ಅರ್ಥಾಂಗಿ: ಮನಸಲ್ಲೂ ಕನ್ನಡ, ಮೈಮೇಲೂ ಕನ್ನಡ
ಬೆಂಗಳೂರಿನಲ್ಲಿ ನಡೆಯಲಿರುವ 77ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನಕ್ಕಾಗಿ ವಿಶೇಷ ಅರ್ಥಾಂಗಿಗಳು ತಯಾರಾಗಿವೆ. "ಮನಸಲ್ಲೂ ಕನ್ನಡ, ಮೈಮೇಲೂ ಕನ್ನಡ" ಎಂಬ ಘೋಷವಾಕ್ಯದೊಂದಿಗೆ ಅರ್ಥಪೂರ್ಣ ಟೀಶರ್ಟ್ ಗಳನ್ನು ಅರಿವೇ ಗುರು ಬ್ಲಾಗ್ ನ ಗುರು ಕುಲಕರ್ಣಿ ಅವರು ಹೊರತಂದಿದ್ದಾರೆ.
ಗ್ಯಾಲರಿ: ಎಲ್ಲ ಕನ್ನಡಿಗರ ಚಿತ್ತ ಬಸವನಗುಡಿಯತ್ತ
ಅರ್ಥಾಂಗಿ ವಿವರ: ಕಾಲರ್ ಇರುವ ಅರ್ಥಾಂಗಿ ಮತ್ತು ದುಂಡು ಕತ್ತಿನ ಅರ್ಥಾಂಗಿಗಳು ಲಭ್ಯವಿರುತ್ತದೆ. ಕಾಲರ್ ಇರುವ ಅರ್ಥಾಂಗಿ ಎದೆಯ ಮೇಲೆ "ಮನಸಲ್ಲೂ ಕನ್ನಡ, ಮೈಮೇಲೂ ಕನ್ನಡ" ಎಂಬ ಘೋಷವಾಕ್ಯವಿದೆ. ಬೆನ್ನ ಮೇಲೆ ಕುವೆಂಪು, ಬೇಂದ್ರೆ ಅವರ ನುಡಿಮುತ್ತುಗಳನ್ನು ಒಳಗೊಂಡ ವಿನ್ಯಾಸವಿರುತ್ತದೆ. ಇದಲ್ಲದೆ ಕೆಲವು ಪಂಚ್ ಡೈಲಾಗ್ ಗಳನ್ನು ಸಹ ವಿನ್ಯಾಸಕ್ಕೆ ಬಳಸಲಾಗಿದೆ. ಕೆಂಪು, ಬಿಳಿ ಮತ್ತು ನೀಲಿ ಬಣ್ಣಗಳಲ್ಲಿ ಅರ್ಥಾಂಗಿಗಳು ಲಭ್ಯವಿವೆ.
ಬೆಲೆ ಕೂಡಾ ಕೈಗೆಟಕುವಂತಿದೆ. ಕಾಲರ್ ಸಹಿತ ಅರ್ಥಾಂಗಿ ಬೆಲೆ 350 ರು ಹಾಗೂ ಕಾಲರ್ ರಹಿತ ಅರ್ಥಾಂಗಿ ಬೆಲೆ 250 ರು. ಕನ್ನಡದ ಜಾತ್ರೆಗೆ ಸಾಹಿತ್ಯಾಸಕ್ತರು "ಮನಸಲ್ಲೂ ಕನ್ನಡ, ಮೈಮೇಲೂ ಕನ್ನಡ" ವನ್ನು ಧರಿಸಿಕೊಂಡು ಎಲ್ಲೆಡೆ ಓಡಾಡಲಿ ಎಂಬುದು ನಮ್ಮ ಆಶಯ ಎಂದು ಗುರು ಹೇಳುತ್ತಾರೆ.
ಹೆಚ್ಚಿನ ಮಾಹಿತಿಗೆ 98450 04782 ಗೆ [email protected] ಪತ್ರ ಕಳಿಸಿ ವ್ಯವಹರಿಸಬಹುದು.