• search

ಗೆಲುವಿನಿಂದಲೇ ಗೆಲುವು ಮೂಡಿಬರುತ್ತದೆ

By Prasad
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    Sandhya Darshini, Bengaluru
    ಸಕ್ಸಸ್ ಬ್ರೀಡ್ಸ್ ಸಕ್ಸಸ್ ಆಂಗ್ಲ ಲೇಖನದ ಕನ್ನಡ ಅನುವಾದದ ಕೋರಿಕೆಗೆ ಅತ್ಯುತ್ತಮವಾದ ಪ್ರತಿಕ್ರಿಯೆ ದೊರೆತಿದೆ. ಈ ಅನುವಾದ ಸರಣಿಯ ಎರಡನೇ ಲೇಖನ ಇಲ್ಲಿದೆ. ಬೆಂಗಳೂರಿನ ಸಂಧ್ಯಾ ಅವರಿಗೆ ದಟ್ಸ್ ಕನ್ನಡಕ್ಕೆ ಸ್ವಾಗತ. ಕನ್ನಡದಲ್ಲಿ ಬರೆಯುವ ಕಲೆ ಮತ್ತಷ್ಟು ವರ್ಧಿಸಬೇಕು ಮತ್ತು ಹೊಸಹೊಸ ಯುವ ಲೇಖಕರಿಗೆ ಬರೆಯಲು ವೇದಿಕೆ ದೊರೆಯಬೇಕು ಎಂಬುದೇ ನಮ್ಮ ಆಶಯ. - ಸಂಪಾದಕ.

    * ಸಂಧ್ಯಾ ದರ್ಶಿನಿ, ಬೆಂಗಳೂರು

    ಒಂದು ಹಳ್ಳಿಯಲ್ಲಿ ಒಬ್ಬ ರೈತನಿದ್ದ. ಅವನು ತನ್ನ ಹೊಲದಲ್ಲಿ ತುಂಬಾ ಒಳ್ಳೆಯ ಗುಣಮಟ್ಟದ ಜೋಳವನ್ನ ಬೆಳೆಯುತ್ತಿದ್ದ. ಆತ ಬೆಳೆಯುತ್ತಿದ್ದ ಜೋಳ ಪ್ರತೀ ವರ್ಷ ರಾಜ್ಯಮಟ್ಟದಲ್ಲಿ ನಡೆಯುತ್ತಿದ್ದ "ಜೋಳ-ಮೇಳ"ದಲ್ಲಿ ಬಹುಮಾನ ಗೆಲ್ಲುತ್ತಿತ್ತು.

    ಒಮ್ಮೆ ಸುದ್ದಿಗಾರನೊಬ್ಬ ಈ ರೈತನ ಸಂದರ್ಶನ ಮಾಡಿ ಅಚ್ಚರಿಯ ಸಂಗತಿಯೊಂದನ್ನ ತಿಳಿದುಕೊಂಡ. ರೈತ ತಾನು ಬೆಳೆಯುತ್ತಿದ್ದ ಉತ್ತಮ ಗುಣಮಟ್ಟದ ಜೋಳದ ಕಾಳುಗಳನ್ನು ತನ್ನ ಅಕ್ಕ-ಪಕ್ಕದ ರೈತರಿಗೂ ಹಂಚುತ್ತಿದ್ದ.

    "ನಿಮ್ಮ ಅಕ್ಕ-ಪಕ್ಕದ ರೈತರು ಕೂಡ 'ಜೋಳ-ಮೇಳ'ದಲ್ಲಿ ಭಾಗವಹಿಸುವಾಗ ಅದ್ಹೇಗೆ ನೀವು ನಿಮ್ಮ ಉತ್ತಮವಾದ ಕಾಳುಗಳನ್ನ ಅವರೊಂದಿಗೆ ಹಂಚಿಕೊಳ್ಳಲು ಸಾಧ್ಯ?"ಎಂದು ವರದಿಗಾರ ಕೇಳಿದ.

    ಅದಕ್ಕಾರೈತ "ಯಾಕಣ್ಣ? ನಿನಗೀ ವಿಷಯ ಗೊತ್ತಿಲ್ವಾ? ಹಣ್ಣಾಗಿ ಮಾಗುತ್ತಿರುವ ಜೋಳದ ಹೊಬಂಡನ್ನು ಗಾಳಿ ಎತ್ತಿ ಒಯ್ದು ಹೊಲದಿಂದ ಹೊಲಕ್ಕೆ ಹರಡುತ್ತದೆ. ನನ್ನ ಸುತ್ತ-ಮುತ್ತಲಿನ ಹೊಲಗಳಲ್ಲಿ ಒಳ್ಳೆಯ ಗುಣಮಟ್ಟದ ಜೋಳ ಬೆಳೆಯದಿದ್ದರೆ, ಒಂದು ತಳಿಯೊಂದಿಗೆ ಇನ್ನೊಂದು ತಳಿ ಕೂಡಿಕೊಂಡು, ಜೋಳದ ಗುಣಮಟ್ಟ ಕುಸಿಯಬಹುದು. ನಾನು ಒಳ್ಳೆಯ ಬೆಳೆ ತೆಗೆಯಬೇಕಾದರೆ ನನ್ನ ನೆರೆಯವರೂ ಒಳ್ಳೆಯದನ್ನೇ ಬೆಳೆಯಬೇಕು".

    ಈ ರೈತ ಜೀವನದ ಸರಿಯಾದ ಒಳಾರ್ಥವನ್ನ ತಿಳಿಸಿಕೊಟ್ಟಿದ್ದ. ಈತನ ನೆರೆಹೊರೆಯವರು ಒಳ್ಳೆಯ ಜೋಳ ಬೆಳೆಯದೇ ಈತ ಒಳ್ಳೆಯ ಜೋಳವನ್ನು ಬೆಳೆಯಲು ಸಾಧ್ಯವಿಲ್ಲ. ಇದು ಜೀವನದ ಮತ್ತೊಂದು ಆಯಾಮ, ಮತ್ತೊಂದು ಹರವು.

    ಯಾರು ನೆಮ್ಮದಿಯಾಗಿರಲು ಬಯಸುತ್ತಾರೋ, ಅವರು ತಮ್ಮ ನೆರೆ-ಹೊರೆಯವರೂ ನೆಮ್ಮದಿಯಾಗಿರಲು ನೆರವಾಗಬೇಕು. ಯಾರು ಒಳ್ಳೆಯ ರೀತಿ ಬದುಕಬೇಕೆಂದಿರುವರೋ , ಅವರು ಇತರರೂ ಒಳ್ಳೆಯ ರೀತಿಯಲ್ಲಿ ಬದುಕಲು ಅನುವು ಮಾಡಿಕೊಡಬೇಕು. ಜೀವನದ ಮೌಲ್ಯವಿರುವುದು ಎಷ್ಟು ಕಾಲ ಜೀವಿಸಿದರು ಎನ್ನುವುದರಲ್ಲಲ್ಲ, ತಮ್ಮ ಜೀವಿತದಲ್ಲಿ ಎಷ್ಟು ಜನರ ಮೇಲೆ ಪರಿಣಾಮ ಬೀರಿದರು ಎನ್ನುವುದರಲ್ಲಿ.

    ಈ ಕಥೆಯಿಂದ ಕಲಿಯಬೇಕಾದ ಪಾಠ: ಒಬ್ಬಂಟಿಯಾಗಿ ಗೆಲ್ಲುವುದು ಕಷ್ಟದ ಮಾತು. ಹಲವಾರು ಬಾರಿ ಗೆಲುವು ಒಗ್ಗಟ್ಟಿನ ಕೆಲಸದಲ್ಲಿ ಮತ್ತು ಎಲ್ಲರ ಪಾಲ್ಗೊಳ್ಳುವಿಕೆಯಲ್ಲಿ ಅಡಗಿರುತ್ತದೆ. ಆದ್ಧರಿಂದ, ನಿಮ್ಮಲ್ಲಿರುವ ಒಳ್ಳೆಯ ಆಚಾರಗಳನ್ನು, ಆಲೋಚನೆಗಳನ್ನು ಮತ್ತು ನಿಮ್ಮಲ್ಲಿರುವ ತಿಳಿವಳಿಕೆಯನ್ನು ನಿಮ್ಮೊಡನೆ ಕೆಲಸ ಮಾಡುವವರೊಂದಿಗೆ ಹಂಚಿಕೊಳ್ಳಿ.

    ಯಾರೋ ಹೇಳಿರುವಂತೆ: "ಗೆಲುವಿನಿಂದಲೇ ಗೆಲುವು ಮೂಡುತ್ತದೆ."

    ರೇಣುಕಾ ಬರಹ : ಗೆಲುವು ಗೆಲುವನ್ನೇ ಹುಟ್ಟಿಸುತ್ತದೆ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more