#Karnataka Election Results 2018

ಉಪ ಚುನಾವಣೆ ಫಲಿತಾಂಶ : ದೆಹಲಿ ಬಿಜೆಪಿ ಚಾಣಕ್ಯರ ಅಹಂಕಾರಕ್ಕೆ ಕೊಡಲಿ ಏಟು
#Karnataka Election Results 2018

ಮಗನ ಗೆಲುವಿಗಾಗಿ ನಾಲ್ಕೂ ಕ್ಷೇತ್ರಗಳನ್ನು ಬಲಿಕೊಟ್ಟರೆ ಯಡಿಯೂರಪ್ಪ?
#Karnataka Election Results 2018

ಚುನಾವಣೆ 2018: 'ಅನುಕಂಪದ ಅಲೆ' ಎಂಬ ಥಿಯರಿ ಒಡೆದ ಮತದಾರ
#Karnataka Election Results 2018

ಜಯನಗರ ಫಲಿತಾಂಶ: ಚಿತ್ರಗಳಲ್ಲಿ ನೋಡಿ ಮುನ್ನಡೆ-ಹಿನ್ನಡೆಯ ಟ್ರೆಂಡ್
#Karnataka Election Results 2018

ಗೆದ್ದರೆ ಸೌಮ್ಯಾ ರೆಡ್ಡಿಗೆ ಸಚಿವಸ್ಥಾನ? ಕಾಂಗ್ರೆಸ್ ನಲ್ಲಿ ಮತ್ತೆ ಕಿಚ್ಚು?
#Karnataka Election Results 2018

ಬೆಂಬಲಿಗರ ಒತ್ತಾಯ: ಜಿಟಿ ದೇವೇಗೌಡರ ಖಾತೆ ಬದಲಾವಣೆ ಸಾಧ್ಯತೆ

ವಿಶ್ವಾಸಮತ ಗೆದ್ದ ಎಚ್ ಡಿ ಕುಮಾರಸ್ವಾಮಿ

| Updated: Friday, May 25, 2018, 17:04 [IST]

ಬೆಂಗಳೂರು, ಮೇ 25: ಇಂದು(ಮೇ 25) ಜೆಡಿಎಸ್ ಮತ್ತು ಕಾಂಗ್ರೆಸ್ ಮೈತ್ರಿ ಸರ್ಕಾರ ವಿಧಾನಸಭೆಯಲ್ಲಿ ವಿಶ್ವಾಸಮತ ಸಾಬೀತುಪಡಿಸಲಿದೆ. ಇಂದು ಮಧ್ಯಾಹ್ನ 12 ಗಂಟೆಗೆ ವಿಧಾನಸಭೆ ವಿಶೇಷ ಅಧಿವೇಶನ ಆರಂಭವಾಗಲಿದ್ದು, ಸ್ಪೀಕರ್ ಆಯ್ಕೆಯ ನಂತರ ಜೆಡಿಎಸ್ ಮತ್ತು ಕಾಂಗ್ರೆಸ್ ಶಾಸಕರು ವಿಶ್ವಾಸ ಮತ ಯಾಚಿಸಲಿದ್ದಾರೆ.

ಮೇ 15 ರಂದು ಹೊರಬಿದ್ದ ಕರ್ನಾಟಕ ವಿಧಾನಸಭೆ ಚುನಾವಣೆ ಫಲಿತಾಂಶದಲ್ಲಿ 37 ಸ್ಥಾನ ಗೆದ್ದಿದ್ದ ಜೆಡಿಎಸ್ ಗೆ 78 ಸ್ಥಾನ ಗೆದ್ದಿದ್ದ ಕಾಂಗ್ರೆಸ್ ಸರ್ಕಾರ ರಚಿಸಲು ಬೆಂಬಲ ನೀಡಿದ ಬೆನ್ನಲ್ಲೇ ಕರ್ನಾಟಕದಲ್ಲಿ ಸಾಕಷ್ಟು ರಾಜಕೀಯ ತಲ್ಲಣಗಳು ಉಂಟಾಗಿದ್ದವು.

ಸಮ್ಮಿಶ್ರ ಸರ್ಕಾರದ ವಿಶ್ವಾಸಮತ : ಶುಕ್ರವಾರ ಸದನದಲ್ಲಿ ನಡೆಯುವುದೇನು? ಸಮ್ಮಿಶ್ರ ಸರ್ಕಾರದ ವಿಶ್ವಾಸಮತ : ಶುಕ್ರವಾರ ಸದನದಲ್ಲಿ ನಡೆಯುವುದೇನು?

ಅತೀ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದ ಬಿಜೆಪಿ(104) ಬಿ ಎಸ್ ಯಡಿಯೂರಪ್ಪ ಅವರನ್ನು ಮುಖ್ಯಮಂತ್ರಿಯನ್ನಾಗಿ ಆರಿಸಿ, ಅವರು ಪ್ರಮಾಣ ವಚನ ಸ್ವೀಕರಿಸಿಯೂ ಆಗಿತ್ತು. ಆದರೆ ಮೇ 19 ರಂದು ನಡೆಯಬೇಕಿದ್ದ ವಿಶ್ವಾಸಮತ ಪ್ರಕ್ರಿಯೆಯಲ್ಲಿ ಬಹುಮತ ಬರುವ ವಿಶ್ವಾಸವಿಲ್ಲದ ಕಾರಣ ವಿಶ್ವಾಸಮತ ಯಾಚಿಸುವ ಮುನ್ನವೇ ಬಿ ಎಸ್ ವೈ ತಮ್ಮ ಮುಖ್ಯಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು.

Karnataka Assembly JDS Congress Floor Test LIVE Updates and results

ಅದರ ಮುಂದಿನ ಭಾಗವಾಗಿ ಮೇ 23 ರಂದು ಮುಖ್ಯಮಂತ್ರಿ ಸ್ಥಾನ ಅಲಂಕರಿಸಿದ ಎಚ್ ಡಿ ಕುಮಾರಸ್ವಾಮಿ ಇಂದು ವಿಶ್ವಾಸಮತ ಸಾಬೀತುಪಡಿಸಲಿದ್ದು, ಅದರ ಕ್ಷಣ ಕ್ಷಣದ ಮಾಹಿತಿಯನ್ನು ಒನ್ ಇಂಡಿಯಾ ನೀಡಲಿದೆ.

Newest FirstOldest First

3:54 PM, 25 May

ವಿಶ್ವಾಸಮತ ಗೆದ್ದ ಕುಮಾರಸ್ವಾಮಿಗೆ ಗಣ್ಯರ ಅಭಿನಂದನೆ

3:50 PM, 25 May

ಎಚ್ ಡಿ ಕುಮಾರಸ್ವಾಮಿ ನೇತೃತ್ವದ ಸಮ್ಮಿಶ್ರ ಸರ್ಕಾರಕ್ಕೆ ವಿಶ್ವಾಸಮತದಲ್ಲಿ ಗೆಲುವು

3:49 PM, 25 May

"ಹೌದು" ಎನ್ನುವ ಮೂಲಕ ವಿಶ್ವಾಸ ಮತಕ್ಕೆ ಬೆಂಬಲ ಸೂಚಿಸಿದ 117 ಶಾಸಕರು

3:44 PM, 25 May

"ನಾನು ಮಾಜಿ ಕಾಂಗ್ರೆಸ್ ಸದಸ್ಯನಾಗಿ ಮಾತ್ರವಿಲ್ಲ. ಇದುವರೆಗೆ ಹಣಕಾಸು ಖಾತೆಯನ್ನು ಅತ್ಯಂತ ನಿಷ್ಠೆಯಿಂದ ನಡೆಸಿಕೊಂಡುಬಂದ, ಒಂದು ಚೆಕ್ ಸಹ ಬೌನ್ಸ್ ಆಗದಂತೆ ನೋಡಿಕೊಂಡವರು ಸಿದ್ದರಾಮಯ್ಯ" ಸ್ಪೀಕರ್ ರಮೇಶ್ ಕುಮಾರ್

3:41 PM, 25 May

ನನಗೆ ಬೆಂಬಲ ನೀಡಿದ ಕಾಂಗ್ರೆಸ್ಸಿನ ಎಲ್ಲ ನಾಯಕರಿಗೂ ಧನ್ಯವಾದಗಳು. ಅವರು ನೀಡಿದ ಅವಕಾಶವನ್ನು ನಾನು ದುರುಪಯೋಗ ಪಡಿಸಿಕೊಳ್ಳುವುದಿಲ್ಲ. ದೇಶದಲ್ಲಿ ಕಾಂಗ್ರೆಸ್ಸಿನ ಘನತೆಯೂ ಕಡಿಮೆಯಾಗದಂತೆ ನೋಡಿಕೊಳ್ಳುತ್ತೇನೆ- ಎಚ್ ಡಿ ಕುಮಾರಸ್ವಾಮಿ

3:39 PM, 25 May

ಬಿ ಎಸ್ ಯಡಿಯೂರಪ್ಪ ಅವರು ವಿರೊಧ ಪಕ್ಷದ ನಾಯಕರಾಗಿ ಇಂದು ಆಡಿದ ಮಾತುಗಳು, ಮಾಡಿದ ಆರೋಪಗಳು ನನ್ನ ಮನಸ್ಸಿಗೆ ತೀವ್ರ ಆಘಾತವನ್ನುಂಟು ಮಾಡಿದೆ- ಎಚ್ ಡಿ ಕುಮಾರಸ್ವಾಮಿ

3:37 PM, 25 May

"ಭಾಷಣದ ಸಂದರ್ಭದಲ್ಲಿ ಬಿ ಎಸ್ ಯಡಿಯೂರಪ್ಪ ಅವರ ನಡವಳಿಕೆಯನ್ನು ನೋಡಿದರೆ ಅವರಿಗೆ ತಮ್ಮ ಭವಿಶ್ಯ ಅಂಧಕಾರದಲ್ಲಿದೆ ಎಂಬುದು ದೃಢವಾಗುತ್ತಿದೆ ಎನ್ನಿಸುತ್ತದೆ"- ಎಚ್ ಡಿ ಕುಮಾರಸ್ವಾಮಿ

3:36 PM, 25 May

ಬಿ ಎಸ್ ಯಡಿಯೂರಪ್ಪ ಅವರ ಭಾಷಣಕ್ಕೆ ಸಮಜಾಯಿಷಿ ನೀಡುತ್ತಿರುವ ಎಚ್ ಡಿ ಕುಮಾರಸ್ವಾಮಿ

3:25 PM, 25 May

ವಿಪಕ್ಷ ನಾಯಕ ಯಡಿಯೂರಪ್ಪ ನೇತೃತ್ವದಲ್ಲಿ ವಿಶ್ವಾಸಮತಕ್ಕೂ ಮುನ್ನ ಸಭಾತ್ಯಾಗ

3:23 PM, 25 May

ನೀವು ಸಾಲಮನ್ನಾ ಮಾಡದೆ ಇದ್ದರೆ ಇದೇ ಸೋಮವಾರ (ಮೇ 28) ಸ್ವಯಂಘೋಷಿತ ರಾಜ್ಯ ಬಂದ್ ಮಾಡುತ್ತೇವೆ.- ಬಿ ಎಸ್ ಯಡಿಯೂರಪ್ಪ

3:21 PM, 25 May

ನಿಮ್ಮ ಪ್ರಣಾಳಿಕೆಯಂತೆ ಕೊನೇಪಕ್ಷ ರೈತರ ಸಂಪೂರ್ಣ ಸಾಲಮನ್ನಾ ಮಾಡುವುದಾದರೆ ಅದಕ್ಕೆ ನಮ್ಮ ಸಂಪೂರ್ಣ ಬೆಂಬಲವಿದೆ- ಬಿ ಎಸ್ ಯಡಿಯೂರಪ್ಪ

3:20 PM, 25 May

ನಾನು ಜೆಡಿಎಸ್ ನ ಕೆಲವರನ್ನು ಸಂಪರ್ಕ ಮಾಡಿದ್ದು ಸತ್ಯ. ಅದನ್ನು ಇಲ್ಲಿಯೇ ಹೇಳುತ್ತೇನೆ. ಅದರಲ್ಲೇನಿದೆ?- ಬಿ ಎಸ್ ಯಡಿಯೂರಪ್ಪ

3:19 PM, 25 May

ನಿಮ್ಮ ಅಧಿಕಾರಾವಧಿಯಲ್ಲಿ ಎಷ್ಟೆಲ್ಲ ಹಗಲು ದರೋಡೆಯಾಗಿದೆ. ಎಷ್ಟು ಗಣಿಗಾರಿಕೆಗಳಿಕೆ ಅನುಮತಿ ನೀಡಿದ್ದೀರಿ ಗೊತ್ತಿದೆ. ನಿಮ್ಮ ಕುಟುಂಬ ವರ್ಗದ ಹೆಸರಿನಲ್ಲಿ ಎಷ್ಟು ಸೈಟ್ ಇದೆ ಹೇಳಲಿ- ಬಿ ಎಸ್ ಯಡಿಯೂರಪ್ಪ

3:18 PM, 25 May

ಸಾಲಮನ್ನಾ ಮಾಡುವ ಕ್ರಮ ಸ್ವಾಗತ, ಮಾಸಾಶನ, ಪಿಂಚಣಿ ಎಲ್ಲಾ ಸ್ವಾಗತಾರ್ಹ. ನೀರಾವರಿ ಯೋಜನೆ, ಮಹಿಳೆಯರಿಗೆ, ಸ್ತ್ರೀಶಕ್ತಿ ಸಂಘಗಳ ಸಾಲಮನ್ನಾ ಎಲ್ಲವನ್ನೂ ಕೊಡಿ ಪರವಾಗಿಲ್ಲ- ಬಿ ಎಸ್ ಯಡಿಯೂರಪ್ಪ

3:16 PM, 25 May

"ಸಾಂದರ್ಭಿಕ ಶಿಶುವಿನ ಪೂರ್ವಾಶ್ರಮ ಎಂದರೆ ಊಸರವಳ್ಳಿ ಎನ್ನುವುದಕ್ಕೂ ಆಗುವುದಿಲ್ಲ. ಏಕೆಂದರೆ ಅದಕ್ಕೆ ಧರ್ಮ ಕರ್ಮ ಗೊತ್ತಿಲ್ಲ."- ಬಿ ಎಸ್ ಯಡಿಯೂರಪ್ಪ

3:14 PM, 25 May

ದುರ್ಯೋಧನ ಕುಮಾರಸ್ವಾಮಿಯವರ ಮನೆದೇವರು ಅನ್ನಿಸುತ್ತೆ- ಬಿ ಎಸ್ ಯಡಿಯೂರಪ್ಪ

3:11 PM, 25 May

ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿಯವರ ಬದಲಾಗಿ ಸಿದ್ದರಾ,ಯ್ಯ ಎಂದು ಅಪಹಾಸ್ಯ ಅನುಭವಿಸಿದ ಯಡಿಯೂರಪ್ಪ

3:08 PM, 25 May

ಡಿಕೆಶಿ ಅವರನ್ನು ಖಳನಾಯಕ ಎಂದು ಕರೆದಿದ್ದರ ಕುರಿತು ರಮೇಶ್ ಕುಮಾರ್ ಹಾಸ್ಯಾತ್ಮಕ ಪ್ರತಿಕ್ರಿಯೆ. "ನೀವೇನೂ ತಲೆಕೆಡಿಸಿಕೊಳ್ಳಬೇಡಿ. ಒಂದು ಮನುಷ್ಯನಿಗೆ ಆಹಾರವಾಗಿದ್ದು ಇನ್ನೊಬ್ಬ ವ್ಯಕ್ತಿಗೆ ವಿಷವಾಗಿರಬಹುದು"- ಬಿ ಎಸ್ ಯಡಿಯೂರಪ್ಪ

3:04 PM, 25 May

"ನಮ್ಮ ಹೋರಾಟವೇನಿದ್ದರೂ ಕಾಂಗ್ರೆಸ್ ವಿರುದ್ಧವಲ್ಲ. ಎಚ್ ಡಿ ಕುಮಾರಸ್ವಾಮಿ ಮತ್ತು ದೇವೇಗೌಡರ ವಿರುದ್ಧ" - ಬಿ ಎಸ್ ಯಡಿಯೂರಪ್ಪ

3:01 PM, 25 May

ಸದನದಲ್ಲಿ ಯಡಿಯೂರಪ್ಪ ಅವರಿಂದ ಕುಮಾರಸ್ವಾಮಿ ಅವರ ವಿರುದ್ಧ ಕಿಡಿ

2:58 PM, 25 May

"ಸಿದ್ದರಾಮಯ್ಯ ಅವರನ್ನು ಕಡೆಗಣಿಸಿದವರು ಕುಮಾರಸ್ವಾಮಿ. ನಿಮಗೆ ಅಧಿಕಾರ ನೀಡಿದ್ದು ಸಿದ್ದರಾಮಯ್ಯ ಎಂಬುದು ನೆನಪಿರಲಿ. ಅವರಿಗೆ ಗೌರವ ನೀಡಬೇಕಿತ್ತು"- ಬಿ ಎಸ್ ಯಡಿಯೂರಪ್ಪ

2:57 PM, 25 May

ಅಧಿಕಾರಕ್ಕಾಗಿ ಏನು ಬೇಕಾದರೂ ಮಾಡುವ ಇಂಥ ಎಚ್ ಡಿ ಕುಮಾರಸ್ವಾಮಿಯವರಿಗಾಗಿ ನೀವು ಶಾಸಕರನ್ನೆಲ್ಲ ಒಂದೆಡೆ ಸೇರಿಸಿ ಖಳನಾಯಕ ಆದಿರಿ- ಬಿ ಎಸ್ ಯಡಿಯೂರಪ್ಪ

2:53 PM, 25 May

"ನಿಮ್ಮ ತಂದೆಗೆ ಬಿಜೆಪಿ ಜೊತೆ ಕೈಜೋಡಿಸುವುದು ಇಷ್ಟವಿರಲಿಲ್ಲ ಎನ್ನುತ್ತಿದ್ದೀರಿ. ಆವತ್ತು ಅಧಿಕಾರ ಹಸ್ತಾಂತರ ಮಾಡುವ ಸಮಯದಲ್ಲಿ ನಮಗೆ ಷರತ್ತು ವಿಧಿಸುವ ಸಮಯದಲ್ಲಿ ದೇವೇಗೌಡರೂ ನಿಮ್ಮ ಜೊತೆ ಇರಲಿಲ್ಲವೇ- ಬಿ ಎಸ್ ಯಡಿಯೂರಪ್ಪ

2:48 PM, 25 May

"ಕುಮಾರಸ್ವಾಮಿ ಅವರನ್ನು ನಾನು ಬಹಳ ಹತ್ತಿರದಿಂದ ನೋಡಿದ್ದೇನೆ. ಸಿದ್ದರಾಮಯ್ಯ ಅವರು ನೋಡಿದ್ದಕ್ಕಿಂತ ಹೆಚ್ಚು ಹತ್ತಿರದಿಂದ ನೋಡಿದ್ದೇನೆ, ನನಗೆ ಪಶ್ಚಾತ್ತಾಪವಾಗುತ್ತಿದೆ. ಅವರಿಗೆ ಅಧಿಕಾರಕ್ಕೆ ಅವಕಾಶ ಮಾಡಿಕೊಟ್ಟಿದ್ದು ನನ್ನ ಅಕ್ಷಮ್ಯ ಅಪರಾಧ"-ಬಿ ಎಸ್ ಯಡಿಯೂರಪ್ಪ

BJP walked out of Karnataka assembly after BJP's BS Yeddyurappa said that we will hold a state-wide bandh on May 28, if CM HD Kumaraswamy doesn’t waive off farmer loans, pic.twitter.com/Wq4U1UegRr
— ANI (@ANI) May 25, 2018

2:45 PM, 25 May

ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಜನಾದೇಶಕ್ಕೆ ಧಿಕ್ಕರಿಸಿ ಅವಕಾಶವಾದಿ ರಾಜಕಾರಣಕ್ಕೆ ಮಣೆ ಹಾಕಲಾಗಿದೆ ಎಂಬುದು ನಾಡಿನ ಜನರ ಅಭಿಪ್ರಾಯ- ಬಿ ಎಸ್ ಯಡಿಯೂರಪ್ಪ

2:39 PM, 25 May

ಇದೊಂದು ಮಾದರಿ ಸಮ್ಮಿಶ್ರ ಸರ್ಕಾರವಾಗಲಿದೆ. ಅದಕ್ಕೆ ನಿಮ್ಮೆಲ್ಲರ ಸರ್ಕಾರ ಬೇಕು- ಎಚ್ ಡಿ ಕುಮಾರಸ್ವಾಮಿ

2:38 PM, 25 May

"2008 ರಲ್ಲಿ ಬಿಜೆಪಿಯವರು ಏನು ಮಾಡಿದ್ದೀರಿ ಎಂಬುದು ನನಗೆ ಗೊತ್ತಿ 114 ಶಾಸಕರನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳಲಿಲ್ಲ ನೀವು"- ಎಚ್ ಡಿ ಕುಮಾರಸ್ವಾಮಿ

2:36 PM, 25 May

"ಸುಪ್ರೀಂ ಕೋರ್ಟ್ ಒಂದೇ ಸಿನದಲ್ಲಿ ವಿಶ್ವಾಸಮತ ಯಾಚಿಸುವ ಸೂಚನೆ ನೀಡದಿದ್ದಲ್ಲಿ ನಾವು ಇನ್ನು ಏನೇನು ಅನಾಹುತ ನೋಡಬೇಕಿತ್ತೋ ದೇವರೇ ಬಲ್ಲ!"- ಎಚ್ ಡಿ ಕುಮಾರಸ್ವಾಮಿ

2:33 PM, 25 May

"ಆಪರೇಷನ್ ಕಮಲದಂಥ ಹೊಸ ರಾಜಕೀಯ ಪರಿಕಲ್ಪನೆಗೆ ನಾಂದಿ ಹಾಡಿದ್ದು ಯಾರು?"- ಎಚ್ ಡಿ ಕುಮಾರಸ್ವಾಮಿ

2:30 PM, 25 May

"ವಿರೋಧ ಪಕ್ಷದ ಗಣ್ಯರು ತಮ್ಮ ದೇಹ ದಂಡಿಸಿಕೊಂಡು ಕಷ್ಟಪಡೋದು ಬೇಡ. ನಿಮ್ಮ ಸಲಹೆಗಳನ್ನು ನಮಗೆ ಕೊಡಿ. ನಾವು ಪರಿಹರಿಸುತ್ತೇವೆ. ಈ ವಯಸ್ಸಿನಲ್ಲಿ ಯಡಿಯೂರಪ್ಪ ಅವರ ಆರೋಗ್ಯ ಚೆನ್ನಾಗಿರಬೇಕು."- ಎಚ್ ಡಿ ಕುಮಾರಸ್ವಾಮಿ

6:31 AM, 25 May

37 ಸ್ಥಾನ ಗೆದ್ದ ಜೆಡಿ ಎಸ್, 78 ಸ್ಥಾನ ಗೆದ್ದ ಕಾಂಗ್ರೆಸ್, ಇತರರು 2 ಮತ್ತು 104 ಸ್ಥಾನ ಗೆದ್ದ ಬಿಜೆಪಿ

6:32 AM, 25 May

ಇಂದು ಮಧ್ಯಾಹ್ನ 12 ಗಂಟೆಗೆ ವಿಧಾನಸಭೆಯ ವಿಶೇಷ ಅಧಿವೇಶನ ಆರಂಭವಾಗಲಿದ್ದು, ಮೊದಲಿಗೆ ಸ್ಪೀಕರ್ ಆಯ್ಕೆ ನಡೆಯಲಿದೆ.

6:33 AM, 25 May

ಸ್ಪೀಕರ್ ಸ್ಥಾನಕ್ಕೆ ಕಾಂಗ್ರೆಸ್-ಜೆಡಿಎಸ್ ಅಭ್ಯರ್ಥಿಯಾಗಿ ಮಾಜಿ ಸಚಿವ ರಮೇಶ್ ಕುಮಾರ್ ಸ್ಪರ್ಧಿಸಿದ್ದರೆ, ಬಿಜೆಪಿ ಅಭ್ಯರ್ಥಿಯಾಗಿ ರಾಜಾಜೀನಗರ ಶಾಸಕ ಸುರೇಶ್ ಕುಮಾರ್ ಸ್ಪರ್ಧಿಸಿದ್ದಾರೆ.

6:54 AM, 25 May

ಕರ್ನಾಟಕ ರಾಜ್ಯದ 25 ನೇ ಮುಖ್ಯಮಂತ್ರಿಯಾಗಿ ಎಚ್ ಡಿ ಕುಮಾರಸ್ವಾಮಿಯವರು ಮೇ 23 ರಂದು ಪ್ರಮಾಣವಚನ ಸ್ವೀಕರಿಸಿದ್ದರು. ಎಚ್ ಡಿ ಕೆ ಅವರ ಪ್ರಮಾಣವಚನ ಕಾರ್ಯಕ್ರಮಕ್ಕೆ ರಾಷ್ಟ್ರ ಮಟ್ಟದ ಹಲವು ನಾಯಕರು ಹಾಜರಿದ್ದರು.

6:56 AM, 25 May

ರಾಜ್ಯದ ಉಪಮುಖ್ಯಮಂತ್ರಿಯಾಗಿ ಕಾಂಗ್ರೆಸ್ ನಾಯಕ ಜಿ ಪರಮೇಶ್ವರ್ ಅಧಿಕಾರ ಸ್ವೀಕರಿಸಿದ್ದರು.

8:23 AM, 25 May

ದೇವನಹಳ್ಳಿಯ ರೆಸಾರ್ಟ್‌ನಲ್ಲಿ ಇರುವ ಜೆಡಿಎಸ್ ಶಾಸಕರು ಖಾಸಗಿ ಬಸ್‌ನಲ್ಲಿ ನೇರವಾಗಿ ವಿಧಾನಸೌಧಕ್ಕೆ ಬರಲಿದ್ದಾರೆ. ಅದಕ್ಕೂ ಮುನ್ನ 10 ಗಂಟೆ ಸುಮಾರಿಗೆ ಶಾಸಕರು ಸಭೆ ನಡೆಸಲಿದ್ದಾರೆ. ಬಳಿಕ ವಿಧಾನಸೌಧಕ್ಕೆ ಬಂದು ವಿಶ್ವಾಸಮತ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ.

8:30 AM, 25 May

ವಿಶ್ವಾಸಮತ ಯಾಚನೆ ಪ್ರಕ್ರಿಯೆ ನಡೆಯುವ ಕಾರಣ ವಿಧಾನಸೌಧದ ಸುತ್ತಮುತ್ತ ಬಿಗಿ ಬಂದೋಬಸ್ತ್ ಏರ್ಪಡಿಸಲಾಗಿದೆ. ಯಾವುದೇ ಅಹಿತಕರ ಘಟನೆ ಸಂಭವಿಸಿದಂತೆ ಪೊಲೀಸ್ ಸರ್ಪಗಾವಲು ಹಾಕಲಾಗಿದೆ.

8:54 AM, 25 May

ವಿಧಾನಸೌಧದ ಸುತ್ತಮುತ್ತ 2 ಕಿ ಮೀ ಅಂತರದಲ್ಲಿ ನಿಷೇಧಾಜ್ಞೆ ಜಾರಿ. ಬೆಳಿಗ್ಗೆ6 ಗಂಟೆಯಿಂದ ರಾತ್ರಿ 12 ಗಂಟೆವರೆಗೆ ನಿಷೇಧಾಜ್ಞೆ.

9:03 AM, 25 May

ಈಗಾಗಲೇ ಎಲ್ಲ ಶಾಸಕರಿಗೂ ವಿಪ್ ಜಾರಿಗೊಳಿಸಲಾಗಿದ್ದು, ವಿಶ್ವಾಸ ಮತ ಗೆಲ್ಲುವುದು ಬಹುತೇಕ ಖಚಿತವಾಗಿದೆ.

9:06 AM, 25 May

ಶಾಸಕರೆಲ್ಲರ ರೆಸಾರ್ಟ್ ವಾಸ್ತವ್ಯಕ್ಕೆ ಇಂದು ತೆರೆಬೀಳಲಿದೆ! ಚುನಾವಣೆ ಫಲಿತಾಂಶದ ನಂತರ ತಮ್ಮ ನಿವಾಸಕ್ಕೆ ತೆರಳಲಾಗದೆ, ರೆಸಾರ್ಟ್ ನಲ್ಲಿ ಒಂದರ್ಥದಲ್ಲಿ ಬಂಧಿಯಾಗಿದ್ದ ಶಾಸಕರು ಸದ್ಯಕ್ಕೆ ನಿಟ್ಟುಸಿರು ಬಿಟ್ಟಿದ್ದಾರೆ.

9:14 AM, 25 May

ತಡರಾತ್ರಿ ದೇವನಹಳ್ಳಿ ಬಳಿ ಇರುವ ರೆಸಾರ್ಟ್ ನಲ್ಲಿ ಜೆಡಿಎಸ್ ಶಾಸಕರ ಜೊತೆ ಮಾತುಕತೆ ನಡೆಸಿದೆ ಮುಖ್ಯಮಂತ್ರಿ , ಶಾಸಕರಿಗೆ ವಿಎಚ್ ಡಿ ಕುಮಾರಸ್ವಾಮಿ ವಿಪ್ ಪತ್ರಗಳನ್ನು ಹಸ್ತಾಂತರಿಸಿದರು.

9:15 AM, 25 May

ಪ್ರತ್ಯೇಕ ಖಾಸಗಿ ಬಸ್ ನಲ್ಲಿ ಕಾಂಗ್ರೆಸ್ ಮತ್ತು ಜೆಡಿ ಎಸ್ ಶಾಸಕರು ಇಂದು ಬೆಳಿಗ್ಗೆ ಸುಮಾರು 11 ಗಂಟೆಯ ಸಮಯಕ್ಕೆ ವಿಧಾನಸೌಧದ ಬಳಿ ಆಗಮಿಸಲಿದ್ದಾರೆ.

9:32 AM, 25 May

ಹಿಲ್ಟನ್ ಹೋಟೆಲ್ ನಲ್ಲಿ ಕಾಂಗ್ರೆಸ್ ಶಾಸಕರ ವಾಸ್ತವ್ಯ ಹಿನ್ನೆಲೆ. ಹೋಟೆಲ್ ನತ್ತ ದೌಡಾಯಿಸುತ್ತಿರು ಕಾಂಗ್ರೆಸ್ ಮುಖಂಡರು. ಹೋಟೆಲ್ ಗೆ ಆಗಮಿಸಿದ ನೂತನ ಡಿಸಿಎಂ ಡಾ.ಜಿ ಪರಮೇಶ್ವರ್, ಪ್ರಿಯಾಂಕ ಖರ್ಗೆ, ಆರ್ ವಿ ದೇಶಪಾಂಡೆ ಮತ್ತು ಶಾಸಕ ಸುಧಾಕರ್

9:33 AM, 25 May

ಕೆಲವೇ ಕ್ಷಣಗಳಲ್ಲಿ ಶಾಸಕಾಂಗ ಪಕ್ಷದ ನಾಯಕ ಸಿದ್ದರಾಮಯ್ಯ ಹಿಲ್ಟನ್ ಹೋಟೆಲ್ ಗೆ ಆಗಮಿಸುವ ಸಾಧ್ಯತೆ. 10 ಗಂಟೆಗೆ ಶಾಸಕರೊಂದಿಗೆ ಸಭೆ ನಡೆಸಲಿರುವ ಕೈ ಮುಖಂಡರು. ಸಿದ್ದರಾಮಯ್ಯ ನೇತೃತ್ವದಲ್ಲಿ ನಡೆಯಲಿರುವ ಸಭೆ.

9:41 AM, 25 May

ಬೆಂಗಳೂರಿನ ಪದ್ಮನಾಭನಗರದಲ್ಲಿರುವ ಮಾಜಿ ಪ್ರಧಾನಿ ಎಚ್ ಡಿ ದೇವೇಗೌಡರ ನಿವಾಸಕ್ಕೆ ಆಗಮಿಸಿರುವ ಎಚ್ ಡಿ ಕುಮಾರಸ್ವಾಮಿ. ತಂದೆಯವರ ಆಶೀರ್ವಾದ ಪಡೆದು ವಿಶ್ವಾಸಮತಕ್ಕಾಗಿ ಅಧಿವೇಶನಕ್ಕೆ ತೆರಳುವ ಸಾಧ್ಯತೆ.

9:42 AM, 25 May

ನನಗೆ ಯಾವುದೇ ತಲೆಬಿಸಿಯಿಲ್ಲ. ನಾನು ವಿಶ್ವಾಸಮತ ಗೆಲ್ಲುವುದು ಪಕ್ಕಾ- ಎಚ್ ಡಿ ಕುಮಾರಸ್ವಾಮಿ, ಮುಖ್ಯಮಂತ್ರಿ

I have no tension, I am going to win clearly: CM #HDKumaraswamy on today's floor test. #Karnataka pic.twitter.com/b6VgoKniUy
— ANI (@ANI) May 25, 2018

9:55 AM, 25 May

ಬೆಂಗಳೂರಿನ ಖಾಸಗಿ ಹೋಟೆಲ್ ನಲ್ಲಿ ಬಿಜೆಪಿ ಶಾಸಕರ ಸಭೆ ಸಹ ನಡೆಯುತ್ತಿದೆ. ಸಭೆಯ ನಂತರ ಬಿಜೆಪಿ ನಾಯಕರು ವಿಧಾನಸೌಧಕ್ಕೆ ಆಗಮಿಸಲಿದ್ದಾರೆ.

9:56 AM, 25 May

ತನ್ನ ಎಲ್ಲಾ ಶಾಸಕರಿಗೂ ಕಾಂಗ್ರೆಸ್ ಈಗಾಗಲೇ ವಿಪ್ ಜಾರಿಗೊಳಿಸಿದೆ.

10:04 AM, 25 May

ದೇವೇಗೌಡರ ನಿವಾಸದಿಂದ ಎಚ್ ಡಿ ಕುಮಾರಸ್ವಾಮಿ ನಿರ್ಗಮಿಸಿದ್ದು ತಮ್ಮ ಜೆಪಿ ನಗರದ ನಿವಾಸದತ್ತ ಹೊರಟಿದ್ದಾರೆ.

10:28 AM, 25 May

ದೇವನಹಳ್ಳಿ ಬಳಿಯ ರೆಸಾರ್ಟ್ ನಿಂದ ಬಸ್ ನಲ್ಲಿ ಸಿಎಂ ಗೃಹಕಚೇರಿ ಕೃಷ್ಣಾಕ್ಕೆ ಬಂದ ಶಾಸಕರು. ಕೆಲ ಹೊತ್ತಿನಲ್ಲೇ ಶಾಸಕರೊಂದಿಗೆ ಕುಮಾರಸ್ವಾಮಿ ಮಾತುಕತೆ!

10:38 AM, 25 May

ಸಿದ್ದರಾಮಯ್ಯ ನೇತೃತ್ವದಲ್ಲಿ ನಡೆದ ಶಾಸಕರ ಸಭೆಗೆ ಗೈರಾದ ಡಿಕೆಶಿ! ಕೇವಲ 40 ಶಾಸಕರಷ್ಟೇ ಭಾಗಿಯಾದ ಕುರಿತು ಮಾಹಿತಿ.

10:39 AM, 25 May

ನಾವು ನಿಮ್ಮ ಮಾತಿನಂತೆ ನಡೆದುಕೊಳ್ಳುತ್ತೇವೆ. ಹಾಗೆಯೇ ನೀವೂ ನಮ್ಮ ಮಾತನ್ನು ನಡೆಸಿಕೊಡಬೇಕು ಎಂದು ಉಪಮುಖ್ಯಮಂತ್ರಿ ಜಿ ಪರಮೇಶ್ವರ್ ಅವರಲ್ಲಿ ಮನವಿ ಮಾಡಿದ ಕಾಂಗ್ರೆಸ್ ಶಾಸಕರು. ಹಿಲ್ಟನ್ ಹೊಟೆಲ್ ನಲ್ಲಿ ನಡೆದ ಶಾಸಕರ ಸಭೆ

10:55 AM, 25 May

ಖಾಸಗಿ ಬಸ್ ನಲ್ಲಿ ವಿಧಾನಸೌಧದತ್ತ ಹೊರಟ ಶಾಸಕರು

10:55 AM, 25 May

ಜೆಡಿಎಸ್ ಶಾಸಕರೊಂದಿಗೆ ಗೃಹಕಚೇರಿ ಕೃಷ್ಣಾದಲ್ಲಿ ಸಭೆ ನಡೆಸುತ್ತಿರುವ ಎಚ್ ಡಿ ಕುಮಾರಸ್ವಾಮಿ

10:56 AM, 25 May

ಹಿಲ್ಟನ್ ಹೋಟೆಲ್ ನಲ್ಲಿ ಸಭೆ ಮುಗಿಸಿ ಖಾಸಗಿ ಬಸ್ ನಲ್ಲಿ ವಿಧಾನಸೌಧದತ್ತ ಹೊರಟ ಕಾಂಗ್ರೆಸ್ ಶಾಸಕರು.

10:57 AM, 25 May

ಮಧ್ಯಾಹ್ನ 12 ಗಂಟೆಗೆ ಆರಂಭವಾಗಲಿರುವ ವಿಧಾನಸಭೆ ಕಲಾಪ

11:07 AM, 25 May

ವಿಧಾನಸೌಧಕ್ಕೆ ಆಗಮಿಸಿದ ಕಾಂಗ್ರೆಸ್ ಶಾಸಕರು.

Congress MLAs reach Vidhana Soudha in Bengaluru ahead of floor test and election of assembly speaker #Karnataka pic.twitter.com/NdLiwjtDhN
— ANI (@ANI) May 25, 2018

11:18 AM, 25 May

"ಸಿಂಹದ ಮರಿಗಳಂತೆ ಘರ್ಜಿಸಲಿರುವ ಬಿಜೆಪಿ ಶಾಸಕರು ನನ್ನೊಂದಿಗೆ ವಿಪಕ್ಷದಲ್ಲಿ ಕೂತು, ಸಮರ್ಥವಾಗಿ ಕಾರ್ಯ ನಿರ್ವಹಿಸಲಿದ್ದಾರೆ"- ಬಿ ಎಸ್ ಯಡಿಯೂರಪ್ಪ

11:22 AM, 25 May

ಇವತ್ತಿನ ಅಧಿವೇಶನದಲ್ಲಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಅವರು ಚುನಾವಣೆಯ ಸಮಯದಲ್ಲಿ ನೀಡಿದ ಭರವಸೆ ಈಡೇರಿಸಬೇಕು. ರೈತರ ಸಾಲಮನ್ನಾ ಮಾಡುವುದಾಗಿ ಇಂದೇ ಘೋಷಿಸಬೇಕು. ಇಲ್ಲದಿದ್ರೆ ರಾಜ್ಯದಾದ್ಯಂತ ಹೋರಾಟ ನಡೆಸುತ್ತೇವೆ- ಬಿ ಎಸ್ ಯಡಿಯೂರಪ್ಪ

ಇಂದಿನ ಅಧಿವೇಶನದಲ್ಲಿ ರೈತರ ಸಾಲ ಮನ್ನಾ ಘೋಷಣೆ ಮಾಡಲಿಲ್ಲವೆಂದರೆ ರಾಜ್ಯಾದ್ಯಂತ ಹೋರಾಟ ಮಾಡಲಾಗುತ್ತದೆ ಎಂದು ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್.ಯಡಿಯೂರಪ್ಪ ಎಚ್ಚರಿಸಿದರು.@BSYBJP | @hd_kumaraswamy | #farmerloan | #protest https://t.co/dUPUDtlM2M
— Oneindia Kannada (@OneindiaKannada) May 25, 2018

11:27 AM, 25 May

ಶಾಂಗ್ರಿಲಾ ಹೋಟೆಲ್ ನಲ್ಲಿ ಬಿ ಎಸ್ ಯಡಿಯೂರಪ್ಪ ನೇತೃತ್ವದಲ್ಲಿ ಬಿಜೆಪಿ ಶಾಸಕರ ಸಭೆ ಆರಂಭ

Comments

karnataka election results 2018 trust vote congress jds hd kumaraswamy governor ಚುನಾವಣೆ ಫಲಿತಾಂಶ ವಿಶ್ವಾಸಮತ ಎಚ್ ಡಿ ಕುಮಾರಸ್ವಾಮಿ ಕಾಂಗ್ರೆಸ್ ಬಿಜೆಪಿ ಜೆಡಿಎಸ್ floor test karnataka assembly elections 2018 ಕರ್ನಾಟಕ ವಿಧಾನಸಭೆ ಚುನಾವಣೆ 2018

English summary

Karnataka Assembly Congress -JDS Floor Test Live Updates in Kannada : ಕರ್ನಾಟಕ ವಿಧಾನಸಭೆಯಲ್ಲಿ ವಿಶ್ವಾಸಮತ ಯಾಚನೆ. ಕಾಂಗ್ರೆಸ್ ಮತ್ತು ಜೆಡಿಎಸ್ ಗೆ ಅಗ್ನಿಪರೀಕ್ಷೆ. ಅಗ್ನಿಪರೀಕ್ಷೆ ಪಾಸಾಗುತ್ತಾರಾ ಕುಮಾರಸ್ವಾಮಿ?

ವಿಶ್ವಾಸಮತ ಗೆದ್ದ ಎಚ್ ಡಿ ಕುಮಾರಸ್ವಾಮಿ

ಇನ್ನಷ್ಟು karnataka election results 2018 ಸುದ್ದಿಗಳು

ದಾಖಲೆ ಪ್ರಮಾಣದ ಪ್ರಯಾಣಿಕರಿಗೆ ಸಾಕ್ಷಿಯಾದ ಬೆಂಗಳೂರು ವಿಮಾನನಿಲ್ದಾಣ

Thili Saaru Recipe: ಸವಿದರೆ ಮತ್ತೆ..ಮತ್ತೆ ಸವಿಯಬೇಕೆನಿಸುವ ತಿಳಿ ಸಾರು ಕ್ಷಣದಲ್ಲೇ ತಯಾರಿಸಿ

Health Benefits of Ice Apple: ಕೈಯಲ್ಲಿ ಜಾರುವ, ಬಾಯಲ್ಲಿ ಕರಗುವ ತಾಳೆ ಹಣ್ಣು: ಆರೋಗ್ಯಕ್ಕೆ ಆಸ್ತಿ, ತಿನ್ನಬೇಕು ಜಾಸ್ತಿ!

Just In

Don't Miss

ವಿಶ್ವಾಸಮತ ಗೆದ್ದ ಎಚ್ ಡಿ ಕುಮಾರಸ್ವಾಮಿ

ಇನ್ನಷ್ಟು karnataka election results 2018 ಸುದ್ದಿಗಳು

ದಾಖಲೆ ಪ್ರಮಾಣದ ಪ್ರಯಾಣಿಕರಿಗೆ ಸಾಕ್ಷಿಯಾದ ಬೆಂಗಳೂರು ವಿಮಾನನಿಲ್ದಾಣ

Thili Saaru Recipe: ಸವಿದರೆ ಮತ್ತೆ..ಮತ್ತೆ ಸವಿಯಬೇಕೆನಿಸುವ ತಿಳಿ ಸಾರು ಕ್ಷಣದಲ್ಲೇ ತಯಾರಿಸಿ

Health Benefits of Ice Apple: ಕೈಯಲ್ಲಿ ಜಾರುವ, ಬಾಯಲ್ಲಿ ಕರಗುವ ತಾಳೆ ಹಣ್ಣು: ಆರೋಗ್ಯಕ್ಕೆ ಆಸ್ತಿ, ತಿನ್ನಬೇಕು ಜಾಸ್ತಿ!