ನಗುವಿನಿಂದಲೇ ಎಲ್ಲ ಗೆಲ್ಲಬಲ್ಲ ತುಲಾ ರಾಶಿಯ ಮಕ್ಕಳು
ತುಲಾ ರಾಶಿಯ ಮಕ್ಕಳಿಗೆ ಅಯಸ್ಕಾಂತದಂತೆ ಸೆಳೆಯುವ ಶಕ್ತಿ ಇರುತ್ತದೆ. ಯಾವುದೇ ಮಕ್ಕಳು ಹೀಗೆ ಇರುತ್ತವೆ ಎಂದು ನೀವು ಹೇಳುವುದಾದರೆ, ತುಲಾ ರಾಶಿಯ ಮಕ್ಕಳು ಮತ್ತೂ ವಿಶೇಷ. ಈ ಮಕ್ಕಳು ತುಂಬ ಪ್ರಶಾಂತವಾಗಿರುತ್ತವೆ. ಯಾವುದೇ ಕಾರಣವಿಲ್ಲದೆ ಅಳುವಂಥ ಸಂದರ್ಭ ಸಹ ವಿರಳ. ಹೃದಯ ಮತ್ತು ಮನಸಿನಿಂದಲೂ ಪ್ರಾಮಾಣಿಕವಾಗಿರುತ್ತವೆ.
ವೃಶ್ಚಿಕದ ಮಕ್ಕಳೆಂದರೆ ಎಲ್ಲ ಗುಣಗಳ ಕಿಚಡಿ, ಯಾವುದಕ್ಕೂ ಒಂದು ಕಣ್ಣಿಡಿ!
ಈ ಮಕ್ಕಳು ನಿಯಮಗಳನ್ನು ಮೀರುವಂಥವಲ್ಲ. ಆದರೆ ಆ ನಿಯಮಗಳನ್ನು ಪಾಲಿಸಬೇಕು ಅಂದರೆ ಅದಕ್ಕೆ ಸರಿಯಾದ ಕಾರಣ ಕೊಡಲೇಬೇಕು. ನೀವು ಹೇಳುವ ವಿಚಾರದಲ್ಲಿ ತರ್ಕವಿದ್ದರೆ ಮಾತ್ರ ತುಲಾ ರಾಶಿಯ ಮಕ್ಕಳು ಅನುಸರಿಸುತ್ತವೆ. ಯಾವುದೇ ನಿರ್ಧಾರ ನ್ಯಾಯಯುತವಾಗಿರುತ್ತದೆ ಎಂಬುದು ಬಾಲ್ಯದಿಂದಲೇ ಈ ಮಕ್ಕಳಲ್ಲಿ ಕಾಣಬಹುದು.
ಧನು ರಾಶಿ ಮಕ್ಕಳೆಂದರೆ ನಡೆದಾಡುವ ಕ್ವೆಶ್ಚನ್ ಮಾರ್ಕ್
ತುಲಾ ರಾಶಿಯ ಚಿಹ್ನೆಯೇ ತಕ್ಕಡಿ. ಆದ್ದರಿಂದ ಅಳೆದು- ತೂಗಿ ನಿರ್ಧಾರ ತೆಗೆದುಕೊಳ್ಳುವುದಕ್ಕೆ ಈ ಮಕ್ಕಳು ಬಹಳ ಸಮಯ ತೆಗೆದುಕೊಳ್ಳುತ್ತವೆ. ಯಾವುದೇ ಒತ್ತಡ ಹೇರದೆ ಪೋಷಕರು ಹಾಗೇ ಈ ಮಕ್ಕಳನ್ನು ಬಿಡಬೇಕು. ಇಲ್ಲದಿದ್ದರೆ ನಿರ್ಧಾರ ತೆಗೆದುಕೊಳ್ಳುವ ಶಕ್ತಿಯೇ ಕುಂದುತ್ತಾ ಹೋಗುತ್ತದೆ.
ಪ್ರೀತಿಯಿಂದಲೇ ಹೇಳಿಕೊಡಬೇಕು
ಈ ಮಕ್ಕಳಿಗೆ ಏನಾದರೂ ಕಲಿಸಬೇಕು ಅಂದರೆ ಪ್ರೀತಿಯಿಂದಲೇ ಹೇಳಿಕೊಡಬೇಕು. ಸ್ವಲ್ಪ ಕಠಿಣವಾದರೂ ಸಮಸ್ಯೆ ಬಿಗಡಾಯಿಸುತ್ತದೆ. ಈ ಮಕ್ಕಳ ತಿಳಿವಳಿಕೆ ಮಟ್ಟ ಹೆಚ್ಚಿರುತ್ತದೆ. ಇದರಿಂದ ಪೋಷಕರು ಸಿಟ್ಟಾಗುವ ಸಾಧ್ಯತೆಯೂ ಉಂಟು. ಈ ಗುಣವನ್ನು ಆ ಮಕ್ಕಳಲ್ಲಿ ಆಶಾವಾದದಂತೆಯೇ ನೋಡಬೇಕು.
ನಗುವಿಗೆ ಗೆಲ್ಲುವ ಶಕ್ತಿ
ಇವರು ಬಲೇ ಕ್ಲೀನು. ಗಲೀಜಾದ ಜಾಗದಲ್ಲಿ ಕೂತಂಥ ಸಂದರ್ಭ ಕಾಣುವುದೇ ಅಪರೂಪ. ತುಂಬ ಉದಾರ ಬುದ್ಧಿ ಇರುವ 'ತುಲಾ' ಬೇರೆಯವರಿಗೆ ತೊಂದರೆ ಕೊಡುವ ಪೈಕಿ ಅಲ್ಲ. ಯಾವುದೇ ವಿಚಾರವನ್ನು ಪಟ್ಟನೆ ಅರ್ಥ ಮಾಡಿಕೊಳ್ಳಬಲ್ಲ ಈ ಮಕ್ಕಳ ನಗುವಿಗೆ ಏನನ್ನಾದರೂ ಗೆಲ್ಲಬಲ್ಲ ಶಕ್ತಿ ಇರುತ್ತದೆ.
ಸಲೀಸಾಗಿ ಬೆರೆಯುತ್ತವೆ
ಬುದ್ಧಿವಂತಿಕೆಯ ಕಾರಣಕ್ಕೂ ಗಮನ ಸೆಳೆಯುವ ಈ ಮಕ್ಕಳು ಬೇರೆಯವರ ಜತೆಗೆ ಸಲೀಸಾಗಿ ಬೆರೆಯುತ್ತವೆ. ತನಗೆ ಪ್ರಾಮುಖ್ಯ ಇಲ್ಲದ ಜಾಗದಲ್ಲಿ ಹೆಜ್ಜೆ ಕೂಡ ಹಾಕಲ್ಲ. ಸ್ವಲ್ಪ ದುಬಾರಿ ಸಂಗತಿ- ವಿಚಾರಗಳ ಬಗ್ಗೆ ಸೆಳೆತ ಹೆಚ್ಚಿರುತ್ತದೆ. ಕ್ರೀಡೆ, ನಾಟಕ ಮತ್ತು ಇತರ ಕಲೆಗೆ ಸಂಬಂಧಿಸಿದ ಚಟುವಟಿಕೆಗಳಲ್ಲಿ ಹೆಚ್ಚು ತೊಡಗಿಕೊಳ್ಳುತ್ತವೆ.
ವಿಪರೀತ ಸ್ನೇಹಿತರು
ವಿಪರೀತ ಸ್ನೇಹಿತರಿರುತ್ತಾರೆ. ಈ ಮಕ್ಕಳಲ್ಲಿ ಕೋಪ ಕಡಿಮೆ. ಆದರೆ ಸಿಟ್ಟಿನ ಭರದಲ್ಲಿ ಏನಾದರೂ ಮಾತನಾಡಿ, ಆ ನಂತರ ಸಂಕಟ ಪಡುತ್ತವೆ. ಈ ಮಕ್ಕಳ ಸಿಟ್ಟನ್ನು ಕಡಿಮೆ ಮಾಡುವುದೇ ಸವಾಲು. ಅಪರೂಪದಲ್ಲಿ ಅಪರೂಪ ಎಂಬಂತೆ ಸೋಮಾರಿತನ ಕಾಣಿಸಿಕೊಳ್ಳುತ್ತದೆ. ಯಾವುದೇ ಕ್ರೀಡೆ ಅಥವಾ ಚಟುವಟಿಕೆ ಆದರೂ ಸಾಧನೆ ಕಡೆಗೆ ಈ ಮಕ್ಕಳ ಗುರಿ ಇರುತ್ತದೆ.