• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಭಾರತದ ಹೊಸ ಭೂಪಟ ಪ್ರಕಟ, 28 ರಾಜ್ಯ, 9 ಕೇಂದ್ರಾಡಳಿತ ಪ್ರದೇಶ

|

ನವದೆಹಲಿ, ಆಗಸ್ಟ್ 05: ನರೇಂದ್ರ ಮೋದಿ ನೇತೃತ್ವದ ಬಿಜೆಪಿ ಸರ್ಕಾರವು ಸಂವಿಧಾನದ 370ನೇ ಪರಿಚ್ಛೇದ ರದ್ದುಗೊಳಿಸುವ ಮಹತ್ವ ನಿರ್ಧಾರ ಕೈಗೊಂಡ ಬಳಿಕ ಭಾರತ ಭೂಪಟ ಬದಲಾಗಿದೆ. ಜಮ್ಮು ಮತ್ತು ಕಾಶ್ಮೀರಕ್ಕೆ ಇದ್ದ ವಿಶೇಷ ಸ್ಥಾನಮಾನ, ರಾಜ್ಯ ಆಡಳಿತ ಅಧಿಕಾರ ರದ್ದಾಗಿದೆ. ಹೀಗಾಗಿ, ಭಾರತದಲ್ಲಿರುವ ಒಟ್ಟು ರಾಜ್ಯ, ಕೇಂದ್ರಾಡಳಿತ ಪ್ರದೇಶಗಳ ಹೊಸ ಲೆಕ್ಕಾಚಾರ ಬದಲಾಗಿದೆ. ಭಾರತದ ಅಧಿಕೃತ ನಕ್ಷೆಯನ್ನು ಭಾರತ ಸರ್ಕಾರ ಪ್ರಕಟಿಸಿದೆ.

ಒಂದು ರಾಷ್ಟ್ರ, ಒಂದು ಸಂವಿಧಾನ, ಒಂದು ರಾಷ್ಟ್ರಗೀತೆ ಹಾಗೂ ಒಂದು ರಾಷ್ಟ್ರಧ್ವಜ ಎಂಬ ಪರಿಕಲ್ಪನೆಗೆ ಅನುಗುಣವಾಗಿ ಜಮ್ಮು ಮತ್ತು ಕಾಶ್ಮೀರವನ್ನು ಪ್ರತ್ಯೇಕಿಸಿ, ಲಡಾಕ್ ಹಾಗೂ ಜಮ್ಮು ಮತ್ತು ಕಾಶ್ಮೀರ ಪ್ರತ್ಯೇಕ ಕೇಂದ್ರಾಡಳಿತ ಪ್ರದೇಶವನ್ನಾಗಿ ಮಾಡಲಾಗಿದೆ. ಲಡಾಖ್ ವಿಭಾಗಕ್ಕೆ ಕಾರ್ಗಿಲ್ ಹಾಗೂ ಲೆಹ್ ಜಿಲ್ಲೆ ಸೇರಲಿದೆ. ಮಿಕ್ಕ ಎಲ್ಲಾ ಭಾಗಗಳು ಅಂದರೆ ಪಾಕ್ ಆಕ್ರಮಿತ ಕಾಶ್ಮೀರ (ಪಿಒಕೆ), ಗಿಲ್ಗಿಟ್-ಬಾಲ್ಟಿಸ್ತಾನ ಎಲ್ಲವನ್ನು ಭಾರತದ ಗಡಿಯಲ್ಲಿ ಸೇರಿಸಲಾಗಿದೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಪಿಒಕೆ ರಾಜಧಾನಿ ಮುಝಾಫರಬಾದ್ ಇದ್ದರೆ, ಲಡಾಖ್ ನೊಳಗೆ ಗಿಲ್ಬಿಟ್- ಬಾಲ್ಟಿಸ್ತಾನ ಸೇರಿದೆ.

ಭಾರತ ಸಂವಿಧಾನದ 370ನೇ ಪರಿಚ್ಛೇದ ಏನು? ಎತ್ತ?

ಕೇಂದ್ರಾಡಳಿತ ಪ್ರದೇಶ ಎಂಬುದು ಭಾರತ ಗಣರಾಜ್ಯದ ಅವಿಭಾಜ್ಯ ಅಂಗವಾಗಿದೆ. ಕೇಂದ್ರಾಡಳಿತ ಪ್ರದೇಶವು ಕೇಂದ್ರ ಸರ್ಕಾರದ ನೇರ ಆಡಳಿತಕ್ಕೆ ಒಳಪಡುತ್ತದೆ. ಭಾರತದ ಇತರೆ ರಾಜ್ಯಗಳು ಹೊಂದಿರುವಂತೆ ಇವುಗಳು ಪ್ರತ್ಯೇಕ ಸರ್ಕಾರಗಳನ್ನು ಹೊಂದಿರುವುದಿಲ್ಲ. ಆದರೆ ಭಾರತದ ಸಂಸತ್ತು ಸಂವಿಧಾನ ತಿದ್ದುಪಡಿಯ ಮೂಲಕ ಕೇಂದ್ರಾಡಳಿತ ಪ್ರದೇಶಗಳಿಗೆ ಶಾಸನ ಸಭೆಯ ಸ್ಥಾನ ಕಲ್ಪಿಸಬಹುದು.

ಸಂವಿಧಾನದ 370ನೇ ಪರಿಚ್ಛೇದ ರದ್ದು

ಸಂವಿಧಾನದ 370ನೇ ಪರಿಚ್ಛೇದ ರದ್ದು

ಸಂವಿಧಾನದ 370ನೇ ಪರಿಚ್ಛೇದ ಜಾರಿ ಇದ್ದ ಕಾಶ್ಮೀರದಲ್ಲಿ ಪೌರತ್ವ, ನಿರ್ದಿಷ್ಟ ಆಸ್ತಿಯ ಮಾಲೀಕತ್ವ, ಮೂಲಭೂತ ಹಕ್ಕುಗಳ ಅನುಷ್ಠಾನ ಮುಂತಾದ ವಿಚಾರಗಳಲ್ಲಿ ವಿಶೇಷ ಕಾನೂನುಗಳು ಅನುಷ್ಠಾನಗೊಂಡಿತ್ತು. ಜಮ್ಮು ಮತ್ತು ಕಾಶ್ಮೀರ ಹೊಸ ಕೇಂದ್ರಾಡಳಿತ ಪ್ರದೇಶವಾಗಿದ್ದರೂ ವಿಧಾನಸಭೆ ಹೊಂದಲಿದೆ, ಲಡಾಖ್ ಹೊಸ ಕೇಂದ್ರಾಡಳಿತ ಪ್ರದೇಶವಾಗಲಿದ್ದು, ಯಾವುದೇ ವಿಧಾನಸಭೆ ಹೊಂದಿರುವುದಿಲ್ಲ.

ಅಕ್ಟೋಬರ್ 31, 2019ರಿಂದ ಜಾರಿ

ಅಕ್ಟೋಬರ್ 31, 2019ರಿಂದ ಜಾರಿ

ಇದರ ಜೊತೆಗೆ ಅರ್ಥಿಕವಾಗಿ ಹಿಂದುಳಿದವರಿಗೆ ಉದ್ಯೋಗದಲ್ಲಿ ಶೇ10ರಷ್ಟು ಮೀಸಲಾತಿ ಒದಗಿಸುವ ವಿಧೇಯಕವನ್ನು ಅಮಿತ್ ಶಾ ಮಂಡಿಸಿ, ರಾಜ್ಯಸಭೆಯಲ್ಲಿ ಅನುಮೋದನೆ ಪಡೆದುಕೊಂಡರು. ಇದಕ್ಕೆ ಸರಳ ಬಹುಮತ ಸಾಕಾಗಿತ್ತು, ರಾಷ್ಟ್ರಪತಿ ಅಂಕಿತ ಬಿದ್ದಿರುವುದರಿಂದ ಹೊಸ ಸೌಲಭ್ಯವು ಅಕ್ಟೋಬರ್ 31, 2019ರಿಂದ ಜಾರಿಗೊಂಡಿದೆ.

1947ರಲ್ಲಿ ಮ್ಯಾಪ್ ಹೇಗಿತ್ತು

1947ರಲ್ಲಿ ಮ್ಯಾಪ್ ಹೇಗಿತ್ತು

1947ರಲ್ಲಿ ಜಮ್ಮು ಮತ್ತು ಕಾಶ್ಮೀರದಲ್ಲಿ ಒಟ್ಟು 14 ಜಿಲ್ಲೆಗಳಿದ್ದವು, ಕಥುವಾ, ಜಮ್ಮು, ಉಧಂಪುರ್, ರೇಸಿ, ಅನಂತ್ ನಾಗ್, ಬಾರಾಮುಲ್ಲಾ, ಪೂಂಛ್, ಮೀರ್ ಪುರ್, ಮುಜಫರಾಬಾದ್, ಲೇಹ್, ಲಡಾಖ್, ಗಿಲ್ಗಿಟ್, ಗಿಲ್ಗಿಟ್ ವಜರತ್, ಚಿಲಾಸ್ ಹಾಗೂ ಬುಡಕಟ್ಟು ಪ್ರದೇಶ.

ಜಮ್ಮು ಮತ್ತು ಕಾಶ್ಮೀರ ಪುನರ್ ವಿಂಗಡಣೆ

ಜಮ್ಮು ಮತ್ತು ಕಾಶ್ಮೀರ ಪುನರ್ ವಿಂಗಡಣೆ

2019ರಲ್ಲಿ ಸರ್ಕಾರದ ಪ್ರಕಟಣೆಯ ನಕ್ಷೆಯಂತೆ ಜಮ್ಮು ಮತ್ತು ಕಾಶ್ಮೀರ ಪುನರ್ ವಿಂಗಡಣೆಯಾಗಿದ್ದು, 14ರ ಬದಲಿಗೆ 28 ಜಿಲ್ಲೆಗಳಾಗಿವೆ. ಕುಪ್ವಾರ, ಬಂಡೀಪೋರ್, ಗಂದೇರ್ ಬಾಲ್, ಶ್ರೀನಗರ, ಪುಲ್ವಾಮಾ, ಶೋಪಿಯಾನ್, ಕುಲ್ಗಾಮ್, ರಜೋರಿ, ರಾಮ್ ಬಾನ್, ದೋಡಾ, ಕಿಶ್ತ್ ವಾರ್, ಸಾಂಬಾ ಹಾಗೂ ಕಾರ್ಗಿಲ್ ಹೊಸ ಸೇರ್ಪಡೆಯಾಗಿದೆ.

ಭಾರತದ ಒಟ್ಟು ರಾಜ್ಯಗಳು 28

ಭಾರತದ ಒಟ್ಟು ರಾಜ್ಯಗಳು 28

* ಆಂಧ್ರಪ್ರದೇಶ

* ಅರುಣಾಚಲ ಪ್ರದೇಶ

* ಅಸ್ಸಾಂ

* ಬಿಹಾರ

* ಛತ್ತೀಸ್ ಗಢ

* ಗೋವಾ

* ಗುಜರಾತ್

* ಹರ್ಯಾಣ

* ಹಿಮಾಚಲ ಪ್ರದೇಶ

* ಜಾರ್ಖಂಡ್

* ಕರ್ನಾಟಕ

* ಕೇರಳ

* ಮಧ್ಯಪ್ರದೇಶ

* ಮಹಾರಾಷ್ಟ್ರ

* ಮಣಿಪುರ

* ಮೇಘಾಲಯ

* ಮಿಜೋರಾಂ

* ನಾಗಾಲ್ಯಾಂಡ್

* ಒಡಿಶಾ

* ಪಂಜಾಬ್

* ರಾಜಸ್ಥಾನ

* ಸಿಕ್ಕಿಂ

* ತಮಿಳುನಾಡು

* ತೆಲಂಗಾಣ

* ತ್ರಿಪುರ

* ಉತ್ತರಪ್ರದೇಶ

* ಉತ್ತರಾಖಂಡ್

* ಪಶ್ಚಿಮ ಬಂಗಾಳ

ಭಾರತದ ಕೇಂದ್ರಾಡಳಿತ ಪ್ರದೇಶಗಳು: 9

ಭಾರತದ ಕೇಂದ್ರಾಡಳಿತ ಪ್ರದೇಶಗಳು: 9

* ಅಂಡಮಾನ್ ಮತ್ತು ನಿಕೊಬಾರ್ ದ್ವೀಪಗಳು

* ಚಂದೀಗಢ

* ದಾದ್ರ ಮತ್ತು ನಗರ್ ಹವೇಲಿ

* ದಮನ್ ಮತ್ತು ದಿಯು

* ಲಕ್ಷದ್ವೀಪ

* ಲಡಾಖ್

ವಿಧಾನಸಭೆ ಹೊಂದಬಹುದಾದ ಕೇಂದ್ರಾಡಳಿತ ಪ್ರದೇಶಗಳು

* ರಾಷ್ಟ್ರೀಯ ರಾಜಧಾನಿ ಪ್ರದೇಶ ದೆಹಲಿ

* ಪುದುಚೇರಿ

* ಜಮ್ಮು ಮತ್ತು ಕಾಶ್ಮೀರ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
The government has released the maps of newly created Union Territories (UTs) of Jammu and Kashmir, and Ladakh and the map of India depicting these UTs.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more