ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ತಂದೆ-ಮಗ ಒಂದೇ ನಕ್ಷತ್ರವಾದರೆ ಏಕನಕ್ಷತ್ರ ದೋಷ, ಅದಕ್ಕೆ ಪರಿಹಾರವೇನು?

By ರಮಾಕಾಂತ್
|
Google Oneindia Kannada News

ತಂದೆ-ಮಗ ಇಬ್ಬರದೂ ಒಂದೇ ನಕ್ಷತ್ರವಾದರೆ ಅದನ್ನು ಏಕನಕ್ಷತ್ರ ದೋಷ ಎಂದು ಪರಿಗಣಿಸಲಾಗುತ್ತದೆ. ಏನಿದು ಏಕನಕ್ಷತ್ರ ದೋಷ? ಅದರಿಂದ ಪರಿಣಾಮಗಳೇನು? ಪರಿಹಾರ ಏನು? ಇತ್ಯಾದಿ ವಿಚಾರಗಳ ಬಗ್ಗೆಯೇ ಇಂದಿನ ಲೇಖನ. ಈ ರೀತಿ ಏಕನಕ್ಷತ್ರ ದೋಷ ಆಗಿದೆ ಅನ್ನೋದನ್ನು ಏನೆಂದು ಪರಿಗಣಿಸಬೇಕು ಎಂಬುದನ್ನು ಸಹ ತಿಳಿಸಲಾಗುವುದು.

ಪಿತೃ ದೋಷವಿದ್ದರೆ ಅಥವಾ ಹಿರಿಯರು ಹಾಗೂ ಪೋಷಕರು ನೀವು ಮಾಡಿದ ಕೆಲವು ಕಾರ್ಯದಿಂದ ಅಸಮಾಧಾನಗೊಂಡಿದ್ದರೆ ಅದರ ಫಲಿತವನ್ನು ಅನುಭವಿಸಬೇಕಾಗುತ್ತದೆ. ಆದ್ದರಿಂದ ಹಿರಿಯರನ್ನು ಗೌರವಿಸಬೇಕು. ಪೋಷಕರು, ಅತ್ತೆ-ಮಾವ, ತಾತ- ಅಜ್ಜಿಯನ್ನು ಗೌರವದಿಂದ ನಡೆಸಿಕೊಳ್ಳಬೇಕು.

ವಿವಾಹ ಜ್ಯೋತಿಷ್ಯ: ಒಂದೇ ನಕ್ಷತ್ರ, ಒಂದೇ ರಾಶಿಯವರು ಮದುವೆ ಆಗಬಹುದಾ?ವಿವಾಹ ಜ್ಯೋತಿಷ್ಯ: ಒಂದೇ ನಕ್ಷತ್ರ, ಒಂದೇ ರಾಶಿಯವರು ಮದುವೆ ಆಗಬಹುದಾ?

ಒಂದು ವೇಳೆ ನಿಮ್ಮ ಕುಟುಂಬದವರು ತೀರಿಹೋದ ಹಿರಿಯರ ವರ್ಷಾವರ್ಷ ಶ್ರಾದ್ಧ ಮಾಡುವುದನ್ನು ನಿಲ್ಲಿಸಿದ್ದರೆ ಅದು ನಕಾರಾತ್ಮಕ ಪರಿಣಾಮ ಬೀರುತ್ತದೆ. ಆದ್ದರಿಂದ ಪ್ರತಿ ವರ್ಷ ಸಾಂವತ್ಸರಿಕ ಶ್ರಾದ್ಧವನ್ನು ಕಡ್ಡಾಯವಾಗಿ ಮಾಡಲೇಬೇಕು. ಇನ್ನು ಏಕನಕ್ಷತ್ರ ದೋಷ ಎಂಬುದು ಅನ್ವಯಿಸುವುದು ತಂದೆ-ಮಗನಿಗೆ ಮಾತ್ರ. ತಂದೆ-ಮಗಳು, ತಾಯಿ-ಮಗಳಿಗೆ ಅನ್ವಯಿಸುವುದಿಲ್ಲ.

Ekanakshatra dosha and solution according to vedic astrology

ಈ ದೋಷವಿದೆ ಎಂದು ಗೊತ್ತಾದ ಮೇಲೆ ಅದರ ನಿವಾರಣೆಗಾಗಿ ಏಕನಕ್ಷತ್ರ ಶಾಂತಿ ಪೂಜೆಯನ್ನು ಮಾಡಿಸಬೇಕು. ತಂದೆ ಹಾಗೂ ಮಗನದು ಒಂದೇ ನಕ್ಷತ್ರವಾದರೆ ಈ ದೋಷ ಬರುತ್ತದೆ. ಪಾದ ಒಂದೇ ಇರಲಿ ಅಥವಾ ಬೇರೆ ಇರಲಿ ಅದು ವಿಷಯವಲ್ಲ. ನಕ್ಷತ್ರ ಒಂದೇ ಆದರೆ ಮಾತ್ರ ಖಚಿತವಾಗಿಯೂ ದೋಷವಾಗುತ್ತದೆ.

ಯಾವಾಗ ಮಗನು ತಂದೆಯಿಂದ ಬೇರೆಯಾಗಿ ಜೀವನ ನಡೆಸಲು ಆರಂಭಿಸಿದಾಗ ಸಮಸ್ಯೆಗಳು ಉದ್ಭವವಾಗುತ್ತವೆ. ಅದು ಆರೋಗ್ಯ ಸಮಸ್ಯೆ, ಹಣಕಾಸಿನ ಸಮಸ್ಯೆಗಳಾಗಿರುತ್ತವೆ. ಈ ದೋಷದ ಕಾರಣಕ್ಕೆ ಮಗನ ಮದುವೆ ವಿಳಂಬ ಆಗುವ ಸಾಧ್ಯತೆಗಳಿರುತ್ತವೆ. ಮದುವೆ ಆದ ನಂತರ ಸಂತಾನ ಆಗುವುದು ತಡವಾಗುತ್ತದೆ. ಇನ್ನೂ ಒಂದು ಸಲ ನೆನಪಿಸುತ್ತಿದ್ದೇನೆ: ಈ ದೋಷ ಮಗಳಿಗೆ ಅನ್ವಯ ಆಗುವುದಿಲ್ಲ.

English summary
Ekanakshatra dosha and solution according to vedic astrology. If father and son are same birth star then this dosha occurs. Here pada does not matter. Shanthi parihar should be done to this. Here is the complete details of dosha and solution.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X