ಸಾಮುದ್ರಿಕಾ ಶಾಸ್ತ್ರದ ಪ್ರಕಾರ ಮಹಿಳೆಯರ 'ಹಣೆ' ಬರಹ ಓದೋದು ಹೇಗೆ?
ಸಾಮುದ್ರಿಕಾ ಶಾಸ್ತ್ರ ಎಂಬುದು ವಿಜ್ಞಾನ. ವ್ಯಕ್ತಿಯ ದೈಹಿಕ ರಚನೆ ಆಧಾರದಲ್ಲಿ ಹಲವು ವಿಚಾರಗಳನ್ನು ತಿಳಿಯಬಹುದು. ಮಹಿಳೆಯರ ಹಣೆಯನ್ನು ನೋಡಿ ನಿರ್ಧರಿಸಬಹುದಾದ ಸಂಗತಿಗಳನ್ನು ಈ ದಿನ ತಿಳಿದುಕೊಳ್ಳೋಣ.
* ಯಾವ ಮಹಿಳೆಯ ಹಣೆಯು ಸಾಮಾನ್ಯಕ್ಕಿಂತ ಹೆಚ್ಚು ದಪ್ಪ ಹಾಗೂ ಗಾತ್ರದಲ್ಲಿ ದೊಡ್ಡದಾಗಿರುತ್ತದೋ ಅಂಥವರು ಸಣ್ಣ ಪ್ರಾಯದಲ್ಲೇ ವೈಧವ್ಯ ಅನುಭವಿಸುತ್ತಾರೆ. ಜೀವನದಲ್ಲಿ ಒಂದಿಲ್ಲೊಂದು ತೊಂದರೆಗೆ ಸಿಲುಕುತ್ತಾರೆ.
ಹಸ್ತ ಸಾಮುದ್ರಿಕಾ: ನಿಮ್ಮ ಹೃದಯ ರೇಖೆ ಏನನ್ನು ಸೂಚಿಸುತ್ತದೆ?
* ಹಣೆಯು ಸಣ್ಣದಾಗಿದ್ದರೆ ಅಂಥ ಮಹಿಳೆಯು ಯಾವಾಗಲೂ ಉದ್ವಿಗ್ನತೆ ಅನುಭವಿಸುತ್ತಿರುತ್ತಾರೆ. ಬಾಲ್ಯ ಕಳೆದ ನಂತರ ಜೀವನದುದ್ದಕ್ಕೂ ಕಷ್ಟ ಪಡುತ್ತಾರೆ.
* ಅಗಲವಾದ ಹಣೆಯಿರುವ ಮಹಿಳೆಯು ಯಾವಾಗಲೂ ಕಾಯಿಲೆಪೀಡಿತರಾಗಿರುತ್ತಾರೆ. ಇವರು ಖಡಕ್ ಸ್ವಭಾವದವರು, ಸಜ್ಜನರ ವಿಚಾರದಲ್ಲಿ ಸಹೃದಯಿಗಳೂ ಆಗಿರುತ್ತಾರೆ.
* ಹಣೆಯು ಸಹಜವಾಗಿದ್ದರೆ (ಸಾಮಾನ್ಯ ಆಕಾರ ಹಾಗೂ ಗಾತ್ರ ಇರುವಂಥದ್ದು) ಸಾಮಾಜಿಕ ಬದುಕಿನಲ್ಲಿ ಉತ್ತಮ ಗೌರವ ಪಡೆಯುತ್ತಾರೆ. ಯಾರಿಗೆ ಅಗತ್ಯವಿರುತ್ತದೋ ಅಂಥವರ ನೆರವಿಗೆ ಧಾವಿಸುತ್ತಾರೆ. ಇಂಥವರು ಸರಕಾರಿ ಕೆಲಸಕ್ಕೆ ಹೇಳಿ ಮಾಡಿಸಿದವರು.
* ಯಾವ ಮಹಿಳೆಯ ಹಣೆಯು ಮಧ್ಯಭಾಗದಲ್ಲಿ ಒತ್ತಿದಂತೆ ಇರುತ್ತದೋ ಅಂಥವರು ಜೀವನದಲ್ಲಿ ಅಪಾರ ಪ್ರಮಾಣದ ಸಂಪತ್ತು, ಸಂತೋಷ ಹಾಗೂ ಉನ್ನತ ಸ್ಥಾನ ಪಡೆಯುತ್ತಾರೆ. ಆದರೆ ಈ ಮಹಿಳೆಯರು ಒಬ್ಬರಿಗಿಂತ ಹೆಚ್ಚು ಪುರುಷರ ಸಂಪರ್ಕಕ್ಕೆ ಬರುತ್ತಾರೆ.
ಪ್ರೇಮ ಜೀವನದ ಸುಧಾರಣೆಗೆ ಬೆಡ್ ರೂಮ್ ಗೆ 10 ವಾಸ್ತು ಸಲಹೆ
* ಹಣೆಯು ಉಬ್ಬಿದಂತೆ ಇರುವವರು ಬಹಳ ಅದೃಷ್ಟವಂತರು. ಚುರುಕು ಹಾಗೂ ಬುದ್ಧಿವಂತೆಯರು. ತಮ್ಮ ಕುಟುಂಬದ ಏಳ್ಗೆಗೆ ಇವರ ಕೊಡುಗೆ ಬಹಳ ಇರುತ್ತದೆ.
* ಚಪ್ಪಟೆಯಾದ ಹಣೆಯಿರುವ ಹೆಣ್ಣುಮಕ್ಕಳು ಶೀಘ್ರಮತಿಗಳು, ಉತ್ಸಾಹಭರಿತರು, ವಾಚಾಳಿಗಳು, ಬುದ್ಧಿವಂತೆಯರು ಹಾಗೂ ಮತ್ತೊಬ್ಬರಿಂದ ಕೆಲಸ ತೆಗೆಯುವುದರಲ್ಲಿ ನಿಷ್ಣಾತರು. ಈ ಮಹಿಳೆಯರಿಗೆ ಅವಕಾಶ ಸಿಕ್ಕರೆ ತುಂಬ ಎತ್ತರಕ್ಕೆ ತಲುಪುತ್ತಾರೆ. ಆದರೆ ಕುಟುಂಬಕ್ಕೆ ಇವರ ಸೇವೆ ಸಿಗುವುದಿಲ್ಲ.
* ಹಣೆಯ ಮೇಲೆ ಚಂದ್ರನ ಆಕಾರ ಇರುವಂಥವರು ಹಲವು ಕ್ಷೇತ್ರಗಳಲ್ಲಿ ಸಾಧನೆ ಮಾಡುತ್ತಾರೆ. ಎಲ್ಲ ರೀತಿಯ ಸಂಪತ್ತು ಅನುಭವಿಸುತ್ತಾರೆ. ರಾಜಕೀಯ ಕ್ಷೇತ್ರದಲ್ಲಿ ಸಾಧನೆ ಮಾಡಿ, ತುಂಬ ಎತ್ತರದ ಸ್ಥಾನ ತಲುಪುತ್ತಾರೆ.