‘ಜಾಲ ತರಂಗ’ದಲ್ಲೊಂದು ಶೇಷಪ್ರಶ್ನೆ !

ಘರ್ಷಣೆ ಕ್ರಿಯಾಶೀಲತೆಗೆ ಅನಿವಾರ್ಯ ಎನ್ನುವ ಮಾತೊಂದಿದೆ. ಇಲ್ಲಿನ ಘರ್ಷಣೆ ದೈಹಿಕ ತಿಕ್ಕಾಟದ್ದಲ್ಲ ; ಸಿದ್ಧಾಂತಗಳ ತಾಕಲಾಟದ್ದು . ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಂತೂ ವೈಚಾರಿಕ ಚರ್ಚೆಗಳಿಗೆ ಇನ್ನಿಲ್ಲದ ಮಹತ್ವ . ಅರ್ಥಪೂರ್ಣ ಚರ್ಚೆಗಳ ‘ಮಾತಿನ ಮಂಟಪ’ ಆರೋಗ್ಯಕರ ಸಮಾಜದ ಸಂಕೇತ. ಇಂತಹ ಆರೋಗ್ಯಕರ ಹಾಗೂ ಅರ್ಥಪೂರ್ಣ ಚರ್ಚೆಗಳಿಗೆ ದಟ್ಸ್‌ಕನ್ನಡ.ಕಾಂ ಮೊದಲ ದಿನದಿಂದಲೂ ಚಾವಡಿಯಾಗಿದೆ. ಪ್ರಸ್ತುತದ ವಾಗ್‌ವಾದ ‘ಜಾಲ ತರಂಗ’ದ ಕುರಿತದ್ದು . ಡಾ.ಮೈ.ಶ್ರೀ.ನಟರಾಜ್‌ರ ಆರು ಹಿತವರು ನಿನಗೆ? ದೇವರೋ ದೇಶವೋ? ಲೇಖನದಲ್ಲಿನ ಅಭಿಪ್ರಾಯಗಳ ಕುರಿತು ನ್ಯೂಜೆರ್ಸಿಯ ಶೇಷಾದ್ರಿ ಅವರಿಗೆ ಸಾಕಷ್ಟು ಆಕ್ಷೇಪಗಳಿವೆ. ಶೇಷಾದ್ರಿ ಅವರ ಆಕ್ಷೇಪಗಳ ಟಪ್ಪಣಿ ಹಾಗೂ ಆ ‘ಶೇಷಪ್ರಶ್ನೆ’ಗಳಿಗೆ ನಟರಾಜ್‌ರ ಉತ್ತರ ಇಲ್ಲಿದೆ. (ಶೇಷಾದ್ರಿ ಅವರ ಬಯಕೆಯ ಮೇರೆಗೆ ಅವರ ಭಾವಚಿತ್ರವನ್ನು ಇಲ್ಲಿ ಪ್ರಕಟಿಸುತ್ತಿಲ್ಲ). ಓದುಗರು ಕೂಡ ಈ ಚರ್ಚೆಯಲ್ಲಿ ಭಾಗವಹಿಸಬಹುದು. ಈ ಮೂಲಕ ಒಂದು ಅರ್ಥಪೂರ್ಣ ಸಂವಾದ ಸಾಧ್ಯವಾಗುವುದಾದರೆ, ಅದಲ್ಲವೇ ‘ಅಕ್ಷರ’ದ ಸಾರ್ಥಕತೆ.

ಮುಖಪುಟ / ಅಂಕಣಗಳು