Fact Check: ಡಿಸೆಂಬರ್ 1ರಿಂದ ಮತ್ತೊಂದು ಲಾಕ್‌ಡೌನ್?

ನವದೆಹಲಿ, ನವೆಂಬರ್ 13: ಕೊರೊನಾ ವೈರಸ್ ಸೋಂಕು ದೇಶದ ಅನೇಕ ಕಡೆ ನಿಯಂತ್ರಣಕ್ಕೆ ಬರುತ್ತಿದ್ದರೂ, ರಾಜಧಾನಿ ದೆಹಲಿ ಸೇರಿದಂತೆ ಏಕಾಏಕಿ ಸೋಂಕಿನ ಪ್ರಮಾಣ ಹೆಚ್ಚುತ್ತಿರುವುದು ಕಳವಳ ಮೂಡಿಸಿದೆ. ಇದರ ಜತೆಗೆ ಕೋವಿಡ್‌ಗೆ ಸಂಬಂಧಿಸಿದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಸುಳ್ಳು ಸುದ್ದಿ ಹರಿದಾಡುವುದು ಮುಂದುವರಿದಿದೆ.

ಕೊರೊನಾ ವೈರಸ್ ಹರಡುವುದನ್ನು ತಡೆಯಲು ಡಿಸೆಂಬರ್ 1ರಿಂದ ದೇಶದಾದ್ಯಂತ ಮತ್ತೊಂದು ಲಾಕ್‌ಡೌನ್ ಜಾರಿಗೆ ಬರಲಿದೆ ಎಂಬ ಟ್ವೀಟ್ ಒಂದು ವ್ಯಾಪಕವಾಗಿ ಹರಿದಾಡುತ್ತಿದೆ. ಈ ರೀತಿಯ ಅನೇಕ ಸುದ್ದಿಗಳು ಈ ಹಿಂದೆಯೂ ಸಾಮಾಜಿಕ ಜಾಲತಾಣಗಳಲ್ಲಿ ಕಾಣಿಸಿಕೊಂಡಿದ್ದವು. ಡಿಸೆಂಬರ್ 1ರಿಂದ ಲಾಕ್ ಡೌನ್ ಘೋಷಣೆಯಾಗಲಿದೆ ಎಂಬುದು ಸುಳ್ಳು ಮಾಹಿತಿ ಎಂದಿರುವ ಸರ್ಕಾರ ಈ ಬಗ್ಗೆ ಸ್ಪಷ್ಟನೆ ನೀಡಿದೆ.

'ಪ್ರಮುಖ ಮಾಧ್ಯಮ ಸಂಸ್ಥೆಯೊಂದು ಪೋಸ್ಟ್ ಮಾಡಿದ್ದೆನ್ನಲಾದ ಟ್ವೀಟ್‌ನಲ್ಲಿ, ದೇಶದಾದ್ಯಂತ ಕೋವಿಡ್ 19 ಪ್ರಕರಣಗಳು ಹೆಚ್ಚುತ್ತಿರುವುದರಿಂದ ಸರ್ಕಾರವು ರಾಷ್ಟ್ರವ್ಯಾಪಿ ಲಾಕ್‌ಡೌನ್‌ಅನ್ನು ಡಿಸೆಂಬರ್ 1ರಿಂದ ಪುನಃ ಜಾರಿಗೊಳಿಸಲಿದೆ. ಪಿಐಬಿ ಫ್ಯಾಕ್ಟ್‌ಚೆಕ್: ಈ ಟ್ವೀಟ್ ಅನ್ನು ತಿದ್ದಲಾಗಿದೆ. ಸರ್ಕಾರ ಅಂತಹ ನಿರ್ಧಾರವನ್ನು ತೆಗೆದುಕೊಂಡಿಲ್ಲ' ಎಂದು ಪಿಐಬಿ ತಿಳಿಸಿದೆ.

Fact Check: ಗಿರಿರಾಜ್ ಸಿಂಗ್ ಬಿಹಾರ ಸಿಎಂ ಆಗಲಿ ಎಂದರೇ ಪ್ರಧಾನಿ ಮೋದಿ?

'ದೇಶದಲ್ಲಿ ಹೆಚ್ಚುತ್ತಿರುವ ಕೊರೊನಾ ವೈರಸ್ ಪ್ರಕರಣಗಳಿಂದಾಗಿ ನರೇಂದ್ರ ಮೋದಿ ಅವರು ಮತ್ತೊಂದು ಲಾಕ್‌ಡೌನ್ ತರಲು ಮುಂದಾಗಿದ್ದಾರೆ. ಭಾರತದಲ್ಲಿ ವೇಗವಾಗಿ ಪ್ರಕರಣಗಳು ಹೆಚ್ಚುತ್ತಿರುವ ಕಾರಣದಿಂದ ಈ ಬಾರಿ ಲಾಕ್‌ಡೌನ್‌ನಲ್ಲಿ ಯಾವುದೇ ಸ್ವಾತಂತ್ರ್ಯ ಇರುವುದಿಲ್ಲ. ಇದು 2020ರ ಡಿ. 1ರಿಂದ ಜಾರಿಯಾಗಲಿದೆ' ಎಂದು ಟ್ವಿಟ್ಟರ್ ಬಳಕೆದಾರರು ಬರೆದಿದ್ದರು.

English summary

Fact Check: A Twitter user claimed government will impose another nationwide lockdown from December 1st. Here is the fact.