• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಯೋಗ ಪ್ರದರ್ಶನ ಕಲೆಯಲ್ಲ,ಜೀವನ ದರ್ಶಕ: ಅನುಷ್ಕಾ ಶೆಟ್ಟಿ

By ಜೇಮ್ಸ್ ಮಾರ್ಟಿನ್
|

ಮಂಗಳೂರಿನ ಬಾಲೆ ಅನುಷ್ಕಾ ಶೆಟ್ಟಿ ಎಂಬ ಬಂಟರ ಕುಲದ ಕನ್ಯೆ ತೆಲುಗು ಚಿತ್ರರಂಗದ ಸೂಪರ್ ಸ್ಟಾರ್ ಆಗಿದ್ದಾರೆ. ಸ್ವೀಟಿ ಶೆಟ್ಟಿಯಾಗಿದ್ದ ಬೆಳ್ಳಿಪಾಡಿ ಗುತ್ತು ಕುಟುಂಬದ ಪ್ರಫುಲ್ಲಾ ಹಾಗೂ ಎ.ಎನ್ ವಿಠಲ್ ಶೆಟ್ಟಿ ಪುತ್ರಿ ಬೆಳೆದಿದ್ದೆಲ್ಲ ನಮ್ಮ ಬೆಂಗಳೂರಿನಲ್ಲಿ. ಮೌಂಟ್ ಕಾರ್ಮೆಲ್ ಕಾಲೇಜಿನಿಂದ ಬಿಸಿಎ ಪದವಿ ಪಡೆದುಕೊಂಡ ಅನುಷ್ಕಾ ಜೀವನದಲ್ಲಿ ಬದಲಾವಣೆ ತಂದಿದ್ದು ಯೋಗಾಭ್ಯಾಸ.

ಯೋಗ ಗುರು ಭರತ್ ಠಾಕೂರ್(ನಟಿ ಭೂಮಿಕಾ ಚಾವ್ಲಾ ಪತಿ) ಅವರಿಂದ ಯೋಗ ಪಾಠಗಳನ್ನು ಕಲಿತ ಅನುಷ್ಕಾ ಕೂಡಾ ಎಲ್ಲರಂತೆ ಜೂ.21ರ ವಿಶ್ವ ಯೋಗ ದಿನಾಚರಣೆ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

ತಮ್ಮ ಜೀವನದಲ್ಲಿ ಯೋಗಾಭ್ಯಾಸ ತಂದ ಬದಲಾವಣೆಯನ್ನು ಸ್ಮರಿಸಿದ್ದಾರೆ. ಅದರೆ, ಯೋಗ ಪ್ರದರ್ಶನ ಕಲೆಯಲ್ಲ, ಅದನ್ನು ನಿತ್ಯ ಪೂಜೆ, ಆರಾಧನೆಯಂತೆ ಅಥವಾ ಶಿಸ್ತಿನಿಂದ ಆಚರಿಸುವುದು ಮುಖ್ಯ ಎಂದಿದ್ದಾರೆ. [ಯೋಗಾಭ್ಯಾಸ ಆರಂಭಿಸುವವರಿಗೆ ಉಪಯುಕ್ತ ಟಿಪ್ಸ್]

ಯೋಗ ಕಲಿತ ಮೇಲೆ ಯೋಗ ಟೀಚರ್ ಆಗಿ ಬೆಂಗಳೂರಿನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ ಅನುಷ್ಕಾ ಶಾಲೆಗೆ ಬಂದ ನಿರ್ದೇಶಕ ಪೂರಿ ಜಗನ್ನಾಥ್ ಇವರ ಹೈಟ್, ಪರ್ಸನಾಲಿಟಿ ಕಂಡು ಸಿನಿಮಾದಲ್ಲಿ ನಟಿಸಲು ಚಾನ್ಸ್ ನೀಡುತ್ತಾರೆ.

ಹೀಗೆ ಸ್ವೀಟಿ, ಅನುಷ್ಕಾ ಆಗಿ ಬದಲಾಗಿ ಸಿನಿಮಾ ರಂಗದಲ್ಲಿ ಹೆಸರು ಮಾಡುತ್ತಾರೆ. 'ಸೂಪರ್' ಸಿನಿಮಾದ ಪುಟ್ಟ ಪಾತ್ರದಿಂದ ಆರಂಭವಾದ ಸಿನಿಜರ್ನಿ ಈಗ ಅರುಂಧತಿ, ಬಾಹುಬಲಿ, ರುದ್ರಮಾದೇವಿಯಂಥ ಬೃಹತ್ ಚಿತ್ರಗಳ ತನಕ ಬಂದಿದೆ. ['ಓಂ' ಬದಲು 'ಅಲ್ಲಾಹ್' ಎಂದು ಯೋಗಭ್ಯಾಸ ಮಾಡಿ]

ದಿನನಿತ್ಯ ಯೋಗ: ಅದರೆ, ದಿನನಿತ್ಯ ಯೋಗ ಮಾಡುವುದನ್ನು ಮರೆಯುವುದಿಲ್ಲ. 30 ರಿಂದ 40 ನಿಮಿಷ ದೈಹಿಕ ಕಸರತ್ತಿನ ನಂತರ ಸೂರ್ಯ ನಮಸ್ಕಾರ ಸೇರಿದಂತೆ ಯೋಗಾಭ್ಯಾಸ ಸಾಂಗವಾಗಿ ಮಾಡುತ್ತಾರಂತೆ. ಆಹಾರ ಕ್ರಮವೂ ಮುಖ್ಯವಾಗಿದೆ. ನಾನು ಶಾಖಾಹಾರವನ್ನು ಇಷ್ಟಪಡುತ್ತೇನೆ. ಬೆಂಗಳೂರಿಗೆ ಬಂದರೆ ನಮ್ಮ ರೆಸ್ಟೋರೆಂಟಿಗೆ ಓಡಿ ಹೋಗಿ ನನ್ನಿಷ್ಟದ ತಿಂಡಿ ತಿನ್ನುತ್ತೇನೆ ಎನ್ನುತ್ತಾರೆ ಅನುಷ್ಕಾ.

ದೈಹಿಕ ಸೌಂದರ್ಯದ ಜೊತೆ ಮಾನಸಿಕ ನೆಮ್ಮದಿ ಪಡೆಯಲು ಯೋಗವೇ ಸೂಕ್ತ ಮಾರ್ಗ. ಏಕಾಂಗಿಯಾಗಿರಲು ಇಷ್ಟಪಡುವ ನನಗೆ ಸಿನಿಮಾದಂಥ ಮನರಂಜನಾ ಕ್ಷೇತ್ರದಲ್ಲಿ ಯಶಸ್ಸುಗಳಿಸಲು ಯೋಗ ಸಹಕಾರಿಯಾಗಿದೆ.

ಯೋಗ ಟೀಚರ್ ಆಗಿದ್ದು : ಇದು ನನ್ನ ಜೀವನದ ಅತ್ಯಂತ ಸಂತಸ ಹಾಗೂ ದೊಡ್ಡ ವಿಷಯವಾಗಿದೆ. ನಮ್ಮ ಫ್ಯಾಮಿಲಿಯಲ್ಲಿ ಡಾಕ್ಟರ್ಸ್, ಇಂಜಿನಿಯರ್ಸ್, ಉದ್ಯಮಿಗಳೇ ಇದ್ದಾರೆ.

ಆದರೆ, ನಾನು ಯೋಗ ಟೀಚರ್ ಆಗುತ್ತೇನೆ ಎಂದಾಗ ನನ್ನ ಪೋಷಕರು ನೆರವಾದರು. ನನ್ನ ಜೀವನದ ಪಥವನ್ನೇ ಯೋಗ ಬದಲಾಯಿಸಿತು. ಜೀವನದ ಮೌಲ್ಯ, ಜವಾಬ್ದಾರಿ, ವ್ಯಕ್ತಿತ್ವ ರೂಪಿಸುವಲ್ಲಿ ಯೋಗ ನನಗೆ ನೆರವಾಗಿದೆ ಎಂದು ಅನುಷ್ಕಾ ಹೇಳಿದ್ದಾರೆ.

ಇಷ್ಟಾದರೂ ಇತರೆ ಸ್ಟಾರ್ ಗಳ ರೀತಿಯಲ್ಲಿ ಯೋಗವನ್ನು ವಾಣಿಜ್ಯ ಉದ್ದೇಶಕ್ಕೆ ಅನುಷ್ಕಾ ಬಳಸಿಕೊಂಡಿಲ್ಲ. ಕೆಲ ಸಿನಿಮಾಗಳಲ್ಲಿ ಅಗತ್ಯವಿದ್ದಾಗ ಮಾತ್ರ ಯೋಗಾಭ್ಯಾಸದ ಝಲಕ್ ಬಳಸಿಕೊಳ್ಳಲಾಗಿದೆ. ಯೋಗ ನಿರಂತರ ಕಲಿಕೆ, ಅಭ್ಯಾಸದ ಜೀವನ ಕ್ರಮ, ಒಂದು ದಿನದ ಆಚರಣೆ ನಿರಂತರ ಸಾಧನೆಗೆ ನೆರವಾಗಲಾರದು ಎಂದು ಅನುಷ್ಕಾ ನಂಬಿದ್ದಾರೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Yoga changed my Life, It is not a performing art says Actress Anushka Shetty. It was a brave decision on my side to go for yoga and to become Yoga teacher was a most memorable moment in my life, It has totally changed my life and is responsible for everything now.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more