಾಂತರವು ತೀವ್ರ ಸಾವುನೋವುಗಳಿಗೆ ಕಾರಣವಾಯಿತು. ಭಾರತದಲ್ಲಿ ಡಿಸೆಂಬರ್ 2020 ರಲ್ಲಿ ಡೆಲ್ಟಾ ರೂಪಾಂತರವು ಮೊದಲ ಬಾರಿಗೆ ಪತ್ತೆಯಾದಾಗ, ಇದು ಏಪ್ರಿಲ್ 2021ರ ವೇಳೆಗೆ ಹೆಚ್ಚಿನ ಸಂಖ್ಯೆಯ ಪ್ರಕರಣಗಳಿಗೆ ಕಾರಣವಾಯಿತು. ಮೇ ತಿಂಗಳಲ್ಲಿ ಉತ್ತುಂಗಕ್ಕೇರಿತು. ಹೆಚ್ಚಿನ ಜನರಿಗೆ ಲಸಿಕೆ ಹಾಕದ ಕಾರಣ, ರೂಪಾಂತರದ ವಿರುದ್ಧ ರೋಗನಿರೋಧಕ ಶಕ್ತಿ ಕಡಿಮೆಯಾಗಿ ಇದು ಹೆಚ್ಚು ಪರಿಣಾಮ ಬೀರಿತು. ಆದಾಗ್ಯೂ, Omicron ಪತ್ತೆಯಾದ ಒಂದೆರಡು ದಿನಗಳಲ್ಲಿ WHO ಅದನ್ನು ಅಪಾಯಕಾರಿ ರೂಪಾಂತರವೆಂದು ಘೋಷಿಸಿತು. ಅಲ್ಲಿಂದೀಚೆಗೆ, ಹಲವಾರು ದೇಶಗಳು ಕ್ವಾರಂಟೈನ್ಗಳನ್ನು ಮರು-ಪರಿಚಯಿಸುವುದರ ಹೊರತಾಗಿ ದಕ್ಷಿಣ ಆಫ್ರಿಕಾಕ್ಕೆ ಮತ್ತು ಅಲ್ಲಿಂದ ಪ್ರಯಾಣವನ್ನು ನಿರ್ಬಂಧಿಸಿವೆ.