ಡೊರ್ಟ್ ಮಂಡ್, ಏಪ್ರಿಲ್ 12: ಮೊನಾಕೋ ವಿರುದ್ಧದ ಮೊದಲ ಹಂತದ ಚಾಂಪಿಯನ್ಸ್ ಲೀಗ್ ಕ್ವಾರ್ಟರ್ ಫೈನಲ್ ಪಂದ್ಯವಾದಲು ತೆರಳುತ್ತಿದ್ದ ಜರ್ಮನಿ ತಂಡ ಬೊರುಸ್ಸಿಯಾ ಡೊರ್ಟ್ ಮಂಡ್ ಆಟಗಾರರಿದ್ದ ಬಸ್ ಬಳಿ ಮೂರು ಸ್ಫೋಟ ಸಂಭವಿಸಿದೆ. ಈ ದುರ್ಘಟನೆಯಲ್ಲಿ ಸ್ಪೇನ್ ಮೂಲದ ಡಿಫೆಂಡರ್ ಮಾರ್ಕ್ ಬರ್ತಾಗೆ ಗಾಯವಾಗಿದೆ.
ಎಎಸ್ ಮೊನಾಕೋ ವಿರುದ್ಧ ಮಂಗಳವಾರ ನಡೆಯಬೇಕಿದ್ದ ಪಂದ್ಯವನ್ನು ಬುಧವಾರಕ್ಕೆ ಮುಂದೂಡಲಾಗಿದೆ ಎಂದು ಯುಇಎಫ್ಎ ಪ್ರಕಟಿಸಿದೆ. ಗಾಯಗೊಂಡಿರುವ ಆಟಗಾರ ಮಾರ್ಕ್ ಗೆ ಸೂಕ್ತ ಚಿಕಿತ್ಸೆ ನೀಡಲಾಗುತ್ತಿದೆ. ಆಟಗಾರರು ಸ್ಟೇಡಿಯಂಗೆ ತೆರಳುವ ಮುನ್ನ ಮೂರು ಬಾರಿ ಬಾಂಬ್ ಸ್ಫೋಟಿಸಿದೆ. ಆಟಗಾರರಿದ್ದ ಬಸ್ ನ ಗಾಜುಗಳು ಪುಡಿಪುಡಿಯಾಗಿವೆ.
#bvbasm has just been postponed until Wednesday, 12 April 1845 CET. Tickets remain valid. Thanks to everyone involved in the decision.
— Borussia Dortmund (@BVB) April 11, 2017
ಮಾರ್ಕ್ ಬರ್ತ್ರಾ -26 ವರ್ಷ ವಯಸ್ಸಿನ ಡಿಫೆಂಡರ್, 11ವರ್ಷ ವಯಸ್ಸಿನಲ್ಲೇ ಸ್ಪೇನಿನ ಬಾರ್ಸಿಲೋನಾ ಕ್ಲಬ್ ಸೇರಿದ ಆಟಗಾರ. 2016ರಿಂದ 2020ರ ತನಕ ಜರ್ಮನಿ ಬೊರುಸ್ಸಿಯಾ ಡೊರ್ಟ್ ಮಂಡ್ ಪರ ಆಡಲು ಒಪ್ಪಂದ ಮಾಡಿಕೊಂಡಿದ್ದಾರೆ.
ಚಾಂಪಿಯನ್ಸ್ ಲೀಗ್, ಸ್ಪಾನೀಷ್ ಕಪ್, 5 ಬಾರಿ ಸ್ಪಾನೀಷ್ ಚಾಂಪಿಯನ್ ಶಿಪ್, ಸ್ಪೇನ್ ಅಂತಾರಾಷ್ಟ್ರೀಯ ತಂಡಲ್ಲಿ ಆರು ಬಾರಿ ಆಡುವ ಅವಕಾಶ ಪಡೆದ ಪ್ರತಿಭಾವಂತ ಆಟಗಾರರಾಗಿದ್ದಾರೆ.