• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಯೋಗವೆಂದರೆ ದೇಹ, ಮನಸ್ಸು, ಆತ್ಮದ ಸಂಯೋಗ

By ಪ್ರಸಾದ ನಾಯಿಕ
|

(ಸಂದರ್ಶನದ ಮುಂದುವರಿದ ಭಾಗ)

ಪ್ರಶ್ನೆ : ಯೋಗ ಸಾಧನೆಯ ಹಿಂದೆ ಯಾರ್ಯಾರ ಸ್ಫೂರ್ತಿಯಿದೆ?

ಕಮಲೇಶ್ ಬರ್ವಾಲ್ : ದೈಹಿಕ ಆರೋಗ್ಯಕ್ಕಾಗಿ ಸುದರ್ಶನ ಕ್ರಿಯಾ ಯೋಗ ಮಾಡಲು ನನ್ನ ನರರೋಗ ತಜ್ಞರಾದ ಡಾ. ರೂಪಕ್ ಪ್ರೇರೇಪಿಸಿದರು. ಆದರೆ, ನಾನು ಕಾಲೇಜಿನಲ್ಲಿದ್ದಾಗಲೇ ಆರ್ಟ್ ಆಫ್ ಲಿವಿಂಗ್ ನಲ್ಲಿ ಕೋರ್ಸ್ ತೆಗೆದುಕೊಳ್ಳಲು ನನ್ನಲ್ಲಿ ಸ್ಫೂರ್ತಿ ತುಂಬಿ, ಅಕ್ಷರಶಃ ಬಲವಂತವಾಗಿ ನನ್ನನ್ನು ಮುನ್ನುಗ್ಗಿಸಿದ್ದು ನನ್ನ ತಾಯಿ. ಒಂದು ಬಾರಿ ಕೋರ್ಸ್ ಆರಂಭಿಸಿದ ಮೇಲೆ ಹಿಂದೆ ನೋಡಿದ್ದೇ ಇಲ್ಲ.

ಪ್ರಶ್ನೆ : ಸಾಂಪ್ರದಾಯಿಕ ಯೋಗಕ್ಕೂ ಆರ್ಟ್ ಆಫ್ ಲಿವಿಂಗ್ ನಲ್ಲಿ ಕಲಿಸುವ ಯೋಗಕ್ಕೂ ವ್ಯತ್ಯಾಸವಿದೆಯೆ?

ಕಮಲೇಶ್ ಬರ್ವಾಲ್ : ಯೋಗದ ಅರ್ಥ ಐಕ್ಯವಾಗುವುದು, ಒಗ್ಗಟ್ಟಾಗುವುದು. ಹಾಗಾಗಿ, ವಿಭಿನ್ನ ಬಗೆಯ ಯೋಗಗಳಲ್ಲಿನ ವ್ಯತ್ಯಾಸ ಕಂಡುಕೊಳ್ಳಲು ಪ್ರಯತ್ನಿಸುವುದರಿಂದ ಆ ಅರ್ಥವೇ ಕೆಡುತ್ತದೆ. ಬೇರೆ ಬಗೆಯ ಯೋಗಗಳ ಬಗ್ಗೆ ನಾನು ಮಾತನಾಡಲು ಯತ್ನಿಸುವುದಿಲ್ಲ. ಆದರೆ, ಆರ್ಟ್ ಆಫ್ ಲಿವಿಂಗ್‌ನ ಯೋಗಗಳಲ್ಲಿ, ಭಕ್ತಿ ಯೋಗ, ಜ್ಞಾನ ಯೋಗ, ಹಠ ಯೋಗ ಮತ್ತು ಧ್ಯಾನಕ್ಕೆ ಮಾರ್ಗ ತೋರುವ ರಾಜ ಯೋಗಗಳೆಂಬ ವಿಧಾನಗಳಿವೆ.

ಆರ್ಟ್ ಆಫ್ ಲಿವಿಂಗ್‌ನ ಯೋಗ ದೇಹ, ಮನಸ್ಸು ಮತ್ತು ಆತ್ಮವನ್ನು ಒಗ್ಗೂಡಿಸಿ, ಯೋಗದ ಬಗೆಗಿರುವ ಪ್ರಾಚೀನ ಜ್ಞಾನವನ್ನು ಎರಕಹೊಯ್ದು ಬದುಕನ್ನು ಪರಿಪೂರ್ಣವಾಗಿಸುವ ಅದ್ಭುತ ವಿಧಾನ. ಅತ್ಯಂತ ಸರಳವಾದ ಆದರೆ ಅಷ್ಟೇ ಪರಿಣಾಮಕಾರಿಯಾದ ಆಸನ ಮತ್ತು ಉಸಿರಾಟದ ವಿಧಾನಗಳ ಮುಖಾಂತರ, ಸುಪ್ತ ಮನಸ್ಸಿನ ಸ್ವಾಸ್ಥ್ಯಕ್ಕಾಗಿ, ಧ್ಯಾನದ ಆಂತರಿಕ ಅನುಭವ ಪಡೆಯಲು ಹೆಚ್ಚು ಒತ್ತು ನೀಡುತ್ತದೆ.

ತನ್ನೊಳಗಿನ ಸಾಮರಸ್ಯವನ್ನು ಹೊಂದಿದಾಗ, ಜೀವನದ ಪಯಣ ಸುಸೂತ್ರವಾಗಿರುತ್ತದೆ, ಸಂತೋಷದಾಯಕವಾಗಿರುತ್ತದೆ ಮತ್ತು ಸಂತೃಪ್ತಿದಾಯಕವಾಗಿರುತ್ತದೆ ಎಂಬುದು ನಮ್ಮ ನಂಬುಗೆ. ಯಾರಲ್ಲಿ ಹೆಚ್ಚಿನ ಶಕ್ತಿ ಮತ್ತು ಉತ್ಸಾಹವಿರುತ್ತದೋ ಅವರು ಜೀವನದಲ್ಲಿ ಹೆಚ್ಚಿನ ಜವಾಬ್ದಾರಿ ವಹಿಸಿಕೊಳ್ಳುತ್ತಾರೆ. ಸ್ವಾರ್ಥವಿಲ್ಲದ ಮಾನವೀಯತೆ ಮತ್ತು ಕರ್ಮಯೋಗದಲ್ಲಿ ಆರ್ಟ್ ಆಫ್ ಲಿವಿಂಗ್ ಬಲವಾದ ತಳಹದಿ ಹೊಂದಿದೆ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
International Yoga Day is being observed on June 21, 2015 all over the world. On this occasion Oneindia spoke to Art of Living Yoga expert Kamlesh Barwal. She explains why she started learning Yoga and what are the health benefits of it. Here are the excerpts.

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more