ಬ್ಲೂ ಒರಿಜಿನ್ನ ಮೊದಲ ಮಾನವ ಬಾಹ್ಯಾಕಾಶ ಹಾರಾಟದತ್ತ ಚಿತ್ತ: ಏನಿದು ಪ್ರವಾಸ? ಇಲ್ಲಿದೆ ಮಾಹಿತಿ
ಲಂಡನ್, ಜು.19: ಸಣ್ಣ ಗ್ಯಾರೇಜ್ನಿಂದ ಆನ್ಲೈನ್ನಲ್ಲಿ ಪುಸ್ತಕಗಳನ್ನು ಮಾರಾಟ ಮಾಡುವ ಕಂಪನಿಯನ್ನು ಪ್ರಾರಂಭಿಸಿದ ದಶಕಗಳ ನಂತರ, ಜೆಫ್ ಬೆಜೋಸ್ ಈಗ ತನ್ನ ಜೀವನದ ಅತಿದೊಡ್ಡ ಅಪಾಯಗಳಲ್ಲಿ ಒಂದನ್ನು ಆಯ್ಕೆ ಮಾಡಿಕೊಂಡಿದ್ದಾರೆ. ಬ್ಲೂ ಒರಿಜಿನ್ ಸಂಸ್ಥಾಪಕ ಜೆಫ್ ಬೆಜೋಸ್ ಮತ್ತು ಇತರ ಮೂವರು ಬಾಹ್ಯಾಕಾಶಕ್ಕೆ ಜುಲೈ 20 ರ ಮಂಗಳವಾರದಂದು ಹಾರಲಿದ್ದಾರೆ.
ಎರಡು ದಶಕಗಳ ಹಿಂದೆ ಬೆಜೋಸ್ ಬ್ಲೂ ಒರಿಜಿನ್ ಎಂಬ ಕಂಪನಿಯನ್ನು ಸ್ಥಾಪಿಸಿದರು. ಈಗ ಬ್ಲೂ ಆರಿಜಿನ್ ತನ್ನ ಮೊದಲ ಮಾನವ ಬಾಹ್ಯಾಕಾಶ ಹಾರಾಟಕ್ಕೆ ಸಹಕಾರಿಯಾಗುವ ಸಬೋರ್ಬಿಟಲ್ ಬಾಹ್ಯಾಕಾಶ ರಾಕೆಟ್ ನ್ಯೂ ಶೆಫರ್ಡ್ ಅನ್ನು ನಿರ್ಮಿಸಿದೆ. ಜೆಫ್ ಬೆಜೋಸ್ ಜೊತೆಗೆ ಸಹೋದರ ಮಾರ್ಕ್, 82 ವರ್ಷದ ಮಾಜಿ ಪೈಲಟ್ ವಾಲಿ ಫಂಕ್ ಮತ್ತು 18 ವರ್ಷದ ಹದಿಹರೆಯದವರು ಸೇರಿಕೊಳ್ಳಲಿದ್ದಾರೆ.
"ಬಾಹ್ಯಾಕಾಶದಲ್ಲಿ ತೇಲಾಡುತ್ತಲೇ ಭೂಮಿ ನೋಡುವ ಆಸೆಯೇ?"
ಬ್ಲೂ ಒರಿಜಿನ್ನ ನ್ಯೂ ಶೆಪರ್ಡ್ ವಿಮಾನದ ಮೊದಲ ಹಾರಾಟವು ತನ್ನ ನಾಲ್ಕು ಪ್ರಯಾಣಿಕರನ್ನು ಕರ್ಮನ್ ರೇಖೆಯನ್ನು ಮೀರಿ ಹೊತ್ತೊಯ್ಯಲಿದೆ. ಭೂಮಿಯಿಂದ ಸರಿಸುಮಾರು 100 ಕಿಲೋಮೀಟರ್ ದೂರದಲ್ಲಿ ಕರೆದೊಯ್ಯುವ ಈ ನ್ಯೂ ಶೆಪರ್ಡ್ ವಿಮಾನವು ಭೂಮಿಗೆ ಹಿಂತಿರುಗುವ ಮುನ್ನ ಪ್ರಯಾಣಿಕರು ನೀಲಿ ಗ್ರಹದ ಸೊಬಗನ್ನು ನೋಡಲು ಅವಕಾಶ ಮಾಡಿಕೊಡುತ್ತದೆ.
ಜೆಫ್ ಬೆಜೋಸ್ ಅಂತಿಮ ಹಾರಾಟದ ಸಿದ್ಧತೆಯಲ್ಲಿ
ಬ್ಯೂ ಒರಿಜಿನ್ನ ಮೊದಲ ಬಾಹ್ಯಾಕಾಶ ಪ್ರವಾಸಿಗರು ಪಶ್ಚಿಮ ಟೆಕ್ಸಾಸ್ನ ಎತ್ತರದ ಮರುಭೂಮಿ ಬಯಲಿನಲ್ಲಿರುವ ಸೈಟ್ನಿಂದ ಉಡಾವಣೆಯಾಗುವ ಹಾರಾಟದ ಅಂತಿಮ ಸಿದ್ಧತೆಗಳಲ್ಲಿ ತೊಡಗಿದ್ದಾರೆ. ನಾಲ್ಕು ಸಿಬ್ಬಂದಿಗಳಿಗೆ ಸುರಕ್ಷತಾ ಕ್ರಮಗಳ ಬಗ್ಗೆ ವಿವರಿಸಲಾಗುತ್ತಿದೆ. ರಾಕೆಟ್ನ ಬಗ್ಗೆ ಅಂತಿಮವಾಗಿ ಸಂಪೂರ್ಣ ಮಾಹಿತಿ ನೀಡಲಾಗುತ್ತಿದೆ. ಹಾಗೆಯೇ ಭೂಮಿಯ ಗುರುತ್ವಾಕರ್ಷಣೆ ಕಡಿಮೆಯಾದ ಬಳಿಕ ಕ್ರಾಫ್ಟ್ನ ಕ್ಯಾಬಿನ್ನ ಸುತ್ತ ಹೇಗೆ ತೇಲಾಟವಿರುತ್ತದೆ ಎಂಬ ಬಗ್ಗೆಯೂ ಸೂಚನೆ ನೀಡುತ್ತಿದ್ದಾರೆ. ಹಾಗೆಯೇ "ಈ ತರಬೇತಿಯು ನಿಮಗೆ ಹಾಯಾಗಿರಲು ಸಹಾಯ ಮಾಡುತ್ತದೆ. ಬಾಹ್ಯಾಕಾಶ ಹಾರಾಟ ಮತ್ತು ಗಗನಯಾತ್ರಿಗಳಾಗಿ ನಿಮ್ಮ ಜವಾಬ್ದಾರಿಗಳಿಗಾಗಿ ಸಿದ್ಧವಾಗಿಸುತ್ತದೆ," ಎಂದು ಬ್ಲೂ ಒರಿಜಿನ್ ಹೇಳಿಕೆಯಲ್ಲಿ ತಿಳಿಸಿದೆ.
ವಿಮಾನವು ಸಂಜೆ 6.30 ಕ್ಕೆ (ಐಎಸ್ಟಿ) ಹಾರಾಟ ನಡೆಸಲಿದೆ. ಕೇವಲ 10 ನಿಮಿಷಗಳ ಕಾಲ ಹಾರಾಡಲಿದೆ. ಈ ಬಗ್ಗೆ ಮಾಹಿತಿ ನೀಡಿದ ಫ್ಲೈಟ್ ನಿರ್ದೇಶಕ ಸ್ಟೀವ್ ಲಾನಿಯಸ್, "ನಾವು ಪ್ರಸ್ತುತ ಯಾವುದೇ ಮುಕ್ತ ಸಮಸ್ಯೆಗಳನ್ನು ನಿರ್ವಹಿಸುತ್ತಿಲ್ಲ ಮತ್ತು ನ್ಯೂ ಶೆಪರ್ಡ್ ಹಾರಲು ಸಿದ್ಧವಾಗಿದೆ," ಎಂದು ತಿಳಿಸಿದ್ದಾರೆ. ಬೆಜೋಸ್ ಮತ್ತು ಸಿಬ್ಬಂದಿ ಭಾನುವಾರ 14 ಗಂಟೆಗಳ ಕಾರ್ಯಕ್ರಮವನ್ನು ಪ್ರಾರಂಭಿಸಿದ್ದರು. "ಜೀವಿತಾವಧಿಯ ಹಾರಾಟವನ್ನು ಅನುಭವಿಸಲು" ಸಿದ್ಧರಾಗುತ್ತಾರೆ ಎಂದು ಬ್ಲೂ ಒರಿಜಿನ್ನಲ್ಲಿ ಗಗನಯಾತ್ರಿ ವ್ಯವಹಾರ ನಿರ್ದೇಶಕ ಅರಿಯೇನ್ ಕಾರ್ನೆಲ್ ಹೇಳಿದ್ದಾರೆ.
ಮೊದಲ ಸ್ವಾಯತ್ತ ಬಾಹ್ಯಾಕಾಶ ನೌಕೆ
1961 ರಲ್ಲಿ ಬಾಹ್ಯಾಕಾಶದಲ್ಲಿ ಮೊದಲ ಅಮೆರಿಕನ್ನರಾದ ಅಲನ್ ಶೆಪರ್ಡ್ರ ಹೆಸರಿನ ನ್ಯೂ ಶೆಪರ್ಡ್ ಬಾಹ್ಯಾಕಾಶ ನೌಕೆ ಸ್ವಾಯತ್ತ ಬಾಹ್ಯಾಕಾಶ ನೌಕೆಯಾಗಿದೆ. ಕಂಪನಿಯ ಲಾಂಚ್ ಸೈಟ್ ಒನ್ ಸೌಲಭ್ಯದಿಂದ ಉಡಾವಣೆಯಾಗಲಿದೆ. ಇದು ಮಾನವರನ್ನು ಹೊತ್ತೊಯ್ಯುವ ವಿಶ್ವದ ಮೊದಲ ಪೈಲಟ್ ಇಲ್ಲದ ಬಾಹ್ಯಾಕಾಶ ನೌಕೆ ಇದಾಗಲಿದೆ. ಟೆಕ್ಸಾಸ್ನಿಂದ ಈ ನೌಕೆ ಹೊರಟ ಬಳಿಕ ಬಾಹ್ಯಾಕಾಶ ನೌಕೆಯನ್ನು ನ್ಯಾವಿಗೇಟ್ ಮಾಡಲು ತರಬೇತಿ ಪಡೆದ ಗಗನಯಾತ್ರಿಗಳು ಇರುವುದಿಲ್ಲ. ಸ್ಪೇಸ್ಎಕ್ಸ್ ಫಾಲ್ಕನ್ -9 ರಾಕೆಟ್ಗಳಂತೆ ಲಂಬವಾಗಿ ಹೊರಹೋಗಲು ಮತ್ತು ಇಳಿಯಲು ವಿನ್ಯಾಸಗೊಳಿಸಲಾಗಿರುವ ಈ ಬಾಹ್ಯಾಕಾಶ ನೌಕೆ ಆರು ಪ್ರಯಾಣಿಕರನ್ನು ಹೊತ್ತೊಯ್ಯಬಲ್ಲದು. "ಅತಿದೊಡ್ಡ ಕಿಟಕಿಗಳನ್ನು" ಇದು ಹೊಂದಿದ್ದು, ಬಾಹ್ಯಾಕಾಶದಿಂದ ಗ್ರಹದ ಆರೋಗ್ಯಕರ ನೋಟವನ್ನು ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ. ನ್ಯೂ ಶೆಪರ್ಡ್ ಎಂಬುದು ಮರುಬಳಕೆ ಮಾಡಬಹುದಾದ ಸಬೋರ್ಬಿಟಲ್ ರಾಕೆಟ್ ವ್ಯವಸ್ಥೆಯಾಗಿದ್ದು, ಗಗನಯಾತ್ರಿಗಳು ಮತ್ತು ಸಂಶೋಧಕರನ್ನು ಕಾರ್ಮನ್ ರೇಖೆಯ ಹೊರಗಡೆ ಹೊತೊಯ್ಯಲು ವಿನ್ಯಾಸಗೊಳಿಸಲಾಗಿದೆ.
ಬಾಹ್ಯಾಕಾಶ ಪ್ರವಾಸದಲ್ಲಿ ಹೊಸ ದಾಖಲೆ ಬರೆದ ರಿಚರ್ಡ್ ಬ್ರ್ಯಾನ್ಸನ್
ಹೊಸ ದಾಖಲೆ ಸೃಷ್ಟಿಸುವ ಬೆಜೋಸ್ ನ್ಯೂ ಶೆಪರ್ಡ್
ಜುಲೈ 20 ರಂದು ಬೆಜೋಸ್ ನ್ಯೂ ಶೆಪರ್ಡ್ನಲ್ಲಿ ಹೊರಟಂತೆ, ಇದು ಮೊದಲ ಪೈಲಟ್ ಇಲ್ಲದ ಬಾಹ್ಯಾಕಾಶ ನೌಕೆ ಎಂಬ ಹೆಗ್ಗಳಿಕೆಯನ್ನು ಗಳಿಸುವುದು ಮಾತ್ರವಲ್ಲದೇ ಹಲವಾರು ದಾಖಲೆಗಳನ್ನು ಸೃಷ್ಟಿಸಲಿದೆ. ಪ್ರಯಾಣಿಕರಲ್ಲಿ ಅತ್ಯಂತ ಹಳೆಯ ವ್ಯಕ್ತಿ ಮತ್ತು ಬಾಹ್ಯಾಕಾಶಕ್ಕೆ ಪ್ರಯಾಣಿಸುವ ಕಿರಿಯರು ಸೇರಿದ್ದಾರೆ. 82 ವರ್ಷದ ವಾಲಿ ಫಂಕ್ ಬಾಹ್ಯಾಕಾಶ ಪ್ರಯಾಣ ಮಾಡಿದ ಅತ್ಯಂತ ಹಿರಿಯ ವ್ಯಕ್ತಿ ಎಂಬ ದಾಖಲೆಯನ್ನು ಮಾಡಲಿದ್ದಾರೆ. ಮಹಿಳೆಯರಿಗೆ ಬಾಹ್ಯಾಕಾಶ ತರಬೇತಿ ನೀಡಲು ಉದ್ದೇಶಿಸಲಾಗಿದ್ದ ಮರ್ಕ್ಯುರಿ 13 ಯೋಜನೆಯ ಭಾಗವಾಗಿದ್ದರು ಫಂಕ್. ಆದರೆ ಅದು ಗಗನಯಾತ್ರಿಗಳಾಗಲು ಎಲ್ಲಾ ತರಬೇತಿಗಳನ್ನು ಫಂಕ್ ನೀಡಿದ ನಂತರ ಯೋಜನೆಯನ್ನು ಕೈಬಿಡಲಾಯಿತು. ಆದರೆ, ಜುಲೈ 20 ರಂದು ಫಂಕ್ನ ಜೀವನದ ಕನಸು ನನಸಾಗಲಿದೆ.
ಅತ್ಯಂತ ಹಿರಿಯ ವ್ಯಕ್ತಿಯನ್ನು ಹೊಂದಿರುವುದರ ಹೊರತಾಗಿ, ಸಿಬ್ಬಂದಿ 18 ವರ್ಷದ ಹದಿಹರೆಯದ ಆಲಿವರ್ ಡೀಮೆನ್ ಅನ್ನು ಒಳಗೊಂಡಿದೆ. ಬಾಹ್ಯಾಕಾಶದಲ್ಲಿ ಅತ್ಯಂತ ಕಿರಿಯ ವ್ಯಕ್ತಿಯಾಗಲು ಸಿದ್ಧರಾಗಿದ್ದಾರೆ. 28 ಮಿಲಿಯನ್ ಸಾರ್ವಜನಿಕ ಹರಾಜಿನಲ್ಲಿ ಇನ್ನೂ ಅನಾಮಧೇಯ ವಿಜೇತರ ಸ್ಥಾನದಲ್ಲಿ ಡಚ್ನ ಹದಿಹರೆಯದವರು ಇದ್ದಾರೆ. ಆದರೆ ವೇಳಾಪಟ್ಟಿಯ ತೊಂದರೆಯಿಂದಾಗಿ ಈ ಬಾರಿ ಪ್ರಯಾಣ ಮಾಡುತ್ತಿಲ್ಲ. ನಂತರದ ಪ್ರವಾಸದಲ್ಲಿ ಸೇರಲಿದ್ದಾರೆ.
ಬಾಹ್ಯಾಕಾಶ ಪ್ರವಾಸೋದ್ಯಮ
ರಿಚರ್ಡ್ ಬ್ರಾನ್ಸನ್ ಸಿಬ್ಬಂದಿಯೊಂದಿಗೆ ಬಾಹ್ಯಾಕಾಶದ ಅಂಚಿಗೆ ಹಾರಿದ ಒಂಬತ್ತು ದಿನಗಳ ನಂತರ, ಪ್ರವಾಸಿಗರು ಬಾಹ್ಯಾಕಾಶ ಪ್ರವಾಸೋದ್ಯಮದ ಹೊಸ ಯುಗವನ್ನು ಘೋಷಿಸಿದ್ದಾರೆ. ಬೆಜೋಸ್ ಕೂಡಾ ಈ ಪ್ರವಾಸೋದ್ಯಮಕ್ಕೆ ಸೇರಲಿದ್ದಾರೆ. ವಾಣಿಜ್ಯ ಬಾಹ್ಯಾಕಾಶ ಪ್ರಯಾಣಕ್ಕೆ ದಾರಿ ಮಾಡಿಕೊಡಲು ಅಮೆಜಾನ್ ಸ್ಪೇಸ್ಎಕ್ಸ್ ಮತ್ತು ವರ್ಜಿನ್ ಗ್ಯಾಲಕ್ಸಿಯೊಂದಿಗೆ ಕಠಿಣ ಸ್ಪರ್ಧೆಯಲ್ಲಿದೆ. ಸರಕು ಮತ್ತು ಗಗನಯಾತ್ರಿಗಳನ್ನು ಬಾಹ್ಯಾಕಾಶ ನಿಲ್ದಾಣಕ್ಕೆ ಸಾಗಿಸಲು ನಾಸಾ ಜೊತೆಗಿನ ಬಹು-ಶತಕೋಟಿ ಡಾಲರ್ ಒಪ್ಪಂದಗಳೊಂದಿಗೆ ಸ್ಪೇಸ್ಎಕ್ಸ್ ಈ ಸಮಯದಲ್ಲಿ ಓಟವನ್ನು ಮುನ್ನಡೆಸುತ್ತಿದ್ದರೆ, ಬ್ಲೂ ಒರಿಜಿನ್ ಮತ್ತು ವರ್ಜಿನ್ ಗ್ಯಾಲಕ್ಟಿಕ್ ಹೆಚ್ಚು ಹಿಂದುಳಿದಿಲ್ಲ. ನ್ಯೂ ಶೆಪರ್ಡ್ ಬಾಹ್ಯಾಕಾಶ ನೌಕೆಯ ಯಶಸ್ವಿ ಉಡಾವಣೆ ಮತ್ತು ಇಳಿಯುವಿಕೆಯು ತಮ್ಮ ಬಾಹ್ಯಾಕಾಶ ಸಾರಿಗೆ ಸೇವೆಗಳಿಗಾಗಿ ಸ್ಪೇಸ್ಎಕ್ಸ್ ಅನ್ನು ಇಲ್ಲಿಯವರೆಗೆ ಅವಲಂಬಿಸಿರುವ ಜನರು ಮತ್ತು ಕಂಪನಿಗಳಲ್ಲಿ ಹೊಸ ವಿಶ್ವಾಸವನ್ನು ಮೂಡಿಸುತ್ತದೆ. ಎಲ್ಲರ ದೃಷ್ಟಿ ಈಗ ಮೊದಲ ಉಡಾವಣೆಯತ್ತ ನೆಟ್ಟಿದೆ.
(ಒನ್ಇಂಡಿಯಾ ಸುದ್ದಿ)