ಹಪ್ಪಳವೆಂದರೆ ಹಲಸಿನ ಹಪ್ಪಳವಯ್ಯಾ...!
ಗರಿಗರಿ
ಹಪ್ಪಳವಿದ್ದರೆ,
ಊಟ
ಎಷ್ಟೇ
ಕೆಟ್ಟದಾಗಿದ್ದರ
ನಿಬಾಯಿಸಬಹುದು!
ಇನ್ನೂ
ಹಲಸಿನ
ಹಪ್ಪಳ
ಸಿಕ್ಕಿದರೇ,
ಕೇಳಬೇಕೇ?
ಅದರ
ಕತೆಯೇ
ಬೇರೆ!
ವಿಚಿತ್ರಾನ್ನ
238ನೇ
ಸಂಚಿಕೆ
ಓದುವಾಗ,
ನಿಮ್ಮ
ಬಾಯಲ್ಲಿ
ನೀರು
ಬಂದ್ರೆ
ನಾವು
ಜವಾಬ್ದಾರರಲ್ಲ..!
- ಶ್ರೀವತ್ಸ ಜೋಶಿ
ಈರೀತಿಯ ಶಿಫಾರಸನ್ನು ವ್ಯಕ್ತಿಗಳಿಗೆ ಕೊಟ್ಟಂತೆ ವಸ್ತುಗಳಿಗೂ ಕೊಟ್ಟರೆ? ಅದು ಜಾಹೀರಾತಿನಂತೆ ಭಾಸವಾಗಬಹುದು - ಟೂಥ್ಪೇಸ್ಟೆಂದರೆ ಕೋಲ್ಗೇಟ್ಜೆಲ್ ಟೂಥ್ಪೇಸ್ಟಯ್ಯಾ..., ಬೈಕು ಎಂದರೆ ಹೊಂಡಾ ಸ್ಪ್ಲೆಂಡರ್ ಬೈಕಯ್ಯಾ..., ಚಪ್ಲಿಯೆಂದರೆ ಬಾಟಾಕಂಪ್ನಿಯ ಚಪ್ಲಿಯಯ್ಯಾ... ಇತ್ಯಾದಿ. ಆದರೆ ಅದೇ ಧಾಟಿಯಲ್ಲಿ ನಮ್ಮ ಅತಿಇಷ್ಟದ ತಿಂಡಿತಿನಿಸುಗಳನ್ನು (ಇತರರ ದೃಷ್ಟಿಯಲ್ಲಿ ಅವು ಶ್ರೇಷ್ಠವೇನಲ್ಲದಿದ್ದರೂ ನಮಗೆ ಮೋಸ್ಟ್ ಫೇವರಿಟ್ ಆಗಿರುವಂಥವನ್ನು) ಬಣ್ಣಿಸಿದರೆ ಅದು ಶ್ರೇಷ್ಠತೆಯ ಶಿಫಾರಸೂ ಆದಂತಾಯ್ತು, ನೆನೆಸಿಕೊಂಡು ನೀರೂರಿದಂತೆಯೂ ಆಯ್ತು.
ಮ್ಯಾಂಗೊ ಎಂದರೆ ಆಲ್ಫಾ-ನ್ಸೊ ಮ್ಯಾಂಗೊ ಅಯ್ಯಾ... ಎಂದೋ, ಪೇಢಾ ಎಂದರೆ ಧಾರ್ವಾಡ್ಪೇಢಾ ಅಯ್ಯಾ... ಎಂದೋ, ದೋಸೆಯೆಂದರೆ ವಿದ್ಯಾರ್ಥಿಭವನದ ದೋಸೆಯಯ್ಯಾ... ಎಂದೋ, ಅಥವಾ ಒಂಚೂರು ಆಪ್ತತೆ-ಆರ್ದೃತೆಗಳ ಸ್ಪೆಷಲ್ ಟಚ್ ಕೊಟ್ಟು ‘‘ಸಾರೆಂದರೆ ಅಮ್ಮಮಾಡಿದ ತಿಳಿಸಾರಯ್ಯಾ...’’ ಎಂದೋ ಒಮ್ಮೆ ಹೇಳಿಕೊಳ್ಳಿ, ನಿಮಗೇ ಆ ಮಧುರಾನುಭೂತಿಯ ಮಧುರ ಅನುಭವವಾಗುತ್ತದೆ.
ಅದೇ ಮಧುರಾನುಭೂತಿಯಿಂದ ನಾನಿಂದು ನೆನೆಯುತ್ತಿರುವುದು ಮತ್ತು ಈ ಬರಹಕ್ಕೆ ಶೀರ್ಷಿಕೆ ಕೊಟ್ಟಿರುವುದು ‘‘ಹಪ್ಪಳವೆಂದರೆ ಹಲಸಿನ ಹಪ್ಪಳವಯ್ಯಾ...’’ ಎಂದು. ಇನ್ನುಳಿದ ವಿವರಗಳಿಗೆ, ಸುಮಾರು ಮೂವತ್ತು ವರ್ಷಗಳ ಹಿಂದೆ ಒಂದು ಬೇಸಗೆದಿನದಲ್ಲಿ ಡೈರಿಯ ಹಾಳೆಗಳಲ್ಲಿ ಬರೆದಿಟ್ಟಿದ್ದ ‘ನಾಳೆ ನಮ್ಮನೆಯಲ್ಲಿ ಹಪ್ಪಳ!’ ಎಂಟ್ರಿಯಿಂದ ನೇರಪ್ರಸಾರವೋ ಎಂಬಂತೆ ಒಂದು ಫ್ಲಾಷ್ಬ್ಯಾಕ್:
*
ಬೇಸಿಗೆರಜೆಯಲ್ಲೀಗ ನಮ್ಮನೆಯಲ್ಲಿ ತುಂಬಾ ಜನರಿದ್ದೇವೆ. ನಮ್ಮ ಹಿರಿಯಕ್ಕನ ಮಕ್ಕಳು ‘ಅಜ್ಜಿಮನೆ’ಗೆಂದು ಬಂದಿದ್ದಾರೆ. ಪರವೂರಲ್ಲಿ ಕೆಲಸದಲ್ಲಿರುವ ಅಣ್ಣ, ಅತ್ತಿಗೆ, ಮಕ್ಕಳು ಸಹ ರಜೆಯಲ್ಲಿ ಬಂದಿದ್ದಾರೆ. ನಮ್ಮ ಸೋದರಮಾವನ ಹುಡುಗರಿಬ್ರು ಬಂದಿದ್ದಾರೆ, ಎಂಬಿಎ ಓದುತ್ತಿರುವ ಇನ್ನೊಬ್ಬ ಅಣ್ಣ ಧಾರವಾಡದಿಂದ ಬಂದಿದ್ದಾರೆ, ಟಿಸಿಎಚ್ ಓದುತ್ತಿರುವ ಅಕ್ಕನೂ ಬಂದಿದ್ದಾಳೆ. ಒಟ್ಟಿನಲ್ಲಿ ಮಜವೋ ಮಜಾ.
ಮನೆಯಲ್ಲಿ ಇಷ್ಟು ಜನ ಸೇರಿದ್ದಾರಾದ್ದರಿಂದ ಮತ್ತು ಈಗೀಗ ದಿನಾ ಒಳ್ಳೆಯ ಬಿಸಿಲು ಇರುವುದರಿಂದ (ರಾಜ್ಯಾದ್ಯಂತ ಒಣಹವೆ ಮುಂದುವರಿಯಲಿದೆ ಎಂದು ರೇಡಿಯಾ ಪ್ರದೇಶಸಮಾಚಾರ ಹೇಳಿತ್ತು) ಹಲಸಿನ ಹಪ್ಪಳ ಮಾಡಬೇಕು ಎಂದು ತಂದೆಯವರು ಮೊನ್ನೆಯಿಂದಲೇ ಹೇಳುತ್ತಿದ್ದಾರೆ. ಯಾಕೆಂದರೆ ಹಪ್ಪಳಹಾಕುವ ಕಾರ್ಯಕ್ರಮವೆಂದರೆ ಮನೆಮಂದಿಯೆಲ್ಲ ಭಾಗವಹಿಸುವ ದೊಡ್ಡದೊಂದು ಹಬ್ಬ ಅಥವಾ ಉತ್ಸವವಿದ್ದಂತೆ. ಒಮ್ಮೆ ಮಾಡುವಾಗ ಐನೂರು-ಒಂದುಸಾವಿರದಷ್ಟು ಹಪ್ಪಳ ಮಾಡುವುದು, ಅದರ ತಯಾರಿಗೆ ಎಷ್ಟುಜತೆ ಕೈಗಳಿದ್ದಷ್ಟೂ ಒಳ್ಳೆಯದೇ. ನಿಜಕ್ಕೂ ಅದೊಂದು ಮ್ಯಾರಥಾನ್ ಇವೆಂಟ್. ಈಗ ಅದಕ್ಕೆ ಪ್ರಶಸ್ತ ಕಾಲ.
ಇವತ್ತು ಬೆಳಿಗ್ಗೆ ನಮ್ಮನೆಯ ಕೆಲಸದಾಳು ತೋಟದಲ್ಲಿರುವ ಹಲಸಿನಮರಗಳಲ್ಲಿ ಚೆನ್ನಾಗಿ ಬಲಿತಿರುವ ಎಂಟು-ಹತ್ತು ಹಲಸಿನಕಾಯಿಗಳನ್ನು ಕೊಯ್ದು ತಂದಿದ್ದಾನೆ. ಕೊಡಲಿಯಿಂದ ಒಂದೊಂದು ಹಲಸಿನದ್ದೂ ನಾಲ್ಕುಭಾಗಗಳನ್ನಾಗಿಸಿ ಕೊಟ್ಟಿದ್ದಾನೆ. ಆಮೇಲೆ ಆ ಭಾಗಗಳಿಂದ ತೊಳೆಗಳನ್ನು ಪ್ರತ್ಯೇಕಿಸಿ ದೊಡ್ಡದೊಂದು ಬುಟ್ಟಿಯಲ್ಲಿ ತುಂಬಿಡುವ ಕೆಲಸವನ್ನು ನಮ್ಮ ತಂದೆಯವರು ಮತ್ತು ದೊಡ್ಡಕ್ಕ ಸೇರಿ ಮಾಡಿದ್ದಾರೆ. ಕೈಗಳಿಗೆಲ್ಲ ಹಲಸಿನ ಮೇಣ ತಾಗಿಕೊಳ್ಳುವ ಅದು ಸ್ವಲ್ಪ ರಂಪದ ಕೆಲಸ.
ಹಾಗೆ ತೆಗೆದಿರಿಸಿದ ತೊಳೆಗಳನ್ನು ಇನ್ನೂ ಸ್ವಚ್ಛಗೊಳಿಸುವ ಕೆಲಸ ಚಿಕ್ಕಮಕ್ಕಳಾದ ನಮ್ಮೆಲ್ಲರದು. ಪ್ರತಿಯಾಂದು ತೊಳೆಯನ್ನೂ ಬಿಡಿಸಬೇಕು, ಅದರ ಮೈಗೆ ಉಳಿದಿರುವ ನಾಮಗಳನ್ನೂ ಒಳಗಿನ ಬೀಜವನ್ನೂ ತೆಗೆಯಬೇಕು. ಕೈಗಳಿಗೆ ಸ್ವಲ್ಪ ಎಣ್ಣೆಪಸೆ ಹಚ್ಚಿಕೊಳ್ಳದಿದ್ದರೆ ಇದೂ ರಂಪದ ಕೆಲಸವೇ. ಎರಡು ದೊಡ್ಡಬುಟ್ಟಿಗಳಷ್ಟು ತೊಳೆಗಳೆಲ್ಲವನ್ನೂ ಸ್ವಚ್ಛಮಾಡಲು ನಾಲ್ಕೈದು ಜನರಿದ್ದರೂ ಒಂದೆರಡು ಗಂಟೆಗಳೇ ಬೇಕು. ಆದರೆ ಕೆಲಸದ ಜತೆಯಲ್ಲೇ ಪದ್ಯಬಂಡಿ, 20-ಪ್ರಶ್ನೆಗಳಾಟ, ಒಗಟು-ಕಥೆ ಇತ್ಯಾದಿ ವಿನೋದಗಳನ್ನೂ ಮಾಡುವುದರಿಂದ ಚುರುಕಾಗಿ ಸಾಗಿ ವೇಳೆ ಕಳೆದದ್ದೇ ಗೊತ್ತಾಗುವುದಿಲ್ಲ.