ನವೆಂಬರ್ 13ರ ಮಂಗಳವಾರದ ದ್ವಾದಶ ರಾಶಿಗಳ ದಿನ ಭವಿಷ್ಯ


ನಮ್ಮ ಪಾಲಿಗೆ ದಿನ ಶುರುವಾಗೋದು ಮೊಬೈಲ್ ನಲ್ಲಿ ಬಂದ ವಾಟ್ಸ್ ಆಪ್ ಮೆಸೇಜುಗಳನ್ನು ನೋಡುವುದರ ಮೂಲಕ ಅನ್ನೋರು ಇರುವ ಹಾಗೆಯೇ ದಿನ ಭವಿಷ್ಯ ತಿಳಿದುಕೊಂಡ ಮೇಲೆ ಮುಂದಿನ ಕೆಲಸ ಅಂತ ಹೇಳುವವರೂ ಇದ್ದಾರೆ. ಯಾವತ್ತೂ ಗಾಡಿ ಓಡಿಸ್ತಾ ಬಿದ್ದಿರಲಿಲ್ಲ, ಇವತ್ತು ಬಿದ್ದುಬಿಟ್ಟೆ. ಅದೇನು ಗ್ರಹಚಾರವೋ ಎಂದು ಹಳಿಯುವುದು ಬೇಡ.

ಅದ್ಯಾವ ಸಮಯದಲ್ಲಿ ಮನೆ ಬಿಟ್ಟೆನೋ ಎಲ್ಲ ಕೆಲಸ ಸಲೀಸಾಗಿ ಆಯಿತು ಎಂದು ಪ್ರತಿ ದಿನವೂ ನೀವು ಖುಷಿ ಪಡುವಂತಾಗಬೇಕು. ಆದ್ದರಿಂದಲೇ ಒನ್ಇಂಡಿಯಾ ಕನ್ನಡದಲ್ಲಿ ಬರುವ ದಿನ ಭವಿಷ್ಯದ ಮೇಲೆ ಒಮ್ಮೆ ಕಣ್ಣಾಡಿಸಿ. ಹ್ಞಾಂ, ಜತೆಗೆ ರಾಹುಕಾಲ, ಗುಳಿಕ ಕಾಲ, ಯಮಕಂಟಕ ಕಾಲ ಯಾವುದು ಅಂತಲೂ ತಿಳಿದುಕೊಳ್ಳಿ..

ಜ್ಯೋತಿಷ್ಯ: ಗ್ರಹಗಳು ನಿಮ್ಮ ಜೀವನದಲ್ಲಿ ಒಳಿತು-ಕೆಡುಕು ಮಾಡೋದು ಹೇಗೆ?

ಮನೆ ಬಿಡುವಾಗ ಒಂದೈದು ನಿಮಿಷ ಮುಂಚಿತವಾಗಿ ಹೊರಡಬಹುದು ಅಥವಾ ಅಶುಭ ಕಾಲ ಮುಗಿದ ಒಂದೈದು ನಿಮಿಷದ ನಂತರ ಹೊರಡಲು ಯೋಚಿಸಬಹುದಲ್ಲವೆ? ಇವೆಲ್ಲ ಮೂಢನಂಬಿಕೆ ಕಣ್ರೀ, ಅದೆಲ್ಲ ಹೇಳೋಕೆ ಬರಬೇಡಿ ಅನ್ನುವವರಿಗೆ ನಮ್ಮ ಯಾವುದೇ ಒತ್ತಾಯ ಇಲ್ಲ. ಆದರೆ ಇವನ್ನೆಲ್ಲ ಅನುಸರಿಸಿದರೆ ಒಳಿತಾಗುತ್ತದೆ ಎಂದು ನಂಬುವವರಿಗಂತೂ ಇದರಿಂದ ಸಹಾಯ ಆಗೇ ಆಗುತ್ತದೆ ಎಂಬ ಬಲವಾದ ನಂಬಿಕೆ ನಮ್ಮದು.

ನಿಮ್ಮ ಅದೃಷ್ಟ ಸಂಖ್ಯೆ ತಿಳಿದುಕೊಳ್ಳುವುದು ಹೇಗೆ?

ಒಳ್ಳೆಯದು ಎಲ್ಲರಿಗೂ ಆಗಲಿ. ಸರ್ವೇ ಜನಾಃ ಸುಖಿನೋ ಭವಂತು ಎಂಬುದು ಭಾರತೀಯ ಪರಂಪರೆಯಲ್ಲಿನ ಆಶಯ. ಈ ದಿನದ ಪಂಚಾಂಗದ ಮುಖ್ಯ ವಿವರ, ನಿಮ್ಮ್ ಹಾಗೂ ನಿಮಗೆ ಬೇಕಾದವರ ದಿನದ ಭವಿಷ್ಯವನ್ನು ಓದಿಕೊಳ್ಳಿ.

ಸ್ವಸ್ತಿ ಶ್ರೀ ವಿಳಂಬಿ ನಾಮ ಸಂವತ್ಸರ

ದಕ್ಷಿಣಾಯನ

ಶರದೃತು

ಕಾರ್ತೀಕ ಮಾಸ

ಶುಕ್ಲ ಪಕ್ಷ

ಷಷ್ಠಿ

ಉತ್ತರಾಷಾಢ ನಕ್ಷತ್ರ

ಶುಕ್ಲ ಯೋಗ

ಕೌಲವ ಕರಣ

ಮಂಗಳವಾರ

ಸೂರ್ಯೋದಯ: ಬೆಳಗ್ಗೆ 6.20

ಸೂರ್ಯಾಸ್ತ: ಸಂಜೆ 5.46

ರಾಹುಕಾಲ: ಮಧ್ಯಾಹ್ನ 2.55ರಿಂದ ಸಂಜೆ 4.20 ತನಕ

ಗುಳಿಕಕಾಲ: ಮಧ್ಯಾಹ್ನ 12.03ರಿಂದ ಮಧ್ಯಾಹ್ನ 1.29 ತನಕ

ಯಮಗಂಡ ಕಾಲ: ಬೆಳಗ್ಗೆ 9.12 ರಿಂದ ಬೆಳಗ್ಗೆ 10.38 ತನಕ

ಮೇಷ: ಪ್ರಮುಖ ವ್ಯಕ್ತಿಗಳ ಸಂಪರ್ಕದಿಂದ ಉತ್ತಮ ಲಾಭ

ಈ ದಿನ ಪ್ರಮುಖ ವ್ಯಕ್ತಿಗಳ ಜತೆಗೆ ಭೇಟಿ ಹಾಗೂ ನಿಕಟ ಸಂಪರ್ಕ ಏರ್ಪಡುವ ಅವಕಾಶಗಳಿವೆ. ಅದರಿಂದ ಉತ್ತಮವಾದ ಲಾಭ ಹಾಗೂ ವೈಮನಸ್ಯಗಳಿಂದ ದೂರ ಆಗಲಿದ್ದೀರಿ. ಅಂದುಕೊಂಡಿದ್ದಕ್ಕಿಂತ ಹೆಚ್ಚಿನ ಲಾಭ ವ್ಯಾಪಾರ-ವ್ಯವಹಾರದಲ್ಲಿ ದೊರೆಯಲಿದೆ. ಮುಖ್ಯವಾಗಿ ಕೌಟುಂಬಿಕ ಜೀವನ ನೆಮ್ಮದಿಯಾಗಿ ಇರಲಿದೆ. ಕುಟುಂಬದವರು ಹಾಗೂ ಗೆಳೆಯ/ಗೆಳತಿಯರ ಬೆಂಬಲ ನಿಮಗೆ ದೊರೆಯಲಿದೆ. ಸಾಧ್ಯವಾದಲ್ಲಿ ಶಾಲೆಗೆ ಹೋಗುತ್ತಿರುವ, ಅಗತ್ಯ ಇರುವ ಮಕ್ಕಳಿಗೆ ಲೇಖನಿ ಅಥವಾ ಪುಸ್ತಕ ಕೊಡಿಸಿ.

ಮೇಷ ವರ್ಷ ಭವಿಷ್ಯ : ಹರ್ಷದ ಸಮಯ ಅನುಭವಿಸಲು ಸಿದ್ಧರಾಗಿ

ವೃಷಭ: ನೇರ ಮಾತುಗಳಿಂದ ಇತರರಿಗೆ ಬೇಸರ

ಇದ್ದದ್ದನ್ನು ಇದ್ದ ಹಾಗೆ ಹೇಳಿದರೆ ಏನೀಗ ಎಂಬ ನಿಮ್ಮ ಧೋರಣೆ ಮುನ್ನೆಲೆಗೆ ಬರುತ್ತದೆ. ಆ ಹಿನ್ನೆಲೆಯಲ್ಲಿ ನಿಮ್ಮ ಜತೆಗೆ ಕೆಲಸ ಮಾಡುವವರಿಗೆ ನೀವಾಡುವ ನೇರಮಾತುಗಳಿಂದ ಬೇಸರ ಹಾಗೂ ಅಸಮಾಧಾನ ಆಗುವ ಸಾಧ್ಯತೆ ಇದೆ. ಆದರೆ ನಿಜವಾದ ಪರಿಸ್ಥಿತಿ ಏನು ಎಂಬುದನ್ನು ತಿಳಿದುಕೊಳ್ಳುವುದು ಹೆಚ್ಚು ಶ್ರಮವಾಗುವುದಿಲ್ಲ. ನಿಮ್ಮ ಉದ್ದೇಶವನ್ನು ಇತರರಿಗೆ ಮನದಟ್ಟು ಮಾಡಿಕೊಡುವಲ್ಲಿ ಯಶಸ್ವಿ ಆಗುತ್ತೀರಿ. ಆಗ ಸಂತಸದ ವಾತಾವರಣ ಮತ್ತೆ ಸೃಷ್ಟಿ ಆಗುತ್ತದೆ. ಆದ್ದರಿಂದ ತುಂಬ ಆತಂಕ ಪಡುವ ಅಗತ್ಯವಿಲ್ಲ.

ವೃಷಭ ವರ್ಷಭವಿಷ್ಯ : ಪಲಾವ್ ಇಲ್ಲದಿದ್ದರೂ ಚಿತ್ರಾನ್ನಕ್ಕೆ ಕೊರತೆಯಿಲ್ಲ

ಮಿಥುನ: ಔತಣಕೂಟಕ್ಕೆ ಆಹ್ವಾನ

ಇಷ್ಟು ಕಾಲ ನೀವು ನಂಬುತ್ತಿದ್ದ ವಿಚಾರ, ಆಲೋಚನೆಗಳಲ್ಲಿ ಬದಲಾವಣೆ ಕಾಣುತ್ತದೆ. ಶ್ರಮವಾಗುತ್ತಿದ್ದ ಕೆಲಸಗಳು ಈಗ ಸರಾಗ ಆಗುವಂತೆ ಅನಿಸಲು ಶುರುವಾಗುತ್ತದೆ. ಮುಖ್ಯವಾಗಿ ಮಾನಸಿಕ ಹಾಗೂ ದೈಹಿಕ ಶ್ರಮವೆಲ್ಲ ಕಡಿಮೆ ಆಗುತ್ತಾ ಆತ್ಮವಿಶ್ವಾಸವೊಂದು ಮೂಡುತ್ತದೆ. ವಹಿಸಿಕೊಂಡ ಜವಾಬ್ದಾರಿ ಯಶಸ್ವಿಯಾಗಿ ಪೂರ್ಣವಾಗಿ, ಅಂದುಕೊಂಡ ಫಲಿತಾಂಶ ಕೂಡ ದೊರೆಯುವುದರಿಂದ ಮನ್ನಣೆಗೆ ಪಾತ್ರರಾಗುತ್ತೀರಿ. ಸಂಜೆ ಹೊತ್ತಿಗೆ ಔತಣಕೂಟಕ್ಕೆ ಆಹ್ವಾನ ಬರಬಹುದು. ಸ್ನೇಹಿತರು-ಸಂಬಂಧಿಕರ ಜತೆ ಉತ್ತಮ ಸಮಯ ಕಳೆಯುತ್ತೀರಿ.

ಮಿಥುನ ವರ್ಷಭವಿಷ್ಯ: ಏರಿಳಿತವಿಲ್ಲದ ಸರಳರೇಖೆಯಂತೆ ಬದುಕು

ಕರ್ಕಾಟಕ: ಆಹಾರ ವಿಚಾರದಲ್ಲಿ ಎಚ್ಚರಿಕೆ ವಹಿಸಿ

ಇಂದು ಸ್ನೇಹಿತರ ನೆರವಿನಿಂದಾಗಿ ಬಹಳ ಕೆಲಸಗಳು ಮಾಡಲು ಸಹಾಯ ಆಗುತ್ತದೆ. ಇತರರ ಸಮಸ್ಯೆಗಳನ್ನು ನೀವೇ ಮುಂದೆ ನಿಂತು ಪರಿಹರಿಸಲು ಸಾಧ್ಯವಾಗುತ್ತದೆ. ದೈನಂದಿನ ಜೀವನದಲ್ಲಿ ಅಡ್ಡಿ-ಆತಂಕಗಳಿಲ್ಲದೆ ಹಲವಾರು ಕೆಲಸ-ಕಾರ್ಯಗಳು ಪೂರ್ಣಗೊಳ್ಳುತ್ತವೆ. ಆರೋಗ್ಯ ವಿಚಾರದಲ್ಲಿ ಹೆಚ್ಚಿನ ಜಾಗ್ರತೆ ಅಗತ್ಯವಿದೆ. ಆಹಾರ-ನೀರಿನ ವಿಚಾರದಲ್ಲಿ ಮಾಮೂಲಿಗಿಂತ ಹೆಚ್ಚು ನಿಗಾ ವಹಿಸಿ. ವಾಹನ ಖರೀದಿ ಮಾಡುವ ಉದ್ದೇಶ ಇದ್ದಲ್ಲಿ ಸರಿಯಾದ ಮಾರ್ಗದರ್ಶನ ಪಡೆಯಿರಿ. ಇಲ್ಲದಿದ್ದಲ್ಲಿ ನಷ್ಟ ಅನುಭವಿಸಬೇಕಾದೀತು.

ಸಿಂಹ: ಯಾರೊಂದಿಗೂ ರಹಸ್ಯ ಹಂಚಿಕೊಳ್ಳಬೇಡಿ

ನಿಮ್ಮ ಸ್ವಪ್ರಯತ್ನ ಈಗ ಫಲಿತಾಂಶ ನೀಡುತ್ತದೆ. ಕಾರ್ಯಕ್ಷೇತ್ರದಲ್ಲಿ ಉತ್ತಮವಾದ ಪ್ರಗತಿ ಕಾಣುತ್ತದೆ. ನಿರೀಕ್ಷೆ ಮಾಡದಂಥ ಸುದ್ದಿಯನ್ನು ಕೇಳಲಿದ್ದೀರಿ. ಸಾಮಾಜಿಕ ಕೆಲಸ-ಕಾರ್ಯಗಳಲ್ಲಿ ಹೆಚ್ಚು ಚಟುವಟಿಕೆಯಿಂದ ಪಾಲ್ಗೊಳ್ಳಲಿದ್ದೀರಿ. ನೀವು ಮಾಡಿದ ಈ ಹಿಂದಿನ ಉತ್ತಮ ಕೆಲಸಗಳಿಗೆ ಮೆಚ್ಚುಗೆ ಈಗ ವ್ಯಕ್ತವಾಗಲಿದೆ. ಮನೆಯವರ ಜತೆ ಪ್ರವಾಸಕ್ಕೆ ತೆರಳುವ ಸಾಧ್ಯತೆ ಇದೆ. ನಿಮ್ಮ ರಹಸ್ಯವನ್ನು ಯಾರೊಂದಿಗೂ ಹಂಚಿಕೊಳ್ಳದಿರುವುದು ಉತ್ತಮ. ಎಚ್ಚರಿಕೆ ವಹಿಸದಿದ್ದರೆ ನಂತರ ಪಶ್ಚಾತ್ತಾಪ ಪಡುತ್ತೀರಿ.

ಸಿಂಹ ವರ್ಷ ಭವಿಷ್ಯ: ವ್ಯವಹಾರದಲ್ಲಿ ಹುಷಾರಾದರೆ ಜೀವನ ಸೂಪರ್

ಕನ್ಯಾ: ಬಾಕಿ ಉಳಿದ ಕೆಲಸ ಮುಗಿಸಲು ಸಕಾಲ

ಬಾಕಿ ಉಳಿದುಹೋದ ಕೆಲಸಗಳು ಮತ್ತೆ ಆರಂಭ ಮಾಡಲು ಈ ದಿನ ಸೂಕ್ತವಾಗಿದೆ. ಭಿನ್ನಾಭಿಪ್ರಾಯ ಅಥವಾ ಅಸಮಾಧಾನದಿಂದ ನಿಂತುಹೋಗಿದ್ದ ಕೆಲಸ-ಕಾರ್ಯಗಳು ಮುಂದುವರಿಸಲು ಒಮ್ಮತಕ್ಕೆ ಬರುತ್ತೀರಿ. ಉದ್ಯೋಗ ಕ್ಷೇತ್ರದಲ್ಲಿ ಹೊಸ ಉತ್ಸಾಹದಿಂದ ತೊಡಗಿಕೊಳ್ಳುತ್ತೀರಿ. ಸಂಬಂಧಿಕರು ಅಥವಾ ಕುಟುಂಬದೊಳಗೆ ಶುಭ ಕಾರ್ಯಗಳು ನಡೆಸಲು ನಿಶ್ಚಯ ಮಾಡಲಿದ್ದು, ನೀವು ಮುಖ್ಯ ಪಾತ್ರ ವಹಿಸಲಿದ್ದೀರಿ. ನಿಮ್ಮ ಅಮೂಲ್ಯವಾದ ಸಮಯ ಅದಕ್ಕಾಗಿ ಮೀಸಲು ಇಡುತ್ತೀರಿ.

ಕನ್ಯಾ ರಾಶಿ ವರ್ಷ ಭವಿಷ್ಯ: ಘಟ ಇದ್ದರಷ್ಟೇ ಮಠ, ಆರೋಗ್ಯ ಜೋಪಾನ

ತುಲಾ: ಬೆಲೆ ಬಾಳುವ ವಸ್ತುಗಳ ಬಗ್ಗೆ ಎಚ್ಚರ ವಹಿಸಿ

ಮನಸ್ಸಿನಲ್ಲಿ ಇದ್ದ ದುಗುಡವನ್ನು ಸ್ನೇಹಿತರ ಜತೆಗೆ ಹಂಚಿಕೊಳ್ಳುತ್ತೀರಿ. ಇದರಿಂದಾಗಿ ಅಸಮಾಧಾನಗಳು ನಿವಾರಣೆ ಆಗಿ, ನೆಮ್ಮದಿ ದೊರೆಯುವಂತಾಗುತ್ತದೆ. ಬಾಳಸಂಗಾತಿಯು ಈ ದಿನ ನಿಮ್ಮ ಕೆಲಸಗಳಲ್ಲಿ ಸಹಕಾರ ನೀಡಲಿದ್ದಾರೆ. ರಸವತ್ತಾದ ಭೋಜನ ಸವಿಯಲು ಆಹ್ವಾನ ಬರುತ್ತದೆ. ಆದರೆ ಸಣ್ಣ ಜನರ ಜತೆಗೆ ಯಾವುದೇ ಕಾರಣಕ್ಕೂ ವಾಗ್ವಾದ ನಡೆಸಬೇಡಿ. ಮನಸಿನ ನೆಮ್ಮದಿ ಹಾಳಾಗುತ್ತದೆ. ದೂರದ ಪ್ರಯಾಣ ಮಾಡಬೇಕಾದರೆ ಬೆಲೆ ಬಾಳುವ ವಸ್ತುಗಳನ್ನು ಹುಷಾರಾಗಿ ನೋಡಿಕೊಳ್ಳಿ.

ತುಲಾ ವರ್ಷ ಭವಿಷ್ಯ: ಸಿಕ್ಕಾಪಟ್ಟೆ ಪರೀಕ್ಷೆಗಳು ಮುಂದಿವೆ, ಸಾಹಸ ಬೇಡ

ವೃಶ್ಚಿಕ: ಆಪ್ತರಿಂದ ಸಹಾಯ ದೊರೆಯಲಿದೆ

ಉದ್ಯೋಗ ಸ್ಥಳದಲ್ಲಿ ಉತ್ತಮವಾದ ಪ್ರಗತಿ ಇದೆ. ಆಪ್ತರಿಂದ ಸಹಾಯ ದೊರೆತು, ಅನುಕೂಲಕರವಾದ ಸನ್ನಿವೇಶ ಸೃಷ್ಟಿಯಾಗಲಿದೆ. ವ್ಯಾಪಾರಿ-ಉದ್ಯಮಿಗಳಿಗೆ ಹೆಚ್ಚಿನ ಲಾಭದ ನಿರೀಕ್ಷೆ ಮಾಡಬಹುದು. ಹಿರಿಯರು- ಗಣ್ಯರನ್ನು ಭೇಟಿ ಮಾಡಲಿದ್ದು, ಆ ನಂತರ ನಿಮ್ಮಲ್ಲಿ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಮನೆಯಲ್ಲಿ ಮಕ್ಕಳ ಸಲುವಾಗಿ ಹೆಚ್ಚಿನ ಖರ್ಚು ಬರುವ ಸಾಧ್ಯತೆ ಇದ್ದು, ಅನಿವಾರ್ಯವಾಗಿ ಮಾಡುತ್ತೀರಿ. ದೂರದ ಊರಿನಿಂದ ನೆಂಟರು ಸಹಾಯ ಕೇಳಿಕೊಂಡು ಬರುವ ಸಾಧ್ಯತೆ ಇದೆ.

ವೃಶ್ಚಿಕ ವರ್ಷ ಭವಿಷ್ಯ: ಕಂಡ ಕನಸುಗಳೆಲ್ಲ ಕೈಗೂಡಿ, ಸಂಭ್ರಮ

ಧನುಸ್ಸು: ಸಮಸ್ಯೆಗೆ ಪರಿಷ್ಕಾರ ದೊರೆಯುತ್ತದೆ

ನೀವು ಇಷ್ಟು ದಿನ ಮಾಡುತ್ತಿದ್ದ ಕೆಲಸ ಯಾಕೋ ಸರಿ ಹೋಗುತ್ತಿಲ್ಲ ಎಂಬುದು ಅರಿವಿಗೆ ಬಂದಿದ್ದರೂ ಅದಕ್ಕೆ ಪರಿಹಾರ ದೊರೆಯದಿದ್ದರೆ ಈ ದಿನ ಪರಿಷ್ಕಾರ ಗೊತ್ತಾಗುತ್ತದೆ. ಮನಸಿನಲ್ಲಿ ಯಾವುದೇ ಕಹಿ ಇಟ್ಟುಕೊಳ್ಳದೆ ಇತರರ ಜೊತೆ ಬೆರೆಯುತ್ತೀರಿ. ನಿಮ್ಮ ಗುಣಕ್ಕೆ ಸ್ನೇಹಿತರು- ಬಾಳಸಂಗಾತಿಯಿಂದ ಉತ್ತಮವಾದ ಪ್ರಶಂಸೆ ದೊರೆಯುತ್ತದೆ. ಸೌಂದರ್ಯ ಪ್ರಜ್ಞೆ ಹೆಚ್ಚಾಗಿ, ಅದಕ್ಕಾಗಿ ಹೆಚ್ಚಿನ ಖರ್ಚು ಮಾಡುವ ಸಾಧ್ಯತೆ ಇದೆ.

ಧನು ವರ್ಷ ಭವಿಷ್ಯ: ಆಲಸ್ಯ ಅಡ್ಡವಾಗಲಿದೆ, ಅದೇ ಖೆಡ್ಡಾ ಆಗದಿರಲಿ

ಮಕರ: ಅನಿವಾರ್ಯವಾಗಿ ದೂರ ಪ್ರಯಾಣ

ಉದ್ಯೋಗ ಸ್ಥಳದಲ್ಲಿ, ವೃತ್ತಿ- ಉದ್ಯಮದಲ್ಲಿ ಬಹಳ ಕೆಲಸಗಳು ನಿಮಗೇ ಅಚ್ಚರಿ ಎನಿಸುವಂತೆ ಪೂರ್ಣಗೊಳ್ಳುತ್ತವೆ. ಇತರರು ನೀಡುವ ಸಲಹೆಯನ್ನು ಮುಕ್ತ ಭಾವನೆಯಿಂದ ಸ್ವೀಕರಿಸಿ, ಸಮಸ್ಯೆಯನ್ನು ಬಗೆಹರಿಸಿಕೊಳ್ಳುತ್ತೀರಿ. ದೂರ ಪ್ರಯಾಣ ಮಾಡಬೇಕಾದ ಅನಿವಾರ್ಯ ಕಂಡುಬರುತ್ತದೆ. ಆರೋಗ್ಯ ವಿಚಾರದಲ್ಲಿ ಎಚ್ಚರ ಇರಲಿ. ಮಧುಮೇಹ-ರಕ್ತದೊತ್ತಡ ಅಥವಾ ಚರ್ಮ ವ್ಯಾಧಿ ಸಮಸ್ಯೆ ಇರುವವರು ಎಚ್ಚರದಿಂದ ಇರಬೇಕು.

ಮಕರ ವರ್ಷ ಭವಿಷ್ಯ: ಸಮಸ್ಯೆಗಳೆಲ್ಲ ಸರಾಗವಾಗಿ ಸರಿದು, ಬದುಕು ಬೊಂಬಾಟ್

ಕುಂಭ: ವಹಿಸಿದ ಜವಾಬ್ದಾರಿ ಯಶಸ್ವಿಯಾಗಿ ಪೂರ್ಣ

ನಿಮಗೆ ವಹಿಸಿದ ಜವಾಬ್ದಾರಿಯನ್ನು ಸರಿಯಾಗಿ ಪೂರ್ಣಗೊಳಿಸುತ್ತೀರಿ. ಆತ್ಮೀಯರನ್ನು ಭೇಟಿಯಾಗಿ, ಅವರ ಜತೆಗೆ ಮುಖ್ಯವಾದ ಚರ್ಚೆಯನ್ನು ಮಾಡುತ್ತೀರಿ. ನೀವು ಹೇಳಬೇಕು ಅಂದುಕೊಂಡ ವಿಚಾರವನ್ನು ಹೆಚ್ಚು ಸ್ಪಷ್ಟವಾಗಿ ತಿಳಿಸುತ್ತೀರಿ. ನಿಮ್ಮ ಮಧ್ಯಸ್ಥಿಕೆಯಲ್ಲಿ ಶುಭ ಕಾರ್ಯಗಳು ನಡೆಯುವ ಸಾಧ್ಯತೆ ಇದೆ. ಇಷ್ಟು ಸಮಯ ಗೊಂದಲವಿದ್ದ ವಿಚಾರವೊಂದರಲ್ಲಿ ಸ್ಪಷ್ಟತೆ ಉಂಟಾಗುತ್ತದೆ. ಮೊಣಕಾಲು, ಹಿಮ್ಮಡಿ ಭಾಗದಲ್ಲಿ ನೋವು ಕಾಣಿಸಬಹುದು.

ಕುಂಭ ವರ್ಷ ಭವಿಷ್ಯ: ಸಣ್ಣ ಗಾಯವೇ ಘಾಸಿ ತಂದೀತು ಎಚ್ಚರ!

ಮೀನ: ಹತ್ತಿರದ ಬಂಧುಗಳ ಭೇಟಿ ಮಾಡುತ್ತೀರಿ

ದೊಡ್ಡ ನಷ್ಟದ ಕಡೆಗೆ ಹೆಜ್ಜೆ ಹಾಕುತ್ತಿದ್ದ ನಿಮಗೆ ಸರಿಯಾದ ಸಮಯಕ್ಕೆ ಹಿರಿಯರು ಮಾರ್ಗದರ್ಶನ ಮಾಡುತ್ತಾರೆ. ಸ್ನೇಹಿತರು ಹಾಗೂ ವೈಯಕ್ತಿಕ ಸಂಬಂಧಗಳಲ್ಲಿನ ವೈಮನಸ್ಯ-ಗೊಂದಲಗಳನ್ನು ನಿವಾರಿಸಿಕೊಳ್ಳಲು ಇದು ಸೂಕ್ತ ದಿನ. ಆರೋಗ್ಯದಲ್ಲಿ ಸ್ವಲ್ಪ ಮಟ್ಟಿಗೆ ಚೇತರಿಕೆ ಕಾಣಿಸಿಕೊಳ್ಳುತ್ತದೆ. ಹತ್ತಿರದ ಬಂಧುಗಳನ್ನು ಭೇಟಿ ಮಾಡಿ, ಮಾತುಕತೆ ನಡೆಸುತ್ತೀರಿ. ಮಹತ್ತರವಾದ ವಿಷಯವನ್ನು ಅವರ ಜತೆ ಹಂಚಿಕೊಳ್ಳುತ್ತೀರಿ. ಅವರಿಂದ ಸೂಕ್ತ ಸಲಹೆ ಪಡೆದುಕೊಳ್ಳುತ್ತೀರಿ.

ಮೀನ ವರ್ಷಭವಿಷ್ಯ : ದೈವಾನುಗ್ರಹದಿಂದ ಬದುಕು ಸುಂದರ

Have a great day!
Read more...

English Summary

Daily forecast for your zodiac signs. Get astrological predictions for the day, in Kannada Language by Well known Astrologer Pandit Vittal Bhat.