Fact Check: ಡಿಸೆಂಬರ್ 1ರಿಂದ ಮತ್ತೊಂದು ಲಾಕ್ಡೌನ್?
ನವದೆಹಲಿ, ನವೆಂಬರ್ 13: ಕೊರೊನಾ ವೈರಸ್ ಸೋಂಕು ದೇಶದ ಅನೇಕ ಕಡೆ ನಿಯಂತ್ರಣಕ್ಕೆ ಬರುತ್ತಿದ್ದರೂ, ರಾಜಧಾನಿ ದೆಹಲಿ ಸೇರಿದಂತೆ ಏಕಾಏಕಿ ಸೋಂಕಿನ ಪ್ರಮಾಣ ಹೆಚ್ಚುತ್ತಿರುವುದು ಕಳವಳ ಮೂಡಿಸಿದೆ. ಇದರ ಜತೆಗೆ ಕೋವಿಡ್ಗೆ ಸಂಬಂಧಿಸಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿ ಹರಿದಾಡುವುದು ಮುಂದುವರಿದಿದೆ.
Fact Check: USA ಅಧ್ಯಕ್ಷರ ಪದಗ್ರಹಣದಲ್ಲಿ ಡಾ.ಮನಮೋಹನ್ ಸಿಂಗ್ ಮುಖ್ಯಅತಿಥಿ
ಕೊರೊನಾ ವೈರಸ್ ಹರಡುವುದನ್ನು ತಡೆಯಲು ಡಿಸೆಂಬರ್ 1ರಿಂದ ದೇಶದಾದ್ಯಂತ ಮತ್ತೊಂದು ಲಾಕ್ಡೌನ್ ಜಾರಿಗೆ ಬರಲಿದೆ ಎಂಬ ಟ್ವೀಟ್ ಒಂದು ವ್ಯಾಪಕವಾಗಿ ಹರಿದಾಡುತ್ತಿದೆ. ಈ ರೀತಿಯ ಅನೇಕ ಸುದ್ದಿಗಳು ಈ ಹಿಂದೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದ್ದವು. ಡಿಸೆಂಬರ್ 1ರಿಂದ ಲಾಕ್ ಡೌನ್ ಘೋಷಣೆಯಾಗಲಿದೆ ಎಂಬುದು ಸುಳ್ಳು ಮಾಹಿತಿ ಎಂದಿರುವ ಸರ್ಕಾರ ಈ ಬಗ್ಗೆ ಸ್ಪಷ್ಟನೆ ನೀಡಿದೆ.
'ಪ್ರಮುಖ ಮಾಧ್ಯಮ ಸಂಸ್ಥೆಯೊಂದು ಪೋಸ್ಟ್ ಮಾಡಿದ್ದೆನ್ನಲಾದ ಟ್ವೀಟ್ನಲ್ಲಿ, ದೇಶದಾದ್ಯಂತ ಕೋವಿಡ್ 19 ಪ್ರಕರಣಗಳು ಹೆಚ್ಚುತ್ತಿರುವುದರಿಂದ ಸರ್ಕಾರವು ರಾಷ್ಟ್ರವ್ಯಾಪಿ ಲಾಕ್ಡೌನ್ಅನ್ನು ಡಿಸೆಂಬರ್ 1ರಿಂದ ಪುನಃ ಜಾರಿಗೊಳಿಸಲಿದೆ. ಪಿಐಬಿ ಫ್ಯಾಕ್ಟ್ಚೆಕ್: ಈ ಟ್ವೀಟ್ ಅನ್ನು ತಿದ್ದಲಾಗಿದೆ. ಸರ್ಕಾರ ಅಂತಹ ನಿರ್ಧಾರವನ್ನು ತೆಗೆದುಕೊಂಡಿಲ್ಲ' ಎಂದು ಪಿಐಬಿ ತಿಳಿಸಿದೆ.
Fact Check: ಗಿರಿರಾಜ್ ಸಿಂಗ್ ಬಿಹಾರ ಸಿಎಂ ಆಗಲಿ ಎಂದರೇ ಪ್ರಧಾನಿ ಮೋದಿ?
'ದೇಶದಲ್ಲಿ ಹೆಚ್ಚುತ್ತಿರುವ ಕೊರೊನಾ ವೈರಸ್ ಪ್ರಕರಣಗಳಿಂದಾಗಿ ನರೇಂದ್ರ ಮೋದಿ ಅವರು ಮತ್ತೊಂದು ಲಾಕ್ಡೌನ್ ತರಲು ಮುಂದಾಗಿದ್ದಾರೆ. ಭಾರತದಲ್ಲಿ ವೇಗವಾಗಿ ಪ್ರಕರಣಗಳು ಹೆಚ್ಚುತ್ತಿರುವ ಕಾರಣದಿಂದ ಈ ಬಾರಿ ಲಾಕ್ಡೌನ್ನಲ್ಲಿ ಯಾವುದೇ ಸ್ವಾತಂತ್ರ್ಯ ಇರುವುದಿಲ್ಲ. ಇದು 2020ರ ಡಿ. 1ರಿಂದ ಜಾರಿಯಾಗಲಿದೆ' ಎಂದು ಟ್ವಿಟ್ಟರ್ ಬಳಕೆದಾರರು ಬರೆದಿದ್ದರು.
Fact Check
ಕ್ಲೇಮು
ಡಿಸೆಂಬರ್ 1ರಿಂದ ಮತ್ತೆ ಲಾಕ್ಡೌನ್ ಜಾರಿಯಾಗಲಿದೆ.
ಪರಿಸಮಾಪ್ತಿ
ಡಿ. 1ರಿಂದ ಯಾವುದೇ ಲಾಕ್ಡೌನ್ ಜಾರಿಯಾಗುವುದಿಲ್ಲ.