• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಬಿಜೆಪಿ ವಿರುದ್ಧ ಸಿಡಿದೆದ್ದು ನಿಂತ ಪಕ್ಷೇತರ ಅಭ್ಯರ್ಥಿ ಶರತ್ ಬಚ್ಚೇಗೌಡ ಆಸ್ತಿ 138 ಕೋಟಿ ರೂ.

|

ಹೊಸಕೋಟೆ, ನವೆಂಬರ್ 15: ಹೊಸಕೋಟೆ ವಿಧಾನಸಭೆ ಕ್ಷೇತ್ರದಿಂದ ಬಿಜೆಪಿಗೆ ಸೆಡ್ಡು ಹೊಡೆದು ಪಕ್ಷೇತರ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಸಂಸದ ಬಿ.ಎನ್. ಬಚ್ಚೇಗೌಡ ಅವರ ಮಗ ಶರತ್ ಬಚ್ಚೇಗೌಡ ನಾಮಪತ್ರ ಸಲ್ಲಿಕೆಯ ವೇಳೆ ತಮ್ಮ ಆಸ್ತಿ ವಿವರ ಬಹಿರಂಗಪಡಿಸಿದ್ದಾರೆ.

ತಮ್ಮ ಬದ್ಧ ವಿರೋಧಿಯಾಗಿದ್ದ ಕಾಂಗ್ರೆಸ್‌ನ ಅನರ್ಹ ಶಾಸಕ ಎಂಟಿಬಿ ನಾಗರಾಜ್ ಅವರನ್ನು ಪಕ್ಷಕ್ಕೆ ಸೇರ್ಪಡೆ ಮಾಡಿಕೊಂಡು ಟಿಕೆಟ್ ನೀಡುವುದಾದರೆ ಪಕ್ಷದ ವಿರುದ್ಧವೇ ಹೋಗುವುದಾಗಿ ಎಚ್ಚರಿಕೆ ನೀಡಿದ್ದ ಶರತ್, ತಮ್ಮ ಮಾತನ್ನು ಬಿಜೆಪಿ ಕಡೆಗಣಿಸಿದ್ದಕ್ಕೆ ಪಕ್ಷೇತರರಾಗಿ ಕಣಕ್ಕಿಳಿದಿದ್ದಾರೆ. ಇಲ್ಲಿ ತನ್ನ ಅಭ್ಯರ್ಥಿಯನ್ನು ಕಣಕ್ಕಿಳಿಸದೆ ಜೆಡಿಎಸ್, ಶರತ್ ಬಚ್ಚೇಗೌಡ ಅವರಿಗೆ ನೇರ ಬೆಂಬಲ ನೀಡಿದೆ. ಗುರುವಾರ ನಾಮಪತ್ರ ಸಲ್ಲಿಸಿದ ಶರತ್ ಬಚ್ಚೇಗೌಡ, ಪ್ರಚಾರ ಕಾರ್ಯವನ್ನೂ ಆರಂಭಿಸಿದ್ದಾರೆ.

18 ತಿಂಗಳಲ್ಲಿ ಎಂಟಿಬಿ ನಾಗರಾಜ್ ಆಸ್ತಿ ಬೆಳೆದಿದ್ದು ಎಷ್ಟು ಗೊತ್ತೇ?

ನಾಮಪತ್ರ ಸಲ್ಲಿಕೆಯ ವೇಳೆ ಅವರು ಚುನಾವಣಾ ಆಯೋಗಕ್ಕೆ ತಮ್ಮ ಆಸ್ತಿ ವಿವರಗಳ ಮಾಹಿತಿಯನ್ನು ನೀಡಿದ್ದಾರೆ. ಅದರಲ್ಲಿ ಅವರ ಅಸ್ತಿ ಮೌಲ್ಯವು ಕಳೆದ ಒಂದೂವರೆ ವರ್ಷದಲ್ಲಿ ಏರಿಕೆಯಾಗಿರುವುದು ಕಂಡುಬಂದಿದೆ. 2018ರ ಚುನಾವಣೆಯಲ್ಲಿ ಬಿಜೆಪಿ ಅಭ್ಯರ್ಥಿಯಾಗಿದ್ದ ಅವರು, ಕಾಂಗ್ರೆಸ್ ಅಭ್ಯರ್ಥಿಯಾಗಿದ್ದ ಎಂಟಿಬಿ ನಾಗರಾಜ್ ವಿರುದ್ಧ ಏಳು ಸಾವಿರ ಮತಗಳಿಂದ ಸೋಲಿಸಿದ್ದರು. 2019ರ ಉಪ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಶರತ್ ಬಚ್ಚೇಗೌಡ, ಹೊಸಕೋಟೆಯಲ್ಲಿ ಗೆಲುವಿಗಾಗಿ ಹವಣಿಸುತ್ತಿದ್ದಾರೆ. ಅವರ ಆಸ್ತಿ ವಿವರದ ಮಾಹಿತಿ ಇಲ್ಲಿದೆ.

40 ಕೋಟಿ ರೂ. ಆಸ್ತಿ ಏರಿಕೆ

40 ಕೋಟಿ ರೂ. ಆಸ್ತಿ ಏರಿಕೆ

ಶರತ್ ಬಚ್ಚೇಗೌಡ ಅವರು 2018ರ ವಿಧಾನಸಭೆ ಚುನಾವಣೆ ವೇಳೆ 90.15 ಕೋಟಿ ರೂ ಆಸ್ತಿ ಘೋಷಣೆ ಮಾಡಿದ್ದರು. ಈ ಬಾರಿ 138.15 ಕೋಟಿ ರೂ. ಆಸ್ತಿ ಇದೆ ಎಂದು ಮಾಹಿತಿ ನೀಡಿದ್ದಾರೆ. ಕಳೆದ 18 ತಿಂಗಳಿನಲ್ಲಿ ಅವರ ಆಸ್ತಿ 40 ಕೋಟಿ ರೂ.ನಷ್ಟು ಹೆಚ್ಚಾಗಿದೆ. ಶರತ್ ಅವರ ಬಳಿ 52.24 ಲಕ್ಷ ರೂ ಮೌಲ್ಯದ ಒಟ್ಟು ಎರಡು ಕಾರುಗಳಿವೆ. ಅವರ ಪತ್ನಿ ಪ್ರತಿಭಾ ಶರತ್ ಗೌಡ ಬಳಿ 52 ಲಕ್ಷ ರೂ. ಮೌಲ್ಯದ ಕಾರು ಇದೆ.

100 ಕೋಟಿ ರೂ. ಸ್ಥಿರ, 38.15 ಕೋಟಿ ರೂ ಚರಾಸ್ತಿ

100 ಕೋಟಿ ರೂ. ಸ್ಥಿರ, 38.15 ಕೋಟಿ ರೂ ಚರಾಸ್ತಿ

ಶರತ್ ಅವರ ಸ್ಥಿರಾಸ್ತಿ ಮೌಲ್ಯ 100 ಕೋಟಿ ರೂ. 38.15 ಕೋಟಿ ರೂ ಮೌಲ್ಯದ ಚರಾಸ್ತಿ ಅವರ ಬಳಿ ಇದೆ. 11 ಲಕ್ಷ ರೂ.ನಗದು ಅವರ ಬಳಿ ಇದೆ. ಬ್ಯಾಂಕ್‌ನಲ್ಲಿ 1.37 ಲಕ್ಷ ರೂ. ಠೇವಣಿ ಇರಿಸಿದ್ದಾರೆ. 27.22 ಲಕ್ಷ ರೂಪಾಯಿ ಹಣವನ್ನು ಸಾಲ ನೀಡಿದ್ದಾರೆ. 1.30 ಕೋಟಿ ರೂ. ಮೊತ್ತದ ಚಿನ್ನ, ವಜ್ರ ಮತ್ತು ಬೆಳ್ಳಿಯ ಆಭರಣಗಳು ಅವರ ಬಳಿ ಇದೆ.

ಕರ್ನಾಟಕದ ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪ ಘೋಷಿತ ಆಸ್ತಿ ಎಷ್ಟು?

9.48 ಕೋಟಿ ರೂ. ಹೂಡಿಕೆ

9.48 ಕೋಟಿ ರೂ. ಹೂಡಿಕೆ

ಅಪರಿಮಿತ ಪವರ್ ವೆಂಚರ್ಸ್ ಸಂಸ್ಥೆಯಲ್ಲಿ ಶರತ್ ಅವರು 9.48 ಕೋಟಿ ರೂ. ಹೂಡಿಕೆ ಮಾಡಿದ್ದಾರೆ. 2.14 ಕೋಟಿ ರೂ ಬ್ಯಾಂಕ್ ಸಾಲ ಹೊಂದಿದ್ದಾರೆ. ಶರತ್ ಮತ್ತು ಅವರ ಪತ್ನಿ ಹೆಸರಿನಲ್ಲಿ ಸುಮಾರು 20 ಎಕರೆ ಕೃಷಿ ಜಮೀನು ಇದ್ದು, ಇದ್ಯಾವುದೂ ಸ್ವಯಾರ್ಜಿತವಲ್ಲ ಎಂದು ತಿಳಿಸಿದ್ದಾರೆ. ಹಾಗೆಯೇ ತಮ್ಮ ಬಳಿ ಕೃಷಿಯೇತರ ಜಮೀನು ಇಲ್ಲ ಎಂದು ಮಾಹಿತಿ ನೀಡಿದ್ದಾರೆ.

ಮೂರು ಕಂಪೆನಿಗಳ ಒಡೆತನ

ಮೂರು ಕಂಪೆನಿಗಳ ಒಡೆತನ

ಶರತ್ ಹೆಸರಿನಲ್ಲಿ ಮೂರು ವಾಣಿಜ್ಯ ಕಟ್ಟಡಗಳಿದ್ದು ಸುಮಾರು 43 ಕೋಟಿ ರೂ ಮೌಲ್ಯದ್ದಾಗಿವೆ. ಜತೆಗೆ ಬೆಂಗಳೂರಿನಲ್ಲಿ ಒಂದು ಫ್ಲಾಟ್‌ ಮತ್ತು ಮಂಡೂರು ಗ್ರಾಮದಲ್ಲಿ ಆರು ವಿಲ್ಲಾಗಳನ್ನು ಹೊಂದಿರುವುದಾಗಿ ತಿಳಿಸಿದ್ದಾರೆ. ಮೆ. ತ್ರಿಶೂಲ್ ಪವರ್ ಪ್ರೈ.ಲಿ., ಮೆ. ಶ್ರೀಸಾಯಿದೀಪ್ತಿ ಪವರ್ ಪ್ರೈ ಲಿ., ಮತ್ತು ಅಪರಿಮಿತ ಪವರ್ ವೆಂಚರ್ಸ್ ಪ್ರೈ.ಲಿ ಕಂಪೆನಿಗಳು ಅವರ ಒಡೆತನದಲ್ಲಿವೆ.

ವಾಹನ ಖರೀದಿಗಾಗಿ ಸಾಲ

ವಾಹನ ಖರೀದಿಗಾಗಿ ಸಾಲ

ಫಾರ್ಚೂನರ್ ಕಾರು ಖರೀದಿಗೆ ಎಸ್‌ಬಿಐನಲ್ಲಿ 12 ಲಕ್ಷ ರೂ., ಇನ್ನೋವಾ ಕ್ರಿಸ್ಟಾ ಖರೀದಿಗೆ ಟೊಯೊಟೊ ಫೈನಾನ್ಷಿಯಲ್ ಸರ್ವಿಸಸ್‌ನಲ್ಲಿ 18 ಲಕ್ಷ ರೂ ಸಾಲ ಪಡೆಯಲಾಗಿದೆ. ಕಾರ್ಪೊರೇಷನ್ ಬ್ಯಾಂಕ್‌ನಲ್ಲಿ ಎರಡು ಕೋಟಿ ರೂ ಗೃಹ ಸಾಲ ಪಡೆಯಲಾಗಿದೆ. ಪತ್ನಿಯ ಹೆಸರಿನಲ್ಲಿ ಮರ್ಸಿಡೆಸ್ ಬೆಂಜ್ ಖರೀದಿಗೆ 35 ಲಕ್ಷ ರೂ ಸಾಲ ಪಡೆಯಲಾಗಿದೆ.

ಅಮೆರಿಕದಲ್ಲಿ ಎಂಎಸ್

ಅಮೆರಿಕದಲ್ಲಿ ಎಂಎಸ್

ಬೆಂಗಳೂರಿನ ಪಿಇಎಸ್ ತಾಂತ್ರಿಕ ಕಾಲೇಜಿನಲ್ಲಿ ಬಿ.ಇ. ಪದವಿ ಪಡೆದಿರುವ ಶರತ್, ಅಮೆರಿಕದಲ್ಲಿ ಎಂಎಸ್ ಪೂರೈಸಿದ್ದಾರೆ. ಅವರ ವಿರುದ್ಧ ಯಾವುದೇ ಅಪರಾಧ ಪ್ರಕರಣಗಳು ಬಾಕಿ ಇಲ್ಲ ಎಂದು ಅಫಿಡವಿಟ್‌ನಲ್ಲಿ ತಿಳಿಸಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Independent candidate of Hosakote by elections, Sharath Bachegowda has shows the increase of his assets around 40 crore Rs in last 18 months.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more