ದಟ್ಸ್ ಕನ್ನಡದ ಟ್ವೀಟ್ಕನ್ನಡಕ್ಕೆ ಸುಸ್ವಾಗತ
ಇದನ್ನು ಸಾಧ್ಯವಾಗಿಸಿದ್ದು, ದಟ್ಸ್ ಕನ್ನಡದ ಟ್ವೀಟ್ಕನ್ನಡದಲ್ಲಿ. ಟ್ವಿಟ್ಟರ್ ಎಂಬ ಸೋಷಿಯಲ್ ನೋಟ್ವರ್ಕಿಂಗ್ ತಾಣ ಬ್ಲಾಗ್ ಲೋಕದಲ್ಲಿ ಹೊಸ ವ್ಯಾಖ್ಯಾನವನ್ನೇ ಬರೆದಿದೆ. ಆ ಬಳಗಕ್ಕೆ ದಟ್ಸ್ ಕನ್ನಡ ಕೂಡ ಸೇರಿರುವುದು ಹೆಮ್ಮೆಯ ಸಂಗತಿ. ದಟ್ಸ್ ಕನ್ನಡ ಟ್ವೀಟ್ ಬಳಗವನ್ನು ಸೇರುವುದು ಕೂಡ ಅಷ್ಟೇ ಸುಲಭವಾದ ಸಂಗತಿ. ಬಳಗಕ್ಕೆ ಸೇರಿದ ನಂತರ ಟ್ವಿಟ್ಟರ್ ಲೋಕದಲ್ಲಿರುವ ನಿಮಗಿಷ್ಟದವರ ಟ್ವಿಟ್ಟರ್ ತಾಣವನ್ನು ನಿಮ್ಮ ಪಟ್ಟಿಗೆ ಸೇರಿಸಿ, ಹರಟೆ ಹೊಡೆಯಲು ಪ್ರಾರಂಭಿಸಿ.
ಸುಲಭ, ಸುಲಭ, ಸುಲಭ : ಟ್ವೀಟ್ಕನ್ನಡ ಬಳಗ ಸೇರುವುದು ಅತಿ ಸರಳ ಮತ್ತು ಸುಲಭ. ಇಲ್ಲಿ ಯೂಸರ್ ನೇಮ್, ಪಾರ್ವರ್ಡ್ ಮುಂದಾದವುಗಳ ಕಂತ್ರಾಟವೇ ಇಲ್ಲ. Sign in with Twitter ಕ್ಲಿಕ್ಕಿಸಿ Allow ಎಂಬ ಲಿಂಕ್ ಮೇಲೆ ಕ್ಲಿಕ್ಕಿಸಿದರೆ ಸಾಕು ನೀವು ಟ್ವೀಟ್ಕನ್ನಡ ಬಳಗದ ಸದಸ್ಯರಾಗುತ್ತೀರಿ.
ಸೋಷಿಯಲ್ ನೆಟ್ವರ್ಕಿಂಗ್ ವೆಬ್ ಸೈಟ್ ಟ್ವಿಟ್ಟರ್ ಹೆಚ್ಚು ಸದ್ದನ್ನು ಮಾಡದೇ ಜನಪ್ರಿಯತೆಯ ಮಜಲನ್ನು ಏರಿದೆ ಮತ್ತು ಏರುತ್ತಿದೆ. 2008ರ ಮೇ ತಿಂಗಳಲ್ಲಿ ಟ್ವಿಟ್ಟರ್ ನಲ್ಲಿ 13 ಲಕ್ಷ ಬಳಕೆದಾರರಿದ್ದರು. ಆದರೆ, ಈಗ ಬಳಕೆದಾರರ ಸಂಖ್ಯೆ 320 ಲಕ್ಷ ದಾಟಿದೆ. ಟ್ವಿಟ್ಟರ್ ಜನಪ್ರಿಯತೆಗೆ ಇದಕ್ಕಿಂತ ದೊಡ್ಡ ಸಾಕ್ಷಿ ಬೇಕಿಲ್ಲ.
ತನ್ನ ಬಗ್ಗೆ ಟಾಂಟಾಂ ಮಾಡಿಕೊಳ್ಳದೇ ಬ್ಲಾಗಿಗರಿಗೆ ಅತ್ಯಂತ ಪ್ರಿಯವಾಗಿರುವ ಟ್ವಿಟ್ಟರ್ ನಲ್ಲಿ ಕಡಿಮೆ ಶಬ್ದಗಳಲ್ಲಿ ಹೆಚ್ಚಿನ ಮಾಹಿತಿಯನ್ನು ರವಾನಿಸುವುದು ಸಾಧ್ಯವಿದೆ. ಕನ್ನಡ ಸೇರಿದಂತೆ ಪ್ರಾದೇಶಿಕ ಭಾಷೆಗಳಲ್ಲಿ ಸಂವಹನ ನಡೆಸುವ ಬಳಕೆದಾರರೇ ಹೆಚ್ಚಾಗುತ್ತಿರುವುದು ಅಂಕಿಸಂಖ್ಯೆ ಸಾಬೀತುಪಡಿಸಿದೆ. ಭಾರತದಲ್ಲಿ ಇಂಗ್ಲಿಷ್ ಬಳಸುವ ಟ್ವಿಟ್ಟಿಗರ ಸಂಖ್ಯೆ ಶೇ.12ರಷ್ಟು ಮಾತ್ರ ಎಂಬುದನ್ನು ಗಮನಿಸಿದರೆ, ಪ್ರಾದೇಶಿಕ ಭಾಷಾ ಬಳಕೆದಾರರ ವಿಸ್ತಾರದ ಅರಿವಾಗುತ್ತದೆ.
ಟ್ವಿಟ್ಟರ್ ನಲ್ಲಿ ಪ್ರಾದೇಶಿಕ ಭಾಷೆಗಳಲ್ಲಿ ಕನ್ನಡವನ್ನು ಪ್ರಥಮ ಬಾರಿಗೆ ಅಳವಡಿಸಿದ ಹೆಮ್ಮೆ ಒನ್ ಇಂಡಿಯಾದ್ದು. ಹಾಗೆಯೇ, ದಟ್ಸ್ ಕನ್ನಡ ವೆಬ್ ಸೈಟಿನಲ್ಲಿ ಕೂಡ ಟ್ವಿಟ್ಟರನ್ನು ಅಳವಡಿಸಿದ ಸಾಧನೆ ಒನ್ ಇಂಡಿಯಾದ್ದಾಗಲಿದೆ. ನೀವು ಇಲ್ಲಿ ಕನ್ನಡ ಮತ್ತು ಇಂಗ್ಲಿಷಿನಲ್ಲಿ ಬರೆಯಬಹುದು. ಟ್ವಿಟ್ಟರ್ ಬಗ್ಗೆ ಕನ್ನಡದಲ್ಲಿ ಸಾಕಷ್ಟು ಲೇಖನಗಳು ಬಂದಿವೆ. ಆದರೆ, ಕನ್ನಡದಲ್ಲಿ ಬರೆಯುವುದಕ್ಕೆ ಅವಕಾಶ ನೀಡುವ ಪ್ರಥಮ ಟ್ವಿಟ್ಟರ್ ಅಪ್ಲಿಕೇಷನ್ ಇದಾಗಲಿದೆ ಎಂಬುದು ಕೂಡ ಹೆಮ್ಮೆಯ ಸಂಗತಿ.
ಟ್ವಿಟ್ಟರ್ ನಲ್ಲಿ ಕನ್ನಡ ಬಳಸುವ ಸುಖ, ಸಂತಸ ನಿಮ್ಮದಾಗಲಿ.