ಶಾಮಿ

ಶಾಮಿ
[email protected]

ಅವನು ಈಚೆಗೆ ಹೇಗ್ಹೇಗೋ ಆಡ್ತಾನೆ

ಯಾರಾದರೂ ಯಾಕೆ ಅಂತಾನಾದರೂ ಕೇಳ್ದರಾ?

ಕಾರಣ ಅವನಿಗೇ ಹೊಳೆಯತ್ತೆ ಜಾಣ ಆದರೆ ,

ಪೆದ್ದು ಗೊತ್ತಾಗೋದೇ ಇಲ್ಲ. ಯಾಕೋ ಹುಡುಗ ಹಾಗಾದ?

ಅಷ್ಟು ಬೇಗ ಅಖಂಡ ಮರೆತುಬಿಟ್ಟನಾ ?
ಮರೆತನಾದರೂ ಯಾಕೋ? ಅವನೊಬ್ಬ ತಿಳಿಹುಚ್ಚನಾ?
ಹುಚ್ಚ ಅಂದರೆ ಮ್ಯಾಡ್‌ ಅಂತನಾ?
ಸಮ್ಮೋಹಿತ ಅಂತ ಯಾಕೆ ಯಾರೂ ಕೂಗೋಲ್ಲ?

ಈ ಊರಲ್ಲಿ ಯಾರೂ ಮೋಹಿತರೇ ಇಲ್ಲವಾ ?
ದಿವ್ಯ ಪ್ರೇಮದ ಭ್ರಾಂತಿ ಹುಟ್ಟಿದೆ ಅದಕ್ಕೆ ಅಲ್ವಾ?
ಭ್ರಾಂತಿ ಸಾಕ್ಷಾತ್ಕಾರ ಆಗತ್ತಾ?
ಅದಕ್ಕೆಲ್ಲ ಕ್ರಾಂತಿ ಆಗಬೇಕು. ನಗ್ತಾಯಿದಿರಾ?

ಕೋಟೆ ಒಡೆಯದೆ ರಾಣಿವಾಸ ತಲುಪಲಾರನಾ?
ರಾಜಕುವರಿಯ ನೋವು ನೇವರಿಸಲಾರನಾ?
ಪತಿವ್ರತೆ ಅವಳು ಮತ್ತೆ ಕನ್ಯೆ ಆಗಲಾರಳಾ?
ಅಳು-ನಗು ಮೀರಿದ ಸ್ತರ ಏರಲಾರಳಾ?

ಮನದೊಳಗೆ ಮನೆಯಕಟ್ಟಿ ಅಲ್ಲೆ ಸಂಸಾರ ಮಾಡ್ತಿಯಾ?
ಅಕ್ಕಿ ಬೇಳೆ ಹುಣಿಸೆ ಹಣ್ಣು ಎಲ್ಲ ತರ್ತಿಯಾ?
ಅವಳು ಹೆಚ್ಚಿ ಹುರಿದು ತಿರುವಿ ಕುದಿಸುತ್ತಾಳಾ ?
ಇಬ್ಬರು ಉಂಡು ಉರುಳುತ್ತಿರಾ?

ವಂಶಾವಳಿಯ ಕತೆ ಏನು?
ಮಕ್ಕಳನ್ನು ಶಾಲೆಗೆ ಯಾವಾಗ ಕಳಿಸ್ತಿರಾ? ಬರೋತನಕ
ಜಗಲಿಕಟ್ಟೆ ಮೇಲೆ ಕೂತಿರ್ತಿರಾ?
ಅದು ಇದು ಕತೆ ಮಾತಾಡ್ಕೊಂಡು ನಿಮ್ಮ ಕತೆ ಮರಿತಿರಾ?

Thank you for choosing ThatsKannada [email protected]

ಮುಖಪುಟ / ಅಂಕಣಗಳು