ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮೋಹನ ಕವನ : ಹಾಡು ಬಾ ಕನ್ನಡ ಕೋಗಿಲೆ

By * ಮೋಹನಚಂದ ಪಾಟೀಲ
|
Google Oneindia Kannada News

Kannada poem by Mohanchand
ಹಾಡು ಬಾ ಕನ್ನಡ ಕೋಗಿಲೆ
ನಲಿದಾಡು ಬಾ ಕನ್ನಡ ನವಿಲೆ
ಭುವನೆಶ್ವರಿ ಮಡಿಲಲಿ ಕನ್ನಡ ನಾಡಲಿ
ಹಾಡು ಬಾ ನಲಿದಾಡು ಬಾ
ಕನ್ನಡ ಕೋಗಿಲೆ ಕನ್ನಡ ನವಿಲೆ

ಕದಂಬರು ಕಟ್ಟಿದ ಕನ್ನಡ ನಾಡಿದು
ನೃಪತುಂಗನ ಕಾವ್ಯಕೆ ಸೆಲೆಯಾಗಿಹುದು
ಕೃಷ್ಣದೇವರಾಯನು ಬೆಳೆಸಿದ ನಾಡಿದು
ಶೂರರು ಜಾಣರು ಉದಿಸಿದ ನೆಲವಿದು

ಚೆನ್ನಮ್ಮನು ಬಿತ್ತಿದ ಕ್ರಾಂತಿಯ ಬೀಜದ
ಓಬವ್ವನು ತೋರಿದ ದುರ್ಗೆಯ ಶೌರ್ಯದ
ಕೆಳದಿಯ ರಾಣಿಯ ಕಹಳೆಯ ಮೊಳಗಿದ
ಸಂಗೊಳ್ಳಿ ರಾಯಣ್ಣನ ರೋಷದ ನಾಡಿದು

ಪಂಪನ ರನ್ನನ ಕಾವ್ಯದ ಆಗರ
ಕನಕ ಪುರಂದರ ಭಕ್ತಿಯ ಸಾಗರ
ಬಸವನ ಅಕ್ಕನ ಅನುಭವ ಮಂಟಪ
ಬೇಂದ್ರೆ ಕುವೆಂಪು ಕವಿಗಳ ಕಮ್ಮಟ

ಚಾಲುಕ್ಯರ ಕಾಲದ ಬಾದಾಮಿ ಗುಡಿಗಳ
ಗೊಮ್ಮಟ ನಿಂತಾ ಶ್ರವಣ ಬೆಳಗೊಳ
ಗೊಲಗುಂಬಜದಿ ಓಡುವ ದ್ವನಿಗಳ
ಹಂಪಿ ಹಳೆಬೀಡಿನ ಕಲೆಗಳ ಬೀಡಿದು

ಹಂಪಿ ವಿರುಪಾಕ್ಷ ಶ್ರೀಶೈಲ ಶಿವನು
ಧರ್ಮಸ್ಥಳದ ಶ್ರೀ ಮಂಜುನಾಥನು
ಶೃಂಗೇರಿ ಶಾರದೆ ಉಡುಪಿಯ ಕೃಷ್ಣನು
ರೇಣುಕಾಂಬೆಯರು ಹರಸಿದ ನಾಡಿದು

ಕಾವೇರಿ ಕೃಷ್ಣೆ ತುಂಗೇ ಭದ್ರೇ
ಹರಿದು ಹಮ್ಮಿದ ಹಸಿರಿನ ನಾಡು
ಮೃಗಜಲ ರಾಶಿಗೆ ಪಕ್ಷಿಸಂಕುಲಕೆ
ಜೀವನೀಡುವ ಸಹ್ಯಾದ್ರಿಯ ಕಾಡು

ಕಣ್ಮನ ತಣಿಯುವ ಬನಗಳ ಸಿರಿಗಳ
ಸುಖಸಂಪದವೀಯುವ ಕನ್ನಡ ನಾಡು
ಪಂಡಿತ ಪಾಮರ ರಸಋಷಿಗಳ ಬೀಡಿದು
ಜ್ನಾನವಾಹಿನಿ ಹರಿಸಿದ ದಿವ್ಯರ ನಾಡಿದು

ಹಾಡು ಬಾ ಕನ್ನಡ ಕೋಗಿಲೆ
ನಲಿದಾಡು ಬಾ ಕನ್ನಡ ನವಿಲೆ
ಭುವನೆಶ್ವರಿ ಮಡಿಲಲಿ ಕನ್ನಡ ನಾಡಲಿ...

English summary
A Kannada poem by Mohanchand Patil praising Bhuvaneshwari and remembering those people who made Karntaka proud.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X