Click it and Unblock the Notifications
Just In
-
-
-
Don't Miss
-
Seetha Rama ; ಸತ್ಯ ಹೇಳಲು ಹೊರಟ ಚಾಂದಿನಿಯನ್ನು ತಡೆದ ಭಾರ್ಗವಿ ಮನದಲ್ಲಿ ಸರ್ಪ್ರೈಸ್ ಪ್ಲಾನ್..! -
KKR vs RR IPL 2024: ಜೋಸ್ ದಿ ಬಾಸ್ ಬಟ್ಲರ್ ಆರ್ಭಟಕ್ಕೆ ಕೆಕೆಆರ್ ಹೈರಾಣ; ರಾಯಲ್ ಆಗಿ ಗೆದ್ದ ರಾಜಸ್ಥಾನ -
ಬೇಸಿಗೆಯಲ್ಲಿ ಇಡ್ಲಿ, ದೋಸೆಯ ಹಿಟ್ಟು ಹುಳಿ ಬಂದರೆ ಹುಳಿ ಕಡಿಮೆಯಾಗಲು ಏನು ಮಾಡಬೇಕು? -
ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್ -
ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ -
YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೀದರ್: ಮೊದಲ ಬಾರಿಗೆ ಯುದ್ಧ ವಿಮಾನ ಹಾರಿಸಿದ ತಂದೆ- ಮಗಳು
ಬೀದರ್ ಜುಲೈ 5: ಮಗಳೂ ಕೂಡ ತನ್ನಂತೆ ಅಧಿಕಾರಿಯಾಗಬೇಕು ಎನ್ನುವುದು ಯಾವ ತಂದೆಗೆ ಆಸೆ ಇರುವುದಿಲ್ಲ ಹೇಳಿ. ತಂದೆಯ ಹಾದಿಯಲ್ಲೇ ಸಾಗಿ ಅವರ ಜೊತೆ ಅಧಿಕಾರಿಯಾಗುವುದು ಅಂದರೆ ಒಬ್ಬ ತಂದೆಗೆ ಇದಕ್ಕಿಂತ ದೊಡ್ಡ ಹೆಮ್ಮೆಯ ವಿಷಯ ಮತ್ತೊಂದಿಲ್ಲ. ಈ ಕಥೆ ಏರ್ ಕಮೋಡೋರ್ ಸಂಜಯ್ ಶರ್ಮಾ ಮತ್ತು ಅವರ ಮಗಳು ಅನನ್ಯ ಶರ್ಮಾ ಅವರದ್ದು. ಇದು ಭಾರತೀಯ ವಾಯುಪಡೆಯ ಹಾಕ್-132 ವಿಮಾನವನ್ನು ಹಾರಿಸಿದ ಮೊದಲ ತಂದೆ-ಮಗಳ ಜೋಡಿ (ಏರ್ ಕಮೋಡೋರ್ ಸಂಜಯ್ ಶರ್ಮಾ ಮಗಳು ಫ್ಲೈಯಿಂಗ್ ಆಫೀಸರ್ ಅನನ್ಯ ಶರ್ಮಾ).
ಭಾರತೀಯ ವಾಯುಪಡೆಯ (IAF) ಅಧಿಕಾರಿ ಸಂಜಯ್ ಶರ್ಮಾ ಅವರು ತಮ್ಮ ಫೈಟರ್ ಪೈಲಟ್ ಮಗಳೊಂದಿಗೆ ಪೋಸ್ ನೀಡುತ್ತಿರುವ ಫೋಟೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಭಾರತೀಯ ವಾಯುಪಡೆಯ ಪ್ರಕಟಣೆಯ ಪ್ರಕಾರ, ಏರ್ ಕಮೋಡೋರ್ ಸಂಜಯ್ ಶರ್ಮಾ ಮತ್ತು ಅವರ ಮಗಳು ಫ್ಲೈಯಿಂಗ್ ಆಫೀಸರ್ ಅನನ್ಯಾ ಶರ್ಮಾ ಅವರು ಕರ್ನಾಟಕದ ಬೀದರ್‌ನಲ್ಲಿ ಹಾಕ್ -132 ವಿಮಾನವನ್ನು ಹಾರಿಸಿದರು. ಈ ಮೂಲಕ ಅಪ್ಪ-ಮಗಳ ಜೋಡಿ ಭಾರತೀಯ ವಾಯುಸೇನೆಯಲ್ಲಿ ಇತಿಹಾಸ ಸೃಷ್ಟಿಸಿದ್ದಾರೆ.
ತಂದೆ ಮಗಳ ಫೋಟೋ ವೈರಲ್
ತಂದೆ ಮತ್ತು ಮಗಳು ಒಂದೇ ಮಿಷನ್‌ಗಾಗಿ ಯುದ್ಧ ವಿಮಾನದಲ್ಲಿ ಒಟ್ಟಿಗೆ ಹಾರಿದ್ದು ಹಿಂದೆಂದೂ ಸಂಭವಿಸಿಲ್ಲ ಎಂದು ಭಾರತೀಯ ವಾಯುಪಡೆ ಹೇಳಿದೆ. ಇದು ತಂದೆ-ಮಗಳ ವಿಮಾನಕ್ಕಿಂತ ಹೆಚ್ಚಾಗಿ ಏರ್ ಕಮೋಡೋರ್ ಸಂಜಯ್ ಶರ್ಮಾ ಮತ್ತು ಫ್ಲೈಯಿಂಗ್ ಆಫೀಸರ್ ಅನನ್ಯಾ ಶರ್ಮಾ ಅವರ ವಿಮಾನವಾಗಿತ್ತು.
ವೈರಲ್ ಫೋಟೋದಲ್ಲಿ, ಏರ್ ಕಮೋಡೋರ್ ಸಂಜಯ್ ಶರ್ಮಾ ಮತ್ತು ಅವರ ಫ್ಲೈಯಿಂಗ್ ಆಫೀಸರ್ ಮಗಳು ಅನನ್ಯಾ ಶರ್ಮಾ ಯುದ್ಧ ವಿಮಾನದ ಮುಂದೆ ಪೋಸ್ ನೀಡಿದ್ದಾರೆ. ಮಗಳು ಸದ್ಯ ಬೀದರ್ ನಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ಅವರು ಭಾರತೀಯ ವಾಯುಪಡೆಯ ವೇಗದ ಮತ್ತು ಉತ್ತಮ ಯುದ್ಧವಿಮಾನಗಳ ಪದವೀಧರರಾಗಿದ್ದಾರೆ.
ಇದೊಂದು ಹೆಮ್ಮೆಯ ಕ್ಷಣ
ಭಾರತೀಯ ವಾಯುಪಡೆಯ ಅಧಿಕಾರಿ ತಂದೆ ಮಗಳ ಜೋಡಿಯ ಈ ಫೋಟೋ ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ವೈರಲ್ ಆಗುತ್ತಿದೆ. ನಿವೃತ್ತ ಏರ್ ಮಾರ್ಷಲ್ ಪಿಕೆ ರಾಯ್ ಸಾಧನೆಯನ್ನು ಶ್ಲಾಘಿಸಿ ಟ್ವೀಟ್ ಮಾಡಿದ್ದಾರೆ. ಭವಿಷ್ಯದಲ್ಲಿ ಇನ್ನೂ ಹೆಚ್ಚಿನದನ್ನು ನೋಡಲು ಆಶಿಸುತ್ತೇನೆ ಎಂದು ಬರೆದಿದ್ದಾರೆ. ಮತ್ತೊಬ್ಬ ಟ್ವಿಟರ್ ಬಳಕೆದಾರರು 'ಅದ್ಭುತ... ತಂದೆ ಮತ್ತು ಮಗಳಿಬ್ಬರಿಗೂ ಹೆಮ್ಮೆಯ ಕ್ಷಣ' ಎಂದು ಬರೆದಿದ್ದಾರೆ.
ಫ್ರಂಟ್‌ಲೈನ್ ಫೈಟರ್ ಸ್ಟೇಷನ್‌ಗೆ ಕಮಾಂಡರ್
ಏರ್ ಕಮೋಡೋರ್ ಸಂಜಯ್ ಶರ್ಮಾ ಅವರು 1989 ರಲ್ಲಿ ಭಾರತೀಯ ವಾಯುಪಡೆಯ ಫೈಟರ್ ಜೆಟ್‌ಗಳ ಫ್ಲೀಟ್‌ಗೆ ಸೇರಿದ್ದರು. ಫೈಟರ್ ಏರ್‌ಕ್ರಾಫ್ಟ್‌ಗಳನ್ನು ಹಾರಿಸಿದ ಅನುಭವ ಅವರಿಗಿದೆ. ಅವರು ಮಿಗ್ -21 ಸ್ಕ್ವಾಡ್ರನ್ ಮತ್ತು ಫ್ರಂಟ್‌ಲೈನ್ ಫೈಟರ್ ಸ್ಟೇಷನ್‌ಗೆ ಕಮಾಂಡ್ ಆಗಿದ್ದಾರೆ.
ಡಿಸೆಂಬರ್ 2021 ರಲ್ಲಿ ಭಾರತೀಯ ವಾಯುಪಡೆಗೆ ಸೇರ್ಪಡೆ
ಜೊತೆಗೆ ಸಂಜಯ್ ಶರ್ಮಾ ಅವರ ಪುತ್ರಿ ಅನನ್ಯಾ ಶರ್ಮಾ ಡಿಸೆಂಬರ್ 2021 ರಲ್ಲಿ ಭಾರತೀಯ ವಾಯುಪಡೆಗೆ ಫೈಟರ್ ಪೈಲಟ್ ಆಗಿ ಸೇರಿದರು. ಐದು ವರ್ಷಗಳ ನಂತರ, IAF ಮಹಿಳಾ ಪೈಲಟ್‌ಗಳನ್ನು ತನ್ನ ಫೈಟರ್ ಸ್ಕ್ವಾಡ್ರನ್‌ಗಳಿಗೆ ಸ್ವೀಕರಿಸಲು ಪ್ರಾರಂಭಿಸಿತು. ಅನನ್ಯಾ ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್‌ನಲ್ಲಿ ಬಿಟೆಕ್ ಮಾಡಿದ್ದಾರೆ.
