ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಫೇಸ್ ಬುಕ್ಕಿಗೆ ಕೊಡೋಣ ಕನ್ನಡದ ಲುಕ್!

By Prasad
|
Google Oneindia Kannada News

How to use Kannada on Facebook
ಅಂತರ್ಜಾಲದಲ್ಲಿ ಗೆಳೆತನ, ನಂಟು ಬೆಸೆಯೋ ಸೋಶಿಯಲ್ ನೆಟವರ್ಕ್ ತಾಣಗಳಲ್ಲಿ ಮುಂಚೂಣಿಯಲ್ಲಿರೋ ಫೇಸ್ ಬುಕ್, ಇನ್ನೂ ಹೆಚ್ಚು ಜನರನ್ನು ತಲುಪಲು ತನ್ನ ಸೇವೆಯನ್ನು ಜಗತ್ತಿನ 75ಕ್ಕೂ ಹೆಚ್ಚು ಭಾಷೆಗಳಿಗೆ ವಿಸ್ತರಿಸಿದೆ. ಈ ಪಟ್ಟಿಯಲಿ ಭಾರತದ 6 ಭಾಷೆಗಳಿವೆ. ಕನ್ನಡಕ್ಕಿಂತಲೂ ಕಡಿಮೆ ಜನ ಮಾತಾಡೋ ಮಲಯಾಳಂ, ಪಂಜಾಬಿಗಳಲ್ಲೂ ಈ ತಾಣ ಲಭ್ಯವಿದೆ, ಅದೆಲ್ಲ ಬಿಡಿ, ಬರೀ 3 ಲಕ್ಷ 20 ಸಾವಿರ ಜನ ಮಾತಾಡೋ ಐಸ್ ಲ್ಯಾಂಡ್ ದೇಶದ ಇಸಲೆನಸ್ಕಾ ಭಾಷೆಯಲ್ಲಿ ಫೇಸ್ ಬುಕ್ ಇದೆ, ಆದ್ರೆ 5 ಕೋಟಿ ಜನ ಮಾತಾಡೋ ಕನ್ನಡದಲ್ಲಿ ಮಾತ್ರ ಈ ಸೇವೆ ಇಲ್ಲ ಗುರು. ಬಿಡಿ, ಇದರಲ್ಲಿ ಫೇಸ್ ಬುಕ್ ದೇನು ತಪ್ಪಿಲ್ಲ, ಈ ತಾಣದಲ್ಲಿ ಇಂಗ್ಲಿಷ್ ನಿಂದ ಕನ್ನಡಕ್ಕೆ ಅನುವಾದಿಸಿ ಕೊಡೊ ಕೆಲಸದಲ್ಲಿ ಕನ್ನಡಿಗರು ಹೆಚ್ಚಿನ ಸಂಖ್ಯೆಯಲ್ಲಿ ತೊಡಗಿಕೊಳ್ಳದೇ ಇರೋದೆ ಇದಕ್ಕೆ ಕಾರಣ. ಅಂತರ್ಜಾಲದಲ್ಲಿರೋ ಕನ್ನಡಿಗರೆಲ್ಲ ಒಂದಾಗಿ ಕೆಲಸ ಮಾಡಿದ್ರೆ ಇದನ್ನ ಚಿಟಿಕೆ, ಚಿಟಿಕೆ ಹೊಡೆಯೋದ್ರಲ್ಲಿ ಮಾಡಿ ಹಾಕಬೌದು ಗುರು.

ನಾವೇನ್ ಮಾಡೋಣ ಅಂತೀರಾ?

ಆಫೀಸ್ ಅಲ್ಲಿ, ಮನೆಲಿ, ಕಾಲೇಜಲ್ಲಿ, ನೆಟ್ ಪಾರ್ಲರ್ ಅಲ್ಲಿ ಹೀಗೆ ಎಲ್ಲಂದ್ರಲ್ಲಿ ನಮ್ಮ ಹುಡುಗ್ರು ಫೇಸ್ ಬುಕ್ ಅಲ್ಲಿ ಗಂಟೆಗಟ್ಟಲೇ ಹರಟೆ ಹೊಡಿತಿವಿ, ಆ ಹರಟೆ ಮಧ್ಯಾನೇ ಒಂದು ಸ್ವಲ್ಪ ಸಮಯ ಇದಕ್ಕೆ ಕೊಟ್ರೆ ಸಾಕು, ಫೇಸ್ ಬುಕ್ ಕನ್ನಡದಲ್ಲಿ ಬಂದೇ ಬಿಡುತ್ತೆ.

ಅದಕ್ಕೆ ನೀವ್ ಮಾಡಬೇಕಿರೋ ಕೆಲಸ ಸಕತ್ ಸಿಂಪಲ್ ಗುರು. ನೀವು ಮಾಡಬೇಕಿರೋದು ಇಷ್ಟೇ:

* ನಿಮ್ಮ ಫೇಸ್ ಬುಕ್ ಖಾತೆಗೆ ಸೈನ್ ಇನ್ ಮಾಡಿ
* ಈ ಕೆಳಗಿನ ಕೊಂಡಿಗೆ ಹೋಗಿ http://www.facebook.com/translations
* ಇಲ್ಲಿ ಪುಟದ ಬಲಗಡೆ ಇರೋ Translation Links ಅನ್ನೋ ಭಾಗಕ್ಕೆ ಹೋಗಿ, ಅಲ್ಲಿ ಭಾಷೆ ಆಯ್ಕೆಯ ಅನುಕೂಲ ಬಳಸಿ "ಕನ್ನಡ" ಆಯ್ದುಕೊಳ್ಳಿ
* ಶುರು ಹಚ್ಕೋಳ್ಳಿ !

ನೀವು ಮಾಡಿ, ನಿಮ್ಮ ಅಕ್ಕ, ತಂಗಿ, ಅಣ್ಣ, ತಮ್ಮ, ಗೆಳೆಯ, ಗೆಳತಿ ಎಲ್ಲರಿಗೂ ಹೇಳಿ ಮತ್ತೆ. ಎಂತೆಂಥ ಚಿಕ್ಕ ಚಿಕ್ಕ ದೇಶಗಳ ಭಾಷೆಲೆಲ್ಲ ಈ ಸೇವೆ ಸಿಕ್ಕು, 5 ಕೋಟಿ ಕನ್ನಡಿಗರ ಭಾಷೆಲಿ ಇದಿಲ್ಲ ಅಂದ್ರೆ ಕನ್ನಡಿಗರಿಗೆ ಅದು ನಿಜಕ್ಕೂ ಅವಮಾನದ ವಿಷ್ಯ ಅನ್ಸಲ್ವಾ ಗುರು? ಕನ್ನಡಿಗರು ಅಭಿಮಾನ ಇಲ್ಲದೋರು, ಅದು ಇದು ಅನ್ನೋದೆಲ್ಲ ಹಳೇ ಮಾತು, ಈಗಿನ ಕನ್ನಡದ ಹುಡುಗ್ರು ಮನಸ್ಸು ಮಾಡಿದ್ರೆ ಏನ್ ಬೇಕಾದ್ರೂ ಸಾಧಿಸಬಲ್ರು, ಅಂತಾದ್ರಲ್ಲಿ ಇದೆಲ್ಲ ಒಂದ್ ಲೆಕ್ಕಾನಾ ಅಂತ ತೋರ್ಸಬೇಕು ಗುರು. ಹಾಗಿದ್ರೆ, ಫೇಸ್ ಬುಕ್ ಕನ್ನಡಕ್ಕೆ ತರೋ ಕೆಲಸ ಶುರು ಮಾಡೋಣ್ವಾ ಗುರು?

(ಸ್ನೇಹ ಸೇತು : ಏನ್ ಗುರು)

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X