ಭಾರತ ಜೋಡೋ ಯಾತ್ರೆ ಟ್ರಕ್ ಕಂಟೈನರ್ನಲ್ಲಿ ರಾಹುಲ್ ಮನೆ! ಹೇಗಿದೆ ನೋಡಿ..
ಕಾಂಗ್ರೆಸ್ನ ಭಾರತ್ ಜೋಡೋ ಯಾತ್ರೆ ಈಗಾಗಲೇ ಕನ್ಯಾಕುಮಾರಿಯಿಂದ 30 ಕಿ.ಮೀ ದಾಟಿದೆ. ಇದಕ್ಕೂ ಮುನ್ನ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ನಾಗರ್ಕೋಯಿಲ್ನ ಕಂಟೈನರ್ ಗ್ರಾಮದಲ್ಲಿ ರಾತ್ರಿ ಕಳೆದರು. ರಾಹುಲ್ ಇಲ್ಲಿ ಟ್ರಕ್ ಕಂಟೈನರ್ನಲ್ಲಿ ವಾಸ ಮಾಡುವ ಮೂಲಕ ಪಾದಯಾತ್ರೆಯನ್ನು ಆರಂಭಿಸಿದ್ದಾರೆ.
ಇಂದು ಕಾಂಗ್ರೆಸ್ನ ಭಾರತ್ ಜೋಡೋ ಪಾದಯಾತ್ರೆಯ ಮೂರನೇ ದಿನ. ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಯಾತ್ರೆಯ ನೇತೃತ್ವ ವಹಿಸಿದ್ದಾರೆ. ಕಳೆದ ಎರಡು ದಿನಗಳಲ್ಲಿ ಯಾತ್ರೆ ಇಲ್ಲಿಯವರೆಗೆ ಸುಮಾರು 30 ಕಿ.ಮೀ. ಮುಕ್ತಾಯವಾಗಿದೆ. ಕನ್ಯಾಕುಮಾರಿಯ ನಂತರದ ಪ್ರಯಾಣದ ಮೊದಲ ನಿಲ್ದಾಣ ನಾಗರಕೋಯಿಲ್ನ ಸ್ಕಾಟ್ ಕ್ರಿಶ್ಚಿಯನ್ ಕಾಲೇಜಿನಲ್ಲಿ. ಪಾದಚಾರಿಗಳ ವಾಸ್ತವ್ಯಕ್ಕಾಗಿ ಇಲ್ಲಿ 60 ಕಂಟೈನರ್ಗಳ ಗ್ರಾಮವನ್ನು ಸ್ಥಾಪಿಸಲಾಗಿದೆ. ಇದರಲ್ಲಿ ರಾಹುಲ್ ಗಾಂಧಿ ಅವರ ಕಂಟೈನರ್ ಕೂಡ ಭಾಗಿಯಾಗಿತ್ತು. ಈ ಟ್ರಕ್ ಕಂಟೈನರ್ನಲ್ಲಿ ಭದ್ರತೆಯ ದೃಷ್ಟಿಯಿಂದ ರಾಹುಲ್ಗಾಗಿ ಸಿಂಗಲ್ ಬೆಡ್ 'ಮನೆ' ನಿರ್ಮಿಸಲಾಗಿದೆ. ಇದು ಸಣ್ಣ ಹಾಸಿಗೆ, ಸೋಫಾ ಮತ್ತು ಫ್ರಿಜ್ ಹೊಂದಿದೆ.
ಭಾರತ್ ಜೋಡೋ ಯಾತ್ರೆಯಿಂದ ಕಾಂಗ್ರೆಸ್ಗೆ ಭಾರತದ ಸತ್ಯದರ್ಶನವಾಗಲಿದೆ: ಸಿ.ಟಿ. ಮಂಜುನಾಥ್
ಏರ್ ಕಂಡಿಷನರ್ ಮತ್ತು ಫ್ಯಾನ್ ಸಹ ಇದೆ. ಇದು ಅಟ್ಯಾಚ್ಡ್ ಶೌಚಾಲಯ ಮತ್ತು ಸ್ನಾನಗೃಹವನ್ನು ಹೊಂದಿದೆ. ಗೋಡೆಯ ಮೇಲೆ ಮಹಾತ್ಮ ಗಾಂಧಿಯವರ ಚಿತ್ರವಿದೆ. ಕೆಲವು ಕಂಟೈನರ್ಗಳು 12 ಹಾಸಿಗೆಗಳು, 4 ಹಾಸಿಗೆಗಳು ಮತ್ತು 2 ಹಾಸಿಗೆಗಳನ್ನು ಹೊಂದಿರುತ್ತವೆ. 230 ಜನರನ್ನು ಹಿಡಿದಿಟ್ಟುಕೊಳ್ಳುವ ಒಟ್ಟು 60 ಕಂಟೈನರ್ಗಳಿವೆ. ಸಭೆಯ ಕೊಠಡಿಯನ್ನು ಕಂಟೇನರ್ನಲ್ಲಿ ನಿರ್ಮಿಸಲಾಗಿದೆ. ಬಹುತೇಕ ಎಲ್ಲಾ ಕಂಟೈನರ್ಗಳಲ್ಲಿನ ಹಾಸಿಗೆಗಳನ್ನು ರೈಲು ಕೋಚ್ಗಳಂತೆ ಅಳವಡಿಸಲಾಗಿದೆ.
ಹೊಸ ಸ್ಥಳಗಳಲ್ಲಿ ಕಂಟೈನರ್ ನಿಲ್ಲಿಸಲಾಗುತ್ತದೆ
ರಾಹುಲ್ ಗಾಂಧಿ ಪ್ರಯಾಣದ ವೇಳೆ ತಂಗಲಿರುವ ಕಂಟೈನರ್ನಲ್ಲಿ ಮಲಗುವ ಹಾಸಿಗೆಗಳು, ಶೌಚಾಲಯಗಳು ಮತ್ತು ಎಸಿಗಳನ್ನು ಅಳವಡಿಸಲಾಗಿದೆ. ಇಂತಹ ಸುಮಾರು 60 ಕಂಟೈನರ್ ವ್ಯವಸ್ಥೆ ಮಾಡಲಾಗಿದೆ ಎಂದು ಮೂಲಗಳು ಮಾಹಿತಿ ನೀಡಿವೆ. ಈ ಕಂಟೈನರ್ಗಳನ್ನು ಕನ್ಯಾಕುಮಾರಿಗೆ ಕಳುಹಿಸಲಾಗಿದೆ. ಇಲ್ಲಿ ಗ್ರಾಮ ಸ್ಥಾಪಿಸಿ ಕಂಟೈನರ್ ಇಡಲಾಗುವುದು. ರಾತ್ರಿಯಲ್ಲಿ ವಿಶ್ರಾಂತಿ ಪಡೆಯಲು ಹೊಸ ಸ್ಥಳದಲ್ಲಿ ಕಂಟೇನರ್ ಪ್ರತಿದಿನ ನಿಲ್ಲಿಸಲಾಗುತ್ತದೆ.
ರಾಹುಲ್ ಗಾಂಧಿ ರಸ್ತೆಯಲ್ಲೇ ಊಟ
ರಾಹುಲ್ ಗಾಂಧಿ ಎಲ್ಲಾ ನಾಯಕರ ಜೊತೆ ರಸ್ತೆಯಲ್ಲೇ ಊಟ ಮಾಡುತ್ತಾರೆ. ಎರಡು ಬ್ಯಾಚ್ ಯಾತ್ರಿಗಳು ವಿವಿಧ ಸಮಯಗಳಲ್ಲಿ ಕಾಲ್ನಡಿಗೆಯಲ್ಲಿ ಪ್ರಯಾಣಿಸುತ್ತಾರೆ. ಸಂಜೆಯ ಬ್ಯಾಚ್ ವಿಸ್ತೃತವಾಗಿದ್ದು ಇದರಲ್ಲಿ ಸಾರ್ವಜನಿಕರ ಸಹಭಾಗಿತ್ವವೂ ಇರುತ್ತದೆ. ಮಾರ್ಗ ನಕ್ಷೆಯ ಪ್ರಕಾರ, ಭಾರತ್ ಜೋಡೋ ಯಾತ್ರೆಯು ಕನ್ಯಾಕುಮಾರಿ, ತಿರುವನಂತಪುರಂ, ಕೊಚ್ಚಿ, ನಿಲಂಬೂರ್, ಮೈಸೂರು, ಬಳ್ಳಾರಿ, ರಾಯಚೂರು, ವಿಕಾರಾಬಾದ್, ನಾಂದೇಡ್, ಜಲಗಾಂವ್ ಜಮೋದ್, ಇಂದೋರ್, ಕೋಟಾ, ದೌಸಾ, ಅಲ್ವಾರ್, ಬುಲಂದ್ಶಹರ್ ಸೇರಿದಂತೆ ಈ 20 ಪ್ರಮುಖ ಸ್ಥಳಗಳನ್ನು ಮುಟ್ಟಲಿದೆ. ರಾಜಧಾನಿ ದೆಹಲಿ, ಅಂಬಾಲಾ, ಪಠಾಣ್ಕೋಟ್, ಜಮ್ಮು, ಶ್ರೀನಗರ ಸೇರಿವೆ.
ಕಾಂಗ್ರೆಸ್ನಿಂದ ಭಾರತ್ ಜೋಡೋ ಯಾತ್ರೆ
ಕಾಂಗ್ರೆಸ್ ನ 'ಭಾರತ್ ಜೋಡೋ ಯಾತ್ರೆ' ಆರಂಭವಾಗಲಿದೆ. ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ತಮಿಳುನಾಡಿನ ಕನ್ಯಾಕುಮಾರಿಯಿಂದ ಈ ಯಾತ್ರೆ ಆರಂಭಿಸಲಿದ್ದು, ಕಾಶ್ಮೀರದಲ್ಲಿ ಕೊನೆಗೊಳ್ಳಲಿದೆ. ಮುಂದಿನ 150 ದಿನಗಳ ಕಾಲ ಈ ಪ್ರಯಾಣ ನಡೆಯಲಿದೆ. ಈ ಸಂದರ್ಭದಲ್ಲಿ ಕಾಂಗ್ರೆಸ್ನ ಈ ಪಯಣ 12 ರಾಜ್ಯಗಳ ಮೂಲಕ ಸಾಗಿ 3570 ಕಿ.ಮೀ. ದೂರ ಹೋಗಲಿದೆ. ವಿಶೇಷವೆಂದರೆ ಈ ಭೇಟಿಯ ವೇಳೆ ರಾಹುಲ್ ಗಾಂಧಿ ಕಂಟೈನರಗಳಲ್ಲಿ ವಿಶ್ರಾತಿ ಪಡೆದುಕೊಂಡು ಮಲಗಲಿದ್ದಾರೆ.
ದಿನಕ್ಕೆ 22ರಿಂದ 23 ಕಿ.ಮೀ. ನಡಿಗೆ
ಈ ಪಾದಯಾತ್ರೆ ಎರಡು ಬ್ಯಾಚ್ಗಳಲ್ಲಿ ನಡೆಯಲಿದೆ. ಬೆಳಿಗ್ಗೆ 7ರಿಂದ ರಾತ್ರಿ 10.30 ರವರೆಗೆ ಒಂದು ಬ್ಯಾಚ್ ಮತ್ತು ಮಧ್ಯಾಹ್ನ 3.30ರಿಂದ 6.30ರವರೆಗೆ ಎರಡನೇ ಬ್ಯಾಚ್. ಈ ಪ್ರಯಾಣದಲ್ಲಿ ಸರಾಸರಿ 22ರಿಂದ 23 ಕಿ.ಮೀ. ನಡಿಗೆಯನ್ನು ಯೋಜಿಸಲಾಗಿದೆ. ಈ ಪ್ರಯಾಣದಲ್ಲಿ ರಾಹುಲ್ ಗಾಂಧಿ ಮತ್ತು ಅವರ ಜೊತೆಗಿರುವ ಪ್ರಯಾಣಿಕರು ಪಂಚತಾರಾ ಹೋಟೆಲ್ನಲ್ಲಿ ಉಳಿಯದೆ ಕಂಟೈನರ್ನಲ್ಲಿ ಇರುತ್ತಾರೆ. ಈ ಕಂಟೈನರ್ಗಳಲ್ಲಿ ಮಲಗಲು ಬೆಡ್ಗಳು ಮತ್ತು ವಾಶ್ರೂಮ್ಗಳಿಗೆ ವ್ಯವಸ್ಥೆ ಮಾಡಲಾಗಿದೆ. ಅಂತಹ ವ್ಯವಸ್ಥೆಗಳೊಂದಿಗೆ ಸುಮಾರು 60 ಕಂಟೈನರ್ಗಳನ್ನು ಸಿದ್ಧಪಡಿಸಲಾಗಿದೆ.