Click it and Unblock the Notifications
Just In
-
-
-
Don't Miss
-
'ಟಿ20 ವಿಶ್ವಕಪ್ಗೆ ಈತನನ್ನು ಆಯ್ಕೆ ಮಾಡಿ'; ಅಜಿತ್ ಅಗರ್ಕರ್ಗೆ ಬಂತು ದೊಡ್ಡ ಮನವಿ! -
ಡಾ. ರಾಜ್ಕುಮಾರ್ ಜನ್ಮದಿನದಂದು ಹೊಸ ಉದ್ಯಮ ಆರಂಭಿಸಿದ ಅಶ್ವಿನಿ ಪುನೀತ್ ರಾಜ್ಕುಮಾರ್ -
ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ -
ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್ -
ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್! -
ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯೋಗವೆಂದರೆ ಉಲ್ಲಾಸ, ಸಂತೋಷ, ವಿನೋದ
(ಸಂದರ್ಶನದ ಮುಂದುವರಿದ ಭಾಗ)
ಪ್ರಶ್ನೆ : ಯೋಗದಿಂದ ಮಾನವನ ಜೀವನಶೈಲಿಯನ್ನೇ ಬದಲಾಯಿಸಲು ಸಾಧ್ಯವೆ?
ಕಮಲೇಶ್ ಬರ್ವಾಲ್ : ಖಂಡಿತ. ಯೋಗವೇ ಜೀವನಶೈಲಿ. ಯೋಗದಿಂದ ನೈಸರ್ಗಿಕವಾಗಿ ಜೀವನವನ್ನು ಉತ್ತಮಪಡಿಸಿಕೊಳ್ಳಲು ಸಾಧ್ಯ.
ಪ್ರಶ್ನೆ : ಭಾರತದಲ್ಲಿ ಮಹಿಳಾ ಶಿಕ್ಷಣಕ್ಕಾಗಿ ನೀವು ಪ್ರಚಾರ ಮಾಡುತ್ತಿದ್ದೀರಿ. ಇದನ್ನು ಕೈಗೆತ್ತಿಕೊಳ್ಳಲು ಯಾರಿಂದಲಾದರೂ ಪ್ರೇರೇಪಣೆ ಸಿಕ್ಕಿತೆ?
ಕಮಲೇಶ್ ಬರ್ವಾಲ್ : ಹೌದು. ಭಾರತದಲ್ಲಿ ಮನೆಯ ಎಲ್ಲ ಚಟುವಟಿಕೆಗಳು ಮಹಿಳೆಯ ಸುತ್ತ ಸುತ್ತುತ್ತಿರುತ್ತವೆ. ನಮ್ಮ ದೇಶದಲ್ಲಿ ಮಹಿಳೆ ಕುಟುಂಬ, ಸಮಾಜವನ್ನು ಸಂಭಾಳಿಸುವುದರ ಜೊತೆಗೆ ಹಲವಾರು ಪಾತ್ರಗಳನ್ನು ನಿರ್ವಹಿಸುತ್ತಿರುತ್ತಾಳೆ. ಒಬ್ಬ ವಿದ್ಯಾವಂತ ಸಶಕ್ತ ಮಹಿಳೆ ಸಮಾಜದಲ್ಲಿ ದೊಡ್ಡ ಬದಲಾವಣೆ ತರಬಲ್ಲಳು. ಹೆಣ್ಣುಮಗಳು ಶಾಲೆಗೆ ಹೋಗದೆ ಭಾರತ ಅಭಿವೃದ್ಧಿ ಪಥದತ್ತ ಸಾಗಲು ಸಾಧ್ಯವಿಲ್ಲ.
ನಾನು ಬೆಂಗಳೂರಿನಲ್ಲಿ ಭಾನುಮತಿ ನರಸಿಂಹನ್ ಅವರನ್ನು ಭೇಟಿ ಮಾಡಿದಾಗ ನನ್ನ ಯೋಚನಾ ಲಹರಿಯೇ ಬದಲಾಯಿತು. ಇಡೀ ಭಾರತದಾದ್ಯಂತ ಅವರು ಮುನ್ನಡೆಸುತ್ತಿರುವ 400 ಶಾಲೆಗಳಲ್ಲಿ ಉಚಿತ ಪಾಠ ಪಡೆಯುತ್ತಿರುವ 40 ಸಾವಿರ ವಿದ್ಯಾರ್ಥಿಗಳಲ್ಲಿ ಶೇ.50ರಷ್ಟು ವಿದ್ಯಾರ್ಥಿನಿಯರಿದ್ದಾರೆ. ಈ ಉದಾತ್ತ ಕೆಲಸದಿಂದ ಪ್ರೇರೇಪಣೆ ಪಡೆದು ಹೆಣ್ಣುಮಕ್ಕಳ ವಿದ್ಯಾಭ್ಯಾಸದ ಅಭಿಯಾನ ಆರಂಭಿಸಿದೆ. [ಯೋಗ ಕುರಿತು ಸರಣಿ ಲೇಖನ ಆರಂಭ]
ಪ್ರಶ್ನೆ : ಜನರಿಗೆ ಸಂತೋಷ ನೀಡುವಂತೆ ವಿಭಿನ್ನ ರೀತಿಯಲ್ಲಿ ನೀವು ಯೋಗ ಕಲಿಸುತ್ತೀರಿ. ಆದರೆ, ನಿಮ್ಮ ಜೀವನದಲ್ಲಿ ಯೋಗ ಕಲಿಸುವಾಗ ತಮಾಷೆಯ ಸಂಗತಿಗಳು ಜರುಗಿವೆಯಾ?
ಕಮಲೇಶ್ ಬರ್ವಾಲ್ : ತಮಾಷೆ ಅಲ್ಲದಿದ್ದರೂ ಎಲ್ಲೆಲ್ಲೂ ಸಂತೋಷದ ಮತ್ತು ವಿನೋದಮಯ ವಾತಾವರಣವಿರುತ್ತದೆ. ಹಲವು ಬಾರಿ ಯೋಗಾಸವನ್ನು ನಾವು ಗಂಭೀರವಾಗಿಸಿ ಅನಾಕರ್ಷಣೀಯವಾಗಿಸುತ್ತೇವೆ. ಈಗಾಗಲೆ ವಿಶ್ವದಲ್ಲಿ ಚಿಂತೆಗೀಡು ಮಾಡುವಂಥ ಹಲವು ಸಂಗತಿಗಳಿವೆ. ಆದರೆ ಅವರು ನನ್ನ ತರಗತಿಗೆ ಬಂದಾಗ ಅವರು ಉಲ್ಲಸಿತರಾಗಿರಬೇಕು, ಮನಸ್ಸಿನ ಸಂತೋಷದ ಲಾಭ ಪಡೆಯಬೇಕು, ಪ್ರತಿಕ್ಷಣವನ್ನೂ ಆನಂದಿಸಬೇಕು. ಅವರು ತಿರುಗಿ ಹೋಗುವಾಗ ಹೊಸ ಹುರುಪಿನಿಂದ, ಚಿಂತೆಯ ಭಾರ ಹೊತ್ತುಕೊಳ್ಳದೆ ಹೋಗುತ್ತಾರೆ. ಗಂಬೀರ ವ್ಯಕ್ತಿಗಳು ಆಸ್ಪತ್ರೆಯಲ್ಲಿ ಸಿಗುತ್ತಾರೆಯೋ ಹೊರತು ಯೋಗ ತರಗತಿಗಳಲ್ಲಲ್ಲ.
ನಾನು ಜಗತ್ತಿನಾದ್ಯಂತ ಸಂಚರಿಸುತ್ತೇನೆ, ಅಲ್ಲೆಲ್ಲ ಕೆಲ ಭಾಷೆ ತರ್ಜುಮೆ ಮಾಡುವಾಗ ತಮಾಷೆಯ ಸಂಗತಿಗಳು ಕೂಡ ಜರುಗುತ್ತವೆ. ಕೈಗಳಿಂದ ನೆಲವನ್ನು ಮುಟ್ಟಿ ಎಂದು ನಾನು ಹೇಳಿದಾಗ ಭಾಷಾಂತರಕಾರ ತುಟಿಯನ್ನು ಮುಟ್ಟು ಎಂದು ಹೇಳಿದರೆ ಹೇಗಾಗಿರಬೇಡ? ಜರ್ಮನಿಯ ಟಿವಿ ಸಂದರ್ಶನವೊಂದರಲ್ಲಿ, ಭಾರತದಲ್ಲಿ ತಾಯಿಯ ಗರ್ಭದಿಂದ ಬರುವ ಪ್ರತಿಯೊಂದು ಮಗುವೂ ಯೋಗಾಸನ ಭಂಗಿಯಲ್ಲಿಯೇ ಜನಿಸುತ್ತದೆ ಎಂದು ನಂಬಿದ್ದ. ಅದು ಸರಿಯಲ್ಲ ಎಂದು ಆತನಿಗೆ ಮನವರಿಕೆ ಮಾಡಲು ನನಗೆ ತುಸು ಸಮಯವೇ ಬೇಕಾಯಿತು.
