ಬೆಂಗಳೂರು, ಜನವರಿ 05: ಐ ಲೀಗ್ 2016/17 ಸೀಸನ್ ಶನಿವಾರ(ಜನವರಿ 7)ದಿಂದ ಆರಂಭಗೊಳ್ಳಲಿದೆ. ಮೊದಲ ವಾರದ ಪಂದ್ಯಗಳಲ್ಲಿ ಕೋಲ್ಕತಾದ ಈಸ್ಟ್ ಬೆಂಗಾಲ್, ಮೊಹನ್ ಬಗಾನ್ ಹಾಗೂ ಹಾಲಿ ಚಾಂಪಿಯನ್ ಬೆಂಗಳೂರು ಎಫ್ ಸಿ ಪಂದ್ಯಗಳನ್ನು ಕಾಣಬಹುದು.
ಐ ಲೀಗ್ ನ ಉದ್ಘಾಟನಾ ಪಂದ್ಯ ಪಶ್ಚಿಮ ಬಂಗಾಲದ ಬರಾಸಾತ್ ಸ್ಟೇಡಿಯಂನಲ್ಲಿ ನಡೆಯಲಿದ್ದು, ಐಜ್ವಾಲ್ ಎಫ್ ಸಿ ವಿರುದ್ಧ ಈಸ್ಟ್ ಬೆಂಗಾಲ್ ಸೆಣಸಾಡಲಿದೆ. ಬೆಂಗಳೂರು ಎಫ್ ಸಿ ತಂಡ ಈಶಾನ್ಯ ಭಾರತದ ಕ್ಲಬ್ ಶಿಲ್ಲಾಂಗ್ ಲಜಾಂಗ್ ವಿರುದ್ಧ ಮೊದಲ ಪಂದ್ಯವಾಡಲಿದೆ.
2014-15ರ ಚಾಂಪಿಯನ್ ಮೋಹನ್ ಬಗಾನ್ ತಂಡ ಜನವರಿ 8ರಂದು ಗೋವಾದ ಚರ್ಚಿಲ್ ಬ್ರದರ್ಸ್ ತಂಡವನ್ನು ಎದುರಿಸಲಿದೆ. [ಐ ಲೀಗ್ ಫುಲ್ ವೇಳಾಪಟ್ಟಿ]
ಎರಡು ಸೀಸನ್ ಗಳ ನಿಷೇಧದ ನಂತರ ಗೋವಾದ ಚರ್ಚಿಲ್ ಬ್ರದರ್ಸ್ ತಂಡ ಮತ್ತೊಮ್ಮೆ ಲೀಗ್ ನಲ್ಲಿ ಆಡಲು ಅರ್ಹತೆ ಪಡೆದುಕೊಂಡಿದೆ. ಕ್ಲಬ್ ಡಿ ಗೋವಾ ಹಾಗೂ ಡೆಂಪೋ ಎಸ್ ಸಿ ಈ ವರ್ಷ ಲೀಗ್ ನಲ್ಲಿ ಆಡುತ್ತಿಲ್ಲ.
ಐ ಲೀಗ್ ಮೊದಲ ವಾರದ ವೇಳಾಪಟ್ಟಿ
ಜನವರಿ 07, ಶನಿವಾರ
* ಈಸ್ಟ್ ಬೆಂಗಾಲ್ Vs ಐಜ್ವಾಲ್ ಎಫ್ ಸಿ -4.30 PM IST (ಲೈವ್ Ten 2/HD)
* ಬೆಂಗಳೂರು ಎಫ್ ಸಿ Vs ಶಿಲ್ಲಾಂಗ್ ಲಾಜಾಂಗ್ - 7 PM (ಲೈವ್ Ten 2/HD)
ಜನವರಿ 08, ಭಾನುವಾರ
* ಚೆನ್ನೈ ಸಿಟಿ ಎಫ್ ಸಿ Vs ಮಿನರ್ವಾ ಪಂಜಾಬ್ - 4.30 PM (ಲೈವ್ Ten 2/HD)
* ಮೊಹನ್ ಬಗಾನ್ Vs ಚರ್ಚಿಲ್ -7 PM (ಲೈವ್ Ten 2/HD)
* ಮುಂಬೈ ಎಫ್ ಸಿ Vs ಡಿಎಸ್ ಕೆ ಶಿವಾಜಿಯಾನ್ - 7 PM (ನೇರ ಪ್ರಸಾರವಿಲ್ಲ)
(ಒನ್ಇಂಡಿಯಾ ಸುದ್ದಿ)