• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ವೃಶ್ಚಿಕ ರಾಶಿಗೆ ಗೋಲ್ಡನ್ ಟೈಮ್, ಕಡೆಗೂ ಬಂದ ಗುರುಬಲ

By ನಾಗನೂರಮಠ ಎಸ್ಎಸ್
|

ಸಾಡೇಸಾತಿಯಲ್ಲಿ ಕಷ್ಟನಷ್ಟ ಅನುಭವಿಸಿದ ವೃಶ್ಚಿಕ ರಾಶಿಯವರಿಗೆ ಕಡೆಗೂ ಗುರುಬಲ ಬಂದಿದೆ. ಗುರುಬಲ ಬಂದಿರುವುದು ಒಂದು ವರ್ಷದವರೆಗೂ ಇರುವುದರಿಂದ ಮುಖ್ಯವಾದ ಕೆಲಸಗಳನ್ನು ಮಾಡಿಟ್ಟುಕೊಳ್ಳಲು ಈಗಿನಿಂದಲೇ ಆರಂಭಿಸಬೇಕು. ಈ ಸಮಯದಲ್ಲಿ ಸಿಕ್ಕಾಪಟ್ಟೆ ಹಣ ದುಡಿಯುವ ಅವಕಾಶಗಳು ಬರುತ್ತವೆ.

ಹೀಗಾಗಿ ದಿನ 24 ಗಂಟೆಯಲ್ಲಿ ಅತೀ ಹೆಚ್ಚಿನ ಸಮಯವನ್ನು ಕಷ್ಟಪಟ್ಟು ದುಡಿಯಲಾರಂಭಿಸಬೇಕು. ಶನಿಸಾಡೇಸಾತಿಯಲ್ಲಿ ಸ್ವಲ್ಪ ಆಲಸ್ಯತನ ಮೈಗೂಡಿರುತ್ತದೆ. ಆದರೆ ಮೈ ಕೊಡವಿ ಮೇಲೆದ್ದು ಹೆಚ್ಚಿನ ಪ್ರಮಾಣದಲ್ಲಿ ಕೆಲಸ ಕಾರ್ಯಗಳನ್ನು ನ್ಯಾಯವಾಗಿ ಮಾಡಿದರೆ ಗುರುಫಲ ಸಾಕಷ್ಟು ಆಗುತ್ತದೆ.

ಹಣದ ವಿಷಯವಷ್ಟೇ ಏಕೆ? ಕೌಟುಂಬಿಕ ಸಂತಸವೂ ಇಮ್ಮಡಿಗೊಳ್ಳುತ್ತದೆ. ಕೆಲವರಿಗೆ ಮದುವೆಯೋಗ ಬಂದರೆ, ಸಂತಾನಾಪೇಕ್ಷಿಗಳು ಫೇಡೆ ಹಂಚುವ ಸಮಯ ಬರುತ್ತದೆ. ಆಸ್ತಿಪಾಸ್ತಿ, ಇಷ್ಟಪಟ್ಟ ವಾಹನ, ಮನೆ ಮತ್ತಿತರೆ ವಸ್ತುಗಳನ್ನು ಖರೀದಿಸಲು ಹಣದ ಲಭ್ಯತೆಯಾಗುವುದರಿಂದ ಮುಖ್ಯ ಮತ್ತು ಅವಶ್ಯಕ ವಸ್ತುಗಳನ್ನು ಮಾತ್ರ ಖರೀದಿಸಿ. ಬರೀ ತೋರಿಕೆ ಐಷಾರಾಮಿ ವಸ್ತುಗಳನ್ನು ಖರೀದಿಸುವುದು ಬೇಡ. ಗುರುಬಲವಿದೆ, ಹಣದ ಹರಿವು ಚೆನ್ನಾಗಿದೆ ಎಂದುಕೊಂಡು ಸಿಕ್ಕಾಪಟ್ಟೆ ಸಾಲ ಸೋಲ ಮಾಡುವಂಗಿಲ್ಲ. ಮಾಡಿದರೆ ತೀರಿಸಲು ಒಂದೊತ್ತು ಊಟ ಬಿಟ್ಟು ಕುಳಿತುಕೊಳ್ಳುವ ಪರಿಸ್ಥಿತಿ ಬರಲಿದೆ ನೆನಪಿರಲಿ. [ವೃಶ್ಚಿಕ ರಾಶಿ ಯುಗಾದಿ ವರ್ಷ ಭವಿಷ್ಯ ಮತ್ತು ಫಲಾಫಲ]

ಮೊದಲೇ ಸಿಟ್ಟು ಮತ್ತು ಅವಸರದ ಪ್ರವೃತ್ತಿಯವರಾದ ವೃಶ್ಚಿಕ ರಾಶಿಯವರು ಸ್ವಲ್ಪ ಮಾನಸಿಕ ಕಠೋರ ಸ್ವಭಾವವನ್ನೂ ಹೊಂದಿರುತ್ತಾರೆ. ಹೀಗಾಗಿ ಗುರುಬಲ ಬಂದಿರುವ ಈ ಸಮಯದಲ್ಲಿ ಆದಷ್ಟು ಆಸ್ತಿಕರಾಗಿ ದೈವಕೃಪೆಗೆ ದಿನವೂ ಒಂದಿಷ್ಟು ಸಮಯ ಮೀಸಲಿಡಲೇಬೇಕು.

ಹೊರ ದೇಶಗಳಿಗೆ ಅಥವಾ ಪರ ಊರುಗಳಿಗೆ ಕೆಲಸದ ನಿಮಿತ್ತ ಹೋಗುವ ಪ್ರಮೇಯ ಬಂದರೆ ಮೊದಲು ಎಸ್ ಎನ್ನಬೇಕು. ಏಕೆಂದರೆ ಇದರಿಂದಲೇ ಕೆಲವೊಂದು ರೀತಿಯ ಲಾಭಗಳನ್ನು ಕಾಣಬಹುದು. ಹೊಸದಾಗಿ ವ್ಯಾಪಾರ ಮತ್ತು ಹೊಸ ಯೋಜನೆಗಳನ್ನು ಆರಂಭಿಸಬೇಕೆನ್ನುವವರಿಗೆ ಈಗ ಗೋಲ್ಡನ್ ಟೈಮ್. ಹನ್ನೊಂದನೇ ಸ್ಥಾನದಲ್ಲಿ ಬಂದಿರುವ ಗುರು ಬರೀ ಲಾಭವನ್ನೇ ನೀಡುವದರಿಂದ ಬಂದಿದ್ದು ಪಡೆದುಕೊಂಡು ಸಾರ್ಥಕವಾಗಿಸಿಕೊಳ್ಳಬೇಕು ಜೀವನವನ್ನು.

ಆದರೆ, ಮೇಲೆ ಹೇಳಿದಂತೆ ಸಾಡೇಸಾತಿಗೆ ಸಂಬಂಧಪಟ್ಟಂತೆ ಪರಿಹಾರ ಮಾಡಿಕೊಂಡಲ್ಲಿ ವೃಶ್ಚಿಕ ರಾಶಿಯವರು ರಿಯಲ್ ಎಸ್ಟೇಟ್ ಬಿಸಿನೆಸ್ ಮಾಡಿಯೂ ಲಾಭ ಗಳಿಸಬಹುದು. ಏಕೆಂದರೆ ಸುಲಭದಲ್ಲಿ ಕಷ್ಟವಿಲ್ಲದೇ ಹಣ ಬರುವ ದಾರಿ ಅದೊಂದೇ ಎಂಬುದು ನೆನಪಿಟ್ಟುಕೊಳ್ಳಿ. ಸ್ವಲ್ಪ ಶ್ರಮಪಟ್ಟು ನಂಬಿಕೆ ವಿಶ್ವಾಸವಿದ್ದವರಲ್ಲಿ ವ್ಯವಹಾರ ಮಾಡಿದರೆ ಲಾಭದ ನೋಟುಗಳನ್ನು ಕಣ್ತುಂಬ ನೋಡಬಹುದು. [ನಕ್ಷತ್ರ ಸರಣಿ : ಹಠಮಾರಿ ಸ್ವಭಾವದ ವಿಶಾಖಾ ನಕ್ಷತ್ರದವರು]

ಇನ್ನು, ಈ ರಾಶಿಯ ಹೆಂಗಸರು ಮಾತ್ರ ದೈಹಿಕ ಆರೋಗ್ಯ ಪರೀಕ್ಷೆ ಮಾಡಿಸಿಕೊಳ್ಳಲೇಬೇಕು. ಏಕೆಂದರೆ ಹೆಂಗಸರಿಗೆ ಮಧುಮೇಹ ಬರುವುದು ಹೆಚ್ಚಿನ ಪ್ರಮಾಣದಲ್ಲಿ ಚಿಂತೆ ಮಾಡುವುದರಿಂದ. ಆದ್ದರಿಂದ 40 ವರ್ಷದ ಅಕ್ಕಪಕ್ಕ ಇರುವವರು ಒಮ್ಮೆ ಶುಗರ್ ಗಾಗಿ ರಕ್ತ ಮತ್ತು ಬಿಪಿಯನ್ನು ಚೆಕ್ ಮಾಡಿಸಿಟ್ಟುಕೊಳ್ಳುವುದು ಒಳ್ಳೆಯದು. ಕೆಲವರಿಗೆ ಗ್ಯಾಸ್ಟ್ರಿಕ್ ಸಮಸ್ಯೆ ಉದ್ಭವಿಸುವುದರಿಂದ ನಿತ್ಯ ವ್ಯಾಯಾಮ ಮಾಡುವುದು ಉತ್ತಮ.

ಒಟ್ಟಿನಲ್ಲಿ ಗುರುಬಲದಿಂದ ಸ್ವಲ್ಪ ತಲೆ ಎತ್ತಿ ಓಡಾಡುವಂತಾಗಿರುವ ವೃಶ್ಚಿಕ ರಾಶಿಯವರು ಹಣವನ್ನು ದುಂದುವೆಚ್ಚ ಮಾಡದೇ ಖುಷಿಯಾಗಿದ್ದು ದೈವಬಲವನ್ನು ಪಡೆದುಕೊಳ್ಳಲು ಪ್ರಯತ್ನಿಸಬೇಕು. ಸಾಧ್ಯವಿದ್ದಲ್ಲಿ ಗುರು ರಾಯರ ಮಠಕ್ಕೆ ಪ್ರತಿ ಗುರುವಾರ ಹೋಗಿ ಬಂದರೆ ಶುಭಫಲ ಹೆಚ್ಚುತ್ತದೆ. [ಕನ್ಯಾ ರಾಶಿಗೆ ಗುರು ಪ್ರವೇಶ : ಯಾವ ರಾಶಿಗೆ ಏನು ಫಲ?]

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Gurubala for Scorpio zodiac signs based on transit of Jupiter plant from Leo to Virgo in 2016. Planet Jupiter has entered Virgo on August 11, 2016. Our astrologer explains how it affects and helps Scorpio people. Wonderful time ahead for Scorpio people.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more