ವೃಷಭ: ಮನಸ್ಸಿಗೆ ಉಲ್ಲಾಸ, ಮನೆಯಲ್ಲಿ ನೆಮ್ಮದಿ
ಈ ತಿಂಗಳು ಅಭಿವೃದ್ಧಿ ಕಡೆಗೆ ನೀವು ಮುನ್ನುಗ್ಗುತ್ತೀರಿ. ಬದುಕು ಬಹಳ ಸುಂದರ ಎನಿಸುತ್ತದೆ. ಅಧ್ಯಾತ್ಮ, ಧಾರ್ಮಿಕ ವಿಚಾರಗಳು ಮನಸ್ಸಿಗೆ ಉಲ್ಲಾಸ ನೀಡುತ್ತದೆ. ಮನೆಯಲ್ಲಿ ಶಾಂತಿ ನೆಲೆಸುತ್ತದೆ. ಹೊಸ ಸಂಗತಿಯನ್ನು ಕಲಿಯುವುದರಲ್ಲಿ ಆಸಕ್ತಿ ತೋರಿಸುತ್ತೀರಿ.
ಇದು ನಿಮ್ಮ ಜೀವನದ ಅತ್ಯುತ್ತಮ ಸಮಯ. ವೃತ್ತಿ ಬದುಕಿನಲ್ಲಿ ಎತ್ತರಕ್ಕೆ ಏರುವ ಅವಕಾಶ ಎದುರಿಗೇ ಇದೆ. ನೀವು ಇಷ್ಟಪಡುವವರ ಜೊತೆಗೆ, ಕುಟುಂಬದ ಜೊತೆಗೆ ಸಂತಸದ ಕ್ಷಣಗಳನ್ನು ಕಳೆಯುತ್ತೀರಿ. ಕುಟುಂಬದೊಂದಿಗೆ ಪ್ರವಾಸಕ್ಕೆ ತೆರಳುವ ಸಾಧ್ಯತೆಯೂ ಇದೆ.[ವೃಷಭ ರಾಶಿಯವರಿಗೆ ಈಗ ಸುಗ್ಗಿ ಮತ್ತು ಹಿಗ್ಗುವ ಕಾಲ]
ವೃತ್ತಿ: ವ್ಯವಹಾರಸ್ಥರಿಗೆ ಪಾರ್ಟ್ ನರ್ ಜತೆಗೆ ಸಣ್ಣ-ಪುಟ್ಟ ವಿರಸವಾಗುವ ಸಾಧ್ಯತೆ ಇದೆ. ಇನ್ನು ಕೆಲಸದಲ್ಲಿ ಇರುವವರಿಗೆ ಡೆಡ್ ಲೈನ್ ನಲ್ಲಿ ಕೆಲಸ ಮುಗಿಸಬೇಕಾದ ಒತ್ತಡ ಎದುರಾಗುತ್ತದೆ. ಕೆಲಸದಲ್ಲಿ ತುಂಬ ಶ್ರಮ ಹಾಕಿ, ಯಶಸ್ಸು ಕಾಣುತ್ತೀರಿ. ಸೆ.18ರ ನಂತರ ಎಲ್ಲವೂ ನಿಮ್ಮಂತೆಯೇ ಆಗುತ್ತದೆ. ಮಾತಿನ ಬಗ್ಗೆ ಎಚ್ಚರ ಇರಲಿ.
ಪ್ರೀತಿ-ಪ್ರೇಮ, ಮದುವೆ: ಪ್ರೀತಿ ವಿಷಯಕ್ಕೆ ಸಂಬಂಧಿಸಿದಂತೆ ಇದು ಉತ್ತಮ ಸಮಯ. 19ರ ನಂತರ ಗೆಳತಿಯ ಜತೆಗೆ ಮಾತನಾಡುವಾಗ ಎಚ್ಚರವಿರಲಿ. ಮದುವೆಯಾದವರಿಗೆ ಕೆಲವು ಗೊಂದಲಗಳು ಎದುರಾಗುತ್ತವೆ. ನಿಮ್ಮ ನಡವಳಿಕೆಯಿಂದ ಬೇಸರ ಮಾಡುವ ಸಾಧ್ಯತೆ ಇದೆ.[ವೃಷಭ ರಾಶಿಗೆ ದುರ್ಮುಖನಾಮ ಸಂವತ್ಸರದ ಫಲಾಫಲ]
ಮಕ್ಕಳು ಮತ್ತು ವಿದ್ಯಾರ್ಥಿಗಳಿಗೆ: ಇದು ತುಂಬ ಉತ್ತಮವಾದ ಸಮಯ. ಸಂಯಮ-ಸಾವಧಾನದಿಂದ ವರ್ತಿಸುವ ಕಾರಣಕ್ಕೆ ಎಲ್ಲರಿಗೂ ಇಷ್ಟವಾಗುವ ಸಾಧ್ಯತೆ ಇರುತ್ತದೆ. ಬುದ್ಧಿವಂತಿಕೆ ಪ್ರದರ್ಶಿಸಿ, ಶಹಭಾಷ್ ಅನಿಸಿಕೊಳ್ಳುತ್ತಾರೆ. ಓದಿನಲ್ಲಿ ಆಸಕ್ತಿ ಹೆಚ್ಚುತ್ತದೆ. ಜತೆಗೆ ಫಲಿತಾಂಶದಲ್ಲೂ ಅದು ಎದ್ದು ಕಾಣುತ್ತದೆ.