ಕರ್ಕಾಟಕ ರಾಶಿ: ಕಷ್ಟಪಟ್ಟ ಕೆಲಸ ಮಾಡಿ; ಸುಸ್ತಾಗದಂತೆ ನೋಡಿಕೊಳ್ಳಿ
ಕೌಟುಂಬಿಕ ವಿಚಾರ, ಸೋದರ-ಸೋದರಿಯರ ವಿಷಯ, ಮಕ್ಕಳಿಗೆ ಸಂಬಂಧಪಟ್ಟ ಸಂಗತಿಗಳು ಪ್ರಾಮುಖ್ಯ ಪಡೆದುಕೊಳ್ಳುತ್ತವೆ. ನಿಮ್ಮ ಶಕ್ತಿಯೆಲ್ಲ ಈ ವಿಷಯಕ್ಕೆ ಮೀಸಲಾಗುತ್ತದೆ. ನೀವು ಕಷ್ಟಪಟ್ಟು ಕೆಲಸ ಮಾಡುವುದಕ್ಕೇನೋ ಸಿದ್ಧರಿದ್ದೀರಿ. ಆದರೆ ಅಷ್ಟು ಶಕ್ತಿ ನಿಮ್ಮಲ್ಲಿ ಉಳಿಯುತ್ತದೆಯೇ ಎಂಬುದು ಪ್ರಶ್ನೆ. ಸಣ್ಣದೊಂದು ಪ್ರವಾಸ ಮಾಡುವ ಸಾಧ್ಯತೆ ಇದೆ. ಮುಖ್ಯವಾದ ಪರೀಕ್ಷೆಗಳನ್ನು ತೆಗೆದುಕೊಂಡವರು ಎಚ್ಚರವಾಗಿರಿ.
ಅಣ್ಣ-ತಮ್ಮ, ಅಕ್ಕ-ತಂಗಿಯರ ಜತೆಗಿನ ಬಾಂಧವ್ಯ ಮತ್ತೂ ಚೆನ್ನಾಗುತ್ತದೆ. ಅದರಿಂದ ಅನುಕೂಲಗಳನ್ನೂ ಪಡೆಯುತ್ತೀರಿ. ಮನಸ್ಸಿಗೆ ಸಮಾಧಾನ ತರುವ ಕೆಲವು ಕೆಲಸಗಳನ್ನು ಮಾಡುತ್ತೀರಿ.[ಕರ್ಕ ರಾಶಿಗೆ ದುರ್ಮುಖನಾಮ ಸಂವತ್ಸರದ ಫಲಾಫಲ]
ವೃತ್ತಿ: ಮೊದಲ ಹದಿನೈದು ದಿನ ಕೆಲಸದಲ್ಲಿ ಅಡೆತಡೆಗಳು ಕಾಣಿಸಿಕೊಳ್ಳುತ್ತವೆ. ಕೆಲಸದಲ್ಲಿ ಬದಲಾವಣೆಗಳು ಕೂಡ ಸಾಧ್ಯವಿದೆ. ಸೆ.18ರ ನಂತರ ಸಕಾರಾತ್ಮಕ ಬದಲಾವಣೆಗಳು ಕಾಣುತ್ತವೆ. ನಿಮ್ಮ ಸೀನಿಯರ್ಸ್ ಬೆಂಬಲಕ್ಕೆ ನಿಲ್ಲುತ್ತಾರೆ, ನಿಮ್ಮ ಕೆಲಸದ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನಾಡುತ್ತಾರೆ. ಸಹೋದ್ಯೋಗಿಗಳ ನೆರವು ಸಹ ದೊರೆಯುತ್ತದೆ.
ಪ್ರೀತಿ, ಪ್ರೇಮ-ಮದುವೆ: ಪ್ರೇಮ ಜೀವನದಲ್ಲಿ ತೊಂದರೆ ಎದುರಿಸಬೇಕಾದೀತು. ಗೊಂದಲ-ಭಿನ್ನಾಭಿಪ್ರಾಯಗಳು ಕಾಣಿಸಿಕೊಳ್ಳುತ್ತವೆ. ಅನುಮಾನಗಳು ಹುಟ್ಟಿಕೊಂಡರೆ ಅದನ್ನು ನಿವಾರಿಸುವುದಕ್ಕೆ ಪ್ರಾಮಾಣಿಕವಾಗಿ ಪ್ರಯತ್ನ ಮಾಡಿ. ಗೆಳೆಯ ಅಥವಾ ಗೆಳತಿಯಿಂದ ತುಂಬ ನಿರೀಕ್ಷೆ ಬೇಡ. ಇನ್ನು ವಿವಾಹಿತರಿಗೆ ಸೆ.18ರ ನಂತರ ಒಳ್ಳೆ ಕಾಲ. ಯಾವುದೋ ಒಂದು ವಿಷಯ ಕೊರೆಯುತ್ತಿರುತ್ತದೆ, ಚಿಂತೆಗೀಡು ಮಾಡುತ್ತದೆ ಎಚ್ಚರ.[ಗುರುಫಲ : ಕರ್ಕ ರಾಶಿಗೆ ಹಣಕಾಸಿನ ತೊಂದರೆ, ಎಚ್ಚರ!]
ಮಕ್ಕಳು ಮತ್ತು ವಿದ್ಯಾರ್ಥಿಗಳಿಗೆ: ಮಕ್ಕಳಿಗೆ ಆರೋಗ್ಯ ಸಮಸ್ಯೆ ಎದುರಾಗುತ್ತದೆ. ಏಕಾಗ್ರತೆ ಕಡಿಮೆಯಾಗುತ್ತಿದೆ ಎಂಬುದು ಚಿಂತೆಗೆ ಕಾರಣವಾಗುತ್ತದೆ. ಈ ಎಲ್ಲ ಸೇರಿ ಬೇಸರಕ್ಕೆ ಕಾರಣವಾಗುತ್ತದೆ. ದ್ವಿತೀಯಾರ್ಧದಲ್ಲಿ ಪರಿಸ್ಥಿತಿ ಸ್ವಲ್ಪ ಸುಧಾರಿಸುತ್ತದೆ. ಆದರೆ ಆರೋಗ್ಯದಲ್ಲಿ ತುಂಬ ಸುಧಾರಣೆ ನಿರೀಕ್ಷೆ ಮಾಡಲು ಸಾಧ್ಯವಿಲ್ಲ.