ಪನಾಮಾ, ಏಪ್ರಿಲ್ 16: ಪನಾಮಾ ದೇಶದ ಅಂತಾರಾಷ್ಟ್ರೀಯ ಫುಟ್ಬಾಲ್ ಆಟಗಾರರೊಬ್ಬರನ್ನು ಕಲೊನ್ ನಗರದಲ್ಲಿ ಅನಾಮಿಕ ಶಸ್ತ್ರಧಾರಿಗಳು ಗುಂಡಿಕ್ಕಿ ಕೊಂದು ಹಾಕಿರುವ ಘಟನೆ ನಡೆದಿದೆ.
ಸ್ಥಳೀಯ ಪೊಲೀಸರ ವರದಿಯಂತೆ ಶನಿವಾರದಂದು ಹಲವಾರು ಸುತ್ತಿನ ಗುಂಡಿನ ದಾಳಿಗೆ ಮಿಡ್ ಫೀಲ್ಡರ್ ಅಮಿಲ್ಕಾರ್ ಹೆನ್ರಿಕ್ಯೂಸ್ ತುತ್ತಾಗಿದ್ದಾರೆ ಎಂದು ಇಎಫ್ಇ ವರದಿ ಮಾಡಿದೆ.
ಪನಾಮಾ ಪರ ಸುಮಾರು 75 ಪಂದ್ಯಗಳನ್ನಾಡಿದ್ದ ಹೆನ್ರಿಕ್ಯೂಸ್ ಅವರು ತಮ್ಮ ಮೂಲ ಕ್ಲಬ್ ಆರಾಬೆ ಯೂನಿಡೊ ಕ್ಲಬ್ ಸೇರಿದ್ದರು. ಪನಾಮಾದ ಅಗ್ರಪಂಕ್ತಿಯ ಈ ಕ್ಲಬ್ ಪರ ಆಡುತ್ತಿದ್ದರು.
Lamentamos en lo más profundo la muerte de nuestro seleccionado nacional Amílcar Henríquez. Dios reciba tu alma Mickey. pic.twitter.com/JaODnBH1kK
— FEPAFUT (@fepafut) April 16, 2017
ಪನಾಮಾದ ಅಧ್ಯಕ್ಷ ಯುವಾನ್ ಕಾರ್ಲೊಸ್ ವರೆಲ ಅವರು ಈ ದುರ್ಘಟನೆಯನ್ನು ತೀವ್ರವಾಗಿ ಖಂಡಿಸಿದ್ದಾರೆ. ಈ ಹತ್ಯೆಗೆ ಕಾರಣರಾದವರನ್ನು ಬಂಧಿಸಿ, ಶಿಕ್ಷಿಸುವುದಾಗಿ ಭರವಸೆ ನೀಡಿದ್ದಾರೆ.