ಸಾಲ್ವಡಾರ್, ಜೂ.17: 20ನೇ ವಿಶ್ವಕಪ್ನ ಉದ್ಘಾಟನಾ ಪಂದ್ಯದಲ್ಲಿ ಆತಿಥೇಯ ಬ್ರೆಜಿಲ್ ವಿರುದ್ಧ ಸೋಲಿನ ಕಹಿ ಅನುಭವಿಸಿದ್ದ ಕ್ರೊವೇಷಿಯಾ ಈಗ ಮತ್ತೊಮ್ಮೆ ತಲೆ ತಗ್ಗಿಸುವ ಸುದ್ದಿ ಬಂದಿದೆ. ಕ್ರೊವೇಷಿಯಾ ಆಟಗಾರರಿಗೆ ಪಪರಾಜ್ಜಿಗಳ ಕಾಟ ಶುರುವಾಗಿದ್ದು, ಆಟಗಾರರ ನಗ್ನ ಚಿತ್ರಗಳು ಆನ್ ಲೈನ್ ನಲ್ಲಿ ತೂರಲಾಗಿದೆ.
ಕ್ರೊವೇಷಿಯಾ ಆಟಗಾರರು ತಮ್ಮ ಬೆತ್ತಲೆ ಚಿತ್ರಗಳು ಈಗ ಆನ್ಲೈನ್ನಲ್ಲಿ ಹರಿದಾಡುತ್ತಿರುವುದು ಭಾರಿ ಮುಜುಗರ ಉಂಟುಮಾಡಿವೆ. ಇದು ಆಟಗಾರರ ತಪ್ಪಲ್ಲ ಬಿಡಿ. ಮೊದಲ ಪಂದ್ಯದಲ್ಲಿ ಬಲಿಷ್ಠ ಬ್ರೆಜಿಲ್ ವಿರುದ್ಧ ಸೋಲು ನಿರೀಕ್ಷಿತವಾಗಿತ್ತು ಆದರೆ, ತಲೆ ಬಿಸಿ ಮಾಡಿಕೊಂಡ ಆಟಗಾರರು ಈಜುಕೊಳಕ್ಕಿಳಿದು ದಣಿವಾರಿಸಿಕೊಳ್ಳುತ್ತಿದ್ದರು.
ಆದರೆ, ಕೆಲ ಕಿಡಿಗೇಡಿಗಳು ಆಟಗಾರರು ತಂಗಿದ್ದ ಹೋಟೆಲ್ ಪ್ರವೇಶಿಸಿ ಅವರು ಸ್ನಾನ ಮಾಡುತ್ತಿದ್ದಾಗ ಕದ್ದು ಬೆತ್ತಲೆ ಚಿತ್ರ ತೆಗೆದು ಅವನ್ನು ಆನ್ಲೈನ್ನಲ್ಲಿ ಹರಿದಾಡುವಂತೆ ಮಾಡಿದ್ದಾರೆ. [ಸಾಂಬಾ ನಾಡಲ್ಲಿ ವಿಶ್ವಕಪ್ ಸಮರ ಸಂಭ್ರಮ]