ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

Weekly Horoscope: ಮಾರ್ಚ್ 24-30ರ ವಾರ ಭವಿಷ್ಯ, ಈ ರಾಶಿಯವರಿಗೆ ಕಷ್ಟ ಕರಗುವ ಕಾಲ

Google Oneindia Kannada News

ಶೋಭಕೃತ್ ನಾಮ ಸಂವತ್ಸರದ ಉತ್ತರಾಯಣ ಶಿಶಿರ ಋತು ಫಾಲ್ಗುಣ ಮಾಸದ ಶುದ್ಧ ಚತುರ್ದಶಿಯಿಂದ ಕೃಷ್ಣ ಪಕ್ಷದ ಷಷ್ಠಿಯವರೆಗೆ.

ಈ ವಾರದ ಚಂದ್ರನ ಸಂಚಾರ ಪೂರ್ವಾಫಾಲ್ಗುಣಿ ನಕ್ಷತ್ರದಿಂದ ಜ್ಯೇಷ್ಠಾದ ವರೆಗೆ

24/03/2024 ರಿಂದ 30/03/2024 ವಾರಭವಿಷ್ಯ

ಮೇಷ ರಾಶಿಯ ವಾರ ಭವಿಷ್ಯ

ಮೇಷ ರಾಶಿಯ ವಾರ ಭವಿಷ್ಯ

ನಿಮ್ಮ ರಾಶಿಯಲ್ಲೇ ಬುಧ ಗುರು ಇದ್ದಾರೆ. ಗುರು ಖರ್ಚುಗಳನ್ನು ಸೂಚಿಸಿದರೆ ಬುಧ ಪ್ರಯಾಣವನ್ನು ಸೂಚಿಸುತ್ತಾನೆ. ವ್ಯಯಸ್ಥಾನದಲ್ಲಿ ಸೂರ್ಯ ರಾಹು ಕೂಡ ನಷ್ಟ ವನ್ನೇ ಸೂಚಿಸುತ್ತಾರೆ. ಹಣ ಅಥವಾ ಒಡವೆ ವಸ್ತು ಕಳೆಯಬಹುದು ಜಾಗ್ರತೆಯಿಂದ ಇರಿ. ಯಾವುದಾದರೂ ಕೀಟ ಕಡಿದು ಅಲರ್ಜಿ ಆಗಬಹುದು. ಹನ್ನೊಂದರಲ್ಲಿ ಕುಜ ಶುಕ್ರ ಶನಿ ಇರುವುದು ಅಧಿಕ ಧನಲಾಭವನ್ನು ಸೂಚಿಸುತ್ತದೆ.‌ ಖರ್ಚುಗಳು ಇದ್ದರೂ ಅದಕ್ಕೆ ಸಮನಾಗಿ ಹಣವೂ ಹರಿದು ಬರುತ್ತದೆ. ಯಾವುದೇ ಕೆಲಸ ಕಾರ್ಯಗಳು ಅಡೆತಡೆ ಇಲ್ಲದೆ ಸರಾಗವಾಗಿ ಮುಂದುವರೆಯುತ್ತದೆ.

ವೃಷಭ ರಾಶಿಯ ವಾರ ಭವಿಷ್ಯ

ವೃಷಭ ರಾಶಿಯ ವಾರ ಭವಿಷ್ಯ

12ನೇ ಮನೆಯಲ್ಲಿ ಇರುವ ಗುರು ಬುಧ ಇಬ್ಬರೂ ಖರ್ಚುಗಳನ್ನು ತೋರಿಸುತ್ತಾರೆ. ಶುಭ ಕಾರ್ಯಕ್ಕೆ ಖರ್ಚು ಮಾಡುವಿರಿ. ದಾನಧರ್ಮ ಮಾಡುವಿರಿ. ಬಂಧುಗಳ ಸಲುವಾಗಿ ಖರ್ಚು ಮಾಡುತ್ತೀರಿ.‌ ಹತ್ತನೇ ಮನೆಯಲ್ಲಿ ಶನಿ, ಶುಕ್ರ, ಕುಜ ಇರುವುದು ಕೇಂದ್ರ ತ್ರಿಕೋಣಾಧಿಪತಿ ಯೋಗವಾಗಿದೆ. ಇದು ನಿಮ್ಮ ವೃತ್ತಿಯನ್ನು ಭದ್ರ ಮಾಡುತ್ತದೆ. ವೃತ್ತಿಯಲ್ಲಿ ಇರುವ ಅಡತಡೆ ನಿವಾರಣೆ ಮಾಡುತ್ತದೆ. ಲಾಭಸ್ಥಾನದಲ್ಲಿ ಸೂರ್ಯ ರಾಹು ಇಬ್ಬರೂ ನಿಮಗೆ ಧನಲಾಭ ಕೊಡುತ್ತಾರೆ. ಹಣದ ಹರಿವು ಉತ್ತಮವಾಗಿದೆ.

ಮಿಥುನ ರಾಶಿಯ ವಾರ ಭವಿಷ್ಯ

ಮಿಥುನ ರಾಶಿಯ ವಾರ ಭವಿಷ್ಯ

ಹನ್ನೊಂದನೇ ಮನೆಯಲ್ಲಿ ಗುರು ಬುಧ ಇಬ್ಬರೂ ನಿಮಗೆ ಧನಲಾಭ ಕೊಡುತ್ತಾರೆ. ಒಂಬತ್ತನೇ ಮನೆಯಲ್ಲಿ ಶನಿ ಶುಕ್ರ ಕುಜ ಇದ್ದು ಶುಕ್ರನಿಂದ ನಿಮಗೆ ಲಾಭ ಇದೆ. ಶನಿ ಹಾಗು ಕುಜ ಶುಕ್ರನಿಗೆ ಮಿತ್ರರಾದ್ದರಿಂದ ಶನಿ ಮತ್ತು ಕುಜ ನಿಮಗೆ ತೊಂದರೆ ಮಾಡಲಾರರು. ಹತ್ತನೇ ಮನೆಯಲ್ಲಿ ರಾಹು
ಹಾಗೂ ಸೂರ್ಯ ಇರುವುದರಿಂದ ನೌಕರಿಯ ಜಾಗದಲ್ಲಿ ಒತ್ತಡ ಇರುತ್ತದೆ.

ಕಟಕ ರಾಶಿಯ ವಾರ ಭವಿಷ್ಯ

ಕಟಕ ರಾಶಿಯ ವಾರ ಭವಿಷ್ಯ

ಎಂಟನೇ ಮನೆಯಲ್ಲಿ ಶನಿ ಇರುವುದರಿಂದ ನಿಮಗೆ ನಾನಾ ವಿಧದ ಕಿರುಕುಳ ಒತ್ತಡಗಳು ಇರುತ್ತದೆ. ಯಾವ ಕೆಲಸಕ್ಕೆ ಕೈ‌ಹಾಕಿದರೂ ಬೇಗ ಮುಂದುವರೆಯುವುದಿಲ್ಲ. ಅಡ್ಡಿ ಗಳು ಬರುತ್ತಿರುತ್ತದೆ. ಹಣದ ಖರ್ಚೂ ಬಹಳವಾಗಿ ಇರುತ್ತದೆ. ಕೆಲವೇ ದಿನಗಳಲ್ಲಿ ನೀವು ಗುರುವಿನ ಅನುಗ್ರಹಕ್ಕೆ ಪಾತ್ರರಾಗುತ್ತೀರಿ ಆಗ ನಿಮಗೆ ಸಕಲವೂ ಒಳ್ಳೆಯದಾಗುತ್ತದೆ.

ಸಿಂಹ ರಾಶಿಯ ವಾರ ಭವಿಷ್ಯ

ಸಿಂಹ ರಾಶಿಯ ವಾರ ಭವಿಷ್ಯ

ಈಗ ನಿಮಗೆ ಏಳನೇ ಮನೆಯಲ್ಲಿ ಶನಿ ಕುಜ ಶುಕ್ರ ಇದ್ದಾರೆ. ನಿಮ್ಮ ರಾಶಿಯನ್ನು ನೋಡುತ್ತಾರೆ. ಶನಿ ಶುಕ್ರ ನಿಮಗೆ ಶತ್ರುಗಳು ಇವರಿಬ್ಬರೂ ಕೊಡುವ ಅಡ್ಡ ಪರಿಣಾಮಗಳನ್ನು ಕುಜ ಸರಿ ಮಾಡಿ ರಕ್ಷಣೆ ಕೊಡುತ್ತಾನೆ. ಒಂಬತ್ತನೇ ಮನೆಯಲ್ಲಿ ಬುಧ ಗುರು ಸಹ ನಿಮಗೆ ಶುಭಫಲಗಳನ್ನು ಕೊಡುತ್ತಾರೆ.‌ ಎಂಟನೇ ಮನೆಯಲ್ಲಿ ಇರುವ ರಾಹು ಸೂರ್ಯ ನಿಮಗೆ ಒತ್ತಡವನ್ನು ಕೊಡುತ್ತಾರೆ. ಸಣ್ಣ ವಿಷಯಕ್ಕೂ ಟೆನ್ಷನ್ ಮಾಡಿಕೊಳ್ಳುವಂತೆ ಆಗುತ್ತದೆ. ರುವಿನ ಅನುಗ್ರಹದಿಂದ ಅವೆಲ್ಲದರಿಂದ ಪಾರಾಗಿ ನೆಮ್ಮದಿ ಕಾಣುತ್ತೀರಿ.

 ಕನ್ಯಾ ರಾಶಿಯ ವಾರ ಭವಿಷ್ಯ

ಕನ್ಯಾ ರಾಶಿಯ ವಾರ ಭವಿಷ್ಯ

ಈಗ ಆರನೇ ಮನೆಯಲ್ಲಿ ಶನಿ ಕುಜ ಶುಕ್ರ ಇದ್ದಾರೆ. ಆರನೇ ಮನೆಯ ಶನಿ ನಿಮಗೆ ಹಣಕಾಸಿನ ಬಲ ಕೊಡುತ್ತಾನೆ. ಶುಕ್ರ ಹಾಗೂ ಕುಜನಿಂದ ಅಡ್ಡ ಪರಿಣಾಮಗಳು ಎದುರಾದರೂ ಶನಿ ಬಲಾಢ್ಯನಾಗಿ ಇರುವುದರಿಂದ ಸಮಸ್ಯೆಗಳು ಅಲ್ಲಲ್ಲೇ ಮುರಿದು ಹೋಗುತ್ತದೆ. ನಿಮ್ಮನ್ನು ತಾಕುವುದೇ ಇಲ್ಲ. ಎಂಟರಲ್ಲಿ ಗುರು ಇರುವುದರಿಂದ ಗುರುವಿನ ಅನುಗ್ರಹ ಈಗ ಕಡಿಮೆ. ಹಾಗಾಗಿ ಕೊಂಚ ಮಾನಸಿಕ ಒತ್ತಡ ಇರುತ್ತದೆ. ಆರೋಗ್ಯದಲ್ಲಿ ಏರುಪೇರು ಇರುತ್ತದೆ. ರಕ್ತದೊತ್ತಡ, ಮಧುಮೇಹ ಇರುವವರು ಕೊಂಚ ಜಾಗ್ರತೆ ವಹಿಸಬೇಕು. ಸ್ವಲ್ಪ ಏರುಪೇರನ್ನೂ ನಿರ್ಲಕ್ಷಿಸಬಾರದು. ಕೆಲವೇ ದಿನಗಳಲ್ಲಿ ಗುರುಬಲ ಬಂದಾಗ ಎಲ್ಲವೂ ಸುಖಾಂತ್ಯವಾಗಿ ಪರಿಹಾರವಾಗುತ್ತದೆ.

ತುಲಾ ರಾಶಿಯ ವಾರ ಭವಿಷ್ಯ

ತುಲಾ ರಾಶಿಯ ವಾರ ಭವಿಷ್ಯ

ಈ ವಾರ ನಿಮ್ಮ ರಾಶಿಯಿಂದ ಏಳನೇ ಮನೆಯಲ್ಲಿ ಗುರು ಬುಧ ಇದ್ದಾರೆ. ಮೂರನೇ ಅಧಿಪತಿ ಒಂಬತ್ತನೇ ಅಧಿಪತಿ ಯುತಿ ಯೋಗದಲ್ಲಿ ಇರುವುದು ನಿಮಗೆ ಬಹಳಷ್ಟು ಶುಭಫಲಗಳನ್ನು ನೀಡುತ್ತದೆ. ಐದನೇ ಮನೆಯಲ್ಲಿ ಇರುವ ಶುಕ್ರ ಕೂಡ ಒಳಿತು ಮಾಡುತ್ತಾನೆ. ಸಂತಾನದಿಂದ ಖುಷಿಯ ಸಂಗತಿಗಳು ಇದೆ. ಮಕ್ಕಳಿಂದ ಒಳ್ಳೆಯ ಸುದ್ದಿ ಕೇಳುತ್ತೀರಿ. ‌ಆರನೇ ಮನೆಯ ಸೂರ್ಯ ಹಾಗೂ ರಾಹು ನಿಮಗೆ ಧನಲಾಭವನ್ನು ಕೊಡುತ್ತಾರೆ. ಪರಾಕ್ರಮ ವನ್ನು ಹೆಚ್ಚಿಸುತ್ತಾರೆ. ಅಡೆತಡೆಗಳನ್ನು ದೂರ ಮಾಡುತ್ತಾರೆ. ಈ ವಾರದಲ್ಲಿ ಸಾಧ್ಯವಾದಷ್ಟೂ ಶುಭಫಲಗಳನ್ನು ಪಡೆಯುತ್ತೀರಿ.

ವೃಶ್ಚಿಕ ರಾಶಿಯ ವಾರ ಭವಿಷ್ಯ

ವೃಶ್ಚಿಕ ರಾಶಿಯ ವಾರ ಭವಿಷ್ಯ

ಈಗ ಸ್ವಲ್ಪ ಅಡೆತಡೆಗಳನ್ನು ಎದುರಿಸಿದರೂ ಮುಂದಿನ ದಿನಗಳಲ್ಲಿ ಶುಭಫಲಗಳು ಸಿಗುತ್ತದೆ. ಈಗ ನಾಲ್ಕರಲ್ಲಿ ಕುಜ ಶುಕ್ರ ಶನಿ ಇದ್ದಾರೆ. ಶುಕ್ರನು ನಾಲ್ಕನೇ ಮನೆಯಲ್ಲಿ ಇರುವುದು ಶುಭಫಲ ನೀಡುತ್ತದೆ. ಆದರೆ ಕುಜ ಶನಿ ಅಷ್ಟಾಗಿ ಸಹಕರಿಸುವುದಿಲ್ಲ. ಐದನೇ ಮನೆಯಲ್ಲಿ ರಾಹು ಸೂರ್ಯ ಸಹ ಮಕ್ಕಳಿಂದ ವಿರೋಧ ಬರುವಂತೆ ಮಾಡುತ್ತಾರೆ.‌ ಆರನೇ ಮನೆಯ ಗುರು ಆರೋಗ್ಯಕ್ಕೆ ಹಾನಿ ಹಾಗೂ ಮಾನಸಿಕ ಕಿರಿಕಿರಿ ಕೊಡುತ್ತಾನೆ. ಯಾವುದರಲ್ಲೂ ನೆಮ್ಮದಿಯಿಲ್ಲದ ಅಲೆಮಾರಿ ಸ್ಥಿತಿ ಈಗ ನಿಮ್ಮದು. ಚಿಂತೆ ಬೇಡ. ಕೆಲವೇ ದಿನಗಳಲ್ಲಿ ಗುರುವಿನ ಅನುಗ್ರಹ ಸಿಕ್ಕಿ ಎಲ್ಲವೂ ಒಳಿತಾಗುತ್ತದೆ.

ಧನಸ್ಸು ರಾಶಿಯ ವಾರ ಭವಿಷ್ಯ

ಧನಸ್ಸು ರಾಶಿಯ ವಾರ ಭವಿಷ್ಯ

ಈಗ ನಿಮ್ಮ ರಾಶಿಯವರಿಗೆ ಅದೃಷ್ಟ ಕಾಲು ಮುರಿದು ನಿಮ್ಮ ಅಂಗಳದಲ್ಲಿ ಬಿದ್ದ ಹಾಗೆ. ಮೂರನೇ ಮನೆಯಲ್ಲಿ ಶನಿ, ಕುಜ, ಶುಕ್ರ ಐದನೇ ಮನೆಯಲ್ಲಿ ಬುಧ ಗುರು.‌ಈ ಐದೂ ಗ್ರಹಗಳೂ ಬಲಾಢ್ಯರು. ಒಳ್ಳೆಯ ಜಾಗದಲ್ಲಿ ಇದ್ದಾರೆ. ನಿಮಗೆ ಹಣಕಾಸು ಸಂತೋಷ ಸಮಾಧಾನಗಳು ಎಲ್ಲವನ್ನೂ ತಂದು ಕೊಡುತ್ತಾರೆ. ಕೆಲಸ ಕಾರ್ಯಗಳಿಗೆ ಇರುವ ಅಡೆತಡೆಗಳನ್ನು ದೂರ ಮಾಡುತ್ತಾರೆ. ಆದರೆ ನಾಲ್ಕನೇ ಮನೆಯಲ್ಲಿ ರಾಹು ಹಾಗೂ ಸೂರ್ಯ ಇರುವುದರಿಂದ ತಂದೆ ತಾಯಿಗೆ ಅನಾರೋಗ್ಯ.‌ ನಿಮಗೂ ಮಾನಸಿಕ ಒತ್ತಡ ಇರುತ್ತದೆ. ವೃಥಾ ಅಲೆದಾಟ ಕಿರಿಕಿರಿ ಇರುತ್ತದೆ. ಆದರೆ ಗುರುವಿನ ಅನುಗ್ರಹ ಇರುವುದರಿಂದ ಬಂದ ಸಮಸ್ಯೆಗಳಿಗೆ ಪರಿಹಾರವೂ ದೊರೆಯುತ್ತದೆ.

ಮಕರ ರಾಶಿಯ ವಾರ ಭವಿಷ್ಯ

ಮಕರ ರಾಶಿಯ ವಾರ ಭವಿಷ್ಯ

ಕಷ್ಟದ ದಿನಗಳು ಕೊನೆಗೆ ಬಂದಿವೆ. ಈಗ ನಿಮಗೆ ಒತ್ತಡಗಳು ಸಹಿಸಲು ಅಸಾಧ್ಯವಾದರೂ ಕೊಂಚ ತಾಳಿಕೊಳ್ಳಿ. ಇನ್ನು ಕೆಲವೇ ದಿನಗಳಲ್ಲಿ ಗುರುವಿನ ಅನುಗ್ರಹ ಸಿಗುತ್ತದೆ.‌ ನಿಮ್ಮ ಕಷ್ಟಗಳೆಲ್ಲ ದೂರವಾಗುವ ಸಮಯ ಹತ್ತಿರದಲ್ಲಿ ಇದೆ. ಈಗ ಸೂರ್ಯ ಹಾಗೂ ರಾಹು ಮೂರನೇ ಮನೆಯಲ್ಲಿ ಇರುವುದರಿಂದ ನಿಮಗೆ ಹಣಕಾಸಿನ ನೆರವು ಅಥವಾ ಹರಿವು ಉತ್ತಮ ರೀತಿಯಲ್ಲಿ ದೊರೆತು ಮನಸ್ಸಿಗೆ ಸ್ವಲ್ಪ ಸಮಾಧಾನ ಸಿಗುತ್ತದೆ. ಅಡೆತಡೆಗಳನ್ನು ಎದುರಿಸುವ ಕೆಚ್ಚು ಧೈರ್ಯ ಹೆಚ್ಚಾಗುತ್ತದೆ. ಇದು ನಿಮ್ಮ ಮುಂದಿನ ಜೀವನ ಸುಖಮಯವಾಗಲು ಸಹಕಾರಿಯಾಗುತ್ತದೆ.

ಕುಂಭ ರಾಶಿಯ ವಾರ ಭವಿಷ್ಯ

ಕುಂಭ ರಾಶಿಯ ವಾರ ಭವಿಷ್ಯ

ನಿಮ್ಮ ರಾಶಿಯಲ್ಲೇ ಕುಜ, ಶುಕ್ರ, ಶನಿ‌ಇದ್ದಾರೆ. ಕುಜ ನಿಮಗೆ ವೃತ್ತಿ ಸ್ಥಾನಾಧಿಪತಿ ಹಾಗೂ ಶುಕ್ರ ಭಾಗ್ಯಾಧಿಪತಿ. ಇವರಿಬ್ಬರೂ ನಿಮ್ಮ ರಾಶೊಯಲ್ಲಿ ಇರುವುದು ನಿಮಗೆ ವೃತ್ತಿಯಲ್ಲಿ ಹಾಗೂ ವೈಯಕ್ತಿಕವಾಗಿ ಏನಾದರೂ ಸಕಾರಾತ್ಮಕ ಬದಲಾವಣೆ ಸೂಚಿಸುತ್ತದೆ. ವೃತ್ತಿಯಲ್ಲಿ ನೀವು ಬಯಸಿದ ಸ್ಥಳಕ್ಕೆ ವರ್ಗಾವಣೆ ಸಿಗಬಹುದು. ಏನೇ ಆದರೂ ಹಣದ ಖರ್ಚು ಬಹಳವಾಗಿ ಇದೆ. ಸಾಡೆ ಸಾತಿಶನಿಯ ಪ್ರಭಾವ ಇನ್ನೂ ಇರುವುದರಿಂದ ಕೆಲಸಗಳು ನಿಧಾನ ಖರ್ಚು ಹೆಚ್ಚು, ಮನಸ್ಸಿಗೆ ಕಿರಿಕಿರಿ, ದೈಹಿಕ ಆಲಸ್ಯ ಇರುತ್ತದೆ.‌

Recommended Video

ಹೊಸ ವರ್ಷಕ್ಕೆ ಟೀಂ‌ ಇಂಡಿಯಾ ಆಟಗಾರರ ಮೋಜು ಮಸ್ತಿ ಫುಲ್ ವೈರಲ್ | Oneindia Kannada
 ಮೀನ ರಾಶಿಯ ವಾರ ಭವಿಷ್ಯ

ಮೀನ ರಾಶಿಯ ವಾರ ಭವಿಷ್ಯ

ನಿಮಗೂ ಸಾಡೆಸಾತಿಯ ಪ್ರಭಾವ ಇನ್ನೂ ಹೆಚ್ಚು ಇದೆ. ಹೀಗಾಗಿ ಖರ್ಚುಗಳು ಹಾಗೂ ಮಾನಸಿಕ ಕ್ಲೇಶ, ದೇಹಾಲಸ್ಯ ಇರುತ್ತದೆ. ಮನೆಯಲ್ಲಿ ಸಣ್ಣಪುಟ್ಟ ಕಾರಣಕ್ಕೂ ಉದ್ವಿಗ್ನತೆ ಇರುತ್ತದೆ. ಹಣದ ಹರಿವು ಉತ್ತಮವಾಗಿದೆ. ಆದರೆ ನಿಮಗೇ ಗೊತ್ತಿಲ್ಲದಂತೆ ಖರ್ಚುಗಳು‌ ಧುತ್ತನೆ ಪ್ರತ್ಯಕ್ಷವಾಗುತ್ತದೆ. ನಿಮ್ಮ ರಾಶಿಯಲ್ಲೇ ರಾಹು ಸೂರ್ಯ‌ಇರುವುದೂ ನಿಮಗೆ ಆರೋಗ್ಯಕ್ಕೆ ತೊಂದರೆ. ವಿನಾಕಾರಣ ಹೆದರಿಕೆ ಟೆನ್ಷನ್ ಆಗುತ್ತಿರುತ್ತದೆ. ಪ್ರತಿದಿನ ಹನುಮಾನ್ ಚಾಲೀಸಾ ಪಠಿಸಿ. ಗುರುಗಳ ಸ್ಮರಣೆ ಮಾಡಿ.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X