ಬೆಂಗಳೂರು, ಆಗಸ್ಟ್ 08: ಫೆಡೆರೇಷನ್ ಕಪ್ ವಿಜೇತರಾದ ಬೆಂಗಳೂರು ಫುಟ್ಬಾಲ್ ಕಪ್ ತಂಡಕ್ಕೆ ಸ್ಪೇನಿನ ಆಟಗಾರ ರೋಡ್ರಿಗೇಜ್ ಸೇರ್ಪಡೆಯಾಗುತ್ತಿದ್ದಾರೆ.
ಬ್ರಾಲಿಯೋ ನೊಬ್ರೆಗಾ ರೋಡ್ರಿಗೇಜ್ ಅವರು ಮುಂದಿನ ಒಂದು ವರ್ಷಗಳ ಕಾಲ ಬೆಂಗಳೂರು ತಂಡದ ಪರ ಆಡಲಿದ್ದಾರೆ. ಯುವಾನ್ ಗೊನ್ಜಾಲೆಜ್, ದಿಮಾಸ್ ಡೆಲ್ಗಾಡೋ ಹಾಗೂ ಅಂಟಾನಿಯೋ ಡೊವಾಲೆ ನಂತರ ಕ್ಲಬ್ ಸೇರಿದ ನಾಲ್ಕನೇ ಸ್ಪೇನ್ ಮೂಲದವರಾಗಿದ್ದಾರೆ.
31 ವರ್ಷ ವಯಸ್ಸಿನ ರೋಡ್ರಿಗೇಜ್ ಅವ್ರು ಕ್ರಿಪಿಯಾ ಮೊದಲ ಡಿವಿಷನ್ ಕ್ಲಬ್ ಡೊಕ್ಸಾ ಕಟೊಕೊಪಿಯಾಸ್ ಎಫ್ ಸಿ ಪರ ಸದ್ಯ ಆಡುತ್ತಿದ್ದಾರೆ. 2004ರಲ್ಲಿ ಅಟ್ಲೆಟಿಕೋ ಮ್ಯಾಡ್ರಿಡ್ ಪರ ಕ್ಲಬ್ ಫುಟ್ಬಾಲ್ ವೃತ್ತಿ ಆರಂಭಿಸಿದ ಲಾ ಲೀಗಾ ಆಟಗಾರ ರೋಡ್ರಿಗೇಜ್ ಅವರು ಗೆಟಾಫೆ, ಝರಾಗೊಜಾ, ರೆಕ್ರಾಟಿವೋ ಹುಲ್ವಾ, ಮಲೇಷಿಯಾದ ಜೊಹೊರ್ ದಾರೂಲ್ ತಾಜಿಮ್ ಪರ ಅಡಿದ ಅನುಭವ ಹೊಂದಿದ್ದಾರೆ.
Bienvenido, Nobrega! 🇪🇸#NewBlue pic.twitter.com/3El4XMM8Q2
— Bengaluru FC (@bengalurufc) August 7, 2017
ಈಗ ಬೆಂಗಳೂರು ಎಫ್ ಸಿ ಕೋಚ್ ಆಲ್ಬರ್ಟ್ ರೋಕಾ ಹಾಗೂ ನಾಯಕ ಸುನಿಲ್ ಛೆಟ್ರಿ ನೇತೃತ್ವದ ತಂಡವನ್ನು ಸೇರಿಕೊಳ್ಳಲಿದ್ದಾರೆ. ಸದ್ಯ ಬ್ಲೂ ತಂಡ ಸ್ಪೇನಿನಲ್ಲೇ ತರಬೇತಿ ಪಡೆಯುತ್ತಿದೆ. ಆಗಸ್ಟ್ 23ರಂದು ಶ್ರೀಕಂಠೀವರ ಸ್ಟೇಡಿಯಂನಲ್ಲಿ ಉತ್ತರ ಕೊರಿಯಾದ ಕ್ಲಬ್ ಏಪ್ರಿಲ್ 25 ವಿರುದ್ಧ ಆಡಲಿದ್ದಾರೆ.